Софония 3:18 - Библия - Пэ Балтитко Романи чиб (Романэс) 2019

¹⁸ “Мэ ява́ва тэ скэдав лэн”, – ракирэ́ла Рай Дэвэ́л, – “савэ́ тугинэна пал упхэндлэ свэ́нки, кон исын машки́р тумэ́ндэ, пэ савэ́ндэ банг исын сыр ґа́мо.

Biblija - Pe Baltitko Romani čib (Romanes) 2019

¹⁸ “Me javáva te skedav len”, – rakiréla Raj Devél, – “savé tuginena pal uphendle svénki, kon isyn maškír tuménde, pe savénde bang isyn syr ĥámo.

Софония 3:18 Referans Kwoze

Езэкилё 36:24

Мэ ла́ва тумэн Наюдытконэ́ нацые́ндыр (народэндыр), кэдава тумэн сарэ́ ригэ́ндыр, Мэ яна́ва тумэн пэ тумари́ пхув.

Roiben 1:4

Сионоскирэ дрома́ тугинэна, пал-дова́ со ние́кх на явэ́ла тэ свэнкинэл. Сарэ́ лэ́скирэ по́рты исын чхучэ́, лэ́скирэ рашая́ дэ́на ґондя́, лэ́скирэ патывалэ́ тырнэ джувле́н притасавэ́на, Сионоскэ, кокорэскэ, исын пхаро́.

Софония 3:20

Дро дава́ часо Мэ яна́ва тумэн палэ, и адя́кэ-паць Мэ скэда́ва тумэн. Мэ да́ва паты́в тумэ́нгэ и ґазда́ва тумэн машки́р сарэ́ манушэ́ндэ пэ пхув, ке́ли Мэ яна́ва палэ тумарэ́ пленонэн анги́л тумарэ́ якха́”, – пхэндя́ Рай Дэвэ́л.

Osija 9:5

Со явэ́на тумэ́ тэ кэрэ́н дро дывэ́с, ке́ли трэй тэ явэ́л скэдыибэ́н, дро дывэ́с свэнкитко Ра́скирэ-Дэвлэ́скиро?

Osija 1:11

Тэды чхавэ́ Юда́скирэ и чхавэ́ Израилёскирэ кэдэнапэ кхэтанэ́ и ёнэ чхувэ́на пэ́скэ екхэ шэралэс, и ёнэ джа́на криг чужонэ́ пхувья́тыр, пал-дова́ со баро́ явэ́ла дывэ́с Израилёскиро.

Езэкилё 34:13

И Мэ вылыджава лэн народэндыр, Мэ скэда́ва лэн ригэ́ндыр, Мэ яна́ва лэн пэ лэ́нгири пхув, Мэ ява́ва тэ чаравав лэн пэ Израилёскири бэ́рги пашы́л панескиро потоко, пэ сарэ́ адалакирэ-пхувья́киро штэ́ты.

Roiben 1:7

Дрэ дывэса́, ке́ли ёнэ мэнчындлэпэ и лэн традэнас, тэды Ерусалимо рипирдя сарэ́ куч рэ́нды, со сыс ґарэдыр лэ́стэ, сыр хасинэ́ лэ́скирэ мануша́ вэргоскирэ вастэ́ндыр и ние́кх на дыя́ васт лэ́скэ. Намала дыкхнэ́ лэс и ёнэ сандлэпэ холямэс лэ́скирэ бэдыпнастыр.

Ереме́ё 23:3

“Нэ Мэ скэда́ва отячибэн (одолэ́н, кон яця́пэ) Мирэ́ ґуртостыр сарэ́ тхэмэндыр, кэ савэ́ Мэ протрадыём лэн, и Мэ яна́ва лэн палэ пэ лэ́нгирэ чаритка пхувья́, и лэ́ндэ явэ́на бут чхаворэ́, и лэн явэ́ла бут.

Psalmy 43:3

Бичха́в Тыро́ дуд и Тыро́ чачипэ́н, мэк ёнэ тэ лыджа́н ман и тэ янэ́н пэ Тыри́ свэ́нто бэ́рга и пэ штэ́то, кай Ту сан.

Езэкилё 9:4

И пхэндя́ лэ́скэ Рай Дэвэ́л, Дэвэ́л: “Джа́ пэ́скэ машки́р фо́ро, машки́р Ерусалимо, и кэр шпэ́ра (знако) пэ чэкат одолэ́ манушэ́нгирэ, савэ́нгэ исын пхаро́ пал саро́ джунгалыпэ́н, и савэ́ пиридживэна, со кэрэ́лапэ машки́р лэ́ндэ.”

Psalmy 79:4

Амарэ́ сусе́ды (кота́рья) обракирэна амэн. Мануша́, савэ́ исын трусця́л амэ́ндэ, санапэ холямэс и санапэ холямэс амэ́ндыр.