Sykadyipén 10:5 - Библия - Пэ Балтитко Романи чиб (Романэс) 2019

⁵ И Янго́ло, Савэс мэ дыкхцём, тэрдиндой пэ море (дэрья́в) и пэ пхув, ґаздыя́ пэ́скиро чачо́ васт кэ болыбэ́н,

Biblija - Pe Baltitko Romani čib (Romanes) 2019

⁵ I Jangólo, Saves me dykhcjom, terdindoj pe morie (derjáv) i pe phuv, ĥazdyjá péskiro čačó vast ke bolybén,

Sykadyipén 10:5 Referans Kwoze

Дание́лё 12:7

И шунавас мэ, сыр о мурш дро гандладытко урибэ́н, саво́ сыс упра́л рэкитко пани́, ґаздыя́ чачо́ и зэ́рво (ле́во) васт кэ болыбэ́н, совлахадя́ вечнонэ Джидэса, со кэ дывэсэнгиро ко́нцо (яго́ро) и кэ часы и кэ паш-часы, и, сыр кончынэлапэ сарэ́са зор свэнтонэ́ народоскири, то саро́ дава́ кэрэ́лапэ, чачипна́са сыр трэиндя́.

Яви́р Зако́но 32:40

Мэ ґазда́ва кэ болыбэ́н васт Миро и ракира́ва: “Тэ джива́в Мэ дро ве́ко!”

Sykadyipén 16:17

И эфта́то Янго́ло вычхудя́ пэ́скиро тахта́й пэ фа́но (воздухо): зоралы́ зан явдя́ троностыр, саво́ сыс дрэ Кхангири́, сави́ пхэндя́: “Дава́ кэрдя́пэ.”

Sykadyipén 14:7

Ёв пхэндя́ зоралэ́ заня́са: “Дарэ́н Дэвлэ́стыр, выпхэнэн сла́ва Лэ́скэ! Лэ́скиро мардо́ (шту́нда) тэ сэндякирэ́л явдя́. Поклонинэнпэ патыва́са Одолэ́скэ, Кон создыя́ болыбэ́н и пхув, и мо́рё (дэрья́в) и пане́нгирэ ґанынгорья́.”

Sykadyipén 10:2

и лэ́стэ сыс дро васт тыкно́ сви́тко, саво́ сыс отпхандло́. И ёв чхудя́ пэ́скири чачи́ (право) ґэро́й пэ мо́рё (дэрья́в), а зэ́рво (ле́во) ґэро́й жа пэ пхув,

Sykadyipén 4:11

“Амаро́ Рай Дэвэ́л и Дэвэ́л! Ту сан мол тэ прилэс сла́ва, паты́в и зор, пал-дова́ со Ту создыян саро́ и пир Тыри́ во́ля саро́ сыс создыно́ и дживэ́ла.”

Apostolengiri Butý 14:15

ракири́: “Мануша́лэ! Со тумэ́ кэрэ́на? Амэ сам дасавэ́-паць мануша́, сыр и тумэ́, и роспхэнаса бахталы́ зан тумэ́нгэ, и амэ камаса, соб (кай) тумэ́ тэ мэкэ́н кадалэ́ хоханэ́ и́долы и тэ прилэ́н джидэ́ Дэвлэ́с, Саво́ создыя́ болыбэ́н и пхув и пани́, и саро́, со исын дрэ лэ́ндэ;

Sykadyipén 4:9

И ке́ли штар джидалэ (жывотна) славинэна, дэ́на паты́в и парикирэна Одолэ́скэ, Кон исын бэшто́ пэ троно и Саво́ дживэ́ла ве́чнэс пэ сарэ́ ве́ки,

Sykadyipén 1:18

Мэ сом джидо́: и Мэ со́мас муло́, и, ґа́да, Мэ ява́ва тэ джива́в пэ сарэ́ бэрша́, Ма́ндэ исын клыдына мэрибнаскирэ люностыр (адостыр).

Ниеми́я 9:6

Ту, Раё Дэ́вла, сан Екх, Ту создыян болыбэ́н, болыбэ́н пэ болыбэ́н и халадэ́н лэнгирэн, пхув и саро́, со исын пэ ла́тэ, мо́рё (дэрья́в) и саро́, со исын дрэ лэ́стэ, и Ту дэ́са джиибэ́н далэскэ сарэскэ и болыбны́тка халадыбэна дэ́на паты́в Ту́кэ.

Vygiiben 20:11

пал-дова́ со пал шов дывэса́ создыя́ Рай Дэвэ́л болыбэ́н и пхув, мо́рё (дэрья́в) и саро́, со исын дрэ лэ́ндэ, а пэ эфта́то дывэ́с откхиныя; пал-дова́ со Рай Дэвэ́л бахтякирдя́ дывэ́с са́вато и освэнцындя лэс.

Džiibén 14:22

Нэ Авра́мо пхэндя́ Содомакирэ крали́скэ: “Ѓаздава миро васт кэ Най Вучэдырэскиро Рай Дэвэ́л (Яхва́), Дэвэ́л, Саво́ исын пхувья́кирэ и болыбна́скиро Баро́ Рай.

