Sykadyipén 11:3 - Библия - Пэ Балтитко Романи чиб (Романэс) 2019

³ И мэ да́ва зор мирэ́ дуе Якхитконэнгэ и ёнэ явэ́на тэ ангилпхэнэн тысёнцо дуй шэла́ шовдэша́ дывэса́, савэ́ явэ́на уридэ́ дрэ гонэ́ балэндыр.”

Biblija - Pe Baltitko Romani čib (Romanes) 2019

³ I me dáva zor miré duje Jakhitkonenge i jone javéna te angilphenen tysjonco duj šelá šovdešá dyvesá, savé javéna uridé dre goné balendyr.”

Sykadyipén 11:3 Referans Kwoze

Sykadyipén 12:6

Джувлы́ насця пэ чхучи́ пхув пэ штэ́то, саво́ Дэвэ́л приготовиндя ла́кэ, соб (кай) ёнэ тэ чалякирэн ла екх бар и дуйшэла́ шовдэша́ дывэса́.

Sykadyipén 11:2

А грэ́да (дво́ро), сави́ исын яврестыр пал Кхангири́, мэк ла и на мерин ла. Ёй сыс дыны́ Наюдэ́нгэ. Ёнэ явэ́на тэ штакирэн ґэрэ́нца Свэ́нто Фо́ро штардэша́ дуй чхона́.

Sykadyipén 13:5

И мурдалэскирэ москэ сыс дыны́ во́ля тэ пхэнэ́л пхутькирдэ́ лава́ тэ калякирэл Дэвлэ́с, и лэ́скэ сыс дыны́ зор тэ кэрэ́л пэ́скири буты́ штардэша́ дуй чхона́.

Яви́р Зако́но 19:15

На ухтылэ́ла (на́доси) екхэ-якхитконэс (свидетелёс) проти вари-конэ́стэ дрэ вари-сави́ банг, и дро вари-саво́ грэ́хо, саво́ ёв кэрдя́: пашы́л дуе-якхитконэнгирэ лава́, ци пашы́л тринэ́-якхитконэнгирэ лава́, явэ́ла рэ́ндо.

Apostolengiri Butý 13:31

И бут дывэса́ Ису́со сыкадёлас кэ одолэ́ мануша́, савэ́ кхэтанэ́ Лэ́са явнэ́ Галилеятыр дро Ерусалимо, савэ́ какана́ исын Лэ́скирэ якхи́тка анги́л манушэ́ндэ.

Apostolengiri Butý 1:8

нэ тумэ́ндэ явэ́ла зор, ке́ли Свэ́нто Ду́хо (Фа́но) джал тэлэ́ пэ тумэ́ндэ, и тумэ́ явэ́на Мирэ́ якхи́тка (свидетели) дро Ерусалимо и пэ сари́ Юдэ́я и Сама́рия и адя́кэ-паць пир сари́ пхув.”

Luka 24:48

И тумэ́ сан якхи́тка (свидетели) пал дава́.

Isajos 22:12

И Рай Дэвэ́л, Рай Дэвэ́л, болыбна́скирэ-янголэ́нгиро, кхарэ́ла кэ Пэ тумэн, соб (кай) тумэ́ тэ ровэ́н, тэ годлэн дро дава́ дывэ́с, соб (кай) тумэ́ тэ обчхинэн бала́, соб (кай) тэ обпхандэнпэ гонэса праскаса, саво́ урьена дрэ биба́хт.

Džiibén 37:34

И роскостя Яково пэ́скирэ и́ди, и чхудя́ балытко гоно́ праскаса пэ пэ́скирэ пашварэ, и обровэлас ёв бут дывэса́ пэ́скирэ чхавэ́с.

2 Коринфянэнгэ 13:1

Дава́ явэ́ла три́то мо́ло мэ джа́ва кэ тумэ́. “Трэй дуй ци трин якхи́тка (свиде́тели), соб (кай) тэ чхувэ́н зор (тва́рдыма) пэ лав пир дава́ рэ́ндо.”

Apostolengiri Butý 2:32

Дэвэ́л отджидякирдя́ Исусо́с мэрибна́стыр, и амэ сарэ́ сам якхи́тка далэскэ.

