Sykadyipén 1:9 - Библия - Пэ Балтитко Романи чиб (Романэс) 2019

⁹ Мэ сом Иа́но, тумаро́ пшал, и мал (дру́го), кон исын кхэтанэ́ тумэ́нца дрэ би́да и дро кралипэ́н и кхэтанэ́ вырикирэ́ла пал Исусо́стэ Христосо́стэ. Мэ со́мас пэ о́строво (джип), саво́ кхарэ́лапэ “Патмосо” пал Дэвлэ́скиро лав и пал дова́, со мэ допхэна́вас манушэ́нгэ пал Исусо́стэ Христосо́стэ.

Biblija - Pe Baltitko Romani čib (Romanes) 2019

⁹ Me som Iáno, tumaró pšal, i mal (drúgo), kon isyn khetané tuménca dre bída i dro kralipén i khetané vyrikiréla pal Isusóste Xristosóste. Me sómas pe óstrovo (džip), savó kharélape “Patmoso” pal Devléskiro lav i pal dová, so me dophenávas manušénge pal Isusóste Xristosóste.

Sykadyipén 1:9 Referans Kwoze

Sykadyipén 3:10

Палдава́ со ту ракхцян лав тэ вырикирэс, то и Мэ адя́кэ-паць ракхава тут мардэстыр (штундатыр), ке́ли явэ́на тэ пропатякирэн саро́ свэ́то, соб (кай) тэ пропатякирэн кажнонэ́ манушэ́с, кон дживэ́ла пэ пхув.

Apostolengiri Butý 14:22

и ёнэ подрикирэнас сыкляибнытконэ́н и патякирэнас лэн, соб (кай) ёнэ тэ явэ́н зоралэ́ дро патяибэ́н и ракирдэ́: “Амэ́нгэ явэ́ла трэй бут тэ пиридживас анги́л дава́, соб (кай) тэ заджас дро Дэвлэ́скиро Кралипэ́н.”

Joannostir 16:33

ґа́да, Мэ пхэндём тумэ́нгэ, соб (кай) тумэ́ тэ явэ́н дро рама́нё Ма́нца. Дро свэ́то мэ́ньки тумэн ужакирэ́на; нэ рикирэнпэ муршканэ́с: Мэ збердындём (пиризорьякирдём) дава́ свэ́то”

Sykadyipén 1:2

саво́ пхэнэлас зорья́са Дэвлэ́скиро лав и Исусо́скиро Христосо́скиро допхэныбэ́н и дова́ саро́, со Иа́но дыкхця́.

Sykadyipén 13:10

Конэ́скэ трэй тэ лыджа́л дро пле́но, одова́ кокоро́ джа́ла дро пле́но. Кон замарэла куртала́са, одова́ кокоро́ явэ́ла замардо куртала́тыр. Ада́й трэй вырикирибэн и патяибэ́н Дэвлэ́скирэ манушэ́нгэ.”

Filipiicenge 4:14

Нэ тумэ́ шука́р кэрдэ́, со дынэ́ васт, ке́ли ма́ндэ сыс би́да.

Sykadyipén 12:11

И амарэ́ пша́ла лынэ́ упралыпэ́н пэ лэ́стэ свэнтонэ́ Бакрорэ́скирэ ратэ́са и лавэ́са лэ́нгирэ допхэныбнэндыр и ёнэ на дэ́нас чол (цэниндлэ) пэ́скиро джиибэ́н буты́р мэрибна́стыр.

Sykadyipén 7:14

И мэ пхэндём лэ́скэ: “Раё Миро, Ту ж джинэ́са.” И ёв пхэндя́ ма́нгэ: “Дава́ исын кодолэ́ мануша́, со явнэ́ барэ́ страдицостыр (бидатыр), вымордэ пэ́скирэ урибэна́ и парнякирдэ лэн Свэнтонэ́ Бакрорэскирэ ратэ́са.

