Sykadyipén 10:1 - Библия - Пэ Балтитко Романи чиб (Романэс) 2019

¹ И мэ дыкхцём явирэ зоралэ́ Янголо́с, Саво́ джа́лас тэлэ́ болыбна́стыр и Саво́ сыс сы́рбы уридо́ дро о́блоко. Пэ лэ́скиро шэро́ сыс брышындытко банги (радуга) и лэ́скиро муй сыс сы́рбы кхам и лэ́скирэ пирэ́ (подэшвы) сыс сы́рбы ягакирэ сты́лбы,

Biblija - Pe Baltitko Romani čib (Romanes) 2019

¹ I me dykhcjom javire zoralé Jangolós, Savó džálas telé bolybnástyr i Savó sys sýrby uridó dro óbloko. Pe léskiro šeró sys bryšyndytko bangi (raduga) i léskiro muj sys sýrby kham i léskire piré (podešvy) sys sýrby jagakire stýlby,

Sykadyipén 10:1 Referans Kwoze

Матфеё 17:2

И Ёв парудыя сарэ́са анги́л лэ́ндэ. Лэ́скиро муй лыя́ тэ зяинэл, сыр кхам, и Лэ́скирэ урибэна́ ячнэ́ парнэ́ сыр дуд (свэ́то).

Езэкилё 1:28

Сыр выдыкхэла банги (радуга) пэ болыбэ́н дро брышындэскиро дывэ́с, адя́кэ выдыкхэлас дасаво зяиныбэн, саво́ сыс пашы́л лэ́стэ. Адя́кэ выдыкхэлас Ра́скирэ-Дэвлэ́скири сла́ва.

Sykadyipén 5:2

И мэ дыкхцём зоралэ́ Янголо́с, саво́ пхэнэлас анги́л сарэ́ндэ зоралэ́ заня́са: “Кон исын мол тэ отпхандэл лылвари́ и тэ пхагирэл чэргэнорья?”

Дание́лё 10:6

Э маса́ лэ́стэ – сыр куч бар топазо, о муй лэ́скиро – сыр о блискавицакиро дыкхибэ́н; лэ́скирэ якха́ – сыр хачкирдэ́ ягэнгирэ (факелы), васта́ лэ́скирэ и ґэра́ лэ́скирэ сыс сыр зяиндлы харко́ма (медь), и зан лэ́скирэ ракирибнаскири – сыр зан бутэ́-манушэ́нгири.

Sykadyipén 4:3

И Одова́, Кон сыс бэшто́, зяиндя сыр бар ясписо и сардисо, и сыс брышындэскири банги (радуга) трусця́л троно сы́рбы смарагдо.

Sykadyipén 8:13

И мэ дыкхцём и шундём екхэ орло́с (кидо́с), саво́ вурнялас вучэ́с дро болыбэ́н, ракири́: “Бида, би́да, би́да одолэ́нгэ, кон дживэ́ла пэ пхув, сыр яви́р трин Янго́лы явэ́на тэ пхурдэ́н дрэ ро́ги.”

Psalmy 104:3

Ту чхудя́н бэльки (страпилы) тэл стрэ́ха (чхаки́н) ваш шука́р шту́бы (комо́ры), со исын тэл паня́, Ту кэрдя́н облокэндыр Пэ́скэ марибны́тко вурдэ́н, Ту псирэса ўсендзе (везде) пэ балвалякирэ пхака́,

Psalmy 97:2

Облоки и калыпэ́н исын трусця́л Лэ́стэ; чачипэ́н и чачуно́ сэ́ндо рикирэ́на лэ́скиро троно.

Sykadyipén 1:7

Акэ, Ёв явэ́ла облокэ́нца, и кажно (сва́ко) ману́ш удыкхэ́ла Лэс, и кодолэ́, савэ́ пхусадэ́ Лэс чхурдыбнытконэ бустяса (копьёса) и сарэ́ пхувья́кирэ ро́ды явэ́на тэ дэн го́дла ясвэ́нца анги́л Лэ́стэ. Мэк адя́кэ тэ явэ́л. Ами́нь.”

