Sykadyipén 12:5 - Библия - Пэ Балтитко Романи чиб (Романэс) 2019

⁵ И ёй бияндя́ муршорэс, саво́ явэ́ла тэ хулаинэ́л пэ сарэ́ манушы́тка ро́ды саструнэ́ дэстэса. А ла́киро тыкноро сыс чхудо ваш Дэвлэ́скэ и Лэ́скиро троно.

Biblija - Pe Baltitko Romani čib (Romanes) 2019

⁵ I joj bijandiá muršores, savó javéla te xulainél pe saré manušýtka ródy sastruné destesa. A lákiro tyknoro sys čhudo vaš Devléske i Léskiro trono.

Sykadyipén 12:5 Referans Kwoze

Sykadyipén 19:15

И Лэ́скирэ мо́стыр джа́ла яври́ востро (чолалы́) курта́ла и Ёв явэ́ла тэ мулякирэ́л расы (народы). Ёв явэ́ла тэ чалякирэл лэн саструнэ́ дэстэ́са, и Ёв явэ́ла тэ штакирэл моля́киро (виноскиро) пресо барэ́ холя́тыр, ке́ли Сарэзорья́киро Дэвэ́л древа́н холясо́ла.

Sykadyipén 12:2

Адая джувлы́ сыс пхари́: ёй дэ́лас го́дла дукхэндыр и ёй мэнчындяпэ сыр джувлы́, сави́ биянэ́ла.

Isajos 7:14

Нэ кокоро́ Рай Дэвэ́л дэ́ла ґерты́к/ досыкаибэн тумэ́нгэ: акэ, э патывалы́ тэрны́ джувлы́ прилэ́ла и биянэ́ла чхавэ́с, и дэ́на Лэ́скэ лав: Эмануило.

Sykadyipén 11:12

И ёнэ шундлэ́ зоралы́ зан болыбна́стыр, со ракирдя́ лэ́нгэ: “Джа́н упрэ́ адари́к.” И адалэ́ дуй проро́ки гинэ́ упрэ́ пэ болыбэ́н дро о́блоко, и лэ́нгирэ вэ́рги дыкхнэ́ пэ лэ́ндэ.

Матфеё 1:25

и ёв на джиндя́ Ла сыр ромня́, анги́л дова́, сыр Ёй бияндя́ Чхавэ́с; и ёв дыя́ лав Лэ́скэ Ису́со.

Mihiejo 5:3

Палдава́ Рай Дэвэ́л ячкирэ́ла Израилё кэ/жы́ко дасаво часо, ке́ли ёй, савьякэ трэй тэ биянэ́л, биянэ́ла, тэды кодолэ́ Лэ́скирэ пшалэ, кон яця́пэ, рисёна палэ кэ Израилёскирэ чхавэ́.

2 Коринфянэнгэ 12:2

Мэ джино́м екхэ́ патяибнаскирэс дрэ Христосо́стэ (дэшуштар бэрш палэ, ци ёв сыс дро пэ́скирэ маса́, мэ на джино́м, ци дова́ сыс лэ́скиро ду́хо (фа́но), мэ на джино́м, Дэвэ́л джинэ́ла); адасаво́ ману́ш сыс ґаздыно́ кэ три́то болыбэ́н.

Marko 16:19

И ке́ли Рай Дэвэ́л Ису́со пхэндя́ лэ́нгэ саро́, тэды Ёв сыс ґаздыно́ пэ болыбэ́н и бэсця́ пэ чачо́ васт Дэвлэ́стэ Дадэ́стэ.

Ереме́ё 31:22

Сыр ґара́ (длу́гэс) ту явэ́са тэ псирэ́с пэ́скэ ту, чхаё, сави́ отпыя? Пал-дова́ со Рай Дэвэ́л кэрдя́ вари-со нэво́ пэ пхув” – э джувлы́ зракхэ́ла ромэс.

Isajos 66:7

На мэнчынэласпэ ёй, ко́ли биянэлас, нэ бияндя́; ишчо (инкэ́) на поддгия дукх ла́кири, а ёй бияндя́ чхавэ́с.

2 Коринфянэнгэ 12:4

со ёв сыс ґаздыно́ дро Болыбна́скиро Раё, и шундя́ дасаво, со нашты́ тэ пиридэл лавэ́нца, савэ́ манушытконэ́ уштэ́нца фэды́р тэ на выпхэнэн.

Sykadyipén 12:13

И ке́ли драконо дыкхця́, со лэс чхурдынэ́ тэлэ́ пэ пхув, тэды ёв лыя́ тэ традэл джувля́, сави́ бияндя́ муршорэс.