Sykadyipén 13:5 - Библия - Пэ Балтитко Романи чиб (Романэс) 2019

⁵ И мурдалэскирэ москэ сыс дыны́ во́ля тэ пхэнэ́л пхутькирдэ́ лава́ тэ калякирэл Дэвлэ́с, и лэ́скэ сыс дыны́ зор тэ кэрэ́л пэ́скири буты́ штардэша́ дуй чхона́.

Biblija - Pe Baltitko Romani čib (Romanes) 2019

⁵ I murdaleskire moske sys dyný vólia te phenél phut'kirdé lavá te kaliakirel Devlés, i léske sys dyný zor te kerél péskiri butý štardešá duj čhoná.

Sykadyipén 13:5 Referans Kwoze

Дание́лё 7:25

и пэ Най Вучэдырэскирэстэ (Дэвлэ́стэ) ёв явэ́ла тэ пхэнэ́л шардытка лава́ и тэ пхарьякирэл свэнтонэн манушэ́н Най Вучэдырэскирэн, и ёв придуминэла тэ отпхэнэл лэ́ндэ свэнкитка часы и Зако́но, и явэ́на ёнэ отдынэ́ дро лэ́скиро васт кэ / жы́ко часо, и кэ часы, и кэ паш часо.

Дание́лё 7:8

Мэ дыкха́вас пэ долэ́ шынга́, и, акэ, выгия́ машки́р лэ́ндэ ишчо (инкэ́) набаро́ шынг, и трин кодолэндыр англунэ шынгэндыр сыс корне́нца вырискирдэ анги́л лэ́стэ, акэ, дро дова́ шынг сыс якха́, сыр манушы́тка якха́, и вушта, савэ́ ракирэ́нас пхутькирдэс.

Sykadyipén 12:6

Джувлы́ насця пэ чхучи́ пхув пэ штэ́то, саво́ Дэвэ́л приготовиндя ла́кэ, соб (кай) ёнэ тэ чалякирэн ла екх бар и дуйшэла́ шовдэша́ дывэса́.

Дание́лё 11:36

И явэ́ла тэ кэрэ́л о кра́ли (паш-рати́тко) пир пэ́скири во́ля, и ґаздэ́лапэ кэ вучипэ́н и барьякирэ́ла пэс вучэды́р кажнонэ́ Дэвлэ́стыр, и пал Дэвлэ́стэ дэвлыканэстэ ёв лэ́ла тэ ракирэ́л калэ́ лава́, и явэ́ла тэ удэлпэ лэ́скэ, пака кэрдёлапэ холы́: пал-дова́ со сыс припхэндло, одова́ кэрэ́лапэ.

Дание́лё 7:11

Дыкха́вас мэ тэ́ньчи, со пало́ рангирэ лава́, савэ́ пхэндя́ шынг, одова́ рискирибна́скиро мурда́л сыс мулякирдо пашы́л мирэ́ якха́, и тру́по лэ́скиро сыс пхарадо и отдыно́ пэ хачибэн ягакиро.

Sykadyipén 12:14

И ла́кэ сыс дынэ́ барэ́-орло́скирэ (кидо́скирэ) дуй пхака́ (крылы), соб (кай) ёй тэ вурнял пэ чхучи́ пхув пэ пэ́скиро штэ́то, кай ла чаравэнас трин пашэ́са бэрш криг сапэстыр.

2 Фесалоникийцэнгэ 2:4

ёв явэ́ла тэ джал проти саро́ свэ́нто, со кхарэ́на Дэвлэ́са ци свэнтымаса, адя́кэ, со ёв бэшэ́ла дрэ Дэвлэ́скири Кхангири́ сы́рбы Дэвэ́л и явэ́ла тэ выдэл пэс пал Дэвлэ́стэ.

Дание́лё 7:20

и пал дэш шынга́ (ро́ги), савэ́ сыс пэ лэскро шэро́, и пало́ яви́р, саво́ сыс нэвэ́с выбарино, анги́л саво́ выпынэ трин, пало́ кадасаво́ шынг, дро саво́ сыс якха́ и о вушта, савэ́ ракирэ́нас пхутькирдэс, и саво́ сыс пэ мина барэды́р сарэ́ндыр.

Sykadyipén 13:7

И лэ́скэ сыс дыно́ тэ джал марибна́са пэ свэнтонэндэ и тэ лэл упралыпэ́н пэ лэ́ндэ, и лэ́скэ сыс дыно́ право пэ кажно ро́дыцо (колено) и пэ манушы́тко нацыя (народо), и пэ кажно екхэ́-чиба́кири ири́/сэ́м΄я (чиб), и пэ кажно кхэри́тко ро́до (племё).

Sykadyipén 11:7

И ке́ли ёнэ кончындлэ пэ́скиро допхэныбэ́н, тэды драконо, саво́ выджа́ла люностыр, явэ́ла тэ марэ́лпэ лэ́нца, и лэ́ла упралыпэ́н пэ лэ́ндэ и мулякирэ́ла лэн.

Psalmy 12:3

Ёнэ ракирэ́на хоханэ́ лава́ екх екхэ́скэ, нанэ патяибэ́н лэ́нгирэ чибатыр, биладжаипнытка исын лэ́нгирэ ду́мы.

Дание́лё 8:14

И пхэндя́ ёв ма́нгэ: “Пэ дуй бара́ (тысёнцы) трин шэла́ бэльвэля и злоки (ранки); и тэ́ньчи жужакирэлапэ свэнтыма.”

Дание́лё 12:12

Бахтало́ исын одова́, кон ужакирэ́ла и додживэла тысёнцо тэ триншэла́ трия́нда пандж дывэса́.

2 Фесалоникийцэнгэ 2:3

Дыкхэ́н, соб (кай) ние́кх тэ на хохавэ́л тумэн: пал-дова́ со кадава́ дывэ́с на явэ́ла кэ / жы́ко дова́ часо, пака явэ́ла отгиибэн Дэвлэ́стыр и явэ́ла сыкадо грэхэнгиро ману́ш, савэ́скэ трэй тэ хасёл;

2 Фесалоникийцэнгэ 2:8

И тэды би законоскиро грэхэнгиро ману́ш сыкавэ́ла пэс, савэ́с Рай Дэвэ́л Ису́со замарэла (мулякирэ́ла) Пэ́скирэ уштэ́нца, ке́ли явэ́ла.

Езэкилё 35:13

Тумэ́ шарэнаспэ анги́л Ма́ндэ тумарэ́ чиба́са (чибьяса), бут ракирэ́нас пэ Ма́ндэ: Мэ шунавас дава́.