Sykadyipén 10:3 - Библия - Пэ Балтитко Романи чиб (Романэс) 2019

³ и ёв дыя́ го́дла адя́кэ зоралэ́с, сыр шчэр (ле́во) рыкинэла. И ке́ли ёв дыя́ го́дла, тэды эфта́ гро́мы пхэндлэ́ пэ́скирэ заненца (глосенца).

Biblija - Pe Baltitko Romani čib (Romanes) 2019

³ i jov dyjá gódla adiáke zoralés, syr ščer (liévo) rykinela. I kiéli jov dyjá gódla, tedy eftá grómy phendlé péskire zanienca (glosienca).

Sykadyipén 10:3 Referans Kwoze

Isajos 31:4

Пал-дова́ со адя́кэ пхэндя́ ма́нгэ Рай Дэвэ́л: “Сыр шчэр (ле́во), сыр лэ́скиро тыкноро, саво́ на отдэ́ла пэ́скиро дорэсыбэ́н (добыча), мэк и годлэн пэ лэ́стэ чхупна́рья, адя́кэ Рай Дэвэ́л, болыбна́скирэ-янголэ́нгиро, джа́ла тэ марэ́лпэ пал бэ́рга Сио́но, пал бэ́ргица лэ́скири.

Sykadyipén 4:5

И троностыр джа́нас блискави́цы, и заня́, и гро́мы и эфта́ шандалэ (подсвечники) хачонас анги́л троно, савэ́ исын эфта́ Дэвлэ́скирэ ду́хи.

Amoso 1:2

И ёв пхэндя́: “О Рай Дэвэ́л явэ́ла тэ ґреминэл Сионо́стыр, и Ёв пхэнэ́ла Пэ́скирэ заня́са Ерусалимо́стыр; и явэ́на тэ тугинэн зоралэ́с санэ буди (хижыны) чхупнарьенгирэ, и вышутёла фе́ля (макушка) пэ вучипэ́н Кармилоскиро.”

Ioil 3:16

И Рай Дэвэ́л адя́кэ-паць загриминэла Сионо́стыр, и Ёв пхэнэ́ла Пэ́скирэ заня́са Ерусалимо́стыр; болыбэ́н и пхув явэ́на тэ тринскирэнпэ; кэ Рай Дэвэ́л явэ́ла гаравибнаскиро штэ́то ваш Лэ́скирэ манушэ́нгэ, и Ёв явэ́ла сыр тва́рдыма / диз (крепость) чхаворэнгэ Израилёскирэнгэ.

Sykadyipén 15:1

И мэ дыкхцём яви́р бари и дивно ґерты́к (знаме́ниё) пэ болыбэ́н: сыс эфта́ Янго́лы эфта́ (эфтэ) палатунэ́ франсэнца, савэ́нца Дэвлэ́скири холы́ кончындяпэ.

Sykadyipén 14:2

И мэ шундём зан болыбна́стыр, сыр бутэ́-пане́нгирэ шоля́ и сыр баро́ громо. И мэ шундём, сыр башаибнаскирэ башавэнас пэ пэ́скирэ гусли.

Sykadyipén 8:5

И Янго́ло лыя́ тхувэнгири тыкнори (кадила), пхэрдякирдя́ ла яга́са алтарёстыр и чхурдыя́ ла пэ пхув: и сыс заня́ и гро́мы, и блискави́цы, и пхувья́киро тринскирибэн.

Amoso 3:8

Шчэр лыя́ тэ рыкинэл – кон на явэ́ла тэ дарэл? О Рай Дэвэ́л пхэндя́ – кон на явэ́ла тэ ангилпхэнэл?

Ереме́ё 25:30

Палдава́ ту, Ереме́ё, ангилпхэн (пророчын) лэ́нгэ сарэ́ кадалэ́ лава́ и пхэн лэ́нгэ: “Рай Дэвэ́л загриминэла вучипна́стыр, и Ёв пхэнэ́ла Пэ́скирэ заня́са Пэ́скирэ свэнтонэ́ штэто́стыр; Ёв загриминэла зоралэ́с пэ Пэ́скири пхув, сы́рбы кодолэ́, савэ́ тасавэна винаградо, пэ сарэ́ндэ, кон дживэ́ла пэ пхув.

Isajos 42:13

Рай Дэвэ́л выджа́ла сыр древа́н зорало́ мурш, сыр мурш марибны́тко, Ёв ґаздэ́ла зэвлыныпэ́н, Ёв кхарэ́ла кэ Пэ и дэ́ла го́дла марибныткэс, Ёв сыкавэ́ла Лэ́скирэ вэргэ́нгэ, со Ёв исын зорало́.

Isajos 5:29

Годлэла ёв, сыр шчэрица (левица), годлэла сыр шчэр (ле́во); загодлэла, ухтылэ́ла дорэсыбэ́н, и нико́н на отлэла.

Pritčy 19:12

Кра́ли, саво́ холясо́ла, исын сы́рбы шчэр (ле́во), саво́ рыкинэла, лэ́скири ла́ска исын сы́рбы пахлын (роса) пэ чар.

Sykadyipén 15:7

И екх штарэ́ джидалэндыр (жывотнонэндыр) дыя́ эфта́ Янголэнгэ эфта́ сувнакунэ́ кучика, со сыс пхэрдэ́ Дэвлэ́скирэ холя́са, со явэ́ла тэ дживэ́л пэ сарэ́ ве́ки.

Psalmy 29:3

Ра́скирэ-Дэвлэ́скири зан исын упра́л пэ паня́; Славу́тно Дэвэ́л грукинэла; Рай Дэвэ́л исын упра́л пэ вучэ́ паня́.

Езэкилё 10:5

Шуныбэн херувимонэнгирэ пхакэндыр сыс шундло пэ грэ́да, сави́ сыс яври́, сы́рбы зан Сарэзорьякирэ-Дэвлэ́скири, ко́ли Ёв ракирэ́ла.

Osija 11:10

Ёнэ джа́на пала́л пал Растэ-Дэвлэ́стэ; Ёв явэ́ла тэ рыкинэл сы́рбы шчэр (ле́во). Сыр Ёв лэ́ла тэ рыкинэл, тэ́ньчи Лэ́скирэ бияты явэ́на тэ джа́н сыгэды́р тринскирибнаса пал-панендыр (западостыр).