Sykadyipén 1:5 - Библия - Пэ Балтитко Романи чиб (Романэс) 2019

⁵ и Исусо́стыр Христосостыр, Саво́ исын патяибны́тко Якхи́тко (Свидетелё), Саво́ исын Пэ́рво, кон уштыя́ мулэ́ндыр и Саво́ исын Барыдыро́ пэ кралье́ндэ пир пхув. Лэ́скэ, Савэ́скэ яця́м дро́га амэ, Ёв отмэкця́ амарэ́ грэ́хи Пэ́скирэ ратэ́са,

Biblija - Pe Baltitko Romani čib (Romanes) 2019

⁵ i Isusóstyr Xristosostyr, Savó isyn patiaibnýtko Jakhítko (Svidietieljo), Savó isyn Pérvo, kon uštyjá muléndyr i Savó isyn Barydyró pe kral'jénde pir phuv. Léske, Savéske jaciám dróga ame, Jov otmekciá amaré gréhi Péskire ratésa,

Sykadyipén 1:5 Referans Kwoze

Psalmy 89:27

Ёв явэ́ла тэ дэл го́дла Ма́нгэ! Ту сан миро Дад, миро Дэвэ́л и Ска́ла тэ зракхавпэ.”

Юдэ́нгэ 9:14

то ци пэ бут бутэды́р выжужакирэ́ла амэн Христосо́скиро рат, Саво́ пир ве́чно Ду́хо (Фа́но) яндя́ Пэс бидоша́кирэс, соб (кай) тэ выжужакирэл амари́ паты́в мулэ́ рэндэ́ндыр тэ дынарина́с джидэ́ Дэвлэ́скэ?

1 Ian 1:7

А ко́ли амэ псираса дро Дэвлэ́скиро дуд, адя́кэ-паць сыр Христо́со исын дуд, тэды амэ́ндэ исын кхэтаныпэн екх екхэ́са, и Исусо́скиро Христосо́скиро рат, Лэ́скирэ чхавэ́скиро, жужакирэла (чыстинэла) амэн кажнонэ́ грэхэ́ндыр.

Sykadyipén 17:14

Ёнэ явэ́на тэ марэ́нпэ проти Свэнтонэ́ Бакрорэстэ и Свэ́нто Бакроро́ лэ́ла упралыпэ́н пэ лэ́ндэ, пал-дова́ со Ёв исын Кра́ли Кралье́ндыр, Рай Дэвэ́л ра́ндыр, кхэтанэ́ пэ́скирэ выкэдынэ́ и патяибнытконэ манушэ́нца, савэ́ исын пашы́л Лэ́стэ.

Колосянэнгэ 1:18

Ёв исын Кхангирья́кирэ – Духоскиро Шэро́, Ёв исын Англатуно́, Екх, Саво́ отджидыя́, соб (кай) Лэ́скэ тэ рикирэ́л упралыпэ́н дро саро́:

1 Petr 1:19

а тумэ́ сан выкиндлэ дрогонэ́ Христосо́скирэ Ратэ́са, Саво́ сыс сыр Свэ́нто Бакроро́, Конэ́стэ на сыс банг и дош.

Apostolengiri Butý 26:23

со Христосо́скэ трэиндя́ тэ пирилыджал сарэ́ мэ́ньки и англатунэскэ тэ отджидёл мулэ́ндыр, и со Ёв джа́ла пир свэ́то и роспхэнэ́ла пал дуд ваш зракхибэ́н Пэ́скирэ манушэ́нгэ и Наюдэ́нгэ.”

Sykadyipén 19:16

Пэ Лэ́скиро урибэ́н и пэ Лэ́скири статя (стёгны) сыс зачхиндло́ титуло: “Кра́ли кралье́нгиро, Рай рае́нгиро.”

1 Ian 4:10

Акэ, дро со пшалы́тко паты́в исын: дава́ нанэ, со амэ́нгэ яця́ дро́го Дэвэ́л, а дава́ исын, со Лэ́скэ яця́м дро́га амэ и Ёв бичхадя́ Пэ́скирэ Чхавэ́с тэ страдынэл (тэ пирилыджал пхарипэ́н) кэ мэрибэ́н пал амарэ́ грэ́хи.