2 Ximaske 1:8

И палдава́ на ладжа тэ допхэнэс пал амарэ́ Растэ-Дэвлэ́стэ, ни ма́ндыр, со мэ сом дро штарибэ́н пал Лэ́стэ, нэ яв кхэтанэ́ ма́нца дрэ мэ́ньки пал бахталы́ зан, пал-дова́ со Дэвэ́л дыя́ зор пэ дава́,

Римлянэнгэ 8:25

Нэ ке́ли амэ надеинасапэ пэ дова́, со амэ на дыкхаса, тэды амэ ґара́ (длу́гэс) ужакираса.

Sykadyipén 14:12

Ѓа́да, трэй вырикирибэн свэнтонэнгэ, савэ́ приракхэна Дэвлэ́скирэ припхэныбэна́ и патяибэ́н дрэ Исусо́стэ.

Юдэ́нгэ 10:36

Тумэ́нгэ трэй тэ вырикирэн, соб (кай) тэ кэрэ́н саро́ пир Дэвлэ́скири во́ля и тэ дорэсэн дова́, пал со Ёв дыя́ лав тумэ́нгэ.

Filipiicenge 1:7

чачэс, дава́ трэй ма́нгэ тэ мыслинав пал сарэ́ндэ тумэ́ндэ, пал-дова́ со тумэ́ сан дро миро ило́ и какана́ дро штарибэ́н (бэшыбэн), адя́кэ-паць, ке́ли мэ затэрдёвава пал сарэ́ндэ тумэ́ндэ и допхэнава патяибэ́н пал бахталы́ зан (звесь), сарэ́н тумэ́ндэ, савэ́ сан кхэтанэ́ ма́нца дро Дэвлэ́скиро бахталыпэ́н.

Sykadyipén 11:7

И ке́ли ёнэ кончындлэ пэ́скиро допхэныбэ́н, тэды драконо, саво́ выджа́ла люностыр, явэ́ла тэ марэ́лпэ лэ́нца, и лэ́ла упралыпэ́н пэ лэ́ндэ и мулякирэ́ла лэн.

Римлянэнгэ 8:17

Нэ ко́ли амэ сам Лэ́скирэ чхавэ́, тэды амэ́ндэ исын паш дро мэкно́ миштыпэ́н Дэвлэ́скиро и паш дро Христосо́скиро мэкно́ миштыпэ́н, ко́ли амэ чачунэ́с Лэ́са мэнчынасапэ, соб (кай) кхэтанэ́ Лэ́са адя́кэ-паць тэ прославинаспэ.

Sykadyipén 19:10

И мэ пыём анги́л лэ́скирэ ґэра́ тэ поклонинавпэ патыва́са лэ́скэ. Нэ ёв пхэндя́ ма́нгэ: “Дыкх жа, на́ кэр дава́. Мэ сом дасаво-паць писха́ри, сыр ту сан, и мэ сом кхэтанэ́ тырэ́ пшалэ́нца тэ досыкавав пал Христосо́стэ. Дэ паты́в Дэвлэ́скэ, пал-дова́ со допхэныбэ́н пал Христосо́стэ исын Христосо́скиро лав.”

Sykadyipén 12:17

А драконо зоралэ́с холя́сыя пэ джувля́тэ и гия́ пэ марибэ́н явирэ ла́кирэ биятэнца, савэ́ ячнэ́пэ ла́кирэ родо́стыр, кон приракхэлас Дэвлэ́скирэ припхэныбэна́ и рикирэлас Христосо́скирэ лава́.

Sykadyipén 6:9

И ке́ли Свэ́нто Бакроро́ отпхандя па́нджто чэргэнори́, мэ дыкхцём тэл алта́рё манушэ́нгирэ дия́, савэ́ сыс мулякирдэ́ пал Дэвлэ́скиро лав и пал дова́, со ёнэ патяибныткэс допхэнэнас пал Христосо́стэ;

Sykadyipén 1:4

Иано́стыр эфта́ (битринэнгирэ дэшэ) кхангирье́нгэ, савэ́ исын дрэ Азия: Мэк бахталыпэ́н и рама́нё (миро) тэ явэ́л тумэ́нгэ Одолэ́стыр, Саво́ исын, Саво́ сыс, и Саво́ явэ́ла, и эфта́ духэ́ндыр, савэ́ исын анги́л Лэ́скиро троно;

2 Фесалоникийцэнгэ 3:5

Мэк Рай Дэвэ́л тэ отчхакирэл тумарэ́ илэ кэ Дэвлэ́скири ла́ска и кэ Христосо́скиро вырикирибэн.