Apostolengiri Butý 26:13

Пир дром дро пашдывэс, кра́лё Агри́па, мэ дыкхцём дуд (свэ́то) болыбна́стыр, саво́ хачия зоралэды́р кхамэстыр, дова́ дуд озяиндя ман и манушэ́н, савэ́ гинэ́ ма́нца.

Luka 21:27

И тэды мануша́ явэ́на тэ дыкхэ́н Манушэ́скирэ Чхавэ́с, Саво́ явэ́ла тэ джал тэлэ́ дрэ о́блоки зорья́са и ярконэ Дэвлэ́скирэ слава́са.

Дание́лё 7:13

Дыкха́вас мэ дро рати́тко дыкхибэ́н, акэ, болыбнытконэ облокэ́нца джа́лас о Чхаво́ манушэ́нгиро, догия́ кэ Пхурыдыр, ґаратунэ́-дывэсэнгиро и сыс лыджино кэ Ёв.

Roiben 3:44

Ту чхакирдян пэс облокоса, соб (кай) амари́ па́тери тэ на проджал пир лэ́стэ.

Isajos 54:9

Дава́ исын ваш Ма́нгэ сыр пани́ дрэ Ноёскирэ дывэса́; сыр совлахадём, тэ́ньчи, ко́ли дживэлас Ноё, со пани́ буты́р на явэ́ла пэ пхув, адя́кэ совлахадём, со Мэ на лава́ тэ холясовав пэ ту́тэ.

Isajos 19:1

Ангилпхэныбэ́н пал Еги́пто. – Акэ, Рай Дэвэ́л исын бэшто́ пэ болыбэ́н и явэ́ла дро Еги́пто. И издрана Лэ́скирэ мо́стыр и́долы Египто́скирэ, и ило́ Египто́скиро биладёла (ростаинэла) дрэ лэ́стэ.

Гиленгири (Соломоно́скири) Гилы́ 5:15

Лэ́скирэ ґэра́ исын сыр сты́лбы мраморостыр, со чхудэ́ пэ фунда́менто выкэдынэ́ сувнака́стыр; лэ́скирэ-москири мина исын сы́рбы Ливаноскиро барипэ́н, най кучэдыр, сыр кедры.

Левито 16:2

и пхэндя́ Рай Дэвэ́л Мойза́скэ: “Пхэн Аароно́скэ, тырэ́ пшалэ́скэ, соб (кай) ёв на дро кажно часо тэ заджа́л пэ свэ́нто штэ́то пал полого анги́л дэнко (крышка), со исын пэ ковчэго (мохто́), соб (кай) лэ́скэ тэ на мэрэ́л, пал дова́ со пэ дэнко Мэ ява́ва тэ явав дро о́блоко.

Vygiiben 16:10

И ке́ли ракирдя́ Ааро́но кэ саро́ Израилёскиро-чхавэ́нгирэ скэдыибэ́н, тэды ёнэ рисинэ́ мо́са пэ чхучи́ пхув, и ґа́да, Раскири-Дэвлэ́скири сла́ва явдя́ дро о́блоко.

Sykadyipén 18:1

Пало́ (после) дава́ мэ дыкхцём явирэ Янголо́с, саво́ джа́лас тэлэ́ болыбна́стыр. Лэ́стэ сыс бари зор и пхув зяинэлас сыр дуд (свэ́то) лэ́скирэ ярконэ славатыр.

Sykadyipén 18:21

Тэды екх зорало́ Янго́ло ґаздыя́ баро́ бар барипнаса, сыр жэрново бар (бэлэди́н) сявэ́стыр/пхуртэ́стыр (мельницатыр) и чхурдыя́ лэс дро мо́рё (дэрья́в), пхэни́: “Адя́кэ зоралэ́с барэ́-форитко Вавилония явэ́ла чхурдыны дро мо́рё (дэрья́в), и сарэ́са на явэ́ла буты́р ла.

Sykadyipén 20:1

И мэ дыкхцём Янголо́с, Саво́ джа́лас тэлэ́ Болыбна́стыр Раёстыр и Савэ́стэ сыс клыды́н люностыр (адостыр), и сыс бари заньди́р (цэпо) дро Лэ́скиро васт.