Joannostir 18:37

Пила́то ракирэ́ла Лэ́скэ: “Акэ, адя́кэ Ту сан Кра́ли?” Ису́со отпхэнэ́ла: “Ту ж ракирэ́са, со Мэ сом Кра́ли. Мэ ваш дава́ бияндыём и ваш дава́ явдём пэ свэ́то, соб (кай) тэ допхэнав пал чачипэ́н; кажно, конэ́скэ исын пир ило́ чачипэ́н, шунэ́ла зан Мири́”

Sykadyipén 3:14

И чхин Янголоскэ Лаодикиякирэ кхангирья́тыр: “Дава́ ракирэ́ла “Ами́нь”, патяибны́тко и чачуно́ Якхи́тко, Саво́ исын англыпэ́н сарэскэ, со́стыр Дэвэ́л создыя́ свэ́то:

Sykadyipén 7:14

И мэ пхэндём лэ́скэ: “Раё Миро, Ту ж джинэ́са.” И ёв пхэндя́ ма́нгэ: “Дава́ исын кодолэ́ мануша́, со явнэ́ барэ́ страдицостыр (бидатыр), вымордэ пэ́скирэ урибэна́ и парнякирдэ лэн Свэнтонэ́ Бакрорэскирэ ратэ́са.

Матфеё 28:18

На Ису́со явдя́ и пхэндя́ лэ́нгэ; “Саро́ право дыно́ Ма́нгэ, сыр пэ болыбэ́н, адя́кэ пэ пхув.

Psalmy 72:11

чачо́, сарэ́ кра́лья пэрэ́на пэ чанга́ анги́л Лэ́стэ, сарэ́ на́цыи явэ́на тэ дынаринэ́н Лэ́скэ.

1 Ximaske 6:15

дава́ явэ́ла дро дова́ дывэ́с, саво́ упхэндя Лэ́скэ Дэвэ́л Дад, Бахтякирдо́ и Екхджино́, сарэнгирэ-кральенгиро Кра́ли и Рай Дэвэ́л пэ сарэ́ рандэ,

Эфесянэнгэ 2:4

нэ Дэвэ́л, Саво́ исын барвало́ тангипнаса, и Саво́ пир бари Пэ́скири ла́ска, савья́са Ёв притырдыя амэн,

Эфесянэнгэ 5:2

дживэ́н дрэ паты́в кэ яви́р мануша́, сыр и Христо́со сыкадя́ паты́в амэ́нгэ и отдыя́ Пэс пал амэ́ндэ, сыр гудло́ кхандыпэн и свэ́нто дыибэ́н, саво́ исын лачхо́ Дэвлэ́скэ.

Apostolengiri Butý 20:28

И адя́кэ ракхэ́н пэс и сарэ́ дэвлытконэ́ манушэ́н, савэ́н Свэ́нто Ду́хо (Фа́но) чхудя́ тэ явэ́н кхангирья́кирэ барыдырэ́нца (дыкхибнаскирэнца), соб (кай) тэ ракхэ́н Дэвлэ́скири Кхангири́, сави́ Ёв дорэсця́ Пэ́скэ Лэ́скирэ-Чхавэ́скирэ Ратэ́са.

Дание́лё 7:14

И Лэ́скэ, Чхавэ́скэ манушэнгирэскэ, сыс дыно́ баро́ право, сла́ва и кралипэ́н, соб (кай) сарэ́ манушы́тка на́цыи (народы), кхэри́тка ро́ды (пле́ми) и екхэ-чибакирэ ирья́ (чиба́/ чибья́) (языки) тэ дынаринэ́н Лэ́скэ, саро́ Лэ́скиро баро́ право на проджа́ла пэ сарэ́ ве́ки, и Кралипэ́н Лэ́скиро на пхарадёла.

Galatenge 2:20

Мэ со́мас примардо пэ трушу́л Христосо́са, и мэ буты́р сы́рбы на джива́ва, нэ дава́ Христо́со дживэ́ла дрэ ма́ндэ; нэ дова́, со мэ джива́ва дрэ лоч (плоть), мэ джива́ва пир патяибэ́н дрэ Дэвлэ́скирэ Чхавэ́стэ, Савэ́скэ яцём дро́го мэ, и Саво́ отдыя́ Пэс пал ма́ндэ.

Заха́рия 13:1

Дро дова́ дывэ́с псиравэлапэ (откэрэлапэ) ґанынгори ваш Давидо́скиро кхэр и Ерусалимо́скирэ манушэ́нгэ, соб (кай) тэ выморэн (тэ халавэн криг) лэ́ндыр грэ́хо и кажно мэлалыпэн.

