Софония 3:5 - Библия - Пэ Балтитко Романи чиб (Романэс) 2019

⁵ Нэ чачипна́скиро Рай Дэвэ́л исын машки́р дава́ фо́ро, Ёв на кэрэ́ла пир начачипэ́н. Кажно зло́ко Ёв янэ́ла Пэ́скиро чачипэ́н пэ дуд, лэс ухты́лла (до́си): нэ начачунэ мануша́ на джинэ́на ладжаипэ́н.

Biblija - Pe Baltitko Romani čib (Romanes) 2019

⁵ Ne čačipnáskiro Raj Devél isyn maškír davá fóro, Jov na keréla pir načačipén. Kažno zlóko Jov janéla Péskiro čačipén pe dud, les uhtýlla (dósi): ne načačune manušá na džinéna ladžaipén.

Софония 3:5 Referans Kwoze

Яви́р Зако́но 32:4

Ёв исын зоралы́ Твардыма; Лэ́скирэ рэ́нды исын бидошэнгирэ, и сарэ́ дрома́ Лэ́скирэ исын чачунэ́. Дэвэ́л исын чачуно́, и нанэ начачипэ́н дрэ Лэ́стэ; Ёв исын чачуно́ и патяибны́тко.

Roiben 3:23

ёнэ сыкадёна нэвэ́с кажно зло́ко (ра́нко): саво́ баро́ исын Тыро́ патяибэ́н!

Psalmy 145:17

Рай Дэвэ́л исын чачипна́скиро дро саро́, со Ёв кэрэ́ла и Ёв исын лачхо́ дро сарэ́ Лэ́скирэ рэ́нды (де́лы).

Софония 3:15

О Рай Дэвэ́л лыя́ криг пхаро́ сэ́ндо пэ ту́тэ, Ёв традыя́ криг тырэ́ вэргос. Кра́ли Израилёскиро, о Рай Дэвэ́л исын машки́р тумэ́ндэ, тумэ́ буты́р на явэ́на тэ дыкхэ́н бари биба́хт.

Isajos 28:19

Ко́ли сыг ёй (чхупны) явэ́ла то ухтылэл тумэн; явэ́ла тэ псирэ́л кажно дывэ́с и кажно рат, сыр шунэ́на пал ла́тэ, то лэ́ла дар.”

Софония 3:17

О Рай Дэвэ́л, тыро́ Дэвэ́л, исын ту́са, Ёв исын Зоралыпнаскиро тэ зракхэ́л тут; Ёв явэ́ла древа́н тэ радынэ́лпэ радыма́са, Ёв дэ́ла рама́нё (миро) ту́кэ Лэ́скирэ ласкатыр, Ёв явэ́ла тэ радынэ́лпэ ту́тыр весёлымаса (лошаса).

Isajos 12:6

Яв лошалы (весёло), ра́дынпэ, манушны Сионо́стыр, пал-дова́ со баро́ исын машки́р ту́тэ Свэ́нто Израилёскиро.”

Яви́р Зако́но 23:14

Пал-дова́ со Рай Дэвэ́л, Дэвэ́л тыро́, псирэ́ла машки́р ста́но тыро́, соб (кай) тэ зракхэ́л тут и тэ отдэ́л вэргэ́н тырэ́н дрэ васта́ тырэ́, а палдава́ ста́но тыро́ банго́ тэ явэ́л свэ́нто, соб (кай) Ёв тэ на дыкхэ́л ту́тэ вари-со нажужо, и тэ на отджал ту́тыр.

1 Petr 1:17

И ко́ли тумэ́ кхарэ́на Дадэ́са Кодолэ́с, Саво́ шэра́ (ра́внэс) сэндякирэ́ла сарэ́ манушэ́н, на дыкхи́, кон ману́ш исын, тэды дживэ́н дара́са анги́л Лэ́стэ дава́ часо, пака тумэ́ дживэ́на пэ пхув;

Римлянэнгэ 3:26

пэ́скирэ ґаратунэ́ (длугонэ) вырикирибнаса саро́ дава́ часо, соб (кай) Ёв какана́ тэ сыкавэ́л пэ́скиро чачипэ́н, и со Ёв кокоро́ исын чачуно́, и приджинэла чачунэнца сарэ́н, кон патя́ла дрэ Исусо́стэ.

Заха́рия 2:5

И Мэ ява́ва’, – ракирэ́ла Рай Дэвэ́л, сыр екх ягитко ва́нта (сцяна) трусця́л лэ́стэ, и барьёла сла́ва Мири́ дрэ лэ́стэ андра́л.”

Psalmy 37:6

И Ёв вылыджала тыро́ чачипэ́н пэ дуд (свэ́то) тэ зяинэл, и тыро́ патяибэ́н сыр кхам дро паш-дывэ́с.

