Sykadyipén 12:10 - Библия - Пэ Балтитко Романи чиб (Романэс) 2019

¹⁰ И мэ шундём зоралы́ зан болыбна́стыр, со ракирдя́: “Какана́ явдя́ зракхибэ́н и зор и Кралипэ́н Дэвлэ́стыр Дадэ́стыр. Какана́ исын Лэ́скирэ-Христососкири зор, пал-дова́ со бангякирибнаскиро пэ амарэ́ пшалэ́ндэ, саво́ бангякирэлас лэн анги́л Дэвлэ́стэ дывэсэ́ и раты́, сыс чхурдыно́ тэлэ́.

Biblija - Pe Baltitko Romani čib (Romanes) 2019

¹⁰ I me šundjom zoralý zan bolybnástyr, so rakirdiá: “Kakaná javdiá zrakhibén i zor i Kralipén Devléstyr Dadéstyr. Kakaná isyn Léskire-Xristososkiri zor, pal-dová so bangiakiribnaskiro pe amaré pšalénde, savó bangiakirelas len angíl Devléste dyvesé i ratý, sys čhurdynó telé.

Sykadyipén 12:10 Referans Kwoze

Luka 22:31

[И пхэндя́ Рай Дэвэ́л р.с.]: “Симоне, Симоне! Дыкх жа, на́лачхо древа́н закамдя́ тэ пропатякирэл тумэн сы́рбы тэ просеинэл тумэн пир сито (поризэн), сыр просеинэна парно́ гив,

Sykadyipén 11:15

И эфта́то (битринэнтиро дэ́што) Янго́ло пхурдыя дрэ пэ́скиро ро́го (труба): и сыс зоралэ́ заня́ пэ болыбэ́н, со ракирдэ́: “Свэтытко Кралипэ́н амарэ́ Ра́скирэ-Дэвлэ́скиро и Лэ́скирэ Христосо́скиро явдя́ и Ёв явэ́ла тэ кралинэн пэ сарэ́ ве́ки.”

Дание́лё 2:44

И дро дывэса́ кодолэ́ кралипнаскирэ о Дэвэ́л Болыбна́скиро чхувэ́ла кралипэ́н, саво́ дро ве́ки на пхадёла, и кодова́ кралипэ́н на явэ́ла пиридыно явирэ народоскэ; ёв пхаравэла и пхагирэ́ла сарэ́ кралипэна́, и ёв кокоро́ явэ́ла тэ тэрдёл дро ве́ки,

1 Паралипоменоно 29:11

Тыро́, Раё Дэ́вла, райканыпэн, и зоралыпэ́н, и сла́ва, и збе́рдыма (побе́да), и саро́, со исын пэ болыбэ́н и пэ пхув, исын Тыро́; Тыро́, Дэ́вла, кралипэ́н, и Ту сан вучэды́р сарэ́стыр, сыр Баро́ Рай, Саво́ хулаинэла.

Матфеё 28:18

На Ису́со явдя́ и пхэндя́ лэ́нгэ; “Саро́ право дыно́ Ма́нгэ, сыр пэ болыбэ́н, адя́кэ пэ пхув.

Ióvo 1:11

Нэ Ту, ґа́да, фэ́ни (то́ка) лэ Пэ́скирэ вастэ́са и закэдэ саро́, со исын лэ́стэ, и ёв, чачэс, на явэ́ла тэ бахтякирэ́л Тут!”

Ióvo 1:9

И на́лачхо отпхэндя́ Ра́скэ-Дэвлэ́скэ и пхэндя́: “Ци простэс Ио́во дарэ́ла Дэвлэ́стыр?