Isajos 55:4

Акэ, Мэ чхудём лэс, соб (кай) ёв тэ досыкавэл (тэ допхэнэл) чачипэ́н народэнгэ, соб (кай) тэ сыклякирэ́л лэн.

Sykadyipén 11:15

И эфта́то (битринэнтиро дэ́што) Янго́ло пхурдыя дрэ пэ́скиро ро́го (труба): и сыс зоралэ́ заня́ пэ болыбэ́н, со ракирдэ́: “Свэтытко Кралипэ́н амарэ́ Ра́скирэ-Дэвлэ́скиро и Лэ́скирэ Христосо́скиро явдя́ и Ёв явэ́ла тэ кралинэн пэ сарэ́ ве́ки.”

1 Ximaske 6:13

Мэ упхэнава ту́кэ анги́л Дэвлэ́стэ, Саво́ дэ́ла сарэскэ джиибэ́н, и анги́л Исусо́стэ Христосо́стэ, Саво́ лачхэ́с приґалыя Лэ́скиро патяибэ́н анги́л Понтиёстэ Пилатостэ,

1 Коринфянэнгэ 6:11

Вари-савэ́ тумэ́ндыр са́нас адасавэ́. Нэ тумэ́ сан обмордэ, освэнцындлэ, нэ тумэ́ сан приджиндлэ сыр чачунэ́ амарэ́ Ра́скирэ-Дэвлэ́скирэ лавэ́са, Исусо́скирэ Христососкирэса и амарэ́ Дэвлэ́скирэ Духо́са.

Joannostir 15:9

И сыр яцём дро́го Мэ Мирэ́ Дадэ́скэ, адя́кэ-паць и Ма́нгэ ячнэ́ дро́га тумэ́; ячэ́нпэ дро Мири́ ла́ска.

Joannostir 13:1

Анги́л свэ́нко Патради́ Ису́со, сыр джиндя́, со явдя́ пашылэды́р мардо́ (шту́нда) ваш Лэ́скэ тэ мэкэл дава́ свэ́то и тэ рисёл кэ Дад, Лэ́скэ ячнэ́ древа́н дро́га одолэ́, савэ́ дживдэ́ Лэ́са пэ дава́ свэ́то, и какана́ Ёв сыкадя́ сари́ зор Пэ́скирэ ласкаса кэ ёнэ.

Яви́р Зако́но 7:8

нэ палдава́, со тумэ́ сан дро́га Ра́скэ-Дэвлэ́скэ, и ваш дова́, соб (кай) Ёв тэ зракхэ́л совла́х, савья́са Ёв совлахадя́ тумарэ́ дадэ́нгэ, палдава́ вылыджия́ тумэн Рай Дэвэ́л зоралэ́ вастэ́са, и выракхця тут писхарибнаскирэ кхэрэ́стыр, фараоно́скирэ вастэ́стыр, Египто́скирэ крали́стыр.

Римлянэнгэ 8:37

Нэ саро́ дава́ амэ пиризорьякираса Одолэскирэ зорья́са, Конэ́скэ адя́кэ древа́н амэ яця́м дро́га.

Joannostir 13:34

Мэ да́ва тумэ́нгэ нэво́ припхэныбэ́н: явэ́н дро́га екх ваш екхэ́скэ; сыр Ма́нгэ, адя́кэ-паць и тумэ́ явэ́н дро́га екх ваш екхэ́скэ.

Joannostir 3:32

Ёв допхэнэ́ла дова́, со Ёв кокоро́ дыкхця́ и шундя́, а нико́н на приґалёла Лэ́скиро допхэныбэ́н.

Joannostir 3:11

Чачэс, Мэ чачэс ракира́ва ту́кэ: амэ ракираса пал дова́, со амэ джина́са, и допхэнаса пал дова́, со амэ дыкхцям; а тумэ́ мануша́, со на приґалёна амаро́ допхэныбэ́н.

Яви́р Зако́но 23:5

нэ Рай Дэвэ́л, Дэвэ́л тыро́, на закамдя́ тэ шунэ́л Валаамос, и обрискирдя Рай Дэвэ́л, Дэвэ́л тыро́ лэ́скиро прокошыбэ́н дро бахтякирибэ́н ту́кэ, пал-дова́ со ту сан дро́го Ра́скэ Дэвлэ́скэ, тырэ́ Дэвлэ́скэ.

