Sykadyipén 13:10 - Библия - Пэ Балтитко Романи чиб (Романэс) 2019

¹⁰ Конэ́скэ трэй тэ лыджа́л дро пле́но, одова́ кокоро́ джа́ла дро пле́но. Кон замарэла куртала́са, одова́ кокоро́ явэ́ла замардо куртала́тыр. Ада́й трэй вырикирибэн и патяибэ́н Дэвлэ́скирэ манушэ́нгэ.”

Biblija - Pe Baltitko Romani čib (Romanes) 2019

¹⁰ Konéske trej te lydžál dro pliéno, odová kokoró džála dro pliéno. Kon zamarela kurtalása, odová kokoró javéla zamardo kurtalátyr. Adáj trej vyrikiriben i patiaibén Devléskire manušénge.”

Sykadyipén 13:10 Referans Kwoze

Ереме́ё 15:2

И явэ́ла адя́кэ: ко́ли ёнэ пхэнэ́на ту́кэ: ‘Карик амэ́нгэ тэ джас?’, тэды ту пхэнэ́са лэ́нгэ: ‘Адя́кэ ракирэ́ла Рай Дэвэ́л: ‘Кон исын присэндиндло пэ мэрибэ́н – джа́ пэ мэрибэ́н, кон исын присэндиндло пэ курта́ла – пэ курта́ла, конэ́скэ присэндиндло бари бокх – бари бокх, конэ́скэ присэндиндло пле́но – дро пле́но.

Sykadyipén 14:12

Ѓа́да, трэй вырикирибэн свэнтонэнгэ, савэ́ приракхэна Дэвлэ́скирэ припхэныбэна́ и патяибэ́н дрэ Исусо́стэ.

Sykadyipén 3:10

Палдава́ со ту ракхцян лав тэ вырикирэс, то и Мэ адя́кэ-паць ракхава тут мардэстыр (штундатыр), ке́ли явэ́на тэ пропатякирэн саро́ свэ́то, соб (кай) тэ пропатякирэн кажнонэ́ манушэ́с, кон дживэ́ла пэ пхув.

Luka 21:19

Нэ тумарэ́ вырикирибнаса тумэ́ зракхэна ду́хо (фа́но) ваш чачуно́ джиибэ́н.

Isajos 33:1

Бида ту́кэ одова́, кон исын мижэх чор, конэ́стыр на отлэнас, и чор, конэ́стыр на чорэнас! Ко́ли обчорэса саро́ [мэкэса тэ чорэс-р.с.], ту́тыр отлэна, ко́ли пириячэса тэ чорэс, ту́тыр чорэна.

Юдэ́нгэ 6:12

соб (кай) тумэ́ тэ на явэ́н кирнэ-масэ́нгиро, а тумэ́ тэ кэрэ́н адя́кэ-паць, сыр кодолэ́ мануша́, савэ́ пэ́скирэ патяибна́са и длугонэ ужакирибнаса дорэсэ́на дова́, пал со Дэвэ́л дыя́ лав лэ́нгэ.

Sykadyipén 2:2

“Мэ джино́м (джина́в) Тыри́ буты́ и сыр бут ту кэрдя́н буты́, и тыро́ вырикирибэн, и дова́, со ту на могинэ́са тэ пирилыджас чорэ́ манушэ́н, и со ту пропатякирдян кодолэ́н, савэ́ пхэнэ́на пэ пэ́стэ “Апо́столы” и савэ́ нанэ, со ту латхян, со ёнэ исын хохаибнарья;

Матфеё 26:52

Нэ ракирэ́ла лэ́скэ Ису́со: “Чхув палэ пэ́скири курта́ла пэ ла́киро штэ́то; пал-дова́ со, кон лэ́ла курта́ла, куртала́тыр хасёла.

Ереме́ё 43:11

И явэ́ла ёв и розмарэла пхув Египто́скири, кон исын банго́ тэ мэрэ́л, джа́ла пэ мэрибэ́н, кон банго́ дро пле́но, джа́ла дро пле́но, кон банго́ тэл курта́ла, джа́ла тэл курта́ла.

Sykadyipén 16:6

Пал-дова́ со ёнэ прочхудэ рат Трэ свэнтонэнгирэ и пророкэнгиро, И палдава́ Ту дыя́н лэ́нгэ рат тэ пьен, сыр ёнэ исын мол дава́.

Sykadyipén 1:9

Мэ сом Иа́но, тумаро́ пшал, и мал (дру́го), кон исын кхэтанэ́ тумэ́нца дрэ би́да и дро кралипэ́н и кхэтанэ́ вырикирэ́ла пал Исусо́стэ Христосо́стэ. Мэ со́мас пэ о́строво (джип), саво́ кхарэ́лапэ “Патмосо” пал Дэвлэ́скиро лав и пал дова́, со мэ допхэна́вас манушэ́нгэ пал Исусо́стэ Христосо́стэ.

