Sykadyipén 14:2 - Библия - Пэ Балтитко Романи чиб (Романэс) 2019

² И мэ шундём зан болыбна́стыр, сыр бутэ́-пане́нгирэ шоля́ и сыр баро́ громо. И мэ шундём, сыр башаибнаскирэ башавэнас пэ пэ́скирэ гусли.

Biblija - Pe Baltitko Romani čib (Romanes) 2019

² I me šundjom zan bolybnástyr, syr buté-paniéngire šoliá i syr baró gromo. I me šundjom, syr bašaibnaskire bašavenas pe péskire gusli.

Sykadyipén 14:2 Referans Kwoze

Sykadyipén 5:8

И ке́ли Ёв лыя́ сви́тко, штар джидалэ (жывотна) и биш тэ штар годэпхурэ́ пынэ́ пэ чанга́ анги́л Свэнтонэ́ Бакрорэстэ. Кажнонэ́стэ лэ́ндыр сыс гусли и сувнакунэ́ тахтая́ (чашы), савэ́ сыс пхэрдэ́ фимиамоса дрогонэ́-смолакирэ тхувипнаса (фимиамоса), со исын патерья (молитвы), ке́ли свэ́нта мангэ́напэ Дэвлэ́скэ.

Sykadyipén 1:15

и Лэ́скирэ ґэра́ сыс сыр харко́ма (медь), сави́ сыс пробиндлы дро бов, и Лэ́скири зан сыс сыр бутэ́-паненгирэ шоля;

Sykadyipén 15:2

Тэды мэ дыкхцём вари-со сы́рбы стёклы́тко (балунало́) мо́рё (дэрья́в), саво́ сыс змешындло яга́са. И сыс тэрдэ́ пэ мо́рё (дэрья́в) кодолэ́, савэ́ лынэ́ упралыпэ́н пэ рискирибна́скирэ мурдалэ́стэ, пэ лэ́скири патри́н (о́бразо) и лэ́скирэ-лавэскиро чысло (гин). Ёнэ рикирдэ Дэвлэ́скирэ гусли.

Sykadyipén 11:15

И эфта́то (битринэнтиро дэ́што) Янго́ло пхурдыя дрэ пэ́скиро ро́го (труба): и сыс зоралэ́ заня́ пэ болыбэ́н, со ракирдэ́: “Свэтытко Кралипэ́н амарэ́ Ра́скирэ-Дэвлэ́скиро и Лэ́скирэ Христосо́скиро явдя́ и Ёв явэ́ла тэ кралинэн пэ сарэ́ ве́ки.”

Езэкилё 43:2

И, акэ, Израилёскирэ-Дэвлэ́скири сла́ва джа́лас вастоко́стыр, Лэ́скири зан – сыр бутэ́-панескиро шумо, пэ пхув зяиндя Лэ́скири сла́ва.

Psalmy 33:2

Башавэн Ра́скэ-Дэвлэ́скэ пэ гусли тэ парикирэ́н Лэ́скэ; бага́н Лэ́скэ пэ дэшэ́-балытко арфа.

2 Kralip 6:5

А Дави́до и сарэ́ Израилёскирэ чхавэ́ башадэ анги́л Дэвлэ́стэ пэ ра́зна башаибнытка струме́нты кипарисоскирэ вэшэ́стыр, и пэ цытры (арфы), и пэ псалтири (луты), и пэ тимпаны (бубны), и пэ систры (гусли), и пэ цымбалы.

Vygiiben 19:16

Пэ три́то дывэ́с, ке́ли яця́ зло́ко (ра́нко), сыс гро́мы, и блискави́цы, и ґэнсто о́блоко пэ бэ́рга, и рогоскиро (трубакири) знико (звуко) древа́н зорало́; затринскирдэпэ сарэ́ мануша́, савэ́ сыс дро ста́но.

Sykadyipén 18:22

Буты́р на явэ́на тэ шунэ́н дрэ ту́тэ гусленгиро башаибэн и багаибнаскирэ (музыкантэнгирэ) заня́, и одолэ́н, кон башавэла пэ свиро́льки и ро́ги (трубы) ние́кхвар. На явэ́ла буты́р ни саво́ спецо пир вари-сави́ буты́ (графа́ри/художнико) дрэ ту́тэ. На явэ́ла буты́р шундло парма́киро лопоты́мо дро сяв/пхурт (мельница) дрэ ту́тэ.

Sykadyipén 11:12

И ёнэ шундлэ́ зоралы́ зан болыбна́стыр, со ракирдя́ лэ́нгэ: “Джа́н упрэ́ адари́к.” И адалэ́ дуй проро́ки гинэ́ упрэ́ пэ болыбэ́н дро о́блоко, и лэ́нгирэ вэ́рги дыкхнэ́ пэ лэ́ндэ.