Дание́лё 2:2

Припхэндя́ о кра́ли тэ скэдэ́н сарэ́н човаханэн, и магэн, и джиныбнаскирэн пир планеты, и Халдеен, соб (кай) ёнэ тэ роспхэнэ́н э крали́скэ лэ́скиро суно́. Ёнэ явнэ́, и тэрдинэ́ анги́л крали́стэ.

Psalmy 51:2

ке́ли проро́ко Натано (Нафано) явдя́ кэ Ёв, сыр Ёв загия́ кэ Вирса́вия.

Pritčy 14:5

Патяибны́тко якхи́тко на явэ́ла тэ хохавэ́л, нэ начачуно якхи́тко явэ́ла тэ пхэнэ́л хохаибэ́н.

Матфеё 20:28

адя́кэ сыр Чхаво́ Манушэ́скиро явдя́ на ваш дова́, соб (кай) Лэ́скэ тэ дынаринэ́л, нэ соб (кай) Ёв тэ дынаринэ́л и тэ отдэ́л Пэ́скиро джиибэ́н, сыр выкиныбэ́н пал бутэндэ.”

Joannostir 3:16

Дэвлэ́скэ адя́кэ яця́ дро́го свэ́то, со Ёв отдыя́ Пэ́скирэ Екхэбияныпнытконэ Чхавэ́с, соб (кай) кажно, кон явэ́ла тэ патял дрэ Лэ́стэ, тэ на хасёл, а тэ явэ́л лэ́стэ ве́чно джиибэ́н.

Римлянэнгэ 3:25

Савэс Дэвэ́л чхудя́ анги́л сыр свэ́нто дыибэ́н ваш тангипэ́н пир патяибэ́н дро Лэ́скиро рат, кон патя́ла, адя́кэ Дэвэ́л сыкадя́ пэ́скиро чачипэ́н и примангдя грэ́хи манушэ́нгэ, савэ́ ёнэ кэрдэ́ англэды́р;

Юдэ́нгэ 10:29

то, сыр тумэ́ думинэ́на, ци пэ бут пхарэдыр явэ́ла ка́ра пэ одолэ́ манушэ́стэ, саво́ сы́рбы штакирэла ґэрэ́нца Дэвлэ́скирэ Чхавэ́с и на гинэ́ла пал свэ́нто завето́скиро рат, савэ́са ёнэ кокоро́ сыс свэнцындло, и ракирэ́ла налачхэ́ лава́ пэ Ду́хо (Фа́но), Савэ́стыр амэ лыям бахталыпэ́н?

Sykadyipén 2:13

Мэ джино́м тыри́ буты́, и, кай ту дживэса, одо́й, кай на́лачхо исын бэшто́ пэ пэ́скиро троно. Ту рикирэсапэ пал Миро лав и ту на отпхэндянпэ пэ́скирэ патяибнастыр дрэ Ма́ндэ аж дрэ долэ́ дывэса́, ке́ли Антипо, миро патяибнаскиро якхи́тко, сыс замардо машки́р тумэ́ндэ одо́й, кай на́лачхо дживэ́ла.

Sykadyipén 11:3

И мэ да́ва зор мирэ́ дуе Якхитконэнгэ и ёнэ явэ́на тэ ангилпхэнэн тысёнцо дуй шэла́ шовдэша́ дывэса́, савэ́ явэ́на уридэ́ дрэ гонэ́ балэндыр.”

Sykadyipén 19:11

И мэ дыкхцём псирадо (отпхандло) Болыбна́скиро Раё и, акэ, сыс парно́ грай. Пэ лэ́стэ сыс бэшто́ уклисто́/э́ Кодова́, Кон кхарэ́лапэ Чачуно́ и Патяибны́тко, Саво́ сэндякирэ́ла чачунэ́с и марэлапэ пал чачипэ́н.

Левито 13:58

Ко́ли и́дя, ци основа, ци утоко, ци вари-со со кэрдо́ цыпатыр выморэса, и джа́ла криг лэ́ндыр фра́нсо, тэды трэй тэ выморэн лэн яви́р мо́ло, и ёнэ явэ́на жужэ́.

Яви́р Зако́но 18:2

и миштыпна́скири ме́ра на явэ́ла лэ́нгэ машки́р лэ́скирэ пшалэ́ндэ: Кокоро́ Рай Дэвэ́л исын лэ́нгири миштыпна́скири ме́ра, сыр ракирдя́ Ёв лэ́нгэ.