Sykadyipén 16:7 - Библия - Пэ Балтитко Романи чиб (Романэс) 2019

⁷ И мэ шундём зан алтарёстыр, со пхэндя́: “Чачо́, Раё Дэ́вла, Сарэзорья́киро Дэвэ́л, чачунэ́ и чачипнаскирэ исын Тырэ́ сэнды!”

Biblija - Pe Baltitko Romani čib (Romanes) 2019

⁷ I me šundjom zan altarjostyr, so phendiá: “Čačó, Rajo Dévla, Sarezorjákiro Devél, čačuné i čačipnaskire isyn Tyré sendy!”

Sykadyipén 16:7 Referans Kwoze

Sykadyipén 19:2

Чачунэ́ и чачипнаскирэ исын Лэ́скирэ сэнды. Ёв сэндякирдя барья́ розмэкна́ джувля́, сави́ калякирдя пхув пэ́скирэ блэндо́са. Дэвэ́л чхудя́ хась (ка́ра) палэ пэ ла́тэ пал рат Лэ́скирэ писхарьенгиро ла́кирэ вастэ́стыр.”

Sykadyipén 6:9

И ке́ли Свэ́нто Бакроро́ отпхандя па́нджто чэргэнори́, мэ дыкхцём тэл алта́рё манушэ́нгирэ дия́, савэ́ сыс мулякирдэ́ пал Дэвлэ́скиро лав и пал дова́, со ёнэ патяибныткэс допхэнэнас пал Христосо́стэ;

Isajos 6:6

Тэ́ньци вурняндыя кэ мэ екх серафимэндыр, а дро лэ́скиро васт сыс хачкирдо вангар, саво́ ёв лыя́ алтарёстыр.

Sykadyipén 14:18

И яви́р Янго́ло выгия́ алтарёстыр, савэ́стэ сыс зор пэ яг, и, саво́ ракирдя́ зоралэ́ заня́са одолэ́ Янголоскэ, конэ́стэ сыс востро (чолало́) серпо, и пхэндя́: “Бичха́в пэскро востро (чолало́) серпо и скэ́дэ винаградоскирэ рандя́ пэ пхув, пал-дова́ со винаграды́тка му́ри ячнэ́ спяла.”

Sykadyipén 14:10

кодова́ явэ́ла тэ пьел Дэвлэ́скирэ-холякири мол, со исын нарозлыджими пане́са дрэ кучик Лэ́скирэ зорьякири! Кон создыя́ дава́, явэ́ла тэ мэнчынэлапэ дрэ яг и дрэ се́ра (дзэвэ́ля) анги́л свэнтонэ́ Янголэндэ и анги́л Свэнтонэ́ Бакрорэстэ.

Sykadyipén 13:10

Конэ́скэ трэй тэ лыджа́л дро пле́но, одова́ кокоро́ джа́ла дро пле́но. Кон замарэла куртала́са, одова́ кокоро́ явэ́ла замардо куртала́тыр. Ада́й трэй вырикирибэн и патяибэ́н Дэвлэ́скирэ манушэ́нгэ.”

Езэкилё 10:7

Тэ́ньци протырдыя́ екх херувимо пэ́скиро васт кэ яг, сави́ сыс машки́р херувимы, и лыя́, и дыя́ манушэ́скэ, уридэскэ дро похтанытко урибэ́н. Ёв лыя́ и гия́ яври́.

Езэкилё 10:2

И ракирэ́лас Ёв манушэ́скэ, саво́ сыс уридо́ дро похтанытко урибэ́н, и пхэндя́: “Джа́ андрэ́ машки́р ро́ты тэл херувимы, лэ пхэрдэ́ васта́ хачкирдэ́ вангара и чхурдэ лэн пэ фо́ро.” Ёв гия́ андрэ́ пэ мирэ́ якха́.

Sykadyipén 1:8

“Мэ сом Альфа и Омега, Англыпэ́н и Ко́нцо (Яго́ро), ракирэ́ла Рай Дэвэ́л, Сарэзорья́киро.”