Sykadyipén 12:3 - Библия - Пэ Балтитко Романи чиб (Романэс) 2019

³ И сыс яви́р ґерты́к дыцьлы/бицялы пэ болыбэ́н: и, акэ, баро́ лоло́ драконо эфта́ (эфтанэ) шэрэнца и дэшэнца шынгэнца и пэ далэ́ шэрэ́ сыс эфта́ диадэмы;

Biblija - Pe Baltitko Romani čib (Romanes) 2019

³ I sys javír ĥiertýk dyc'ly/bicialy pe bolybén: i, ake, baró loló drakono eftá (eftane) šerenca i dešenca šyngenca i pe dalé šeré sys eftá diademy;

Sykadyipén 12:3 Referans Kwoze

Sykadyipén 17:12

И дэш шынга́, со ту дыкхця́н, дава́ исын дэш кра́лья, савэ́ндэ ишчо (инкэ́) нанэ кралипэ́н, нэ ёнэ дорэсэ́на зор пэ екх мардо́ (шту́нда), сыр кра́лья рискирибна́скирэ мурдалэса.

Sykadyipén 12:9

И баро́ драконо сыс чхурдыно́ тэлэ́, пхурано́ сап, савэ́с кхарэ́на на́лачхо ци бэнг, саво́ хохавэлас саро́ свэ́то. Ёв сыс чхурдыно́ тэлэ́ пэ пхув и лэ́скирэ Янго́лы сыс чхурдынэ́ тэлэ́.

Sykadyipén 17:16

И дэш шынга́, савэ́ ту дыкхця́н пэ рискирибна́скирэ мурдалэ́стэ, явэ́на древа́н тэ на сыкавэ́н паты́в розмэкнэ джувля́кэ: ёнэ лэ́на сари́ зор ла́тыр и мэкэ́на ла нангяса и ха́на сарэ́са ла́кири лоч (плоть) и хачкирэна ла яга́са.

Sykadyipén 17:7

И Янго́ло пхэндя́ ма́нгэ: “Со́скэ ту дивинэсапэ? Мэ пхэна́ва ту́кэ кадаля-джувля́киро и далэ́-рискирибна́скирэ-мурдалэскиро чораханыбэн, саво́ лыджа́ла ла и савэ́стэ сыс эфта́ шэрэ́ и дэш шынга́ (ро́ги).

Дание́лё 7:24

А дэш шынга́ сыкавэ́на, со кодолэ́ кралипнастыр ґаздэ́напэ дэш кра́лья, тэ́ньчи лэ́ндыр ґаздэ́лапэ яви́р, нанэ сыр ґаратунэ́, и лэ́ла тэлэ́ пэ́стэ тринэ́ кралье́н,

Дание́лё 7:20

и пал дэш шынга́ (ро́ги), савэ́ сыс пэ лэскро шэро́, и пало́ яви́р, саво́ сыс нэвэ́с выбарино, анги́л саво́ выпынэ трин, пало́ кадасаво́ шынг, дро саво́ сыс якха́ и о вушта, савэ́ ракирэ́нас пхутькирдэс, и саво́ сыс пэ мина барэды́р сарэ́ндыр.

Sykadyipén 20:2

Ёв ухтылдя драконос, пхуранэ́ сапэс, кон исын на́лачхо ци сатана и пхандя лэс пэ бар (тысёнцо) бэрш;

Sykadyipén 12:4

и лэ́скири пори тырдэла три́то паш болыбна́скирэ чэргэнендыр и ёв чхурдыя́ тэлэ́ лэн пэ пхув. И драконо тэрдия́ анги́л джювлятэ, савьякэ трэиндя́ тэ биянэ́л, соб (кай), сыр ёй биянэ́ла, ёв могиндя́ тэ хал тыкнорэ́с.

Sykadyipén 12:1

И сыс дыцьлы/бицялы древа́н бари ґерты́к (знаме́ниё) пэ болыбэ́н: сыс джувлы́ сы́рбы уриды дро кхам и чхон сыс тэл ла́кирэ ґэра́, и вя́нка (коро́на), сави́ сыс чхуды́ кхэтанэ́ дэшудуе́ чэргэнендыр, сыс пэ ла́киро шэро́.

Sykadyipén 16:13

И мэ дыкхцём трин бэда ду́хи, савэ́ сыс сыр цапня (жамбы). Ёнэ джа́нас яври́ мо́стыр драконостыр, рискирибна́скирэ мурдалэстыр и хоханэ́ пророкостыр.