Матфеё 20:23

Ёв ракирэ́ла лэ́нгэ: “Тумэ́ явэ́на тэ пьен Миро тахта́й, нэ бэшэ́н пир чачо́ и зэ́рво васт Ма́ндыр-дава́ исын на дрэ Мири́ зор, далэ́ штэ́ты исын кодолэ́нгэ, конэ́скэ Дад Миро приготовиндя”

Marko 10:39

“Могинаса”, – отпхэндлэ́ ёнэ Лэ́скэ. Тэды Ису́со пхэндя́ лэ́нгэ: “Тэ пьен тахта́й (чаша), саво́ Мэ пьява, и тэ болэнпэ болдэипнаса, савэ́са Мэ сом болдо, тумэ́ явэ́на;

Apostolengiri Butý 1:15

И дрэ долэ́ дывэса́ о Пэ́три, тэрдия́ машки́р сыкляибнытконэндэ (сыс скэдыибэ́н, пэ саво́ явнэ́ пашы́л шэл тэ биш мануша́) и пхэндя́:

2 Коринфянэнгэ 1:7

и амаро́ лачхо́ ужакирибэ́н пал тумэ́ндэ исын зорало́: ко́ли Дэвэ́л подрикирэ́ла амэн, дава́ исын ваш тумаро́ подрикирибэ́н и зракхибэ́н: амэ джина́са, ко́ли тумэ́ пирилыджана дасавэ́-паць мэ́ньки, сыр и амэ, тэды Дэвэ́л подрикирэ́ла тумэн, адя́кэ-паць сыр и амэн.

1 Petr 5:1

Мэ, кокоро́ сом годэпхуро́ и пастырё (чхупна́ри), манга́ва тумарэ́ кхангирья́кирэ годэпхурэн и пастырен, пал-дова́ со мэ сом якхи́тко, сыр Христо́со пирилыджия пхарипэ́н, адя́кэ-паць ма́ндэ исын паш дрэ сла́ва, сави́ явэ́ла сыкады:

Sykadyipén 1:1

Сыкадыипэ́н (об΄явлениё) Исусо́стыр Христосостыр, Саво́ Дэвэ́л дыя́ Лэ́скэ тэ сыкавэ́л Пэ́скирэ писхарье́нгэ (рабэ́нгэ), со трэй сыг тэ явэ́л. И Христо́со пхэндя́ зорья́са дава́, ке́ли Ёв бичхадя́ Пэ́скирэ Янголо́с кэ Пэ́скиро писха́ри Иа́но (Иоано),

Sykadyipén 1:6

Саво́ создыя́ амэ́ндыр раша́нгиро Кралипэ́н тэ дынаринэ́л Лэ́скирэ Дэвлэ́скэ и Дадэ́скэ, мэк сла́ва и зоралыпэ́н тэ явэ́л пэ сарэ́ ве́ки. Ами́нь.

Sykadyipén 20:4

И мэ дыкхцём троны и одолэ́н, савэ́ бэшэнас пал сками́нд, савэ́нгэ сыс дыно́ тэ сэндякирэн. И мэ дыкхцём дия́ одолэнгирэ, конэ́скэ чингирдэ шэрэ́, палдова́ со ёнэ допхэнэнас пал Христосо́стэ и пал Дэвлэ́скиро лав. Ёнэ на клониндлэпэ патыва́са анги́л рискирибна́скирэ мурдалэ́стэ ци анги́л лэ́скири патри́н (о́бразо), ёнэ на прилынэ́ клеймоскири шпэ́ра пэ чэка́т ци пэ лэ́нгиро васт. И ёнэ отджидынэ и кралиндлэ Христосо́са бар бэрш.