Sykadyipén 13:7 - Библия - Пэ Балтитко Романи чиб (Романэс) 2019

⁷ И лэ́скэ сыс дыно́ тэ джал марибна́са пэ свэнтонэндэ и тэ лэл упралыпэ́н пэ лэ́ндэ, и лэ́скэ сыс дыно́ право пэ кажно ро́дыцо (колено) и пэ манушы́тко нацыя (народо), и пэ кажно екхэ́-чиба́кири ири́/сэ́м΄я (чиб), и пэ кажно кхэри́тко ро́до (племё).

Biblija - Pe Baltitko Romani čib (Romanes) 2019

⁷ I léske sys dynó te džal maribnása pe sventonende i te lel upralypén pe lénde, i léske sys dynó pravo pe kažno ródyco (kolieno) i pe manušýtko nacyja (narodo), i pe kažno jekhé-čibákiri irí/sém'ia (čib), i pe kažno kherítko ródo (pliemjo).

Sykadyipén 13:7 Referans Kwoze

Дание́лё 7:21

Мэ дыкха́вас, сыр дова́ шынг мардя́пэ свэнтонэнца и пиризорьякирэлас лэн,

Sykadyipén 11:7

И ке́ли ёнэ кончындлэ пэ́скиро допхэныбэ́н, тэды драконо, саво́ выджа́ла люностыр, явэ́ла тэ марэ́лпэ лэ́нца, и лэ́ла упралыпэ́н пэ лэ́ндэ и мулякирэ́ла лэн.

Sykadyipén 12:17

А драконо зоралэ́с холя́сыя пэ джувля́тэ и гия́ пэ марибэ́н явирэ ла́кирэ биятэнца, савэ́ ячнэ́пэ ла́кирэ родо́стыр, кон приракхэлас Дэвлэ́скирэ припхэныбэна́ и рикирэлас Христосо́скирэ лава́.

Дание́лё 7:25

и пэ Най Вучэдырэскирэстэ (Дэвлэ́стэ) ёв явэ́ла тэ пхэнэ́л шардытка лава́ и тэ пхарьякирэл свэнтонэн манушэ́н Най Вучэдырэскирэн, и ёв придуминэла тэ отпхэнэл лэ́ндэ свэнкитка часы и Зако́но, и явэ́на ёнэ отдынэ́ дро лэ́скиро васт кэ / жы́ко часо, и кэ часы, и кэ паш часо.

Дание́лё 12:1

И уштэ́ла дро долэ́ дывэса́ о Миха, тхага́ри баро́, кон явэ́ла тэрдо́ пал чхавэ́ндэ тырэ́ народо́стыр; и явэ́ла часо пхаро́, саво́ на сыс долэ́ дывэсэ́ндыр, сыр явнэ́ мануша́ пэ свэ́то кэ/жы́ко акана́; нэ зракхэнапэ дро дова́ часо сарэ́ мануша́ тырэ́ народо́стыр, конэ́с латхэ́на дрэ лылвари́.

Sykadyipén 17:15

И Янго́ло пхэндя́ ма́нгэ: “Паня́, со ту дыкхэ́са, пэ савэ́ розмэкны джувлы́ исын бэшты, дава́ – манушы́тка ро́ды, и манушы́тка на́цыи (народы), кхэри́тка ро́ды (пле́ми) и екхэ́-чиба́кирэ ирья́ (языки).

Sykadyipén 11:18

На́юды холясынэ долэ́скэ, со явдя́ Тыри́ холы́ дро часо тэ сэндякирэс мулэн, и тэ отдэс палэ Пэ́скирэ писхарье́нгэ, пророкэнгэ, и свэнтонэнгэ и одолэ́нгэ, савэ́ дарэ́на Тырэ́ лавэ́стыр, барэнгэ и тыкнэнгэ. Тэ мулякирэс одолэ́н, савэ́ хасякирэна пхув.”

Joannostir 19:11

Ису́со отпхэндя́. “Ту́тэ на явэ́лас пэ Ма́ндэ ни саво́ право, ко́ли (со) тэ на явэ́л ту́кэ дыно́ Дэвлэ́стыр. Пал-дова́ со барэды́р грэ́хо исын пэ одолэ́стэ, кон здыя Ман кэ ту.”

Sykadyipén 10:11

И сыс пхэндло́ ма́нгэ: “Ту́кэ трэй нэвэ́стыр тэ ангилпхэнэс анги́л манушы́тка ра́сы, кхэри́тка ро́ды (пле́ми), екхэ́-чиба́кирэ ирья́ (чиба́/ чибья́), анги́л кралье́ндэ.”

Sykadyipén 5:9

И ёнэ багандлэ нэви́ гилы́, пхэни́: “Ту сан мол тэ прилэс кадава́ сви́тко и тэ отпхандэс чэргэнорья (печати), пал-дова́ со Ту са́нас зачхиндло́ и Ту выкиндян манушэ́н ваш Дэвлэ́скэ Пэ́скирэ ратэ́са кажнонэ́ екхэ́-чиба́кирэ ирья́тыр (сэм΄я́тыр) и кажнонэ́ родыцо́стыр, и манушытконэ́ нацыя́тыр и кхэритконэ́ родо́стыр.

Luka 4:6

И на́лачхо пхэндя́ Лэ́скэ: “Мэ да́ва Ту́кэ право пэ сарэ́ далэ́ кралипэна́, и лэ́нгири сла́ва, пал-дова́ со ёй исын дыны́ ма́нгэ, и мэ да́ва ла одолэ́скэ, конэ́скэ мэ кама́м;

Vygiiben 9:16

нэ ваш дава́ Мэ тут зракхцём, соб (кай) тэ сыкавав пэ ту́тэ Мири́ зор, и, соб (кай) тэ явэ́л Миро лав выпхэндло пир сари́ пхув;

Ереме́ё 25:9

акэ, Мэ бичхава́ва, и Мэ ла́ва сарэ́ сэм΄и (ирья́) паш-ратитконэ́ (севернонэ) рига́тыр’, – ракирэ́ла Рай Дэвэ́л, – ‘и Мэ бичхава́ва лэн кэ Навуходоносо́ро, кра́ли пир Вавило́но, Миро писха́ри, и Мэ яна́ва лэн проти дая́ пхув, и проти манушэ́ндэ, кон дживэ́ла пэ дая́ пхув, и проти сарэ́ далэ́ Наюды́тка на́цыи, савэ́ исын трусця́л, и Мэ сарэ́са хасякира́ва лэн, и Мэ кэра́ва адя́кэ, со мануша́ явэ́на тэ дивинэнпэ трашатыр (дара́тыр) пэ лэ́ндэ, тэ дэн шоля сабнаса и лэ́нгэ явэ́ла ве́чно хась/ хасибэ́н.

Isajos 37:26

Ци ту на шундя́н, со Мэ ґара́ кэрдём дава́, дрэ ґаратунэ́ дывэса́ припхэндём пал дова́, а акана́ кэрдём, пал-дова́ со ту пхагирэсас зоралэ́ фо́рья кэ хасибэ́н и екх бара́ лэ́ндыр ячкирэса?

Isajos 10:15

Ци шарэлапэ пэ́са товэр анги́л одолэ́стэ, кон чингирэла лэ́са? Ци пхутёла ризил (пила) анги́л одолэ́стэ, кон чхинэла ла́са? Ци ґаздэ́лапэ дэсто́ пэ одолэ́стэ, кон лэс ґаздыя́, ци ґаздэ́лапэ дэсто́ пэ одолэ́стэ, кон исын на кашт?