Sykadyipén 19:6 - Библия - Пэ Балтитко Романи чиб (Романэс) 2019

⁶ И мэ шундём зан сы́рбы бутэ́-манушэ́нгирэ народо́стыр, сы́рбы бурэ́-пане́нгирэ шоля́ (шумо), сы́рбы барэ́ громэнгиро, со пхэнэнас: “Аллилуя! Пал-дова́ со амаро́ Рай Дэвэ́л, Сарэзорья́киро кралинэла!

Biblija - Pe Baltitko Romani čib (Romanes) 2019

⁶ I me šundjom zan sýrby buté-manušéngire narodóstyr, sýrby buré-paniéngire šoliá (šumo), sýrby baré gromengiro, so phenenas: “Alliluia! Pal-dová so amaró Raj Devél, Sarezorjákiro kralinela!

Sykadyipén 19:6 Referans Kwoze

Psalmy 97:1

Рай Дэвэ́л кралинэла: мэк тэ радынэ́лпэ пхув, мэк тэ радынэ́нпэ бут бут островы (джипа́).

Sykadyipén 14:2

И мэ шундём зан болыбна́стыр, сыр бутэ́-пане́нгирэ шоля́ и сыр баро́ громо. И мэ шундём, сыр башаибнаскирэ башавэнас пэ пэ́скирэ гусли.

Sykadyipén 19:1

Пало́ дава́ мэ шундём зан, сы́рбы бутэ́-манушэ́нгиро народо (ра́са) болыбна́стыр, сави́ пхэнэлас: “Аллилуя! Тэ явэ́л зракхибэ́н и сла́ва, паты́в и зор амарэ́ Дэвлэ́скэ.”

Psalmy 99:1

Рай Дэвэ́л кралинэла: мэк тэ издран манушы́тка на́цыи. Ёв исын бэшто́ пэ Пэ́скиро троно машки́р Херувимэндэ: мэк тэ кунинэлпэ пхув.

Psalmy 93:1

Рай Дэвэ́л кралинэла, Ёв уридя пэ Пэ́стэ райканы сла́ва: Рай Дэвэ́л уридяпэ и подпхандяпэ зоралыпнаса и Ёв зачхудя свэ́то, Саво́ на тринскирлапэ.

Sykadyipén 6:1

И мэ дыкхцём, ке́ли Свэ́нто Бакроро́ отпхандя пэ́рво чэргэнори́ эфта́ (эфтанэ) чэргэнорьендыр и мэ шундём сыр екх штарэ́ джидалэндыр пхэндя́ дасавэ́ заня́са сыр громо: “Яв и дыкх!”

Sykadyipén 1:15

и Лэ́скирэ ґэра́ сыс сыр харко́ма (медь), сави́ сыс пробиндлы дро бов, и Лэ́скири зан сыс сыр бутэ́-паненгирэ шоля;

Езэкилё 1:24

И ко́ли ёнэ джа́нас, мэ шунавас, сыр шуминэнас лэ́нгирэ пхака́, кодова́ сыс сы́рбы бутэ́-панескиро шумо, сы́рбы зан Сарэзорьякирэскири, зорало́ шуминыбэн, сы́рбы шуминыбэн дро халадэ́нгиро скэдыибэ́н; а ко́ли ёнэ сыс тэрдэ́, то ёнэ змэкэнас пэ́скрэ пхака́.

Sykadyipén 21:22

Нэ мэ на дыкхцём Кхангири́ дро дава́ фо́ро, пал-дова́, со Рай Дэвэ́л, Сарэзорья́киро, и Свэ́нто Бакроро́ Кокоро́ исын дая́ Кхангири́.

