Софония 3:3 - Библия - Пэ Балтитко Романи чиб (Романэс) 2019

³ Лэ́скирэ тхага́рья (кня́зи) машки́р лэ́ндэ исын сы́рбы шчэра́ (левы), со рыкинэна; лэ́нгирэ сэнда́рья исын сы́рбы бэльвэлитка рува́, савэ́ на ячкирэна ни екх кокалкицо ваш атасятуно дывэ́с.

Biblija - Pe Baltitko Romani čib (Romanes) 2019

³ Léskire thagárja (kniázi) maškír lénde isyn sýrby ščerá (lievy), so rykinena; léngire sendárja isyn sýrby bel'velitka ruvá, savé na jačkirena ni jekh kokalkico vaš atasiatuno dyvés.

Софония 3:3 Referans Kwoze

Avakumo 1:8

Лэ́нгирэ граё исын сыгэды́р леопардэндыр и ёнэ исын холямэдыр бэльвэлитконэ рувэндыр. Лэ́нгирэ уклистэнгирэ халадэ́ традэ́на барипнаса; лэ́нгирэ грая явэ́на дурипнастыр; ёнэ праста́на сы́рбы вурняла о́рло (ки́до), саво́ сыгэды́р явэ́ла тэ хал дорэсыбэ́н.

Ереме́ё 5:6

Палдава́ вэшытко шчэр (ле́во) мулякирэ́ла лэн, и рув, со пэрэ́ла бэльвэле́, мэкэ́ла лэн чхучэ́ вастэ́нца; леопардо явэ́ла тэ ужакирэл чораханэ́с лэн пашы́л фо́рья; кажно (сва́ко), кон выджа́ла, явэ́ла рискирдо пэ котэра́; пал-дова́ со лэ́нгиро чорипэ́н явэ́ла буты́р, и ёнэ буты́р отпэрэна Дэвлэ́стыр.

Езэкилё 22:6

Акэ, Израилёскирэ тхага́рья: кажно (сва́ко) пэ́скирэ зорья́са сыс ту́тэ, соб (кай) тэ чхувэ́н рат.

Ереме́ё 22:17

Нэ тырэ́ якха́ и тыро́ ило́ исын рискирдо ваш тыри́ ґалкима кэ барвалыпэ́н и тэ прочхувэс бибангипнаскиро (набанго) рат, и ваш дова́, соб (кай) тэ притасавэс, и тэ лэс пэ зор.

Isajos 1:23

Тхага́рья (кня́зи) тырэ́ на кэрэ́на пир чачипэ́н, лэ́нгирэ дру́ги (мала́) исын чора. Сарэ́ ёнэ камэ́на мыто, праста́на пал ловэ́. Ёнэ на уштэна (затэрдёна) пал пиротэндэ (сиротэндэ) и пивлякиро (удовакиро) рэ́ндо на доджа́ла кэ ёнэ.

Pritčy 28:15

Сыр шчэр (ле́во), саво́ рыкинэла, и сыр рич, саво́ исын холынакиро, исын фуй барыдыро́, саво́ хулаинэла пэ чорэ́ манушэ́ндэ.

Isajos 5:29

Годлэла ёв, сыр шчэрица (левица), годлэла сыр шчэр (ле́во); загодлэла, ухтылэ́ла дорэсыбэ́н, и нико́н на отлэла.

Ереме́ё 34:19

тхагарьен Юдэя́тыр, тхагарьен Ерусалимо́стыр, евнухэн, раша́н, и сарэ́ манушэ́н долэ́ пхувья́тыр, савэ́ прогинэ́ машки́р паша́ целянтоскирэ,

Езэкилё 33:26

Тумэ́ думинэ́на, со курта́ла подрикирэ́ла тумэн, тумэ́ кэрэ́на джунгалэ́ рэ́нды, екх тумэ́ндыр магирэла – явирэскирэ ромня́, и камэ́на, соб (кай) пхув тэ явэ́л тумари́?

Ереме́ё 23:11

Дуйджинэ́: и проро́ко, и раша́й исын бидывлытка: адя́кэ сыр и дро Миро кхэр Мэ латхём лэ́нгири злыднима”, – ракирэ́ла Рай Дэвэ́л.