Sykadyipén 15:3 - Библия - Пэ Балтитко Романи чиб (Романэс) 2019

³ И ёнэ баганас Мойзаскири гилы́, Дэвлэ́скирэ писхарискири, и Свэнтонэ́ Бакрорэскири гилы́, пхэни́: “Савэ барэ́ и ди́вна тырэ́ бутя́, Раё Дэ́вла, Сарэзорья́киро! Тырэ́ дрома́ исын чачунэ́ и чачипнаскирэ, Кра́ли манушэ́нгиро!

Biblija - Pe Baltitko Romani čib (Romanes) 2019

³ I jone baganas Mojzaskiri gilý, Devléskire pishariskiri, i Sventoné Bakroreskiri gilý, phení: “Save baré i dívna tyré butiá, Rajo Dévla, Sarezorjákiro! Tyré dromá isyn čačuné i čačipnaskire, Králi manušéngiro!

Sykadyipén 15:3 Referans Kwoze

Psalmy 111:2

Савэ барэ́ бутя́ кэрдя́ Рай Дэвэ́л. Сарэ́, конэ́скэ ячнэ́ дро́га ёнэ, камэ́на дава́ тэ ґалён.

Psalmy 139:14

Мэ ява́ва тэ парикира́в Ту́кэ, пал-дова́ со мэ сом создыно́ дивнэс кэ дар. Древа́н ди́вна исын Тырэ́ бутя́, и миро ди джинэ́ла миштэ́с дава́.

Psalmy 145:17

Рай Дэвэ́л исын чачипна́скиро дро саро́, со Ёв кэрэ́ла и Ёв исын лачхо́ дро сарэ́ Лэ́скирэ рэ́нды (де́лы).

Юдэ́нгэ 3:5

И Мо́йза сыс чачуно́ дына́ри пир саро́ Дэвлэ́скиро Кхэр ваш допхэныбэ́н пал дова́, со трэй тэ явэ́л анги́л;

Isajos 33:22

Пал-дова́ со Рай Дэвэ́л исын амаро́ Сэнда́ри, Рай Дэвэ́л дэ́ла амэ́нгэ Зако́но, Рай Дэвэ́л исын амаро́ Кра́ли, Ёв зракхэ́ла амэн.

Osija 14:9

Ефре́мо пхэнэ́ла: ‘Со ма́нгэ ишчо (инкэ́) трэй идолэндыр?’ Мэ отпхэнава лэ́скэ: ‘Мэ ява́ва тэ шунав, и тэ дыкха́в пал ту́тэ? Мэ ява́ва сыр кипарисо, саво́ розмэкця, Рай Дэвэ́л, патря (листы). Ма́ндыр явэ́на ту́тэ баритка (пло́ды).’

Заха́рия 9:9

Ра́дынпэ зоралэ́с бахтятыр, Сионо́скири чхай, дэ го́дла радыма́тыр, Ерусалимо́скири чхай: акэ, кра́ли тыро́ явэ́ла кэ ту, чачипна́скиро и зракхибнаскиро, ковлэ́-илытко, уклисто пэ ослицатэ и пэ тэрнэ́ ослостэ, савэскири дай псирдя́ тэло ґа́мо.

Joannostir 1:17

Пал-дова́ со Дэвэ́л дыя́ Зако́но пир Мойзастэ (Моисеёстэ), а бахталыпэ́н и чачипэ́н явнэ́ пир Исусо́стэ Христосо́стэ.

Psalmy 100:5

пал-дова́ со Рай Дэвэ́л исын лачхо́, Лэ́скири лачхэ́-илы́ткима ячэ́лапэ ўса́ды (сак), и Лэ́скиро патяибэ́н исын родо́стыр кэ ро́до.

Džiibén 17:1

Аврамоскэ сыс енядэша еня́ бэрш, и Рай Дэвэ́л сыкадыя́ Аврамоскэ и пхэндя́ лэ́скэ: “Мэ сом Сарэзорья́киро Рай Дэвэ́л; псир анги́л Ма́ндэ и яв бидошэ́нгиро;

Sykadyipén 19:2

Чачунэ́ и чачипнаскирэ исын Лэ́скирэ сэнды. Ёв сэндякирдя барья́ розмэкна́ джувля́, сави́ калякирдя пхув пэ́скирэ блэндо́са. Дэвэ́л чхудя́ хась (ка́ра) палэ пэ ла́тэ пал рат Лэ́скирэ писхарьенгиро ла́кирэ вастэ́стыр.”

Sykadyipén 14:3

И ёнэ баганас нэви́ гилы́ анги́л троно и анги́л штарэ́ джидалэндэ (жывотнонэндэ) анги́л годэпхурэндэ. И нико́н на могиндя́ тэ сыклёл дая́ гилы́ апри́ч кадалэ́ шэл тэ штардэша́-штар-шэла́ тысёнцы манушэ́ндэ, савэ́н Христо́со выкиндя сарэ́ манушэ́ндыр пэ пхув.

