Sykadyipén 1:8 - Библия - Пэ Балтитко Романи чиб (Романэс) 2019

⁸ “Мэ сом Альфа и Омега, Англыпэ́н и Ко́нцо (Яго́ро), ракирэ́ла Рай Дэвэ́л, Сарэзорья́киро.”

Biblija - Pe Baltitko Romani čib (Romanes) 2019

⁸ “Me som Al'fa i Omiega, Anglypén i Kónco (Jagóro), rakiréla Raj Devél, Sarezorjákiro.”

Sykadyipén 1:8 Referans Kwoze

Isajos 44:6

Адя́кэ ракирэ́ла Рай Дэвэ́л, Кра́ли Израилёскиро, Саво́ выкиндя лэс. Рай Дэвэ́л, болыбна́скирэ-янголэ́нгиро: “Мэ сом пэ́рво и Мэ сом палатуно́ (последнё), нанэ явирэ Дэвлэ́с, апри́ч (кроме) Ма́ндэ.

Sykadyipén 22:13

Мэ сом Альфа и Омега, Пэ́рво и Палатуно́, Англыпэ́н и Ко́нцо (Яго́ро).

Isajos 43:10

А Мирэ́ мануша́, савэ́ допхэнэна, пал чачипэ́н, – пхэнэ́ла Рай Дэвэ́л, – тумэ́ и Миро писха́ри, конэ́с Мэ выкэдыём, соб (кай) тумэ́ тэ джинэ́н и тэ патя́н Ма́нгэ, со дава́ Мэ сом; англэды́р на сыс николи явирэ Дэвлэ́с и на явэ́ла.

Isajos 48:12

Пошун Ман, Яково, шун, Израилё, кхардо Миро: Мэ сом Одова́, Саво́ сыс, Мэ сом пэ́рво (англатуно́) и палатуно́ (последнё).

Sykadyipén 21:6

И Ёв пхэндя́ ма́нгэ: “Кэрдя́пэ кэ ко́нцо (яго́ро) (сполниндяпэ). Мэ сом Альфа и Омега, Англыпэ́н и Ко́нцо (Яго́ро). Одолэ́скэ, конэ́стэ исын смэга (жажда), Мэ да́ва тэ пьел джиибна́скирэ-панё́скирэ ґанынгорьятыр би ловэнгиро.

Isajos 41:4

Кон создыя́ и кэрдя́ саро́ дава́? Кон кхарэлас кэ Пэ манушы́тка ро́ды англыпна́стыр! Мэ сом Рай Дэвэ́л, Пэ́рво, и дрэ палатунэ́ (последня) Мэ адя́кэ-паць Сом.”

Sykadyipén 1:4

Иано́стыр эфта́ (битринэнгирэ дэшэ) кхангирье́нгэ, савэ́ исын дрэ Азия: Мэк бахталыпэ́н и рама́нё (миро) тэ явэ́л тумэ́нгэ Одолэ́стыр, Саво́ исын, Саво́ сыс, и Саво́ явэ́ла, и эфта́ духэ́ндыр, савэ́ исын анги́л Лэ́скиро троно;

Sykadyipén 11:17

“Амэ парикираса Ту́кэ, Баро́ Раё Дэ́вла, Сарэзорья́киро, Екх, Кон исын и Кон сыс, пал-дова́ со Ту лыян Тыро́ зоралыпэ́н и яця́н тэ кралинэс.

Sykadyipén 1:17

И ке́ли мэ дыкхцём Лэс, мэ пыём анги́л Лэ́скирэ ґэра́ сыр муло́. Ёв чхудя́ Пэ́скиро чачо́ (пра́во) васт пэ ма́ндэ, и пхэндя́: “На дар! Мэ сом Пэ́рво и Палатуно́ (Последнё),

Sykadyipén 2:8

И чхин Янголоскэ Смирнакирэ кхангирья́тыр: “Дава́ ракирэ́ла Пэ́рво и Палатуно́, Кон исын муло́ и Кон отджидыя́:

Sykadyipén 4:8

И кажнонэ́ джидалэстэ сыс шов пхака́ (крылы) пэ сарэ́ рига́, и андрэ́ сыс пхэрдо́ якха́ и дывэсэ́ и раты́ ёнэ ракирэ́нас: “Свэ́нто, Свэ́нто, Свэ́нто исын Рай Дэвэ́л, Сарэзорья́киро, Саво́ сыс исын, и Саво́ трэй исын тэ явэ́л.”

2 Коринфянэнгэ 6:18

и Мэ ява́ва ваш тумэ́нгэ и тумэ́ явэ́на мирэ́ чхавэ́ и чхая́, – ракирэ́ла Рай Дэвэ́л Сарэзорья́киро.”

Isajos 9:6

Пал-дова́ со Бия́то бия́ндыя амэ́нгэ, чхаво́ исын дыно́ амэ́нгэ; Ёв лэ́ла зор дро Пэ́скиро васт, и дэ́на Лэ́скэ лав: Лачхо́ Годыпнари, зорало́ Дэвэ́л, Дад, конэ́стэ исын ве́чно джиибэ́н, далэ́-свэтоскиро Тхага́ри (Князё).

