Sykadyipén 18:2 - Библия - Пэ Балтитко Романи чиб (Романэс) 2019

² Ёв дэ́лас го́дла зоралэ́ заня́са, пхэни́: “Пыя́, бари Вавилония, пыя́ бари биладжакуны, и яця́ джиибнытконэ штэтоса бэдэ духэнгэ и бэшыбнаса кажнонэ́ бэнгланэ духоскэ, и штарибнаскирэ клеткаса кажнонэ́ джунгалэ́ (гидконэ́) чириклэ́скэ; долэ́скэ со сарэ́ на́цыи пинэ́ ла́кири мол, зорало́ матыбэн ла́кирэ блэндостыр.

Biblija - Pe Baltitko Romani čib (Romanes) 2019

² Jov délas gódla zoralé zaniása, phení: “Pyjá, bari Vavilonija, pyjá bari biladžakuny, i jaciá džiibnytkone štetosa bede duhenge i bešybnasa kažnoné benglane duhoske, i štaribnaskire klietkasa kažnoné džungalé (gidkoné) čirikléske; doléske so saré nácyi piné lákiri mol, zoraló matyben lákire blendostyr.

Sykadyipén 18:2 Referans Kwoze

Sykadyipén 14:8

И яви́р Янго́ло, саво́ джа́лас пала́л пал Пэрвонэстэ, пхэндя́: “Пыя́ тэлэ́, бари Вавилония, пыя́ тэлэ́! Ёй панякирдя сарэ́ на́цыи пэ́скирэ-камибна́скирэ моля́са (виноса) тэ кэрэ́н зоралэ́с биладжаипэ́н.”

Ереме́ё 51:37

Вавилоно́стыр ячэ́напэ руи́ны, джиибна́скиро штэ́то ваш шакалэнгэ, ди́во трашаса, со фэ́ни тэ санпэ и би манушэ́нгиро.

Ереме́ё 51:8

Вавило́но екха́тыр (сра́зу) пыя́ и розмардяпэ. Ровэ́н годлэнца пал лэ́стэ; лэн бальзамо пэ лэ́скирэ рискирибэна (раны), сашты́ (могинэ́ла) тэ явэ́л, со ёв састёла.

Sykadyipén 18:21

Тэды екх зорало́ Янго́ло ґаздыя́ баро́ бар барипнаса, сыр жэрново бар (бэлэди́н) сявэ́стыр/пхуртэ́стыр (мельницатыр) и чхурдыя́ лэс дро мо́рё (дэрья́в), пхэни́: “Адя́кэ зоралэ́с барэ́-форитко Вавилония явэ́ла чхурдыны дро мо́рё (дэрья́в), и сарэ́са на явэ́ла буты́р ла.

Sykadyipén 18:10

Тэрдиндой дур ла́кирэ ягатыр, пал-дова́ со ёнэ дара́ндынэ ла́кирэ мэнькатыр, ёнэ пхэнэнас: “Бида, би́да ту́кэ, бари и зоралы́ Вавилония! Акэ, пал мардо́ (шту́нда) явдя́ сэ́ндо пэ ту́тэ.”

Sykadyipén 17:18

И джувлы́, савья́ ту дыкхця́н, исын сы́рбы баро́ фо́ро, саво́ кралинэла пэ кралье́ндэ пэ пхув.”

Sykadyipén 17:5

И пэ ла́киро чэкат сыс чхиндло́ лав, со значындя чораханэ́с: “Бари Вавилония – исын дай розмэкнэ джувленгэ и кажнонэ́ джунгалыпнаскэ пэ пхув.”

Sykadyipén 16:19

И баро́ фо́ро роспыяпэ пэ трин паша́, и фо́рья, кай напатяибнаскирэ, пынэ́. Дэвэ́л рипирдя бари пхув Бари Вавилония и дыя́ ла́кэ тэ пьел мол Лэ́скирэ тахтастыр – мол (вино) Лэ́скирэ холя́са, ке́ли Ёв древа́н холясо́ла.