Sykadyipén 6:1

И мэ дыкхцём, ке́ли Свэ́нто Бакроро́ отпхандя пэ́рво чэргэнори́ эфта́ (эфтанэ) чэргэнорьендыр и мэ шундём сыр екх штарэ́ джидалэндыр пхэндя́ дасавэ́ заня́са сыр громо: “Яв и дыкх!”

Sykadyipén 1:10

Дро Ра́скирэ-Дэвлэ́скиро дывэ́с Ду́хо (Фа́но) лыя́ упралыпэ́н пэ ма́ндэ и мэ шундём пала́л зоралы́ зан, сави́ сы́рбы рого́стыр (труба́тыр) ракирдя́:

Psalmy 93:4

Рай Дэвэ́л, Саво́ исын пэ вучипэ́н, исын зоралэды́р бутэ́-паненгирэ шумостыр, зоралэ́ валнэндыр, со джа́на пир мо́рё (дэрья́в).

Psalmy 92:3

тасярлатыр тэ ракирас сарэ́нгэ пал Тыри́ лачхэ́-илы́ткима, и кажно рат пал Тыро́ патяибэ́н,

Psalmy 57:8

Миро ило́ зоралэ́с патя́ла: Дэ́вла, миро ило́ зоралэ́с патя́ла; мэ ява́ва тэ бага́в и шара́в Тут.

Sykadyipén 8:7

И пэ́рво Янго́ло пхурдыя дро пэ́скиро ро́го; яця́ ґрадо и яг, савэ́ сыс змешындлэ ратэ́са и сыс чхурдынэ́ пэ пхув. Три́то паш пхувья́тыр хачия и три́то паш каштэндыр (дрэвэндыр) хачия, и кажно зэлэны чар хачия.

Заха́рия 9:14

И явэ́ла упра́л лэ́ндэ Рай Дэвэ́л, и сыр блискавица вурняла яври́ марибны́тко буст (стрела) Лэ́скири, и загриминэла Рай Дэвэ́л дро ро́го (труба) и сыкадёла машки́р паш-дывэсы́тко (южно) рискирибнаскири балва́л.

Isajos 17:13

Манушы́тка на́цыи брилинэна (ревинэна) сыр шумо бутэ́-паненгиро, нэ Дэвэ́л дарьякирдя, и ёнэ явэ́на тэ нашэ́н дур, и лэн явэ́на тэ традэ́н сыр пра́хо пэ бэ́рги балваляса, сыр прахинка (пыло), со крэнцынэлапэ рискирибна́скирэ балваляса.

Psalmy 149:3

Мэк ёнэ тэ шарэ́н Лэ́скиро лав кхэлыбнаса, мэк ёнэ тэ бага́н псалмы Лэ́скэ бубноса и пэ лута (тыкнэ́ гусли).

Psalmy 98:5

Бага́н псалмы Ра́скэ-Дэвлэ́скэ пэ гусли; пэ гусли и заненгирэ (глосенгирэ) багаибнаса.

Vygiiben 20:18

Сарэ́ мануша́ дыкхнэ́ гро́мы и бари яг, и рогоскиро знико (звуко), и бэ́рга, савья́тыр гия́ тхув (дымо); и, сыр дыкхнэ́ дава́, то мануша́ отгинэ́, и тэрдинэ́ дура́л.

Psalmy 147:7

Бага́н Ра́скэ-Дэвлэ́скэ и парикирэ́н Лэ́скэ, бага́н псалмы пэ лута амарэ́ Дэвлэ́скэ:

Psalmy 43:4

Тэды мэ джа́ва кэ Дэвлэ́скиро алта́рё, кэ Дэвэ́л мирэ́ радыма́тыр, мирэ́ бахталыпнастыр: чачо́, мэ ява́ва тэ парикира́в Ту́кэ и тэ башавав пэ гусли, о Дэ́вла, миро Дэ́вла!

1 Коринфянэнгэ 13:1

Ко́ли мэ ракира́ва манушытконэ́, ци Янголытконэ чибэнца (чибьенца), нэ ма́ндэ нанэ пшалы́тко паты́в кэ яви́р мануша́, тэды миро ракирибэ́н исын сы́рбы харко́ма (медь), со кудунякирэла (звенинэла), ци кимвало, со дэ́ла зан.

2 Паралипоменоно 20:28

И явнэ́ ёнэ дро Ерусалимо арфэнца, и лутэнца, и рогэ́нца, кэ Ра́скирэ-Дэвлэ́скиро Кхэр.