Яви́р Зако́но 31:30

И пхэндя́ Мо́йза дро саро́ шуныбэ́н анги́л Израильтянэнгиро скэдыибэ́н далэ́-гилякирэ лава́ кэ ко́нцо (кэ яго́ро):

Sykadyipén 17:14

Ёнэ явэ́на тэ марэ́нпэ проти Свэнтонэ́ Бакрорэстэ и Свэ́нто Бакроро́ лэ́ла упралыпэ́н пэ лэ́ндэ, пал-дова́ со Ёв исын Кра́ли Кралье́ндыр, Рай Дэвэ́л ра́ндыр, кхэтанэ́ пэ́скирэ выкэдынэ́ и патяибнытконэ манушэ́нца, савэ́ исын пашы́л Лэ́стэ.

Sykadyipén 11:17

“Амэ парикираса Ту́кэ, Баро́ Раё Дэ́вла, Сарэзорья́киро, Екх, Кон исын и Кон сыс, пал-дова́ со Ту лыян Тыро́ зоралыпэ́н и яця́н тэ кралинэс.

Sykadyipén 4:8

И кажнонэ́ джидалэстэ сыс шов пхака́ (крылы) пэ сарэ́ рига́, и андрэ́ сыс пхэрдо́ якха́ и дывэсэ́ и раты́ ёнэ ракирэ́нас: “Свэ́нто, Свэ́нто, Свэ́нто исын Рай Дэвэ́л, Сарэзорья́киро, Саво́ сыс исын, и Саво́ трэй исын тэ явэ́л.”

Дание́лё 6:20

и, подгии ко рово (хохо́й), санорэ заня́са кхардя́ Даниелёс, и пхэндя́ кра́ли Даниелёскэ: “Дание́ле, о писха́ри, джидэ́ Дэвлэ́скиро! Тыро́ Дэвэ́л, Савэ́скэ ту напарундлэс дынаринэса, могиндя́ (саштындя) тэ зракхэ́л тут шчэрэндыр?”

Isajos 45:21

Дэн тэ джинэ́н манушэ́нгэ и пхэнэ́н: “Кон пхэндя́ дава́ дро ґаратуно часо, кон ангилпхэндя дава́? Ци на Мэ, Рай Дэвэ́л, и нанэ явирэ Дэвлэ́с апри́ч Ма́ндэ, а исын екх Дэвэ́л – Мэ сом Дэвэ́л чачуно́, Саво́ зракхэ́ла и нанэ никонэ́с явирэ́с апри́ч Ма́ндэ.

Psalmy 145:6

И мануша́ явэ́на тэ роспхэнэ́н и пал Тыро́ зоралыпэ́н кэ дар, Тырэ́ бутендыр, и мэ ява́ва тэ выпхэнав статэчнэс пал Тырэ́ древа́н барэ́ рэ́нды.

Psalmy 99:4

Ту сан зоралыпнаскиро Кра́ли, Савэ́скэ трэй чачуно́ сэ́ндо. Ту зачхудян чачипэ́н: дава́ исын Ту, Саво́ кэрэ́ла пир чачипэ́н и патяибэ́н дрэ Яковостэ.

Sykadyipén 19:16

Пэ Лэ́скиро урибэ́н и пэ Лэ́скири статя (стёгны) сыс зачхиндло́ титуло: “Кра́ли кралье́нгиро, Рай рае́нгиро.”

Софония 3:5

Нэ чачипна́скиро Рай Дэвэ́л исын машки́р дава́ фо́ро, Ёв на кэрэ́ла пир начачипэ́н. Кажно зло́ко Ёв янэ́ла Пэ́скиро чачипэ́н пэ дуд, лэс ухты́лла (до́си): нэ начачунэ мануша́ на джинэ́на ладжаипэ́н.

Mihiejo 7:20

Ту сыкавэса чачипэ́н Яково́скэ, и ла́ска Авраамо́скэ (Абрамоскэ), пал со Ту совлахадян амарэ́ дадэ́нгэ дрэ дывэса́ ґаратунэ́.

Psalmy 105:5

рипирэ́н Лэ́скирэ ди́вы, со Ёв кэрдя́, Лэ́скирэ древа́н барэ́ ди́вы и лава́, савэ́нца Ёв сэндякирдя Пэ́скирэ мо́са.

Psalmy 78:12

Анги́л лэ́нгирэ-дадэнги́рэ якха́ Ёв кэрдя́ ди́вы пир Египто́скири пхув, пэ Цоаноскири фэ́лда.

Ióvo 5:9

Кон кэрэ́ла древа́н барэ́ рэ́нды, со манушэ́скэ нашты́ тэ ґалёл, и бут ди́вна рэ́нды, со нашты́ тэ погинэс.

