Софония 3:14 - Библия - Пэ Балтитко Романи чиб (Романэс) 2019

¹⁴ Ра́дынпэ и ба́га, чха́ё Сионо́скири! Дэ го́дла, о Израиле! Древа́н ра́дынпэ и кэр ра́дыма пэ́скирэ илэскэ, о чхай Сионо́скири!

Biblija - Pe Baltitko Romani čib (Romanes) 2019

¹⁴ Rádynpe i bága, čhájo Sionóskiri! De gódla, o Izrailie! Drieván rádynpe i ker rádyma péskire ileske, o čhaj Sionóskiri!

Софония 3:14 Referans Kwoze

Isajos 12:6

Яв лошалы (весёло), ра́дынпэ, манушны Сионо́стыр, пал-дова́ со баро́ исын машки́р ту́тэ Свэ́нто Израилёскиро.”

Mihiejo 4:8

И ту, вучарды́, (башня) соб (кай) тэ дыкхэ́н пал бакрэ́нгирэ ста́ды, бэ́ргица Сионоскирэ-чхакири, кэ ту явэ́ла и рисёла палэ раипэн, саво́ сыс вагэдыр (англэды́р), кралипэ́н Сионоскирэ-чхакири.

Isajos 54:1

Ра́дынпэ, накхабны́ (беплодно) джувлы́, сави́ ние́кхвар на бияндя́, ґа́здэ тыри́ зан радыма́са, и ра́дынпэ кодоя, сави́ николи на биянэлас! Джувля́тэ, савья́ ячкирдя́ ром буты́р чхаворэ́н, сыр одольятэ, сави́ дживэ́ла ромэса, – ракирэ́ла Рай Дэвэ́л.

Isajos 51:11

И рисёна одолэ́, савэ́н зракхця́ Рай Дэвэ́л, и явэ́на пэ Сио́но багаибнаса, ра́дыма лэ́нгири николи на пириячэ́ла; ёнэ явэ́на бахталэ́ и весе́ла (лошалэ́); ясва и бибахталэ́ ґондя́ (ўздохи) отджана.

Isajos 40:9

Джа́ пэ вучи́ бэ́рга, Сио́но, саво́ мишто́ пхэнэ́ла Дэвлэ́скиро лав! Ѓаздэ зорья́са зан тыри́, Ерусалимо, саво́ ракирэ́ла лав Дэвлэ́скиро! Ѓаздэ зан, на дар! Пхэн кэ фо́рья Юда́скирэ: “Акэ, исын тумаро́ Дэвэ́л!”

Isajos 35:2

И явэ́ла пхув гожэс тэ розмэкэлпэ и тэ радынэ́лпэ, явэ́ла радыма́са и годлэнца барипэ́н Ливаноскиро ла́кэ дэ́лапэ, Кармилоскиро и Сароноскиро бариканыпэн; ёнэ явэ́на тэ дыкхэ́н Ра́скирэ-Дэвлэ́скиро, амарэ́ Дэвлэ́скиро барипэ́н.

Матфеё 21:9

И мануша́, савэ́ джа́нас анги́л и пала́л Исусо́стэ, дэ́нас го́дла радыма́са: “Асанна, Чхавэ́скэ Давидоскирэскэ: тэ явэ́л бахтякирдо́, Саво́ джа́ла ваш лав Дэвлэ́скиро; асанна дрэ упратунэндэ!”

Psalmy 14:7

О, соб (кай) тэ явэ́л зракхибэ́н ваш Израилё Сионо́стыр! Ке́ли Рай Дэ́вла янэ́ла палэ Лэ́скирэ манушэ́н Сионо́стыр, соб (кай) Яково бут тэ радынэ́лпэ, и, соб (кай) Израилё тэ явэ́л лошало (весёло).

Ниеми́я 12:43

И янэ́нас дро дова́ дывэ́с барэ́ дыибэна́, и радындлэпэ, пал-дова́ со Дэвэ́л дыя́ лэ́нгэ бари ра́дыма. Радындлэпэ лошаса (радыма́са) и джувля́, и бияты, и ра́дыма (лош) Ерусалимо́скири сыс шундлы дур.

