Sykadyipén 1:10 - Библия - Пэ Балтитко Романи чиб (Романэс) 2019

¹⁰ Дро Ра́скирэ-Дэвлэ́скиро дывэ́с Ду́хо (Фа́но) лыя́ упралыпэ́н пэ ма́ндэ и мэ шундём пала́л зоралы́ зан, сави́ сы́рбы рого́стыр (труба́тыр) ракирдя́:

Biblija - Pe Baltitko Romani čib (Romanes) 2019

¹⁰ Dro Ráskire-Devléskiro dyvés Dúho (Fáno) lyjá upralypén pe mánde i me šundjom palál zoralý zan, saví sýrby rogóstyr (trubátyr) rakirdiá:

Sykadyipén 1:10 Referans Kwoze

Sykadyipén 21:10

Мэ со́мас дро ду́хо (фа́но) и Янго́ло ґаздыя́ ман пэ бари и вучи́ бэ́рга и сыкадя́ ма́нгэ свэ́нто фо́ро, Ерусалимо, со джа́лас тэлэ́ болыбна́стыр, Дэвлэ́стыр.

Sykadyipén 17:3

И Ду́хо (Фа́но) лыджия́ ман пэ чхучи́ пхув. И мэ дыкхцём джувля́, сави́ сыс бэшты пэ лолэ́-рискирибна́скирэ мурдалэ́стэ. Дава́ мурда́л сыс саро́, сы́рбы счхиндло лавэ́нца, савэ́ калякирэнас Дэвлэ́с. Лэ́стэ сыс эфта́ шэрэ́ и дэш шынга́ (ро́ги).

Apostolengiri Butý 20:7

Дро пэ́рво куркитко дывэ́с, ке́ли амэ скэдыямпэ тэ пхагирас маро́, Па́вли ракирдя́ лэ́нца, а пэ яви́р дывэ́с ёв кэдэласпэ тэ джал дро дром. И ёв ракирдя́ дурэды́р кэ пашрат.

1 Коринфянэнгэ 16:2

Дро пэ́рво куркитко дывэ́с мэк кажно тумэ́ндыр тэ отчхувэл дрэ риг и тэ ракхэ́л ада́кицы ловэ́, пэ кицы́ лэ́скиро миштыпэ́н выбарьёла, соб (кай) тумэ́ тэ на кэдэн ловэ́, ке́ли мэ ява́ва кэ тумэ́.

Joannostir 20:19

Дрэ доя́ пэ́рво куркэскири бэльвэ́ль, кай Лэ́скирэ сыкляибны́тка сыс кхэтанэ́ бэштэ́ палэ запхандлэ вудара́ дара́тыр Юдэндыр, явдя́ Ису́со, и тэрдия́ машкира́л, и ракирэ́ла лэ́нгэ: “Рама́нё (миро) тумэ́нгэ!”

Матфеё 22:43

Ёв ракирэ́ла лэ́нгэ: “Сыр тэды Дави́до, сыр лэ́скэ упхэндя Ду́хо (Фа́но), кхардя́ Лэс’ Раё Дэ́вла’, ракири́:

Joannostir 20:26

Пир охто́ (бидуе́нгиро дэш) дывэса́ Лэ́скирэ сыкляибны́тка нэвэ́стыр сарэ́ кхэтанэ́ скэдынэ́пэ дро кхэр, и Фама сыс лэ́нца. Явдя́ Ису́со, ке́ли вудара́ сыс запхандлэ, тэрдия́ машки́р лэ́ндэ, и пхэндя́: “Рама́нё тумэ́нгэ!”

Čysly 24:2

И подыкхця́ Валаа́мо, и дыкхця́ Израилё, саво́ сыс тэрдо́ пир пэ́скирэ ро́дыцы (чанга́), и сыс пэ лэ́стэ Дэвлэ́скиро Ду́хо (Фа́но).

1 Коринфянэнгэ 12:3

Палдава́ мэ упхэнава тумэ́нгэ, со ние́кх, кон ракирэ́ла Дэвлэ́скирэ Духо́са, на пхэнэ́ла кошыбэ́н пэ Христосо́стэ; адя́кэ-паць и ние́кх на пхэнэ́ла “Рай Дэвэ́л Ису́со”, ко́ли ёв на кэрэ́ла дава́ Свэнтонэ́ Духо́скирэ зорья́са.