Isajos 14:23

“Мэ кэра́ва адя́кэ, соб (кай) тэ явэ́н дой сапа и бла́та, и Мэ вышулавава лэс хасибнытконэ веникаса (шуладяса)”, – ракирэ́ла Рай Дэвэ́л, болыбна́скиро-янголэ́нгиро.

Sykadyipén 16:13

И мэ дыкхцём трин бэда ду́хи, савэ́ сыс сыр цапня (жамбы). Ёнэ джа́нас яври́ мо́стыр драконостыр, рискирибна́скирэ мурдалэстыр и хоханэ́ пророкостыр.

Sykadyipén 14:15

И яви́р Янго́ло выгия́ Кхангирья́тыр и дыя́ го́дла зоралэ́ заня́са одолэ́скэ, кон сыс бэшто́ пэ о́блоко: “Бичха́в пэскро востро (чолало́) серпо и чхин, пал-дова́ со мардо́ (шту́нда) тэ счхинэс, явдя́, гива́ пэ пхув исын спяла.”

Sykadyipén 10:3

и ёв дыя́ го́дла адя́кэ зоралэ́с, сыр шчэр (ле́во) рыкинэла. И ке́ли ёв дыя́ го́дла, тэды эфта́ гро́мы пхэндлэ́ пэ́скирэ заненца (глосенца).

Sykadyipén 5:2

И мэ дыкхцём зоралэ́ Янголо́с, саво́ пхэнэлас анги́л сарэ́ндэ зоралэ́ заня́са: “Кон исын мол тэ отпхандэл лылвари́ и тэ пхагирэл чэргэнорья?”

Софония 2:14

Кхэри́тка ста́ды, и кажно мурда́л (жывотно), со исын пэ свэ́то, явэ́на тэ пасён машкира́л дава́ форо́скиро штэ́то. Пеликано и ныгло/бузно (ёжо) явэ́на тэ дживэ́н пэ гожакирдэ вычхиныбэна, со исын пэ форо́скирэ сты́лбы, лэ́нгирэ заня́ явэ́на тэ бага́н дрэ фэнштры (дудаля́); обрискирдо явэ́ла лэ́нгиро прого; обсыибэн пэ кедрытко кашт явэ́ла лучкирдо.

Ереме́ё 25:30

Палдава́ ту, Ереме́ё, ангилпхэн (пророчын) лэ́нгэ сарэ́ кадалэ́ лава́ и пхэн лэ́нгэ: “Рай Дэвэ́л загриминэла вучипна́стыр, и Ёв пхэнэ́ла Пэ́скирэ заня́са Пэ́скирэ свэнтонэ́ штэто́стыр; Ёв загриминэла зоралэ́с пэ Пэ́скири пхув, сы́рбы кодолэ́, савэ́ тасавэна винаградо, пэ сарэ́ндэ, кон дживэ́ла пэ пхув.

Sykadyipén 1:15

и Лэ́скирэ ґэра́ сыс сыр харко́ма (медь), сави́ сыс пробиндлы дро бов, и Лэ́скири зан сыс сыр бутэ́-паненгирэ шоля;

Ioil 3:16

И Рай Дэвэ́л адя́кэ-паць загриминэла Сионо́стыр, и Ёв пхэнэ́ла Пэ́скирэ заня́са Ерусалимо́стыр; болыбэ́н и пхув явэ́на тэ тринскирэнпэ; кэ Рай Дэвэ́л явэ́ла гаравибнаскиро штэ́то ваш Лэ́скирэ манушэ́нгэ, и Ёв явэ́ла сыр тва́рдыма / диз (крепость) чхаворэнгэ Израилёскирэнгэ.

Sykadyipén 11:8

И явэ́на лэ́нгирэ тру́пы пэ барэ́-форо́скирэ вули́цы (га́сы). Дава́ фо́ро пир ду́хо (фа́но) явэ́ла тэ кхарэлпэ Содо́мо и Еги́пто, кай адя́кэ-паць амаро́ Рай Дэвэ́л сыс примардо пэ трушу́л.