Sykadyipén 2:3 - Библия - Пэ Балтитко Романи чиб (Романэс) 2019

³ и со ту вырикирдян, и со ту пиризорьякирдян мэ́ньки пал Миро лав и на ивья́ (на дармэс) кэрдя́н дава́:

Biblija - Pe Baltitko Romani čib (Romanes) 2019

³ i so tu vyrikirdian, i so tu pirizorjakirdian mén'ki pal Miro lav i na ivjá (na darmes) kerdián davá:

Sykadyipén 2:3 Referans Kwoze

Юдэ́нгэ 10:36

Тумэ́нгэ трэй тэ вырикирэн, соб (кай) тэ кэрэ́н саро́ пир Дэвлэ́скири во́ля и тэ дорэсэн дова́, пал со Ёв дыя́ лав тумэ́нгэ.

Юдэ́нгэ 12:1

Пал-дова́ со трусця́л амэ́ндэ адя́кэ-паць исын ада́кицы бут якхи́тка/якхалэ́ (свидетели), явэ́н чхурдаса пэ́стыр любо ґа́мо пхарипнаса и грэ́хо, саво́ припхандэлапэ кэ амэ сыр фэлы́ (сетка) и ява́са со исын зор тэ вырикирас, ява́са тэ причхувас зор тэ джас пир амаро́ джиибнытко дром, саво́ исын анги́л амэ́ндэ;

Galatenge 6:9

ке́ли амэ кэра́са шука́р, тэды амэ́нгэ тэ на кхинёвас, пал-дова́ со амэ ява́са тэ скэдас аплодо дро пэ́скиро часо, ко́ли амэ на пэраса дро ду́хо (фа́но).

Колосянэнгэ 1:11

соб (кай) Лэ́скири бари зор тэ дэл тумэ́нгэ и тэ кэрэ́л тумэн зоралэнца, волякирэнца и бахталэнца,

Joannostir 15:21

Нэ саро́ дава́ ёнэ явэ́на тэ кэрэ́н тумэ́нгэ пал Миро лав, пал-дова́ со ёнэ на джинэ́на Одолэ́с, Кон бичхадя́ Ман.

1 Коринфянэнгэ 13:7

саро́ пирилыджала, патя́ла сарэскэ, ужакирэ́ла лачхипэ́н дро саро́, затэрдёла пал саро́.

Sykadyipén 3:10

Палдава́ со ту ракхцян лав тэ вырикирэс, то и Мэ адя́кэ-паць ракхава тут мардэстыр (штундатыр), ке́ли явэ́на тэ пропатякирэн саро́ свэ́то, соб (кай) тэ пропатякирэн кажнонэ́ манушэ́с, кон дживэ́ла пэ пхув.

Юдэ́нгэ 6:15

а Авраа́мо ужакирдя ґара́ (длу́гэс) и дорэсця́ дова́, пал со Дэвэ́л дыя́ лав лэ́скэ.

Юдэ́нгэ 6:12

соб (кай) тумэ́ тэ на явэ́н кирнэ-масэ́нгиро, а тумэ́ тэ кэрэ́н адя́кэ-паць, сыр кодолэ́ мануша́, савэ́ пэ́скирэ патяибна́са и длугонэ ужакирибнаса дорэсэ́на дова́, пал со Дэвэ́л дыя́ лав лэ́нгэ.

Юдэ́нгэ 6:10

Пал-дова́ со Дэвэ́л нанэ напатяибнаскиро и Ёв на бистрэла тумари́ буты́ и паты́в кэ яви́р мануша́, савэ́ тумэ́ кэрдэ́ ваш Лэ́скиро лав, ке́ли тумэ́ помогинэнас (дэ́нас васта́) и какана́ помогинэна дэвлытконэнгэ.

1 Ximaske 4:10

ваш дава́ амэ и кэра́са дая́ буты́ и сы́рбы марасапэ, со амэ чхуваса наде́я пэ джидэ́ Дэвлэ́стэ, Саво́ исын сарэнгирэ-манушэ́нгиро Зракхибнари, нэ буты́р кодолэ́нгэ, кон патя́ла дрэ Лэ́стэ.

2 Фесалоникийцэнгэ 3:13

А тумэ́, пшала́лэ, на кхинён тэ кэрэ́н лачхипэ́н.

2 Коринфянэнгэ 4:16

Палдава́ амэ ние́кхвар на пэраса дро ило́. Нэ хоць амарэ́ маса́ яврестыр хасякирэна зор, то амарэ́-Духоскири андратуны́ паш со дывэ́с зоралёла.

2 Коринфянэнгэ 4:1

Ко́ли Дэвэ́л сыкадя́ Пэ́скиро лачхипэ́н кэ амэ и дыя́ дасави́ буты́ амэ́нгэ, тэды амэ на пэраса илэ́са.