Joannostir 15:27

Нэ адя́кэ-паць и тумэ́ явэ́на тэ допхэнэн, пал-дова́ со тумэ́ са́нас Ма́нца самонэ англыпна́стыр.

Матфеё 18:16

Нэ ко́ли на явэ́ла тэ кандэл пшал тыро́, лэ пэ́са ишчо (инкэ́) екхэ́с ци дуе́н, соб (кай) кажно лав, савэ́са ту бангякирэса Лэс, тэ чхувэ́н зор адалэ́ дуй ци трин якхи́тка.

Roiben 2:10

Годэпхурэ́ Сионоскирэ исын бэштэ́ штылэ́с пэ пхув; и исын ёнэ чхурдэна пра́хо пэ пэ́скирэ шэрэ́ и ёнэ подпхандэнапэ жалобнонэ гонэса. Ерусалимо́скирэ патывалэ́ тырнэ джувля́ бандякирэна шэрэ́ кэ пхув.

Ióvo 16:15

Мэ сыдём пэ́скэ жалобно гоно́ пэ мири́ цы́па, и чхудём пэ́скиро шэро́ дро пра́хо.

1 Паралипоменоно 21:16

И ґаздыя́ Дави́до пэ́скирэ якха́, и дыкхця́ Янголо́с Ра́скирэ-Дэвлэскирэс, Саво́ сыс тэрдо́ машки́р пхув и болыбэ́н, вытырдынэса куртала́са дро лэ́скиро васт, протырдыи курта́ла пэ Ерусалимо; и пыя́ Дави́до и пхурыдыра́, учхакирдэ балытконэ гонэнца пэ пэ́скирэ муя́.

Čysly 11:26

Дуй мурша́ ячнэ́пэ дро ста́но, екхэскиро лав сыс Елдадо, а явирэскиро лав сыс Модадо; нэ пэ лэ́ндэ сыс Ду́хо (Фа́но), и, со ёнэ ангилпхэнэнас дро ста́но [ёнэ сыс зачхиндлэ́ (записындлэ) нэ ёнэ на гинэ́ дрэ ша́тра шатратыр ёнэ ангилпхэнэнас дро ста́но-ю.о.]

Sykadyipén 19:10

И мэ пыём анги́л лэ́скирэ ґэра́ тэ поклонинавпэ патыва́са лэ́скэ. Нэ ёв пхэндя́ ма́нгэ: “Дыкх жа, на́ кэр дава́. Мэ сом дасаво-паць писха́ри, сыр ту сан, и мэ сом кхэтанэ́ тырэ́ пшалэ́нца тэ досыкавав пал Христосо́стэ. Дэ паты́в Дэвлэ́скэ, пал-дова́ со допхэныбэ́н пал Христосо́стэ исын Христосо́скиро лав.”

Sykadyipén 1:5

и Исусо́стыр Христосостыр, Саво́ исын патяибны́тко Якхи́тко (Свидетелё), Саво́ исын Пэ́рво, кон уштыя́ мулэ́ндыр и Саво́ исын Барыдыро́ пэ кралье́ндэ пир пхув. Лэ́скэ, Савэ́скэ яця́м дро́га амэ, Ёв отмэкця́ амарэ́ грэ́хи Пэ́скирэ ратэ́са,

Apostolengiri Butý 3:15

нэ тумэ́ мулякирдэ́ джиибна́скирэ Шэрэ Рас, Конэ́с Дэвэ́л отджидякирдя́ мэрибна́стыр и амэ сам якхи́тка дро дава́.

Дание́лё 12:7

И шунавас мэ, сыр о мурш дро гандладытко урибэ́н, саво́ сыс упра́л рэкитко пани́, ґаздыя́ чачо́ и зэ́рво (ле́во) васт кэ болыбэ́н, совлахадя́ вечнонэ Джидэса, со кэ дывэсэнгиро ко́нцо (яго́ро) и кэ часы и кэ паш-часы, и, сыр кончынэлапэ сарэ́са зор свэнтонэ́ народоскири, то саро́ дава́ кэрэ́лапэ, чачипна́са сыр трэиндя́.

