Софония 3:19 - Библия - Пэ Балтитко Романи чиб (Романэс) 2019

¹⁹ Акэ, дрэ дава́ часо Мэ роскэдавапэ кодолэнца сарэ́нца, Кон притасадя тумэн, Мэ зракха́ва лангалэн, и Мэ кэдава кхэтанэ́ адалэн, савэ́ традынэ криг. Мэ барьякирава и Мэ да́ва паты́в лэ́нгэ пэ кажно пхув, пэ сави́ ладжакирдэ́ лэн.

Biblija - Pe Baltitko Romani čib (Romanes) 2019

¹⁹ Ake, dre davá časo Me roskedavape kodolenca sarénca, Kon pritasadia tumen, Me zrakháva langalen, i Me kedava khetané adalen, savé tradyne krig. Me barjakirava i Me dáva patýv lénge pe kažno phuv, pe saví ladžakirdé len.

Софония 3:19 Referans Kwoze

Isajos 60:14

И явэ́на кэ ту чхавэ́ одолэ́-манушэ́нгирэ, савэ́ тут притасавэнас; ёнэ бандёна тэл тыро́ васт, и пэрэ́на кэ тырэ́ ґэра́ сарэ́, кон пэ ту́тэ дыкхця́ вучипна́са, и кхарна тут Ра́скирэ-Дэвлэ́скирэ фороса, Свэнтонэ́ Израилёскирэ Сионоса.

Ереме́ё 30:16

Пал-дова́ со сарэ́, кон дукхавэла тут, ёнэ кокорэ́ явэ́на дукхадэ, и сарэ́ тырэ́ вэ́рги, кажно лэ́ндыр джа́ла дро пле́но. Сарэ́, кон чорэла миштыпэ́н ту́тыр, ёнэ кокорэ́ явэ́на обчордэ; и сарэ́, кон рискирэ́ла тыро́ миштыпэ́н, лэ́ндэ кокорэндэ явэ́ла рискирдо миштыпэ́н.’

Софония 3:15

О Рай Дэвэ́л лыя́ криг пхаро́ сэ́ндо пэ ту́тэ, Ёв традыя́ криг тырэ́ вэргос. Кра́ли Израилёскиро, о Рай Дэвэ́л исын машки́р тумэ́ндэ, тумэ́ буты́р на явэ́на тэ дыкхэ́н бари биба́хт.

Mihiejo 7:10

Тэ́ньци и мири́ вэргица явэ́ла тэ дыкхэ́л дава́, и ладж чхакирэла ла, сави́ пхэндя́ ма́нгэ: “Кай исын Рай Дэвэ́л тыро́ Дэвэ́л?” Мирэ́ якха́ явэ́на тэ дыкхэ́н ла, акана́ заштакирэна ґэрэ́нца ла, сыр бла́та пэ вули́цы (га́сы).

Езэкилё 34:16

“Сави́ нашадяпэ – одоля латхава, сави́ сыс утрадыны – одоля рискира́ва, сави́ сыс дукхады – одоля пирипхандава, а одоля, сави́ яця́ древа́н тхулы и одоля, сави́ на кандэ́ла – лэн хасякира́ва Мэ; Мэ ява́ва тэ чаравав лэн чачипна́са.

Isajos 61:7

Пал дова́, со тумэн ладжакирэнас, тумэ́ прилэ́на дрэ дуй мо́лы буты́р паты́в; пал-дова́, со кошэнас тумэн, тумэ́ явэ́на тэ радынэ́нпэ, со дасави́ исын лэ́нгири во́ля, пал-дова́ со дуй мо́лы тумэ́ дорэсэ́на (долэна) пэ пэ́скири пхув буты́р; ве́чно ра́дыма (лош) явэ́ла лэ́ндэ.

Ереме́ё 33:9

Тэ́ньци лав ‘Ерусалимо’ явэ́ла тэ радынэл манушэ́н, ёнэ явэ́на тэ шарэ́н лэс, и тэ дэн паты́в анги́л сарэ́ Наюдытконэ́ нацыендэ пир пхув, савэ́ явэ́на тэ шунэ́н пал саро́ лачхипэ́н, со Мэ кэрдём лэ́нгэ: и ёнэ явэ́на тэ дарэ́н, и тэ издран сарэ́ лачхипнастыр и сарэ́ миштыпна́стыр, со Мэ кэра́ва далэ́ фороскэ.”

Юдэ́нгэ 12:13

Псирэ́н тумарэ́ ґэрэ́нца пир маму́й (пряма) дроморэ, соб (кай) одолэ́ манушэ́скэ, саво́ исын лангало, тэ на змарэлпэ ґэрэндыр, а соб (кай) ёв тэ джал маму́й (прямэс).

Isajos 60:18

На явэ́на тэ шунэ́н буты́р, со пэ тыри́ пхув исын нахрата рэ́нды, со тырэ́ рига́ облэна и кэрэ́на чхучэ́; ту кхарэса тырэ́ ва́нты зракхибнаса и тырэ́ по́рты-барипнаса.

Езэкилё 39:26

И ґалёна ёнэ пэ́скиро биладжакирибэн, и сарэ́ пэ́скирэ напатяибэн, саво́ кэрэ́нас анги́л Ма́ндэ, ко́ли явэ́на тэ дживэ́н пэ пэскри пхув би дара́киро, нико́н на явэ́ла тэ страхакирэл лэн.

