Sykadyipén 1:7 - Библия - Пэ Балтитко Романи чиб (Романэс) 2019

⁷ Акэ, Ёв явэ́ла облокэ́нца, и кажно (сва́ко) ману́ш удыкхэ́ла Лэс, и кодолэ́, савэ́ пхусадэ́ Лэс чхурдыбнытконэ бустяса (копьёса) и сарэ́ пхувья́кирэ ро́ды явэ́на тэ дэн го́дла ясвэ́нца анги́л Лэ́стэ. Мэк адя́кэ тэ явэ́л. Ами́нь.”

Biblija - Pe Baltitko Romani čib (Romanes) 2019

⁷ Ake, Jov javéla oblokénca, i kažno (sváko) manúš udykhéla Les, i kodolé, savé phusadé Les čhurdybnytkone bustiasa (kopjosa) i saré phuvjákire ródy javéna te den gódla jasvénca angíl Léste. Mek adiáke te javél. Amín'.”

Sykadyipén 1:7 Referans Kwoze

Матфеё 24:30

И тэды сыкадёла ґерты́к пэ болыбэ́н, сави́ дэ́ла манушэ́нгэ джиныбэ́н, со явэ́ла Чхаво́ Манушэ́скиро, и тэ́ньчи сарэ́ манушы́тка ро́ды явэ́на то ровэ́н пхарэ́с и дыкхэ́на Чхавэ́с Манушэскирэс, Саво́ явэ́ла тэ джал тэлэ́ дрэ о́блоки барэ́ зорья́са и ярконэ Дэвлэ́скирэ слава́са.

Заха́рия 12:10

Нэ пэ кхэр Давидо́скиро и пэ Ерусалимо́скирэ манушэ́ндэ Мэ чхува́ва бахталыпнаскиро и мангипаскиро ду́хо (фа́но), и ёнэ дыкхэ́на пэ Лэ́стэ, Конэ́с пхусадэ́, и ёнэ лэ́на тэ ровэ́н пал Лэ́стэ, сыр пал екхорэстэ чхавэ́стэ и лэ́на тэ тангинэн пал Лэ́стэ, сыр тангинэн пэрвонэ́ чхаворэс.

Дание́лё 7:13

Дыкха́вас мэ дро рати́тко дыкхибэ́н, акэ, болыбнытконэ облокэ́нца джа́лас о Чхаво́ манушэ́нгиро, догия́ кэ Пхурыдыр, ґаратунэ́-дывэсэнгиро и сыс лыджино кэ Ёв.

Joannostir 19:37

Адя́кэ-паць и дро яви́р штэ́то Свэ́нто Чхиныбэ́н ракирэ́ла: “И ёнэ явэ́на тэ дыкхэ́н пэ Одолэ́стэ, Конэ́с ёнэ пхусадэ́ чхурдыбнытконэ бустяса.”

Marko 14:62

“Мэ сом”, – отпхэндя́ Ису́со, – и тумэ́ дыкхэ́на Чхавэ́с Манушэскирэс, сыр Ёв явэ́ла тэ бэшэ́л пир чачо́ васт зорья́тыр, ке́ли Ёв явэ́ла пэ болыбна́скирэ о́блоки.”

Luka 21:27

И тэды мануша́ явэ́на тэ дыкхэ́н Манушэ́скирэ Чхавэ́с, Саво́ явэ́ла тэ джал тэлэ́ дрэ о́блоки зорья́са и ярконэ Дэвлэ́скирэ слава́са.

1 Фесалоникийцэнгэ 4:17

тэ́ньчи амэ, сэвэ явэ́на джидэ́ дро дова́ часо, ява́са ґаздынэ́ пхувья́тыр, кхэтанэ́ лэ́нца пэ о́блоки тэ стрэнинас (тэ пирилас) Рас-Дэвлэ́с и амэ саро́ часо ява́са кхэтанэ́ Лэ́са.

1 Фесалоникийцэнгэ 1:10

и тэ ужакирэн Лэ́скирэ Чхавэ́с, саво́ явэ́ла Болыбна́скирэ Раёстыр, Савэс Ёв отджидякирдя́ мулэ́ндыр, Исусо́с, Саво́ зракхэ́ла амэн Дэвлэ́скирэ холя́тыр, сави́ явэ́ла.

Marko 13:26

Тэды мануша́ дыкхэ́на Манушэ́скирэ Чхавэ́с, Саво́ явэ́ла тэ джал дрэ о́блоки барэ́ зорья́са и дрэ сла́ва.

Juda 1:14

И Енохо, эфта́то Адамостыр, ангилпхэндя пал лэ́ндэ: ґа́да, Рай Дэвэ́л джа́ла тысёнцэнгирэ дэшытконэнца Пэ́скирэ свэнтонэндыр,

Матфеё 26:64

Ису́со пхэндя́ Лэ́скэ: “Адя́кэ, сыр Ту пхэндя́н; нэ Мэ пхэна́ва тумэ́нгэ: Ададывэсатунэ дывэсэ́стыр тумэ́ дыкхэ́на Чхавэ́с Манушэ́скирэ, Саво́ явэ́ла тэ бэшэ́л пэ о́блоки болыбна́скирэ пир чачи́ (право) риг Дэвлэ́скирэ Зорьякири.”

Sykadyipén 22:20

Одова́, Кон допхэнэ́ла саро́ кадава́, ракирэ́ла: “Чачо́. Мэ ява́ва сыг.” Ами́нь. Яв, Раё Дэ́вла, Ису́со.

Psalmy 22:16

Мири́ зор вышутия сыр котэ́р ґлэятыр (глинатыр), и Мири́ чиб прилипниндя кэ мирэ́ жанды. Ту чхудя́н ман дрэ мэрибнаскири бла́та.

