Софония 3:6 - Библия - Пэ Балтитко Романи чиб (Романэс) 2019

⁶ “Мэ хасякирдём манушы́тка на́цыи (народы)”, – ракирэ́ла Рай Дэвэ́л, – “лэ́нгирэ зоралэ́ ва́нты фэнштрорэнца пхагирдэ́ дрэ руи́ны; Мэ кэрдём адя́кэ, со пэ лэ́нгирэ вули́цы (га́сы) яця́ чхучо́, и нико́н на джа́ла пашы́л. Лэ́нгирэ фо́рья исын пхагирдэ́, со ние́кх ману́ш нанэ, со ние́кх ману́ш на дживэ́ла”.

Biblija - Pe Baltitko Romani čib (Romanes) 2019

⁶ “Me xasiakirdjom manušýtka nácyi (narody)”, – rakiréla Raj Devél, – “léngire zoralé vánty fenštrorenca phagirdé dre ruíny; Me kerdjom adiáke, so pe léngire vulícy (gásy) jaciá čhučó, i nikón na džála pašýl. Léngire fórja isyn phagirdé, so nijékh manúš nane, so nijékh manúš na dživéla”.

Софония 3:6 Referans Kwoze

1 Коринфянэнгэ 10:6

Нэ амэ́нгэ трэй тэ сыклёвас сарэ́стыр далэ́стыр, соб (кай) амэ тэ на явас ґалка (жадна) пэ налачхэ́ рэ́нды, сыр ёнэ сыс.

1 Коринфянэнгэ 10:11

Дава́ саро́ сыс лэ́нца, соб (кай) мануша́ тэ сыклён, и дава́ сыс чхиндло́ сыр приракхибэн ваш амэ́нгэ, савэ́ дживэ́на дро палатуно́ часо.

Софония 2:5

Бида пэ манушэ́ндэ, савэ́ дживэ́на пэ брэ́го морёскиро (дэрьявэ́скиро); би́да пэ манушэ́ндэ Критостыр! Ра́скирэ-Дэвлэ́скиро лав исын проти тумэ́ндэ, о Хананеи, пхув Филистимиякири: “Мэ розмарава пэ котэра́ тут; со на ячэ́лапэ ние́кх тэ дживэ́л.”

Заха́рия 7:14

И Мэ росчхурдыём лэн рискирибна́скирэ балваляса пир сарэ́ манушэ́ндэ, савэ́н ёнэ на джиндлэ́. И дая́ пхув чхучия би лэ́нгиро, со нико́н на псирдя́ пирда́л ла́тэ ни англэ, ни палэ, и ёнэ кэрдэ́ далэ́ бахталэ́ рига́тыр чхучи́ пхув.”

Isajos 37:36

И выгия́ Янго́ло Дэвлэ́скиро и замардя́ дро Асирия́кирэ-халадэ́нгиро ста́но шэл охтодэша́ пандж тысёнцы манушэ́н. Уштынэ́ пэ са́мо зло́ко (зоря) и, акэ, – сарэ́ мануша́ исын мулэ́.

Левито 26:31

а тумарэ́ форье́ндыр Мэ кэра́ва чхучи́ пхув, и скэрава чхучэ́ тумарэ́ кхангирья, и Мэ, на ява́ва тэ сунгавав гудло́ тхув тумарэ́ яныбнастыр.

Матфеё 23:38

Акэ, кхэр тумаро́ мэкэлапэ чхучо́ (пусто) тумэ́нгэ.

Isajos 6:11

Мэ пхэндём: “Ци ґара́ (длу́гэс) дава́ явэ́ла, Раё, Дэ́вла?” Ёв пхэндя́: “Пириячэ́ла, ко́ли далэ́ фо́рья явэ́на чхучэ́, нико́н на явэ́ла тэ дживэ́л дрэ лэ́ндэ, ко́ли джа́на мануша́ далэ́ кхэрэндыр, ко́ли дая́ пхув явэ́ла сарэ́са чхучи́.

Isajos 14:26

Дасаво исын припхэныбэ́н пал сари́ пхув, акэ, исын васт, протырдыно кэ сарэ́ народы.

Ереме́ё 9:12

Кон исын годо́ ману́ш, соб (кай) ёв тэ дэл ра́да тэ ґалёл саро́ дава́? И конэ́скэ Ра́скирэ-Дэвлэ́скирэ ушта́ пхэндлэ́, соб (кай) ёв могинэлас тэ пхэнэ́л статэчнэс сарэ́нгэ? Со́скэ дая́ пхув хасия́, схачия сы́рбы шуки́ чхучи́ пхув мал адя́кэ, со нико́н на джа́ла пир ла́тэ?’

Isúso 23:4

Ѓа́да, мэ роскэрдём (роздыём) тумэ́нгэ пир жре́биё адалэ́ манушэ́н, савэ́ ячнэ́пэ дрэ миштыпна́скири ме́ра тумарэ́ родыцэнгэ, сарэ́ мануша́, савэ́н мэ традыём криг, Иорданостыр кэ баро́ мо́рё (дэрья́в), пэ кхамэскиро загиибэ́н.