Sykadyipén 13:16 - Библия - Пэ Балтитко Романи чиб (Романэс) 2019

¹⁶ И кадава́ яви́р рискирибна́скиро мурда́л кэрэ́лас адя́кэ, соб (кай) сарэ́ манушэ́нгэ, тыкнэнгэ и барэнгэ, барвалэнгэ и богэнгэ, вольнонэ и писхарье́нгэ тэ дорэсэн шпэ́ра (знако) пэ чачо́ (право) васт ци пэ лэ́нгиро чэкат;

Biblija - Pe Baltitko Romani čib (Romanes) 2019

¹⁶ I kadavá javír riskiribnáskiro murdál kerélas adiáke, sob (kaj) saré manušénge, tyknenge i barenge, barvalenge i bogenge, vol'none i pishar'jénge te doresen špéra (znako) pe čačó (pravo) vast ci pe léngiro čekat;

Sykadyipén 13:16 Referans Kwoze

Sykadyipén 20:4

И мэ дыкхцём троны и одолэ́н, савэ́ бэшэнас пал сками́нд, савэ́нгэ сыс дыно́ тэ сэндякирэн. И мэ дыкхцём дия́ одолэнгирэ, конэ́скэ чингирдэ шэрэ́, палдова́ со ёнэ допхэнэнас пал Христосо́стэ и пал Дэвлэ́скиро лав. Ёнэ на клониндлэпэ патыва́са анги́л рискирибна́скирэ мурдалэ́стэ ци анги́л лэ́скири патри́н (о́бразо), ёнэ на прилынэ́ клеймоскири шпэ́ра пэ чэка́т ци пэ лэ́нгиро васт. И ёнэ отджидынэ и кралиндлэ Христосо́са бар бэрш.

Sykadyipén 19:20

И рискирибна́скиро мурда́л сыс лыно́ и кхэтанэ́ лэ́са хохано́ проро́ко, саво́ кэрдя́ ди́вы анги́л лэ́стэ, савэ́нца ёв хохавэлас манушэ́н, савэ́ дорэснэ́ рискирибна́скирэ-мурдалэ́скири шпэ́ра сыр клеймо и клониндлэпэ патыва́са мурдалэ́скирэ патриня́кэ (образо́скэ). Ёнэ сыс чхурдынэ́ джидэнца дро зеро (озеро) яга́са, со хачолас дзэвэляса (сераса).

Sykadyipén 7:3

“На кэрэ́н чорипэ́н ни пэ пхув, ни пэ мо́рё (дэрья́в), анги́л дова́, сыр амэ чхуваса чэргэнори́ пэ чэкат писхарье́нгэ Амарэ́ Дэвлэ́скирэ.”

Езэкилё 9:4

И пхэндя́ лэ́скэ Рай Дэвэ́л, Дэвэ́л: “Джа́ пэ́скэ машки́р фо́ро, машки́р Ерусалимо, и кэр шпэ́ра (знако) пэ чэкат одолэ́ манушэ́нгирэ, савэ́нгэ исын пхаро́ пал саро́ джунгалыпэ́н, и савэ́ пиридживэна, со кэрэ́лапэ машки́р лэ́ндэ.”

Sykadyipén 19:18

соб (кай) тумэ́нгэ сашты́ тэ хан кральенгирэ-трупэнгиро мас, и капитанэнгирэ, и тысёнцэнгирэ-халадэ́нгирэ барыдырэнгирэ, и лоч зоралэ́ манушэ́нгирэ, и грастано́ мас и трупо́скиро мас одолэ́нгиро, савэ́ исын бэштэ́ пэ грэ́ндэ, и сарэ́-манушэ́нгири тру́пы: вольнонэ манушэ́нгирэ и адя́кэ-паць писхарьенгирэ, тыкнэнгирэ и барэнгирэ.”

Яви́р Зако́но 6:8

и припхандэ лэн сыр шпэ́ра (знако) пэ тыро́ васт, и мэк тэ явэ́н ёнэ сыр пхандлуны (повязка) пэ тырэ́ якха́,

Яви́р Зако́но 11:18

И палдава́ чхувэ́н (прилэ́н) далэ́ Мирэ́ лава́ дро тумаро́ ило́ и дро тумаро́ ди, и пхандэн лэн пэ рипирибэ́н пэ пэ́скиро васт, и мэк тэ явэ́н ёнэ пхандыпнаса машки́р тумарэ́ якха́;

Vygiiben 13:9

И мэк тэ явэ́л ту́кэ дава́ шпэраса (знакоса) пэ тыро́ васт и рипирибнаса анги́л тырэ́ якха́, соб (кай) Ра́скирэ-Дэвлэ́скиро зако́но тэ явэ́л дрэ тырэ́ ушта́, пал-дова́ со зоралэ́ вастэ́са вылыджия́ тут Рай Дэвэ́л Египто́стыр.

Sykadyipén 19:5

И зан троностыр явдя́, пхэни́: “Шарэ́н амарэ́ Дэвлэ́с! Сарэ́ тумэ́-Лэ́скирэ писха́рья и тумэ́, барэ́ и тыкнэ́, савэ́ дарэ́на Лэ́стыр.”

