Sykadyipén 2:12 - Библия - Пэ Балтитко Романи чиб (Романэс) 2019

¹² И чхин Янголоскэ Пергамоскирэ кхангирья́тыр: “Дава́ ракирэ́ла Одова́, Конэ́стэ исын востро (чолало́) дуе-ригэнгири курта́ла (мечо):

Biblija - Pe Baltitko Romani čib (Romanes) 2019

¹² I čhin Jangoloske Piergamoskire khangirjátyr: “Davá rakiréla Odová, Konéste isyn vostro (čolaló) duje-rigengiri kurtála (miečo):

Sykadyipén 2:12 Referans Kwoze

Sykadyipén 2:16

Палдава́ приґалёв пэ́скиро грэ́хо: ко́ли ту на приґалёса, тэды Мэ ява́ва кэ ту сыг, и Мэ ява́ва тэ маравпэ тумэ́нца куртала́са, со выджа́ла Мирэ́ мо́стыр.

Sykadyipén 1:16

и сыс Лэ́стэ эфта́ чэргэня́ дро Лэ́скиро чачо́ васт, и Лэ́скирэ мо́стыр выджа́лас востро (чолалы́) дуе́-ригэ́нгири курта́ла (мечо), и Лэ́скиро муй зяинэлас сы́рбы кхам сарэ́ пэ́скирэ зорья́тыр.

Юдэ́нгэ 4:12

Дэвлэ́скиро лав исын джидо́ и пхэрдо́ зорья́са, вострэдыр (чолалэды́р) любонэ куртала́тыр, сави́ чхинэла пэ дуй рига́, Дэвлэ́скиро лав заджа́ла хор машки́р ило́ и ду́хо (фа́но), машки́р кокалы́ и трушу́л, кай исын думо, и сэндинэла манушэ́нгирэ рэ́нды и мысли пэ ило́.

Sykadyipén 19:21

А лэ́нгирэ явирэ манушэ́н, савэ́ ячнэ́пэ, замардя́ Одолэскиро, Саво́ сыс бэшто́ уклисто́/э́ пэ грэстэ куртала́са; сави́ джа́лас яври́ Лэ́скирэ мо́стыр и сарэ́ чирикля́/э́ чалынэ лэ́нгирэ трупэндыр.

Sykadyipén 19:15

И Лэ́скирэ мо́стыр джа́ла яври́ востро (чолалы́) курта́ла и Ёв явэ́ла тэ мулякирэ́л расы (народы). Ёв явэ́ла тэ чалякирэл лэн саструнэ́ дэстэ́са, и Ёв явэ́ла тэ штакирэл моля́киро (виноскиро) пресо барэ́ холя́тыр, ке́ли Сарэзорья́киро Дэвэ́л древа́н холясо́ла.

Sykadyipén 1:11

“Мэ сом Альфа и Омега, Англыпэ́н и Ко́нцо (Яго́ро), дова́, со ту дыкхэ́са, чхин дрэ лылвари́ и бичха́в эфта́ кхангирье́нгэ, савэ́ исын [кэ Асия-р.с.]: дро Ефесо, дрэ Смирна, дро Пергамо, дрэ Фиатира, дро Сардисо, дрэ Филадэльфия и дрэ Лаодикия.”

Isajos 11:4

Ёв явэ́ла тэ сэндякиринэл чорорэн чачипна́са; кодолэнгирэ, кон страдынэла пэ пхув, рэ́нды чачипна́са россэндякирэла; Ёв Пэ́скирэ вуштэнгирэ дэстэса марэла пхув, Пэ́скирэ вуштэнгирэ духо́са замарэла грэхитконэ́ манушэ́с.

Sykadyipén 2:1

Чхин Янголоскэ Эфесоскирэ кхангирья́тыр: “Дава́ исын лава́ Одолэ́стыр, Кон рикирэ́ла эфта́ чэргеня дро Лэ́скиро чачо́ (право) васт, Кон псирэ́ла машки́р эфта́ сувнакунэ́ момолытка:

Isajos 49:2

И создыя́ Ёв Мирэ́ ушта́ сыр востро курта́ла; Лэ́скирэ вастэ́са Ёв учхакирэлас Ман; Ёв кэрдя́ Ма́ндыр востро марибны́тко буст (стрела), Ёв ракхэлас Ман дро Пэ́скиро колчано.

Сэндарьенгири Лылвари́ 3:16

Аодо кэрдя́ пэ́скэ курта́ла дуе чхурьенца, длэнгипна́са дрэ кунь (локцё), и припхандя лэс тэл пэ́скиро плашчо кэ чачо́ (право) бёдро,