Sykadyipén 1:13 - Библия - Пэ Балтитко Романи чиб (Романэс) 2019

¹³ и машки́р эфта́ момолытка сыс вари-кон, Саво́ здэласпэ (сыс похожо) пэ Манушэ́стэ, Саво́ сыс дро длэнго урибэ́н кэ ґэра́, и сыс сувнакуны́ кусты́к трусця́л (кругом) Лэ́стэ:

Biblija - Pe Baltitko Romani čib (Romanes) 2019

¹³ i maškír eftá momolytka sys vari-kon, Savó zdelaspe (sys pohožo) pe Manušéste, Savó sys dro dlengo uribén ke ĥerá, i sys suvnakuný kustýk trusciál (krugom) Léste:

Sykadyipén 1:13 Referans Kwoze

Дание́лё 7:13

Дыкха́вас мэ дро рати́тко дыкхибэ́н, акэ, болыбнытконэ облокэ́нца джа́лас о Чхаво́ манушэ́нгиро, догия́ кэ Пхурыдыр, ґаратунэ́-дывэсэнгиро и сыс лыджино кэ Ёв.

Дание́лё 10:16

Нэ, акэ, вари-кон, кон здэла (подджа́ла) пэ манушытконэ́ чхавэ́стэ, чиладя́ мирэ́ ушта́, и мэ откэрдём мирэ́ ушта́, лыём тэ ракира́в и пхэндём одолэ́скэ, со сыс тэрдо́ анги́л ма́ндэ: “Раё миро! Кадалэ́ дыкхибнастыр сарэ́ бидытка туги мирэ́ обрисинэ пэ ма́ндэ, и на яця́ мэндэ зор.

Sykadyipén 15:6

И выгинэ́ эфта́ Янго́лы далэ́ Кхангирья́тыр, савэ́ндэ сыс эфта́ фра́нсы, и савэ́ сыс уридэ́ дрэ жужэ́, парнэ́, похтанытка урибэна́ и ёнэ сыс пирипхандлэ кэ колы́н сувнакунэ́ кустыкэнца.

Sykadyipén 14:14

И мэ дыкхцём, акэ, парно́ о́блоко, и вари-кон сыс бэшто́ сы́рбы Чхаво́ Манушэ́скиро. Пэ Лэ́скиро шэро́ сыс сувнакуны́ вя́нка (коро́на) и дро Лэ́скиро васт сыс востро (чолало́) серпо (чхиндло́).

Левито 8:7

и чхудя́ пэ лэ́стэ (Аароностэ) хитоно, и обпхандя лэс кустыкаса и чхудя́ пэ лэ́стэ упратуны риза и чхудя́ пэ лэ́стэ эфо́до и обпхандя лэс эфодоскирэ кустыкаса и прикэрдя лэ́са эфо́до пэ лэ́стэ,

Дание́лё 7:9

Дыкха́вас мэ джангалэс, акэ, чхудэ́ сыс тронытка скаминда, и бэсця́ Пхурыдыр, ґаратунэ́-дывэсэнгиро (сы́рбы Сэнда́ри); урибэ́н пэ Лэ́стэ сыс парно́, сыр ив, и бала́ пэ Лэ́скиро шэро́ – сыр жужы вы́лна; сками́нд Лэ́скиро – сыр чиб ягитко, э ро́ты Лэ́скирэ – сыр хачкирды яг.

Isajos 11:5

И обпхандэлапэ Ёв чачипна́са пир трушула (чреслы), чачипэ́н явэ́ла Лэ́скиро обпхандыпэн упрэ́ пир ґэра́.

Юдэ́нгэ 4:15

Амэ́ндэ исын на адасаво́ англатуно́ раша́й, саво́ на могинэ́ла тэ помогинэл (тэ подэл васт) амэ́нгэ дро амаро́ бизорьякирибэн, нэ Адасаво́ Англатуно́ Раша́й, Саво́ сыс пропатякирдо дро саро́, нэ сыр и амэ, нэ Саво́ на кэрдя́ грэ́хо.

Vygiiben 39:5

И эфодоскири кусты́к, сави́ сыс упра́л лэ́стэ, екхэ лэ́са бутяса, кэрдо́ сыс сувнака́стыр, ґолубовонэ, пурпуронэ и чэрвлёнонэ вылна́тыр и крэнцонэ висоно́стыр, сыр припхэндя́ Рай Дэвэ́л Мойза́скэ.

Sykadyipén 2:1

Чхин Янголоскэ Эфесоскирэ кхангирья́тыр: “Дава́ исын лава́ Одолэ́стыр, Кон рикирэ́ла эфта́ чэргеня дро Лэ́скиро чачо́ (право) васт, Кон псирэ́ла машки́р эфта́ сувнакунэ́ момолытка: