Sykadyipén 1:15 - Библия - Пэ Балтитко Романи чиб (Романэс) 2019

¹⁵ и Лэ́скирэ ґэра́ сыс сыр харко́ма (медь), сави́ сыс пробиндлы дро бов, и Лэ́скири зан сыс сыр бутэ́-паненгирэ шоля;

Biblija - Pe Baltitko Romani čib (Romanes) 2019

¹⁵ i Léskire ĥerá sys syr xarkóma (mied'), saví sys probindly dro bov, i Léskiri zan sys syr buté-paniengire šolia;

Sykadyipén 1:15 Referans Kwoze

Езэкилё 43:2

И, акэ, Израилёскирэ-Дэвлэ́скири сла́ва джа́лас вастоко́стыр, Лэ́скири зан – сыр бутэ́-панескиро шумо, пэ пхув зяиндя Лэ́скири сла́ва.

Дание́лё 10:6

Э маса́ лэ́стэ – сыр куч бар топазо, о муй лэ́скиро – сыр о блискавицакиро дыкхибэ́н; лэ́скирэ якха́ – сыр хачкирдэ́ ягэнгирэ (факелы), васта́ лэ́скирэ и ґэра́ лэ́скирэ сыс сыр зяиндлы харко́ма (медь), и зан лэ́скирэ ракирибнаскири – сыр зан бутэ́-манушэ́нгири.

Sykadyipén 14:2

И мэ шундём зан болыбна́стыр, сыр бутэ́-пане́нгирэ шоля́ и сыр баро́ громо. И мэ шундём, сыр башаибнаскирэ башавэнас пэ пэ́скирэ гусли.

Sykadyipén 19:6

И мэ шундём зан сы́рбы бутэ́-манушэ́нгирэ народо́стыр, сы́рбы бурэ́-пане́нгирэ шоля́ (шумо), сы́рбы барэ́ громэнгиро, со пхэнэнас: “Аллилуя! Пал-дова́ со амаро́ Рай Дэвэ́л, Сарэзорья́киро кралинэла!

Sykadyipén 2:18

И чхин Янголоскэ Фиатиракирэ кхангирья́тыр: “Дава́ ракирэ́ла Дэвлэ́скиро Чхаво́, Конэ́стэ якха́ исын сы́рбы ягакири чиб, и Лэ́скирэ ґэра́ исын сы́рбы зяиндлы харко́ма (медь):

Psalmy 93:4

Рай Дэвэ́л, Саво́ исын пэ вучипэ́н, исын зоралэды́р бутэ́-паненгирэ шумостыр, зоралэ́ валнэндыр, со джа́на пир мо́рё (дэрья́в).

Езэкилё 1:7

Ѓэра́ лэнгрэ сыс роўна (ворта), а пирэ́/подэшвы (ступни) сыс сыр гуруворэстэ, и зяинэнэнаспэ, сыр жужакирды (чысто) харко́ма (медь).

Езэкилё 40:3

И лыджия́ ман одори́к. Акэ, сыс ману́ш, саво́ выдыкхэлас сы́рбы харко́ма (медь), ко́ли ёй хачола, дро лэ́скиро васт сыс шэло лёностыр (ґандладэстыр) и дэсто́, савэ́са гинэ́на; ёв сыс тэрдо́ пашы́л по́рта.

Isajos 17:13

Манушы́тка на́цыи брилинэна (ревинэна) сыр шумо бутэ́-паненгиро, нэ Дэвэ́л дарьякирдя, и ёнэ явэ́на тэ нашэ́н дур, и лэн явэ́на тэ традэ́н сыр пра́хо пэ бэ́рги балваляса, сыр прахинка (пыло), со крэнцынэлапэ рискирибна́скирэ балваляса.

Езэкилё 1:24

И ко́ли ёнэ джа́нас, мэ шунавас, сыр шуминэнас лэ́нгирэ пхака́, кодова́ сыс сы́рбы бутэ́-панескиро шумо, сы́рбы зан Сарэзорьякирэскири, зорало́ шуминыбэн, сы́рбы шуминыбэн дро халадэ́нгиро скэдыибэ́н; а ко́ли ёнэ сыс тэрдэ́, то ёнэ змэкэнас пэ́скрэ пхака́.

Sykadyipén 10:1

И мэ дыкхцём явирэ зоралэ́ Янголо́с, Саво́ джа́лас тэлэ́ болыбна́стыр и Саво́ сыс сы́рбы уридо́ дро о́блоко. Пэ лэ́скиро шэро́ сыс брышындытко банги (радуга) и лэ́скиро муй сыс сы́рбы кхам и лэ́скирэ пирэ́ (подэшвы) сыс сы́рбы ягакирэ сты́лбы,