Ióvo 34:10

Палдава́ шунэ́н миштэ́с ман, тумэ́, кон сан годэ́: нашты́ тэ явэ́л, соб (кай) Дэвэ́л тэ думинэл, тэ кэрэ́л фуипэ́н, и нашты́ тэ явэ́л чорипэ́н Сарэзорьякирэ Дэвлэ́стыр.

1 Коринфянэнгэ 4:5

Тэды на сэндякирэн анги́л дова́, сыр Рай Дэвэ́л явэ́ла, Саво́ дудвалякирэла (обсвэнцынэла) и калэ́ (цёмна) чораханыбэна и откэрэла пэ якха́ адя́кэ-паць ґарадэ́ мысли дро манушы́тко ило́; и тэды сва́ко (кажно) ману́ш дорэсэ́ла (долэла) шарибэ́н Дэвлэ́стыр.

Римлянэнгэ 2:5

А пир тыро́ накандыпэн и напорискирдо кэ Ёв ило́, ту кокоро́ пэ́скэ кэдэса буты́р холы́ пэ дывэ́с ваш Дэвлэ́скири холы́, ке́ли Ёв откэрэла Пэ́скиро сэ́ндо,

Luka 12:2

нэ нанэ нисо́ учхакирдо, соб (кай) тэ на выджа́л пэ якха́ и гарадо́, соб (кай) тэ на явэ́л джиндло́;

Софония 2:1

Скэдэ́нпэ тумэ́ тэ обдуминэн, скэдэ́н тумэ́ кхэтанэ́, о биладжакуно манушы́тко ро́до;

Avakumo 1:3

Со́скэ Ту дэ́са ма́нгэ тэ дыкха́в чорипэ́н, и кэрэ́са адя́кэ, соб (кай) мэ тэ дыкха́в мэ́ньки? Пал-дава́ со чорья и нахрата рэ́нды исын анги́л мирэ́ якха́, мануша́ кошэнапэ и чингардэнапэ.

Mihiejo 7:9

Мэ вырикирава холякири зор Ра́скирэ-Дэвлэ́скири, пал-дова́ со мэ кэрдём грэ́хи проти Лэ́стэ, анги́л дова́, сыр Ёв обсэндякирэла миро рэ́ндо и кэрэ́ла пир чачипэ́н ма́нгэ. Ёв вылыджала ман пэ дуд, и мэ дыкха́ва Лэ́скиро чачипэ́н.

Mihiejo 3:11

лэ́нгирэ шэралэ́ сэндинэна пал почасту́нки (подарки), лэ́нгирэ рашая́ сыклякирэ́на пал плэскирибэн (покиныбэн), и лэ́нгирэ проро́ки сыклякирэ́на пал ловэ́, на дыкхи́ пэ дова́, со ёнэ рикирэнапэ Ра́скэ-Дэвлэ́скэ и пхэнэ́на ёнэ: “Ци нанэ Рай Дэвэ́л машки́р амэ́ндэ? На явэ́ла биба́хт (би́да) амэ́нгэ.”

Езэкилё 48:35

Саро́ трусця́л (кругом) исын дэшуохто тысёнцы дэстэ́. А форитко лав долэ́ дывэсэ́стыр явэ́ла: “О Рай Дэвэ́л исын одо́й”!

Ереме́ё 21:12

О, Давидо́скиро кхэр! Адя́кэ’, – ракира́ва Мэ, Рай Дэвэ́л: ‘Сэндякирэн чачипна́са тася́рлэс (ра́нэс) пэ зло́ко, и ракхэ́н обчордэ манушэ́с вастэ́стыр, саво́ традэ́ла лэс, соб (кай) Миро мижэхипэн тэ на выджа́л сыр яг, и тэ на росхачол адя́кэ, со нико́н на мурдякирэла ла пал дова́, со тумэ́ кэрэ́нас биба́хт (налачхэ́ рэ́нды).

Ереме́ё 8:12

Ци ладжандынэ ёнэ, сыр ёнэ кэрдэ́ джунгалэ́ дэвлорэ́? Над! Ёнэ на ладжандынэ сарэ́са, и ёнэ на джиндлэ́ тэ лолён. Палдава́ ёнэ пэрэ́на машки́р одолэ́ндэ, савэ́ пынэ́, дро лэ́нгирэ-сэндоскиро часо (цы́ро) ёнэ обштавэна,’ – раки́рла Рай Дэвэ́л.

Ереме́ё 6:15

“И ци ладжандынэ ёнэ, сыр ёнэ кэрдэ́ джунгалэ́ рэ́нды (де́лы)? Над, ёнэ на ладжандынэ, и ёнэ на джинэ́на, со исын дасаво тэ лолён. Палдава́ ёнэ пэрэ́на машки́р одолэ́ндэ, савэ́ пэрэ́на пэ мэрибэ́н”, – пхэндя́ Рай Дэвэ́л.

Ереме́ё 3:3

Палдава́ панинга́ сыс пририкирдэ, и на сыс вэснакирэ брышында и тумэ́ндэ чиката ячнэ́ сы́рбы налачхэ́ джувля́тэ, нэ тумэ́ на прилынэ́ ладжакирибэн.

Isajos 50:4

Рай Дэвэ́л дыя́ ма́нгэ чиб годьварэ́ манушэ́ндыр, соб (кай) Мэ лавэ́са тэ подрикирав кодолэ́с, кон буты́р на вырикирэ́ла; тася́рлэс (ра́нэс) Ёв джингавэла Ман, джингавэла кан Миро, соб (кай) Мэ тэ шунав, сыр сыкляибны́тко.

Isajos 45:21

Дэн тэ джинэ́н манушэ́нгэ и пхэнэ́н: “Кон пхэндя́ дава́ дро ґаратуно часо, кон ангилпхэндя дава́? Ци на Мэ, Рай Дэвэ́л, и нанэ явирэ Дэвлэ́с апри́ч Ма́ндэ, а исын екх Дэвэ́л – Мэ сом Дэвэ́л чачуно́, Саво́ зракхэ́ла и нанэ никонэ́с явирэ́с апри́ч Ма́ндэ.

Isajos 33:2

Раё Дэ́вла! Зра́кх амэн! Пэ Ту́тэ исын амари́ наде́я. Яв тася́рлэс (ра́нэс) амарэ́ вастэ́са, амарэ́ зракхибнаса дро пхаро́ часо.

Ióvo 8:3

Ци Дэвэ́л пиририскирэла сэ́ндо, ци Сарэзорья́киро Дэвэ́л пиририскирэла чачипэ́н?

Džiibén 18:25

Нашты́ тэ явэ́л, соб (кай) Ту тэ кэрэ́с адя́кэ, соб (кай) Ту тэ хасякирэс чачунэ́ манушэ́с кхэтанэ́ злыднитконэса, соб (кай) дова́-паць тэ явэ́л чачунэ́ манушэ́са; со и злыднитконэса; нашты́ тэ явэ́л Ту́тыр! Сэнда́ри сарэ́ пхувья́киро тэ кэрэ́л на пир чачипэ́н?”

Заха́рия 9:9

Ра́дынпэ зоралэ́с бахтятыр, Сионо́скири чхай, дэ го́дла радыма́тыр, Ерусалимо́скири чхай: акэ, кра́ли тыро́ явэ́ла кэ ту, чачипна́скиро и зракхибнаскиро, ковлэ́-илытко, уклисто пэ ослицатэ и пэ тэрнэ́ ослостэ, савэскири дай псирдя́ тэло ґа́мо.

Ióvo 7:18

со Ту явэ́са кэ ёв кажно зло́ко (ра́нко), со Ту спробинэса лэс кажно мэнта (минута)?

Psalmy 92:15

Ёв явэ́ла дрэ зор дрэ пхуранэ́ бэрша́, ёв явэ́ла соко́са (хумэ́са) и зэлэно,

Езэкилё 18:25

Нэ тумэ́ пхэнэ́на: “Нанэ чачипэ́н дро Ра́скирэ-Дэвлэ́скиро дром!” Шунэ́н акана́, Израилёскиро кхэр! Со дро миро дром нанэ чачипэ́н? Дрэ тумарэ́ дрома́ нанэ чачипэ́н:

Osija 14:9

Ефре́мо пхэнэ́ла: ‘Со ма́нгэ ишчо (инкэ́) трэй идолэндыр?’ Мэ отпхэнава лэ́скэ: ‘Мэ ява́ва тэ шунав, и тэ дыкха́в пал ту́тэ? Мэ ява́ва сыр кипарисо, саво́ розмэкця, Рай Дэвэ́л, патря (листы). Ма́ндыр явэ́на ту́тэ баритка (пло́ды).’

Софония 3:13

Мануша́, кон яця́пэ Израилёстыр, на явэ́на тэ кэрэ́н начачипэ́н и тэ ракирэ́н хохаибэ́н, и на латхэлапэ хоханы чиб дро лэ́нгиро муй. Ёнэ явэ́на тэ чаравэнпэ и тэ пасён, и ние́кх на явэ́ла тэ трашавэл лэн.

Osija 6:5

Палдава́ Мэ вычингиравас лэн пир пророкэ́ндэ, Мэ мулякиравас лэн Мирэ́ лавэ́нца; и Миро сэ́ндо пэ лэ́ндэ явэ́ла сы́рбы дуд (свэ́то), со ґаздэ́лапэ.