Римлянэнгэ 12:12

Радынэ́нпэ дро тумари́ наде́я: явэ́н зоралэ́ (тварда) дро пиридживипэн; ўса́ды (сак) мангэ́нпэ Дэвлэ́скэ;

Римлянэнгэ 8:25

Нэ ке́ли амэ надеинасапэ пэ дова́, со амэ на дыкхаса, тэды амэ ґара́ (длу́гэс) ужакираса.

Luka 14:27

и вари-кон, кон на лэ́ла трушу́л пэ́скиро и на джа́ла Ма́нца, кодова́ на могинэ́ла тэ явэ́л Миро сыкляибны́тко.

Psalmy 37:7

Яв штыл (споко́йно) анги́л Растэ-Дэвлэ́стэ, ужакир, пака Рай Дэвэ́л затэрдёла, на холясов зоралэ́с пэ одолэ́стэ, савэ́скэ исын мишто́ тэ дживэ́л, и пэ одолэ́стэ, кон думинэ́ла тэ кэрэ́л фуипэ́н.

Sykadyipén 1:9

Мэ сом Иа́но, тумаро́ пшал, и мал (дру́го), кон исын кхэтанэ́ тумэ́нца дрэ би́да и дро кралипэ́н и кхэтанэ́ вырикирэ́ла пал Исусо́стэ Христосо́стэ. Мэ со́мас пэ о́строво (джип), саво́ кхарэ́лапэ “Патмосо” пал Дэвлэ́скиро лав и пал дова́, со мэ допхэна́вас манушэ́нгэ пал Исусо́стэ Христосо́стэ.

2 Petr 1:6

джиныбнастыр сыклён тэ обрикирэн пэс, обрикирибнастыр явэ́н вырикирдэ (тривала), ке́ли амэ вырикираса, тэды ячасапэ дэвлытконэнца,

1 Фесалоникийцэнгэ 1:3

ке́ли амэ рипираса тумэн анги́л амарэ́ Дэвлэ́стэ Дадэ́стэ пал тумари́ буты́ пир тумаро́ патяибэ́н и паты́в кэ яви́р мануша́, амэ джина́са пал тумаро́ вырикирибэн тэ ужакирас лачхипэ́н амарэ́ Ра́стыр-Дэвлэ́стыр, Исусо́стыр Христосостыр анги́л амарэ́ Дэвлэ́стэ-Дадэ́стэ,

2 Коринфянэнгэ 11:23

Исын ёнэ Христосо́скирэ дына́рья? Пир миро бигодякирибэн пхэна́ва, со мэ буты́р сом дасаво: буты́р дрэ пхари́ буты́, дрэ фра́нсы (ра́ны) би меракиро, мэ буты́р со́мас дро штарибэ́н, и частэс мэ сом дрэ дар кэ мэрибэ́н.

2 Коринфянэнгэ 5:9

Пал дава́ амэ древа́н камасас тэ кэра́с дова́, со исын лачхо́ Дэвлэ́скэ, ци, ке́ли амэ сам дро амаро́ кхэр ада́й, ци, сыр амэ ява́са одо́й.

Римлянэнгэ 2:7

одолэ́нгэ, кон саро́ часо кэрэ́ла лачхэ́ рэ́нды и пир дава́ родэ́ла сла́ва, чачипэ́н и бимэрибнаскиро ко́нцо (яго́ро), Ёв дэ́ла ве́чно джиибэ́н.

Luka 18:1

И Ису́со роспхэндя́ лэ́нгэ приме́ро (сыкаибэ́н) ваш дова́, соб (кай) ёнэ тэ мангэ́нпэ Дэвлэ́скэ и тэ на обмэкэн шэрэ́:

Luka 8:15

а зя́рки, савэ́ пынэ́ пэ лачхи́ пхув, исын сы́рбы мануша́, савэ́ шунэ́на лав и рикирэ́на лэс дро лачхо́ и кандуно ило́ и ёнэ вырикирэна, пака дава́ лав дэ́ла барьякирдо́ (пло́до).” Сыр пхэндя́ Ёв дава́, то ракирдя́: “Конэ́стэ исын кана́, мэк ёв тэ шунэ́л!”

Юдэ́нгэ 13:13

и палдава́ выджаса кэ Ёв пал фо́ро, соб (кай) и амэ́нгэ тэ лыджас пэ пэ́стэ дасаво холямо́ сабэн манушэ́ндыр, сыр Ёв:

1 Ximaske 5:17

Мэк годэпхурэ́ (пхурэды́р пша́ла), савэ́ шука́р дынаринэна ваш Дэвлэ́скэ, тэ явэ́н дрэ бари паты́в, буты́р сарэ́стыр одолэ́, савэ́ роспхэнэна Христосо́скиро лав и сыклякирэ́н;

2 Фесалоникийцэнгэ 3:8

амэ на хаям никонэскиро маро́, а кэрдя́м пхари́ буты́ рат и дывэ́с, соб (кай) тэ на явас дро пхарипэ́н никонэ́скэ тумэ́ндыр:

2 Фесалоникийцэнгэ 3:5

Мэк Рай Дэвэ́л тэ отчхакирэл тумарэ́ илэ кэ Дэвлэ́скири ла́ска и кэ Христосо́скиро вырикирибэн.