Isajos 51:9

Ѓаздэпэ, ґаздэпэ, яв зорало́, васт Ра́скирэ-Дэвлэ́скиро! Ѓаздэпэ сыр дрэ пхуранэ́ бэрша́, ко́ли ґаратуно ро́до дживэлас! Ци на ту хасякирдян Раавос, хасякирдян крокодилос?

Isajos 27:1

Дро дова́ дывэ́с чингирэла Рай Дэвэ́л пэ́скирэ куртала́са, сави́ исын пхари́, бари и зоралы́ Левиафонос (драконос), сапэс, саво́ маму́й (прямэс) прастала, и Левиафонос, сапэс, саво́ выкрэнцынэлпэ (диндькирэлапэ), и мулякирэ́ла Рай Дэвэ́л долэ́ даранэ рупучос, саво́ дживэ́ла дро мо́рё (дэрья́в).

Sykadyipén 19:12

Лэ́скирэ якх сыс сыр яга́нгири чибори́ и бут диадэмы сыс пэ Лэ́скиро шэро́. Лэ́стэ исын зачхиндло́ титуло (лав), со нико́н на джиндя́ апри́ч Лэ́стэ,

Sykadyipén 12:17

А драконо зоралэ́с холя́сыя пэ джувля́тэ и гия́ пэ марибэ́н явирэ ла́кирэ биятэнца, савэ́ ячнэ́пэ ла́кирэ родо́стыр, кон приракхэлас Дэвлэ́скирэ припхэныбэна́ и рикирэлас Христосо́скирэ лава́.

Isajos 9:15

Пхуро́ и барвало́ – дава́ исын шэро́, а проро́ко – хохаибнари – дава́ исын пори.

Дание́лё 2:42

И сыр ΄гэрэнгирэ ангушта сыс паш-саструнэ́, паш-глэяна, то адя́кэ о кралипэ́н явэ́ла паш зорало́, паш бизорья́киро.

Sykadyipén 12:7

И кэрдя́пэ марибэ́н дро Болыбна́скиро Раё. Михаило и лэ́скирэ Янго́лы мардэ́пэ драконоса. А драконо и лэ́скирэ Янго́лы мардэ́пэ палэ и лэ́нца:

Sykadyipén 12:13

И ке́ли драконо дыкхця́, со лэс чхурдынэ́ тэлэ́ пэ пхув, тэды ёв лыя́ тэ традэл джувля́, сави́ бияндя́ муршорэс.

Sykadyipén 13:1

И мэ со́мас тэрдо́ пэ морёскиро (дэрьявэ́скиро) пра́хо. И мэ дыкхцём рискирибна́скирэ мурдалэс (зверёс), саво́ ґаздэласпэ морёстыр (дэрьявэстыр), савэ́стэ сыс эфта́ шэрэ́ и дэш шынга́ (ро́ги). Пэ кажно лэ́скиро шынг сыс диадэма, а пэ кажно шэро́ сыс лав тэ калякирэн Дэвлэ́с.

Sykadyipén 13:2

И рискирибна́скиро мурда́л, савэ́с мэ дыкхцём, сыс сы́рбы леопардо, а ґэра́ (пирэ́) сыс лэ́стэ сы́рбы ричэскирэ ґэра́, а муй лэ́скиро сыс сы́рбы муй шчэрэстэ (левостэ). И драконо дыя́ лэ́скэ пэ́скири зор и троно и бари зор.

Sykadyipén 13:4

И ёнэ клониндлэпэ патыва́са рискирибна́скирэ мурдалэскэ, ракири́: “Кон исын адасаво́, сыр дава́ рискирибна́скиро мурда́л? Кон могинэ́ла (саштынэла) тэ марэ́лпэ лэ́са?”

Sykadyipén 15:1

И мэ дыкхцём яви́р бари и дивно ґерты́к (знаме́ниё) пэ болыбэ́н: сыс эфта́ Янго́лы эфта́ (эфтэ) палатунэ́ франсэнца, савэ́нца Дэвлэ́скири холы́ кончындяпэ.

Дание́лё 2:41

Нэ дова́, со ту дыкхця́н-ґэра́ и ангушта ґэрэнгирэ на́бут пиритконэ глэятыр, на́бут саструнэ́, то адя́кэ явэ́ла роскэрдо кралипэ́н, и дрэ лэ́стэ ячэ́лапэ на́бут саструно зоралыпэ́н, адя́кэ сыр ту дыкхця́н састы́р, змешымэ мэлалэ ґлэяса.