Sykadyipén 12:10

И мэ шундём зоралы́ зан болыбна́стыр, со ракирдя́: “Какана́ явдя́ зракхибэ́н и зор и Кралипэ́н Дэвлэ́стыр Дадэ́стыр. Какана́ исын Лэ́скирэ-Христососкири зор, пал-дова́ со бангякирибнаскиро пэ амарэ́ пшалэ́ндэ, саво́ бангякирэлас лэн анги́л Дэвлэ́стэ дывэсэ́ и раты́, сыс чхурдыно́ тэлэ́.

Sykadyipén 8:5

И Янго́ло лыя́ тхувэнгири тыкнори (кадила), пхэрдякирдя́ ла яга́са алтарёстыр и чхурдыя́ ла пэ пхув: и сыс заня́ и гро́мы, и блискави́цы, и пхувья́киро тринскирибэн.

Sykadyipén 4:5

И троностыр джа́нас блискави́цы, и заня́, и гро́мы и эфта́ шандалэ (подсвечники) хачонас анги́л троно, савэ́ исын эфта́ Дэвлэ́скирэ ду́хи.

Езэкилё 43:2

И, акэ, Израилёскирэ-Дэвлэ́скири сла́ва джа́лас вастоко́стыр, Лэ́скири зан – сыр бутэ́-панескиро шумо, пэ пхув зяиндя Лэ́скири сла́ва.

Isajos 52:7

Савэ лачхэ́, савэ́ гожа исын пэ бэ́рги одолэ́-манушэ́скирэ ґэра́, саво́ пхэнэ́ла лачхи́ зан (звесь), саво́ пхэнэ́ла пал ра́дыма, роспхэнэ́ла пал зракхибэ́н, саво́ ракирэ́ла Сионоскэ: “Прилыя́ кралипэ́н тыро́ Дэвэ́л!”

Psalmy 97:12

Радынэ́нпэ Ра́стыр-Дэвлэ́стыр, тумэ́ чачипнаскирэ; парикирэ́н и славинэ́н лэ́скиро Свэ́нто Лав.

Psalmy 77:18

Пхэрдэ́ о́блоки пэ болыбэ́н дынэ́ тэлэ́ паня́, болыбэ́н пхэндя́ заня́са, и Тырэ́ марибны́тка бустя́ (стре́лы) вурняндынэ криг;

Ióvo 40:9

[14] тэды Мэ адя́кэ-паць приджинава тут, со тыро́ чачо́ васт могинэ́ла тэ ракхэ́л тут.

Ереме́ё 51:48

И болыбэ́н и пхув, и саро́, со исын пэ лэ́ндэ, явэ́на тэ дэн го́дла радыма́са пэ Вавило́но, пал-дова́ со мижэх чора (опустошытели) явэ́на пэ лэ́стэ паш-ратитконэ́ (севернонэ) рига́тыр”, – ракирэ́ла Рай Дэвэ́л.

Psalmy 47:7

Бага́н шарибнытка гиля́ Дэвлэ́скэ, бага́н шарибнытка гиля́ амарэ́ Крали́скэ, бага́н шарибнытка гиля́.

Psalmy 47:2

Сарэ́, манушы́тка на́цыи, марэ́н дрэ васта́, радынэ́нпэ зоралэ́с Дэвлэ́скэ вучонэ заня́са.

Матфеё 6:13

И на домэк амэн кэ чорипэ́н; нэ зра́кх амэн налачхэстыр; пал-дова́ со исын Тыро́ Кралипэ́н и зор и сла́ва пэ ве́ки. Ами́нь.’

Sykadyipén 1:8

“Мэ сом Альфа и Омега, Англыпэ́н и Ко́нцо (Яго́ро), ракирэ́ла Рай Дэвэ́л, Сарэзорья́киро.”

Sykadyipén 19:4

Тэды биш тэ штар годэпхурэ́ и штар джидалэ́ (жывотна) пынэ́ и клониндлэпэ патыва́са Дэвлэ́скэ, Саво́ сыс бэшто́ пэ троно и пхэнэлас: “Ами́нь! Аллилуя!”