2 Паралипоменоно 24:6

И кхардя́ кра́ли Иодаёс, лэ́нгирэ шэралэс, и пхэндя́ лэ́скэ: “Со́скэ ту на трэбинэса Левитэндыр, соб (кай) ёнэ тэ янэ́н Юдэя́тыр и Ерусалимо́стыр дыибэ́н, саво́ чхудя́ Мо́йза, Дэвлэ́скиро писха́ри, и скэдыибэ́н Израильёскиро ваш скэдыибна́скири ски́ния?

1 Паралипоменоно 6:49

Нэ Ааро́но и лэ́скирэ чхавэ́ хачкирдэ́ пэ алта́рё (жэртвенико) цэ́ло схачкирибэ́н и пэ алта́рё кадилэнца, и кэрдэ́ кажно свэ́нто рэ́ндо дрэ Свэ́нто – свэнтэдыр штэ́то и ваш жужакирибэн Израилё дро саро́, сыр припхэндя́ писха́ри Дэвлэ́скиро Моисе́ё (Мо́йза).

Sykadyipén 14:8

И яви́р Янго́ло, саво́ джа́лас пала́л пал Пэрвонэстэ, пхэндя́: “Пыя́ тэлэ́, бари Вавилония, пыя́ тэлэ́! Ёй панякирдя сарэ́ на́цыи пэ́скирэ-камибна́скирэ моля́са (виноса) тэ кэрэ́н зоралэ́с биладжаипэ́н.”

Дание́лё 9:11

И саро́ Израилё пхагирдя́ Зако́но Тыро́, и отрисия, соб (кай) тэ на кандэл зан Тыри́; и палдава́ вытхадыя пэ амэ́ндэ прокошыбэ́н и совла́х, савэ́ исын зачхиндлэ́ дро Мойза́скиро Зако́но, Дэвлыканэ дынарискиро, пал-дова́ со амэ кэрдя́м грэ́хо анги́л Ту́тэ.

Ниеми́я 9:14

Пхэндя́н лэ́нгэ пал свэ́нто Тыро́ са́вато, и припхэныбэна́, и упхэныбэ́н и сэнды пиридыян лэ́нгэ пир Пэ́скирэ писхаристэ, Мойзастэ.

Яви́р Зако́но 34:5

И мыя́ одо́й Мо́йза, писха́ри Ра́скирэ-Дэвлэ́скиро, пэ Моавитоскири пхув, пир Ра́скирэ-Дэвлэ́скиро лав;

Яви́р Зако́но 32:3

пал-дова́ со мэ барьякирава (славинава) лав Ра́скирэ-Дэвлэ́скиро; тумэ́ дэн сла́ва амарэ́ Дэвлэ́скэ.

Isúso 22:5

екх причхувэ́н зор (старинэнпэ) кучэс тэ кэрэ́н саро́ (заповеди) и Зако́но, саво́ дыя́ тэ кэрэ́н кэ ко́нцо (кэ яго́ро) тумэ́нгэ Мо́йза, Ра́скирэ-Дэвлэ́скиро писха́ри: тэ рикирэ́н сыр Дро́гима Рас-Дэвлэ́с, тумарэ́ Дэвлэ́с дро пэ́скиро ило́, тэ псирэ́н сарэ́ Лэ́скирэ дромэ́нца, тэ ракхэ́н Лэ́скирэ припхэныбэна́, тэ причхувэспэ кэ Ёв и тэ дынаринэс Лэ́скэ сарэ́ тумарэ́ илэ́са и сарэ́ тумарэ́ деса”.

Ióvo 36:24

Ри́пир тэ барьякирэс Лэ́скири буты́, пал сави́ мануша́ багана.

Psalmy 18:30

Ту дэ́са зор ма́нгэ тэ джав анги́л марибнытконэ́ халадэ́ндэ, Мирэ́ Дэвлэ́са мэ пириухтава форитко бар.

Psalmy 92:5

Пал-дова́ со Ту обрадындян ман Пэ́скирэ бутенца, мэ ява́ва тэ бага́в зоралэ́с и радыма́кирэс, со Тырэ́ васта́ кэрдэ́.

Psalmy 111:7

Ёв саро́ кэрэ́ла пир патяибэ́н и чачипэ́н; сарэ́ Лэ́скирэ припхэныбэна́ исын патяибнытка:

1 Ximaske 1:17

Вечнонэ Крали́скэ, саво́ ние́кхвар на мэрэ́ла и дживэ́ла дрэ сарэ́ ве́ки, Набицялэскэ и Екхджинэскэ Дэвлэ́скэ, мэк тэ явэ́л паты́в и сла́ва дрэ сарэ́ ве́ки.

Sykadyipén 1:8

“Мэ сом Альфа и Омега, Англыпэ́н и Ко́нцо (Яго́ро), ракирэ́ла Рай Дэвэ́л, Сарэзорья́киро.”