Яви́р Зако́но 17:6

Пир дуе-якхитконэнгирэ (свидетеленгиро) лава́, ци тринэ́-якхитконэнгирэ, банго́ исын тэ мэрэ́л ману́ш, саво́ исын сэндиндло пэ мэрибэ́н. Нэ нашты́ тэ отдэс лэс мэрибна́скэ пир лава́ екхэ якхитконэскирэ (свидетелёскиро).

Sykadyipén 20:4

И мэ дыкхцём троны и одолэ́н, савэ́ бэшэнас пал сками́нд, савэ́нгэ сыс дыно́ тэ сэндякирэн. И мэ дыкхцём дия́ одолэнгирэ, конэ́скэ чингирдэ шэрэ́, палдова́ со ёнэ допхэнэнас пал Христосо́стэ и пал Дэвлэ́скиро лав. Ёнэ на клониндлэпэ патыва́са анги́л рискирибна́скирэ мурдалэ́стэ ци анги́л лэ́скири патри́н (о́бразо), ёнэ на прилынэ́ клеймоскири шпэ́ра пэ чэка́т ци пэ лэ́нгиро васт. И ёнэ отджидынэ и кралиндлэ Христосо́са бар бэрш.

Эфесянэнгэ 4:11

и Ёв чхудя́ вари-конэ́с Апостолэнца, вари-конэ́с пророкэнца, вари-конэ́с тэ роспхэнэ́н манушэ́нгэ бахталы́ зан, вари-конэ́с Дэвлытконэ́-манушэ́нгирэ ракхибнарье́нца и вари-конэ́с сыклякирибнаскирэ́нца,

1 Коринфянэнгэ 12:28

И Дэвэ́л чхудя́ сарэ́н пэ пэ́скиро штэ́то дрэ кхангири́: Апостолэн пэ пэ́рво штэ́то, пророкэ́н пэ яви́р штэ́то, сыклякирибнаскирэн пэ три́то штэ́то; тэды Ёв дыя́ зор явирэ́нгэ тэ кэрэ́н ди́вы; адя́кэ-паць таланы тэ састякирэн, тэ помогинэн; тэ хулаинэн; тэ ракирэ́н пэ наджиндлэ чиба́ (чибья́).

Joannostir 3:27

Иа́но отпхэндя́ и пхэндя́ лэ́нгэ: “Ману́ш нашты́ нисо́ тэ кэрэ́л кокоро́ пэ́стыр, ко́ли на явэ́ла дыно́ лэ́скэ болыбна́стыр.

2 Kralip 3:31

И пхэндя́ Дави́до Иоавоскэ и сарэ́ манушэ́нгэ, савэ́ сыс лэ́са: “Роскушэн тумарэ́ и́ди, и урьенпэ дрэ калыпэ́н, и ровэ́н пал Авениростэ.” И кра́ли Дави́до гия́ пал лэ́скиро мулыкано (гробо).

3 Kralip 21:27

И сыс адя́кэ: сыр Аха́во вышундя далэ́ лава́, то ёв роскусця и́ди пэ́скирэ, и причхудя гоно́ праскаса пэ маса́ пэ́скирэ, и постиндя ёв, и сыс суто́ дро гоно́, и ёв псирдя́ пхарэ́ минаса.

4 Kralip 19:1

Ке́ли шундя́ кра́ли Езэки́я дава́, то тэды роскустя пэ́скирэ и́ди, и учхакирдяпэ гонэса дрэ пра́ска (пепло), и гия́ дро Ра́скирэ-Дэвлэ́скиро Кхэр.

Ниеми́я 9:1

Пэ биш тэ шта́рто дывэ́с дро дава́ чхон скэдынэ́пэ сарэ́ чхавэ́ Израилёскирэ, савэ́ постынэна дрэ балы́тка гонэ́ (пеплоса) пэ шэро́.

Psalmy 69:11

Ке́ли мэ тэлякирдём пэс и лыём тэ постинав, пал дава́ ёнэ адя́кэ-паць ман обракирдэ,

Ереме́ё 1:10

Дыкх! Мэ чхудём тут ададывэ́с сыр барыдырэ́с пэ манушы́тка на́цыи и пэ кралипэна́: тэ рискирэс криг корне́нца (рукхэ́нца), тэ пхагирэс кэ пхув, тэ розмарэс пэ котэра́, и тэ чхурдэс тэлэ́; тэ ґаздэс кхэра́, и тэ почхувэс гив дрэ пхув.”