Ереме́ё 33:11

явэ́ла нэвэ́стыр зан радыма́са, явэ́ла весёло (багаибнытко) зан, явэ́ла зан тэрнэскири и зан тэрнякири, зан одолэ́ манушэ́нгири, савэ́ пхэнэ́на: ‘Парикирэ́н болыбна́скирэ-янголэ́нгиро Ра́скэ-Дэвлэ́скэ, пал-дова́ со Рай Дэвэ́л исын лачхо́, пал-дова́ со Лэ́скири ла́ска (тангипэ́н) ячэ́лапэ пэ сарэ́ ве́ки’, – и зан кодолэнгири, савэ́ янэ́на свэ́нта дыибэна́ парикирибнаса кэ Ра́скирэ-Дэвлэ́скири Кхангири́. Пал-дова́ со Мэ рискира́ва [дава́-р.с.] лачхипэ́н пленонэнгэ далэ́ пхувья́тыр, сыр сыс англэды́р,” – ракирэ́ла Рай Дэвэ́л.

Ереме́ё 31:13

Тэ́ньци патывалы́ джувлы́ явэ́ла тэ радынэ́лпэ, кхэлындой: и тэрнэ́ и пхуранэ́ мануша́ кхэтанэ́; пал-дова́ со Мэ рискира́ва лэ́нгири ту́га дрэ ра́дыма, и Мэ подрикирава лэ́нгиро ду́хо (фа́но), и Мэ да́ва ра́дыма лэ́нгэ пэ штэ́то лэ́нгирэ-дукхакиро пэ ило́.

Ереме́ё 30:19

И долэ́ форо́стыр мануша́ явэ́на тэ парикирэ́н зоралэ́с, и ёнэ явэ́на древа́н тэ радынэ́нпэ. И Мэ кэра́ва адя́кэ, со лэн явэ́ла бутэды́р, и ёнэ на явэ́на тэ тыкнён. И Мэ барьякирава лэ́нгири паты́в, соб (кай) ёнэ тэ на дыкхэ́н пэ лэ́ндэ вучипна́стыр.

Psalmy 97:8

Мануша́ Сионо́стыр шунэ́на и исын ра́да, и чхая́ Юдэя́тыр радынэ́напэ Тырэ́ сэндостыр, о Раё Дэ́вла.

Isajos 37:22

Акэ, исын лав, саво́ Рай Дэвэ́л пхэндя́ пал лэ́стэ: ‘На подыкхэла пэ ту́тэ, явэ́ла тэ салпэ ту́тыр патывалы́ чхай, тэрны́ чхай Сионо́скири, покрэнцынэла шэрэ́са, ко́ли тут дыкхэ́ла чхай Ерусалимо́скири.’

Isajos 40:1

“Подрикирэн, подрикирэн ду́хо (фа́но) дро Миро народо,” – ракирэ́ла тумаро́ Дэвэ́л.

Psalmy 149:2

Мэк Израилё тэ радынэ́лпэ Кадалэстыр, Кон создыя́ лэс, мэк чхавэ́ Сионо́стыр тэ веселинэнпэ (тэ лошалён) лэ́нгирэ Крали́стыр.

Isajos 29:19

И раманёна (мирна) мануша́ ишчо (инкэ́) буты́р явэ́на тэ радынэ́нпэ пал Растэ-Дэвлэ́стэ, чорорэ́ мануша́ явэ́на зоралэ́с тэ радынэ́нпэ пал Свэнтонэ́-Израилёскирэ Дэвлэ́стэ.

Isajos 52:9

Радынэ́нпэ, бага́н кхэтанэ́, штэ́ты Ерусалимо́скирэ: подрикирдя Рай Дэвэ́л Пэ́скиро народо, выкиндя Ерусалимо.

Ioil 2:23

Тумэ́, чхаворэ́ Сионоскирэ, радынэ́нпэ, и веселинэнпэ (лошалён) Ра́стыр-Дэвлэ́стыр, тумарэ́ Дэвлэ́стыр, соб (кай) Ёв тэ дэл лачхо́ вэснакиро брышы́нд чачипна́са, и Ёв кэрэ́ла адя́кэ, со явэ́ла брышы́нд, сыр сыс брышы́нд: вэснакиро и пал-лынаскиро (осенякиро) дро пэ́рво чхон.