Sykadyipén 2:26

Одолэ́скэ, кон пиризорьякирэла и ракхэ́ла дова́, со Мэ кэра́ва кэ ко́нцо (кэ яго́ро), Мэ да́ва лэ́скэ зор пэ Наюдэ́ндэ,

2 Коринфянэнгэ 12:9

И Ёв пхэндя́ ма́нгэ: “Ухты́лла (до́си) ваш ту́кэ Миро бахталыпэ́н, саво́ сыкавэлапэ со най фэдэды́р, ке́ли мэ сом бизорья́киро!” Палдава́ ма́нгэ буты́р пир ило́ тэ шаравпэ мирэ́ бизоралыпнаса, соб (кай) Христососкири зор тэ заджа́л дрэ ма́ндэ.

Luka 11:2

Ису́со пхэндя́ лэ́нгэ: “Ке́ли тумэ́ мангэ́напэ Дэвлэ́скэ, тэды ракирэ́н: ‘Дад амаро́ Болыбна́скиро! Мэк тэ славинэлпэ Тыро́ свэ́нто лав; Мэк тэ явэ́л Тыро́ Кралипэ́н, Мэк тэ сполнинэ́лпэ, Тыри́ во́ля сыр пэ пхув, адя́кэ пэ болыбэ́н;

Матфеё 26:64

Ису́со пхэндя́ Лэ́скэ: “Адя́кэ, сыр Ту пхэндя́н; нэ Мэ пхэна́ва тумэ́нгэ: Ададывэсатунэ дывэсэ́стыр тумэ́ дыкхэ́на Чхавэ́с Манушэ́скирэ, Саво́ явэ́ла тэ бэшэ́л пэ о́блоки болыбна́скирэ пир чачи́ (право) риг Дэвлэ́скирэ Зорьякири.”

Матфеё 6:10

Мэк тэ явэ́л Тыро́ Кралипэ́н, Мэк тэ сполнинэ́лпэ Тыри́ во́ля пэ пхув, Сыр и пэ болыбэ́н;

Psalmy 22:28

Сарэ́ яго́ры (краи́) пхувья́кирэ явэ́на тэ рипирэ́н, и тэ рисён кэ Рай Дэвэ́л, и сарэ́ Наюды́тка ро́ды поклонинэнапэ патыва́са Ту́кэ.

Ióvo 2:5

Нэ ту протырдэ анги́л Тыро́ васт и чилав лэ́скирэ кокалы́, и, лэ́скирэ маса́, и подыкх, ци бахтякирэ́ла ёв тут [ёв, чалэ́с, кэрэ́ла прокошыбэ́н (арман) пэ ту́тэ кэ муй Тыро́-ю.о.].”

Titoske 2:3

соб (кай) пхурэ́ джувля́ адя́кэ-паць тэ ладжан пэс патывалэс, сыр трэй свэнтонэнгэ, тэ на злыджан плётки, и тэ на пьен бут мол, а тэ сыклякирэ́н лачхипнаскэ явирэ манушэ́н;

1 Коринфянэнгэ 5:4

ваш Ра́скирэ-Дэвлэ́скиро лав, ке́ли тумэ́ скэдэ́напэ кхэтанэ́ дрэ кхангири́ и сы́рбы пир миро ду́хо (фа́но) и Ра́скирэ-Дэвлэ́скирэ зорья́са амарэ́ Исусо́скирэ Христососкирьяса,

Psalmy 45:6

Тырэ́ марибны́тка бустя́ (стре́лы) исын востра (чолалэ́) дро ило́ тырэ́ вэргэ́нгирэ, манушыпнаскирэ на́цыи пэрэ́на тэл Ту́тэ.

Sykadyipén 7:10

И ёнэ дэ́нас го́дла зоралэ́ заня́са и пхэнэнас: “Зракхибэ́н явэ́ла амарэ́ Дэвлэ́стыр, Саво́ исын бэшто́ пэ троно и Свэнтонэ́ Бакрорэстыр.”

1 Petr 5:8

Явэ́н трезва (ны́рна), ракхэ́нпэ. Тумаро вэ́рго, на́лачхо, псирэ́ла сыр шчэр (ле́во), саво́ рыкинэла и родэ́ла, конэ́с тэ хал.