Džiibén 49:25

тырэ́-дадэ́скирэ Дэвлэ́стыр, Саво́ помогинэла ту́кэ, и Сарэзорьякирэстыр, Саво́ и бахтякирэ́ла тут вучипна́стыр болыбна́скирэ бахтякирибнаса, хорипнаскирэ бахтякирибнаса, саво́ исын пашто́ дро до́ло, бахтякирибнаса цюцендыр (сосцэндыр) и лочовя́тыр (утробатыр),

Sykadyipén 19:15

И Лэ́скирэ мо́стыр джа́ла яври́ востро (чолалы́) курта́ла и Ёв явэ́ла тэ мулякирэ́л расы (народы). Ёв явэ́ла тэ чалякирэл лэн саструнэ́ дэстэ́са, и Ёв явэ́ла тэ штакирэл моля́киро (виноскиро) пресо барэ́ холя́тыр, ке́ли Сарэзорья́киро Дэвэ́л древа́н холясо́ла.

Sykadyipén 16:14

И далэ́ бэнгланэ ду́хи, со кэрэ́на ґертыка́ (знаме́нии), джа́на англэ кэ кра́лья пэ дава́ саро́ свэ́то, кай исын мануша́, соб (кай) тэ кэдэнпэ кхэтанэ́ марибна́са пэ Дэвлэ́стэ Сарэзорьякирэстэ пэ баро́ Дывэ́с.

Sykadyipén 21:22

Нэ мэ на дыкхцём Кхангири́ дро дава́ фо́ро, пал-дова́, со Рай Дэвэ́л, Сарэзорья́киро, и Свэ́нто Бакроро́ Кокоро́ исын дая́ Кхангири́.

Vygiiben 6:3

Мэ сыкадыём Авраамо́скэ, Исаако́скэ и Яково́скэ дасавэ́ лавэ́са: “Дэвэ́л Сарэзорья́киро”, а лавэ́са Мирэса: “Рай Дэвэ́л” на сыкадыём лэ́нгэ;

Sykadyipén 1:11

“Мэ сом Альфа и Омега, Англыпэ́н и Ко́нцо (Яго́ро), дова́, со ту дыкхэ́са, чхин дрэ лылвари́ и бичха́в эфта́ кхангирье́нгэ, савэ́ исын [кэ Асия-р.с.]: дро Ефесо, дрэ Смирна, дро Пергамо, дрэ Фиатира, дро Сардисо, дрэ Филадэльфия и дрэ Лаодикия.”

Džiibén 35:11

И пхэндя́ лэ́скэ Дэвэ́л: “Мэ сом Сарэзорья́киро Дэвэ́л; мэк тэ бияндён чхаворэ́ ту́тэ и ячэн бут тумэн, о народо, и бут манушы́тка на́цыи (народы) выджа́на ту́тыр, и кра́лья выджа́на ту́тыр;

Džiibén 28:3

Мэк Дэвэ́л Сарэзорья́киро, тэ бахтякирэ́л тут, мэк тэ бияндён бут ту́тыр, и мэк тэ явэ́л ту́тыр бут мануша́, мэк тэ явэ́н ту́тыр бут манушы́тка на́цыи (народы).

Džiibén 17:1

Аврамоскэ сыс енядэша еня́ бэрш, и Рай Дэвэ́л сыкадыя́ Аврамоскэ и пхэндя́ лэ́скэ: “Мэ сом Сарэзорья́киро Рай Дэвэ́л; псир анги́л Ма́ндэ и яв бидошэ́нгиро;

Čysly 24:4

ракирэ́ла о ману́ш, саво́ шундя́ Дэвлэ́скирэ лава́, саво́ дыкхэ́ла Сарэзорьякирэ-Ра́скиро Дэвлэ́скиро сыкаибэ́н, пэрэ́ла, нэ якха́ лэ́скирэ отчхакирдэ:

Džiibén 43:14

О Дэвэ́л, Сарэзорья́киро, мэк тэ дэл тумэ́нгэ тэ латхэ́н ла́ска одолэ́ манушэ́стэ, соб (кай) ёв тэ отмэкэ́л тумэн и явирэ́с тумарэ́ пшалэ́с и Вениаминос, а ма́нгэ, ко́ли трэй тэ явав би чхаворэнгиро, тэды мэк мэ ячавапэ би чхаворэнгиро.”

Džiibén 48:3

И пхэндя́ Яково Ёза́скэ: “Дэвэ́л Сарэзорья́киро сыкадыя́ ма́нгэ дрэ Луза, пэ Ханаано́скири пхув, и бахтякирдя́ ман,

Vygiiben 3:14

Дэвэ́л пхэндя́ Мойза́скэ: “Мэ Сом, Саво́ исын Джидо́ усады (сак) (Яхва́).” И пхэндя́: “Адя́кэ пхэн Израилёскирэ чхавэ́нгэ: “Саво́ исын Джидо́ Усады (Яхва́) бичхадя́ ман кэ тумэ́.”

Sykadyipén 15:3

И ёнэ баганас Мойзаскири гилы́, Дэвлэ́скирэ писхарискири, и Свэнтонэ́ Бакрорэскири гилы́, пхэни́: “Савэ барэ́ и ди́вна тырэ́ бутя́, Раё Дэ́вла, Сарэзорья́киро! Тырэ́ дрома́ исын чачунэ́ и чачипнаскирэ, Кра́ли манушэ́нгиро!

Sykadyipén 16:7

И мэ шундём зан алтарёстыр, со пхэндя́: “Чачо́, Раё Дэ́вла, Сарэзорья́киро Дэвэ́л, чачунэ́ и чачипнаскирэ исын Тырэ́ сэнды!”

Sykadyipén 19:6

И мэ шундём зан сы́рбы бутэ́-манушэ́нгирэ народо́стыр, сы́рбы бурэ́-пане́нгирэ шоля́ (шумо), сы́рбы барэ́ громэнгиро, со пхэнэнас: “Аллилуя! Пал-дова́ со амаро́ Рай Дэвэ́л, Сарэзорья́киро кралинэла!