Avakumo 2:3

Пал-дова́ со дава́ дыкхибэ́н сыкавэ́ла пэ часо (цы́ро), саво́ ишчо (инкэ́) явэ́ла, нэ ёв явэ́ла тэ ракирэ́л пал ко́нцо (яго́ро), и ёв на явэ́ла тэ хохавэ́л. На дыкхи́ пэ дава́, со ёв зарикирэлапэ, ужакир лэс. Пал-дова́ со ёв явэ́ла, соб (кай) тэ на явэ́л, ёв на зарикирэлапэ (на отпарувэлапэ).

Roiben 3:26

Дава́ исын мишто́, соб (кай) ману́ш тэ рикирэ́л наде́я, и соб (кай) тэ ужакирэл штылэ́с, сыр Рай Дэвэ́л ракхэ́ла Лэс.

Sykadyipén 3:3

Палдава́ пририпир дова́, со ту сыклякирдян, со ту шундя́н, ракх да́ва и ри́скир пэ́скиро джиибэ́н кэ Дэвэ́л. Ко́ли ту на явэ́са тэ ракхэспэ, тэды Мэ ява́ва пэ ту́тэ сыр чор, и ту на явэ́са тэ джинэ́с, ке́ли мэ ява́ва.

Sykadyipén 2:19

Мэ джино́м тыри́ буты́, тыро́ лачхипэ́н кэ яви́р мануша́, и тыро́ патяибэ́н и тыри́ буты́ ваш Дэвлэ́скэ, и тыро́ вырикирибэн. Тыри́ буты́ какана́ исын буты́р кодолятыр, сави́ сыс ґарэдыр (вагэды́р).

Колосянэнгэ 1:11

соб (кай) Лэ́скири бари зор тэ дэл тумэ́нгэ и тэ кэрэ́л тумэн зоралэнца, волякирэнца и бахталэнца,

Isajos 14:2

Залэна лэн народы, янэ́на пэ лэ́нгиро штэ́то, и кхэр Израилёскиро прилэ́ла лэн кэ пэ Ра́скирэ-Дэвлэ́скири пхув дынарье́нца и дынарицэнца, заухтылэла одолэ́н, кон ухтылдя дро пле́но Израилёс, явэ́ла рай машки́р одолэ́ндэ, кон лэс тасавэлас.

Матфеё 7:2

пал-дова́ со, сыр тумэ́ сэндинэна, адя́кэ-паць и тумэн явэ́на тэ сэндинэ́н; савэ́ мераса тумэ́ меринэна, дасавэ́-паць мераса тумэн явэ́на тэ меринэн.

Isajos 26:21

Акэ, Рай Дэвэ́л выджа́ла Пэ́скирэ штэто́стыр тэ чхувэ́л ка́ра пэ манушэ́ндэ, савэ́ дживэ́на пэ пхув, пал лэ́нгирэ грэ́хи, и пхув откэрэла рат, саво́ прилыя́ дрэ пэ́стэ и на гаравэла пэ́скирэ замардэн.

Sykadyipén 11:18

На́юды холясынэ долэ́скэ, со явдя́ Тыри́ холы́ дро часо тэ сэндякирэс мулэн, и тэ отдэс палэ Пэ́скирэ писхарье́нгэ, пророкэнгэ, и свэнтонэнгэ и одолэ́нгэ, савэ́ дарэ́на Тырэ́ лавэ́стыр, барэнгэ и тыкнэнгэ. Тэ мулякирэс одолэ́н, савэ́ хасякирэна пхув.”

Sykadyipén 17:8

Рискирибна́скиро мурда́л, савэ́с ту дыкхця́н, сыс и буты́р нанэ лэс, и ёв выджа́ла люностыр (адостыр) и джа́ла пэ хасякирибэн. И мануша́, савэ́ дживэ́на пэ пхув, савэнгирэ лава́ нанэ зачхиндлэ́ дрэ джиибна́скири лылвари́ свэто́скирэ англыпна́стыр, явэ́на тэ дивинэнпэ, сыр дыкхэ́на, со рискирибна́скиро мурда́л сыс, и нанэ лэс, нэ ёв нэвэ́стыр явэ́ла.

Sykadyipén 17:11

И рискирибна́нскиро мурда́л, саво́ сыс и савэ́с буты́р нанэ, исын охто́то (бидуе́нгиро дэ́што) кра́ли, кон исын екх кадалэ́ эфта́ (эфтэ) кральендыр, и кон джа́ла пэ хасякирибэн.