Sykadyipén 20:12

И мэ дыкхцём мулэн, барэн и тэрнэн, савэ́ сыс тэрдэ́ анги́л троно и лылваря свиткостыр сыс отпхандлэ. Яви́р лылвари́ сыс отпхандлы, сави́ сыс джиибна́скири лылвари́, и мулэ́ сыс сэндиндлэ пир дова́, со ёнэ кэрдэ́ пал пэ́скиро джиибэ́н, и со сыс зачхиндло́ дрэ лылваря.

Sykadyipén 6:15

И кра́лья пхувья́кирэ, и барэ́ рая́, и тысёнцэнгирэ-халадэ́нгирэ барыдыра́, барвалюки, и зоралэ́ мануша́, и кажно писха́ри, и кажно во́льно ману́ш ґарадынэ дрэ ґебара́ (пешчэры) и машки́р бэргитка штэ́ты,

Apostolengiri Butý 26:22

Нэ Дэвэ́л кэ/жы́ко ададывэсатуно дывэ́с помогинэла ма́нгэ, и, ґа́да, мэ сом тэрдо́ ада́й и допхэнава сарэ́нгэ, тыкнэнгэ и барэнгэ, мэ нисо́ буты́р на ракира́ва, апри́ч дова́, пал со проро́ки и Мо́йза ракирдэ́ пал дова́, со явэ́ла,

Psalmy 115:13

[21] Ёв бахтякирэ́ла одолэ́н, савэ́ дарэ́на Ра́стыр-Дэвлэ́стыр, тыкнэн и барэн.

Ióvo 34:19

Дэвэ́л на прилэ́ла тхагарьенгири риг, адя́кэ-паць Ёв на гинэ́ла барвалэн вучэды́р чорорэндыр, пал-дова́ со Ёв создыя́ и екхэ́с и явирэ́с.

Sykadyipén 15:2

Тэды мэ дыкхцём вари-со сы́рбы стёклы́тко (балунало́) мо́рё (дэрья́в), саво́ сыс змешындло яга́са. И сыс тэрдэ́ пэ мо́рё (дэрья́в) кодолэ́, савэ́ лынэ́ упралыпэ́н пэ рискирибна́скирэ мурдалэ́стэ, пэ лэ́скири патри́н (о́бразо) и лэ́скирэ-лавэскиро чысло (гин). Ёнэ рикирдэ Дэвлэ́скирэ гусли.

Sykadyipén 11:18

На́юды холясынэ долэ́скэ, со явдя́ Тыри́ холы́ дро часо тэ сэндякирэс мулэн, и тэ отдэс палэ Пэ́скирэ писхарье́нгэ, пророкэнгэ, и свэнтонэнгэ и одолэ́нгэ, савэ́ дарэ́на Тырэ́ лавэ́стыр, барэнгэ и тыкнэнгэ. Тэ мулякирэс одолэ́н, савэ́ хасякирэна пхув.”

Колосянэнгэ 3:11

палдава́ нанэ буты́р ни Елинос (Баламэс), ни Юдос, ни обчхиныбэн, ни наобчхиныбэн, ни бэдонэ-нацыякирэ манушэ́с, ни Скифос, ни дынари́с, ни вольнонэ манушэ́с, нэ саро́ и дро саро́ исын Христо́со.

Эфесянэнгэ 6:8

джинэ́н тумэ́, со кажно ману́ш, ко́ли саво́ кэрэ́ла лачхипэ́н, то ёв дава́-паць и дорэсэ́ла палэ Ра́стыр-Дэвлэ́стыр, мэк ёв тэ явэ́л писха́ри ци во́льно.

Galatenge 6:17

Палдава́ адя́кэ: мэк нико́н тэ на пхарьякирэл ман, пал-дова́ со ма́ндэ исын Исусо́скиро шрамы (морима) пэ маса́.

Galatenge 3:28

Нанэ ни Юдос, ни Грекос; нанэ ни писхари́с, ни вольнонэ манушэ́с; нанэ ни муршэ́с, ни джувля́; пал-дова́ со тумэ́ сарэ́ сан екх дро екхипэ́н Исусо́са Христосо́са.

1 Коринфянэнгэ 12:13

Пал-дова́ со амэ болдямпэ екхэ Духо́са дро екх маса́, – Юды ци Гре́ки (Баламэ́), – писха́рья ци вольна мануша́, и сарэ́нгэ амэ́нгэ сыс дыно́ тэ прилас екх Ду́хо (Фа́но).

Psalmy 49:2

Шунэ́н дава́, сарэ́ мануша́лэ: пришунэнпэ сарэ́, кон дживэ́ла пэ свэ́то:

2 Паралипоменоно 15:13

а кажно (сва́ко), кон на лэ́ла тэ родэ́л Рас-Дэвлэ́с, Израилёскирэ Дэвлэ́с, банго́ явэ́ла тэ мэрэ́л, ци тыкно́ ёв, ци баро́, ци мурш, ци джувлы́.

2 Ximaske 3:8

Сыр Яниё (Ианниё) и Ямвриё (Иамвриё) сыс проти Мойзастэ, адя́кэ-паць и ёнэ исын проти чачипэ́н, набарэ́-годякирэ ёнэ исын мануша́, савэ́ рисинэ́ думэ́са пэ патяибэ́н дрэ Христосо́стэ.

Заха́рия 13:6

Лэ́скэ пхэнэ́на: “Со́скэ исын ту́тэ ка́рбы (рубцы) пэ васта́?” И ёв отпхэнэ́ла: “Ваш дова́, со марэнас ман дро кхэр, кай сыс мирэ́ дру́ги (мала́).”