Sykadyipén 20:9

И яг пыя́ болыбна́стыр и хая лэн. И ёнэ гинэ́ сарэ́са пир пхувья́киро буґлыпэ́н и облынэ свэнтонэ́ Дэвлэ́скиро фо́ро, со сыс дро́го Дэвлэ́скэ.

Ереме́ё 46:28

На дар, Миро писха́ри, Яково’, – ракирэ́ла Рай Дэвэ́л, – ‘Мэ сом ту́са; пал-дова́ со Мэ хасякира́ва сарэ́ на́цыи, кэ савэ́ Мэ традыём тут; нэ Мэ на хасякира́ва тут, нэ Мэ пирисыклякирава тут пир ме́ра, и Мэ сароекх на мэкава тут би сэндоскиро.”

Isajos 62:7

На пириячэн тэ ракирэ́н анги́л Лэ́стэ, пока Ёв ґаздэ́ла Ерусалимо и на кэрэ́ла Лэс барипнаса (шарибнаса) пэ пхув.

Isajos 26:11

Раё Дэ́вла! Тыро́ васт сыс вучэ́с ґаздыно́, нэ ёнэ лэс на дыкхнэ́; дыкхэ́на и ладжана, кон бидыкхэла (нашты́ тэ дыкхэ́л) пэ Тыро́ народо; яг ха́ла Тырэ́ вэргэ́н.

Ереме́ё 31:8

Дыкхэ́н, Мэ яна́ва палэ лэн паш-ратитконэ́ тхэмэстыр, и Мэ скэда́ва лэн самонэ ягорэндыр пэ пхув. Машкир лэ́ндэ явэ́на: корори, и лангалы, пхари́ джувлы́, и джувлы́, савьякэ, трэй тэ биянэ́л-кхэтанэ́; баро́ скэдыибэ́н (сонмо) явэ́ла палэ [рисёла-р.с.] ада́й!

Езэкилё 16:27

Акэ, палдава́ Мэ протырдыём пэ ту́тэ Миро Васт, тыкнякирдём котэ́р долэ́стыр, со сыс тыро́, отдыём Филистимия́кирэ чхаенгэ, савэ́ бидыкхэнас тут, савэ́ ладжанас долэ́стыр, со ту кэрдя́н, соб (кай) тэ кэрэ́н ёнэ ту́са дова́, со камэ́на.

Езэкилё 16:57

“Ко́ли на сыс ишчо (инкэ́) откэрдо тыро́ начачипэ́н, сыр дро часо, ке́ли лыян ту ладж Сириякирэ чхаендыр и сарэ́ндыр, кон дживэлас пашы́л ла́тэ, Филистимия́кирэ чхаендыр, савэ́ обсэндякирибнаса дыкхэнас пэ ту́тэ сарэ́ ригэ́ндыр.

Езэкилё 39:13

Народо сарэ́ пхувья́тыр явэ́ла тэ гаравэл лэн; баро́ явэ́ла дова́ дывэ́с, ко́ли Мэ сыкава́ва Пэ́скири сла́ва, – ракирэ́ла Рай Дэвэ́л, Дэвэ́л.

Заха́рия 8:23

Адя́кэ ракирэ́ла янголэ́нгирэ-болыбна́скиро Рай Дэвэ́л: “Явэ́ла дрэ долэ́ дывэса́, со дэшджинэ явирэ-чибьенгирэ Наюдытконэ́ нацые́ндыр, лэнапэ пал яго́ро (пал по́дя) пэ и́ди Юдаскири и пхэнэ́на: ‘Амэ джа́са ту́са, пал-дова́ со амэ шундя́м, со тумэ́нца исын Дэвэ́л.’”

Яви́р Зако́но 26:19

и со ёв чхувэ́ла тут вучэды́р сарэ́ манушэ́ндыр, савэ́н Ёв создыя́, пир барипэ́н, пир лав и пир паты́в, и со тумэ́ явэ́на свэ́нта мануша́ Растэ-Дэвлэ́стэ, Дэвлэ́стэ тырэстэ, сыр Ёв ракирдя́.”

Сэндарьенгири Лылвари́ 1:7

Тэды пхэндя́ о Адони-Везеко: “Эфтадэша́ кра́лья отчингирдэ барэ́ ангуштэнца пэ лэ́нгирэ васта́ и ґэра́ скэдынэ́ крошки тэл миро сками́нд, сыр кэрдём мэ, адя́кэ и ма́нгэ дыя́ Дэвэ́л.” И яндлэ́ лэс дро Ерусалимо, и ёв мыя́ одо́й.

Isajos 33:1

Бида ту́кэ одова́, кон исын мижэх чор, конэ́стыр на отлэнас, и чор, конэ́стыр на чорэнас! Ко́ли обчорэса саро́ [мэкэса тэ чорэс-р.с.], ту́тыр отлэна, ко́ли пириячэса тэ чорэс, ту́тыр чорэна.

Ереме́ё 30:19

И долэ́ форо́стыр мануша́ явэ́на тэ парикирэ́н зоралэ́с, и ёнэ явэ́на древа́н тэ радынэ́нпэ. И Мэ кэра́ва адя́кэ, со лэн явэ́ла бутэды́р, и ёнэ на явэ́на тэ тыкнён. И Мэ барьякирава лэ́нгири паты́в, соб (кай) ёнэ тэ на дыкхэ́н пэ лэ́ндэ вучипна́стыр.