Юдэ́нгэ 6:13

Ке́ли Дэвэ́л дыя́ лав Авраамо́скэ, пал-дова́ со Ёв на могиндя́ ни пэ конэ́стэ вучэды́р Пэ́стыр тэ совлахал, тэды Ёв совлахадя́ Кокоро́ пэ Пэ́стэ,

Римлянэнгэ 1:20

Пал-дова́, сыр Дэвэ́л создыя́ свэ́то, Лэ́скири векоскири зор и Дэвлыткима бицялэ дрэ Лэ́скирэ рэ́нды (де́лы), ке́ли ману́ш шука́р думинэ́ла пал дава́; адя́кэ со манушэ́нгэ нанэ примангипэн, ко́ли ёнэ ракирна, со ёнэ на джинэ́на Дэвлэ́с.

Apostolengiri Butý 17:23

ке́ли мэ псирдём и дыкхцём тумарэ́ свэ́нта штэ́ты, мэ латхём алта́рё, пэ саво́ сыс чхиндло́: “Наджиндлэ Дэвлэ́скэ.” Пал Адалэстэ, Савэс тумэ́ на джины́, приґалёна, мэ и кама́м тумэ́нгэ тэ роспхэнав.

Езэкилё 20:5

Пхэн лэ́нгэ: ‘Адя́кэ ракирэ́ла Рай Дэвэ́л, Дэвэ́л: ‘Пэ кодова́ дывэ́с, ко́ли Мэ выкэдыём Израилё, ґаздыём Миро васт тэ совлахав пэ кхэри́тко ро́до Яково́скирэ кхэрэ́стыр, Мэ откэрдём лэ́нгэ Пэс пэ Египето́скири пхув, ґаздыём Миро васт и пхэндём лэ́нгэ: ‘Мэ сом тумаро́ Рай Дэвэ́л, Дэвэ́л.’

Psalmy 146:5

Бахтало́ исын кодова́ ману́ш, конэ́скэ подэла васт Яково́скиро Дэвэ́л, кон ужакирэ́ла лачхипэ́н Ра́стыр-Дэвлэ́стыр, Лэ́скирэ Дэвлэ́стыр.

Vygiiben 6:8

и Мэ залыджава тумэн пэ доя́ пхув, пал сави́ Мэ ґаздыём Миро васт, совлахадём тэ дав ла Авраамо́скэ, Исаако́скэ и Яково́скэ, и Мэ да́ва ла тумэ́нгэ пэ саро́ тумарэ́-родоскиро джиибэ́н. Мэ сом Рай Дэвэ́л.’”

Езэкилё 47:14

Лэн дая́ пхув сыр мэкно́ миштыпэ́н екх и яви́р ману́ш, пал-дова́, со Мэ ґаздыём Миро васт совлахаса тэ дав дая́ пхув тумарэ́ дадэ́нгэ, кадая́ пхув исын тумаро́ мэкно́ миштыпэ́н.

Езэкилё 36:7

Палдава́ адя́кэ ракирэ́ла Рай-Дэвэ́л: “Мэ ґаздыём Миро васт, совлахавас, со народы, савэ́ исын пашы́л тумэ́ндэ, кокорэ́ лыджа́на пэ́скири ладж.

Езэкилё 20:42

И ґалёна тумэ́, со Мэ сом Рай Дэвэ́л, Дэвэ́л, ке́ли Мэ яна́ва тумэн пэ пхув Израилёскири, дро тхэм (страна), пал саво́ Мэ ґаздыём Миро васт совлахаса тэ дав тумарэ́ дадэ́нгэ.

Езэкилё 20:28

Пал-дова́ со, ке́ли Мэ яндём лэн пэ пхув, пал сави́ дрэ совла́х тэ дав лэ́нгэ, Мэ ґаздавас Миро васт, а ёнэ выдыкхнэ ваш пэ́скэ кажно вучи́ бэ́ргица, кажно кашт барэ́ ґэнстонэ ранденца (вэткэнца), и ёнэ лынэ́ тэ янэ́н одо́й пэ́скирэ дыибэна́, савэ́нца выкхарэнас Мири́ холы́; и янэ́нас одо́й пэ́скирэ тхува гудлэ́, и вычхувэнас одо́й пэ́скирэ тхадунэ свэ́нта дыибэна́ (жэртвы).

Езэкилё 20:23

Адя́кэ-паць Мэ ґаздыём Миро васт пэ чхучи́ пхув совлахаса анги́л лэ́ндэ, со Мэ росчхувава тэ дживэ́н лэн машки́р Наюды́тка на́цыи, и рострадава лэн пир пхувья́.

Езэкилё 20:15

Палдава́ Мэ ґаздыём Миро васт пэ лэ́ндэ пэ чхучи́ пхув совлахаса анги́л лэ́ндэ, со Мэ на яна́ва лэн пэ пхув, сави́ Мэ латхём, пэ пхув, кай чхувэнапэ тхуд и авги́н, сарэнгирэ-пхувьенгиро шукарибэн.