1 Фесалоникийцэнгэ 2:9

Пал-дова́ со тумэ́ рипирэна амари́ буты́ и кхиныпэн: амэ кэрдя́м буты́ раты́ и дывэсэ́, соб (кай) тэ на явас дро пхарипэ́н тумэ́нгэ, амэ роспхэнасас Дэвлэ́скири бахталы́ зан тумэ́нгэ.

Filipiicenge 4:3

и мэ манга́ва и тут, миро чачуно́ мал пир буты́, тэ дэс васт лэ́нгэ, адалэ́ джувленгэ, савэ́ лынэпэ тэ роспхэнэ́н бахталы́ зан (звесь) кхэтанэ́ ма́нца, и Климентоса и явирэ мирэ́ малэнца пир буты́, савэнгирэ лава́ исын дрэ Дэвлэ́скирэ-джиибна́скири лылвари́.

Filipiicenge 2:16

ке́ли ракхэна джиибна́скиро лав ваш миро шарибэ́н дро Христосо́скиро дывэ́с, со мэ на ивья́ (на напра́снэс) псирдём и кэрдём буты́.

Galatenge 6:2

Помогинэн екх екхэ́скэ тэ лыджа́н пхарипэ́н, и далэ́са тэды тумэ́ сполнинэна Христосо́скиро Зако́но.

2 Коринфянэнгэ 10:15

и амэ на шарасапэ буты́р мера́тыр явирэ́-манушэ́нгирэ бутяса, нэ амэ́ндэ исын лачхо́ ужакирибэ́н, со, ко́ли тумаро́ патяибэ́н выбарьёла, то и амэ могинаса тэ кэра́с буты́ буты́р машки́р тумэ́ндэ, нэ амэ на пириджаса ме́ра, сави́ Дэвэ́л выкэдыя́ ваш амэ́нгэ,

2 Коринфянэнгэ 6:5

ке́ли марэна амэн чупняса, чхувэ́на дро штарибэ́н, ґаздэ́на манушэ́н пэ амэ́ндэ, ке́ли кэра́са буты́ пхарэ́с, би соибнаскиро, бокхалэ́;

Римлянэнгэ 16:12

Пиридэ́н “рама́нё” Трифенакэ и Трифосакэ, савэ́ кэрэ́на буты́ ваш Дэвлэ́скэ. “Рама́нё” дрогонэ́ Персидакэ, сави́ бут кэрдя́ ваш Дэвлэ́скэ.

Luka 21:19

Нэ тумарэ́ вырикирибнаса тумэ́ зракхэна ду́хо (фа́но) ваш чачуно́ джиибэ́н.

Marko 15:21

И ёнэ зачхудэ вари-савэ́ Симонос Кириянинос, Руфоскирэ и Лександроскирэ дадэ́с, саво́ джа́лас фэлдатыр, тэ лыджа́л Лэ́скиро трушу́л.

Mihiejo 7:9

Мэ вырикирава холякири зор Ра́скирэ-Дэвлэ́скири, пал-дова́ со мэ кэрдём грэ́хи проти Лэ́стэ, анги́л дова́, сыр Ёв обсэндякирэла миро рэ́ндо и кэрэ́ла пир чачипэ́н ма́нгэ. Ёв вылыджала ман пэ дуд, и мэ дыкха́ва Лэ́скиро чачипэ́н.

Psalmy 69:7

На домэк, Раё Дэ́вла, Дэвэ́л болыбна́скирэ-янголэ́нгиро, соб (кай) одолэ́, савэ́ ужакирэ́на Тут, тэ явэ́н ладжакирдэ́ пал ма́ндэ, на домэк, соб (кай) одолэ́, савэ́ родэ́на Тут, тэ явэ́н дрэ ладж пал ма́ндэ, о Дэ́вла Израилёскиро.

1 Фесалоникийцэнгэ 5:12

Пшала́лэ, амэ мангаса тумэн, кутякирэн (патывакирэн) одолэ́ манушэ́н, савэ́ кэрэ́на буты́ тумэ́ндэ, и кон исын шэрало́ пэ кхангири́, и сыклякирэ́ла тумэн,

1 Коринфянэнгэ 16:16

соб (кай) тумэ́ тэ кандэ́н лэн и кажнонэ́ манушэ́с лэ́ндыр, кон лэ́нца кэрэ́ла буты́ и дынаринэла.

Luka 5:5

И Си́моно отпхэндя́ Лэ́скэ: “Сыклякирибна́скиро! Амэ кэрдя́м буты́ сари́ рат, и нисо́ амэ на ухтылдям; нэ пал-дова́, сыр Ту ракирэ́са, мэ кэра́ва адя́кэ.”