Езэкилё 4:6

Ко́ли ту кэрэ́са саро́ адя́кэ, то яви́р мо́ло пасёв пэ чачо́ (право) пашваро, и штардэша́ дывэса́ лы́джа пэ пэ́стэ Юда́скирэ-кхэрэ́скиро чорипэ́н, дывэ́с пал бэрш, дывэ́с пал бэрш, сыр Мэ выкэдыём ту́кэ.

Дание́лё 7:25

и пэ Най Вучэдырэскирэстэ (Дэвлэ́стэ) ёв явэ́ла тэ пхэнэ́л шардытка лава́ и тэ пхарьякирэл свэнтонэн манушэ́н Най Вучэдырэскирэн, и ёв придуминэла тэ отпхэнэл лэ́ндэ свэнкитка часы и Зако́но, и явэ́на ёнэ отдынэ́ дро лэ́скиро васт кэ / жы́ко часо, и кэ часы, и кэ паш часо.

Дание́лё 8:14

И пхэндя́ ёв ма́нгэ: “Пэ дуй бара́ (тысёнцы) трин шэла́ бэльвэля и злоки (ранки); и тэ́ньчи жужакирэлапэ свэнтыма.”

Ioil 1:13

Подпхандэнпэ жалобнонэ балытконэ гонэса, и ровэ́н зоралэ́с тумэ́, кон сан рашая́: тугинэ́н ровибнаса, тумэ́ кон кэрэ́ла Дэвлэ́скири буты́ анги́л алта́рё. Явэ́н, пасён сари́ рат, дрэ жалобна балытка гонэ́ тумэ́, кон кэрэ́ла буты́ мирэ́ Дэвлэ́скэ; пал-дова́ со буты́р на янэ́на свэ́нто дыибэ́н гивэстыр и тхадуно свэ́нто дыибэ́н дрэ Кхангири́ тумарэ́ Дэвлэ́скири.

Jona 3:5

И э мануша́ Ниневиятыр патяндынэ́ Дэвлэ́скэ, и ёнэ пхэндлэ́ сарэ́нгэ (обзанякирдэ) пал посто, и чхудэ́ пэ пэ́стэ жалобна балытка гонэ́, най барэдырэстыр кэ най тыкнэды́р ману́ш лэ́ндыр.

Jona 3:8

Нэ мэк мануша́ и мурдала́ тэ учхакирэн пэс жалобнонэ балытконэ гонэса, и тэ прикхарэн зоралэ́с Дэвлэ́с; адя́кэ, соб (кай) кажно лэ́ндыр тэ рисёл пэ́скирэ бибахталэ́ дромэ́стыр и нахратыматыр (насилиёстыр), со кэрдэ́ лэ́скирэ васта́.

Матфеё 11:21

“Бида ту́кэ, Хоразино! Бида ту́кэ, Вифсаида! Пал-дова́ со, ко́ли дасавэ́ ди́вы, со сыс кэрдэ́ дрэ тумэ́ндэ, тэ явэ́н кэрдэ́ дрэ Ти́ро и Сидоно, ёнэ ґара́ рискирэнас пэ́скиро джиибэ́н кэ Дэвэ́л дро урибэ́н балытконэ гонэстыр и дро пепло.

Luka 10:13

Бида ту́кэ, Хоразино! Бида ту́кэ, Вифсаида! Пал-дова́ со, ко́ли дасавэ́ ди́вы, со сыс кэрдэ́ дрэ тумэ́ндэ, тэ явэ́н кэрдэ́ дро Ти́ро и Сидоно, ёнэ ґара́ рискирэнас пэ́скиро джиибэ́н кэ Дэвэ́л дро урибэ́н балытконэ гонэстыр и дро пепло;

Sykadyipén 11:6

Адалэ́ Якхитконэндэ исын зор тэ пхандэн болыбэ́н, соб (кай) тэ на джал брышы́нд, ке́ли ёнэ явэ́на тэ ангилпхэнэн (тэ пророчынэн). И ёнэ рикирэ́на зор, соб (кай) паня́ тэ пирикэрэнпэ дро рат и тэ мулякирэ́н лэн франсэнца ада́кицы бут мо́лы, кицы́ ёнэ выкэдэна.