1 Ian 3:2

Дро́га мирэ́! Амэ сам какана́ Дэвлэ́скирэ чхавэ́, нэ ишчо (инкэ́) на сыкадыя́ амэ́нгэ, савэ́ амэ ява́са анги́л. Амэ екх джина́са, со ке́ли Христо́со сыкадёла, амэ ячасапэ кадасавэ́-паць, сыр Ёв исын, пал-дова́ со амэ ява́са тэ дыкхас, саво́ Ёв явэ́ла.

Psalmy 97:2

Облоки и калыпэ́н исын трусця́л Лэ́стэ; чачипэ́н и чачуно́ сэ́ндо рикирэ́на лэ́скиро троно.

Юдэ́нгэ 10:29

то, сыр тумэ́ думинэ́на, ци пэ бут пхарэдыр явэ́ла ка́ра пэ одолэ́ манушэ́стэ, саво́ сы́рбы штакирэла ґэрэ́нца Дэвлэ́скирэ Чхавэ́с и на гинэ́ла пал свэ́нто завето́скиро рат, савэ́са ёнэ кокоро́ сыс свэнцындло, и ракирэ́ла налачхэ́ лава́ пэ Ду́хо (Фа́но), Савэ́стыр амэ лыям бахталыпэ́н?

Ióvo 33:26

Ёв явэ́ла тэ мангэ́лпэ Дэвлэ́скэ, и Дэвэ́л прилэ́ла лэс ласкаса, и ёв явэ́ла тэ дэл паты́в анги́л Лэ́стэ барэ́ радыма́са, пал-дова́ со Дэвэ́л рискирэ́ла палэ лэ́скиро чачипэ́н.

Isajos 19:1

Ангилпхэныбэ́н пал Еги́пто. – Акэ, Рай Дэвэ́л исын бэшто́ пэ болыбэ́н и явэ́ла дро Еги́пто. И издрана Лэ́скирэ мо́стыр и́долы Египто́скирэ, и ило́ Египто́скиро биладёла (ростаинэла) дрэ лэ́стэ.

Naumo 1:3

Рай Дэвэ́л насыгэс холясо́ла (ґара́ / длу́гэс ужакирэ́ла) и Лэ́стэ исын баро́ зоралыпэ́н. И Ёв на ковлякирэла ило́ анги́л бибахталэндэ: сыр о Рай Дэвэ́л псирэ́ла, тэды ґаздэ́напэ рискирибнаскири балва́л и штормо, и о́блоки сыр пра́хо вурняна тэл Лэ́скирэ ґэра́.

Joannostir 19:34

а екх халадэндыр пхусадя чхурдыпнытконэ бустяса (коп΄ёса) Лэ́скэ дро пашваро, и ада́й жэ тхадыя рат и пани́.

Čysly 24:17

Мэ дыкха́ва Лэс, нэ акана́, хай, лэс нанэ, акэ, дыкха́ва Лэс, нэ нанэ Лэс пашы́л. Джа́ла чэргэн Яковостыр и ґаздэ́лапэ кхенингоскиро дэсто́ Израилёстыр, и розмарэла Моавоскиро тхагарьен и хасякирэ́ла сарэ́н Сифоскирэ чхавэ́н.

Psalmy 68:1

Хоро́скирэ Дирижоро́скэ. Давидо́скиро Пса́лмо. Гилы́.

Сэндарьенгири Лылвари́ 5:31

Адя́кэ мэк тэ хасён сарэ́ Тырэ́ вэ́рги, Раё Дэ́вла! А савэ́ рикирэ́на сыр Дро́гима Тут дро пэ́скиро ило́, мэк тэ явэ́н сыр кхам, саво́ джа́ла упрэ́ дрэ сари́ пэ́скири зор!” И откиныя пхув штардэша́ бэрш.

Sykadyipén 22:4

и ёнэ явэ́на тэ дыкхэ́н Лэ́скиро муй. И Лэ́скиро титуло явэ́ла пэ лэ́нгирэ чэката.

Юдэ́нгэ 6:6

и савэ́ мэкнэ́ тэ патя́н; кадасавэн манушэ́н нашты́ нэвэ́стыр тэ сыклякирас, соб (кай) ёнэ тэ рискирэ́н пэ́скиро джиибэ́н кэ Дэвэ́л, пал-дова́ со ёнэ сы́рбы нэвэ́стыр примарэна кэ трушу́л Дэвлэ́скирэ Чхавэ́с и отдэна Лэс пэ сабэн манушэ́нгэ.

Заха́рия 12:11

Дро дова́ дывэ́с ґаздэ́лапэ бари ту́га ясвэ́нца дро Ерусалимо, сыр Гададримоноскиро роибэ́н пэ Мегидоноскирэ фэ́лды.

Матфеё 16:27

Пал-дова́ со явэ́ла Чхаво́ Манушэ́скиро дрэ зорьякири сла́ва Пэ́скирэ Дадэ́скирэ Янголэнца, и тэды кажно (сва́ко) дорэсэ́ла, со явэ́ла мол пал пэ́скиро дова́, со кэрдя́ ёв дро джиибэ́н.

Матфеё 16:28

Чачэс, Мэ ракира́ва тумэ́нгэ: ада́й исын вари-савэ́ мануша́, савэ́ на мэрэ́на, ко́ли анги́л явэ́на тэ дыкхэ́н Чхавэ́с Манушэ́скирэ, саво́ явэ́ла сыр Кра́ли дро Кралипэ́н Пэ́скиро.”

Матфеё 25:31

И ке́ли явэ́ла Чхаво́ Манушэ́скиро кралитконэ слава́са и сарэ́ Лэ́скирэ Янголэнца, тэды Ёв бэшэ́ла пэ Лэ́скиро славу́тно троно;