Софония 3:13 - Библия - Пэ Балтитко Романи чиб (Романэс) 2019

¹³ Мануша́, кон яця́пэ Израилёстыр, на явэ́на тэ кэрэ́н начачипэ́н и тэ ракирэ́н хохаибэ́н, и на латхэлапэ хоханы чиб дро лэ́нгиро муй. Ёнэ явэ́на тэ чаравэнпэ и тэ пасён, и ние́кх на явэ́ла тэ трашавэл лэн.

Biblija - Pe Baltitko Romani čib (Romanes) 2019

¹³ Manušá, kon jaciápe Izrailjostyr, na javéna te kerén načačipén i te rakirén xohaibén, i na lathelape xohany čib dro léngiro muj. Jone javéna te čaravenpe i te pasjon, i nijékh na javéla te trašavel len.

Софония 3:13 Referans Kwoze

Sykadyipén 14:5

И на сыс латхно хохаибэ́н дро лэ́нгиро муй, ёнэ сыс бидоша́кирэ.

Софония 2:7

Брэ́го явэ́ла штэ́то манушэ́нгэ, кон ячэ́лапэ Юда́скирэ кхэрэ́стыр; ёнэ явэ́на тэ чаравэн лэ́нгирэ-бакрэ́нгирэ ґурты одо́й, бэльвэленца ёнэ явэ́на тэ пасён дрэ кхэра́ Аскалоноскирэ: пал-дова́ со о Рай Дэвэ́л, лэ́нгиро Дэвэ́л, затэрдёла пал лэ́ндэ, и рискирэ́ла палэ лэ́нгирэ манушэ́н плено́стыр”.

Mihiejo 4:7

И Мэ кэра́ва лангалэндыр Миро отячибэн, и Мэ кэра́ва одолэ́ндыр, савэ́н традынэ дур, зоралы́ нацыя.’ И явэ́ла Рай Дэвэ́л тэ раинэл пэ бэ́рга Сио́но, ададывэсатунэ дывэсэ́стыр и пэ сарэ́ ве́ки.”

Isajos 60:21

Саро́ тыро́ народо явэ́ла чачуно́, пэ сарэ́ бэрша́ прилэ́ла пхув сыр мэкно́ миштыпэ́н – дава́ исын отбарипэн, со Мэ барьякирдём, Мирэ́-вастэнгиро рэ́ндо; саро́ дава́ явэ́ла, соб (кай) тэ шарэ́н Ман.

Mihiejo 4:4

Нэ кажно (сва́ко) ману́ш явэ́ла тэ бэшэ́л тэл винаграды́тко хру́сто и тэл лэ́скирэ-инжыритко кашт (дрэ́во), и нико́н на явэ́ла тэ трашавэл лэн, пал-дова́ со янголэ́нгирэ-болыбна́скиро Рай Дэвэ́л дыя́ лав пал дава́.

Isajos 17:2

Ароэроскирэ фо́рья мэкэ́на мануша́, ёнэ явэ́на штэтоса ваш ґурты бакрэ́нгирэ, со явэ́на тэ пасён одо́й, и ние́кх на явэ́ла тэ трашавэл лэн.

Joannostir 1:47

Ису́со дыкхця́, со Нафанаило джа́ла кэ Ёв, и пхэндя́ пал лэ́стэ: “Ѓа́да, исын чачуно́ Израильтянино, саво́ исын би хохаибнаскиро.”

Ioil 3:17

“И тумэ́ явэ́на тэ джинэ́н, со Мэ сом Рай Дэвэ́л, тумаро́ Дэвэ́л, Саво́ дживэ́ла пэ свэ́нто бэ́рга пэ Сио́но. Тэ́ньци Ерусалимо явэ́ла свэ́нто, и ние́кх явирэ-тхэмэскиро ману́ш ние́кхвар на явэ́ла тэ джал пир дава́ фо́ро нэвэ́стыр.

Езэкилё 39:26

И ґалёна ёнэ пэ́скиро биладжакирибэн, и сарэ́ пэ́скирэ напатяибэн, саво́ кэрэ́нас анги́л Ма́ндэ, ко́ли явэ́на тэ дживэ́н пэ пэскри пхув би дара́киро, нико́н на явэ́ла тэ страхакирэл лэн.

Ереме́ё 31:33

‘Акэ, исын Заве́то, саво́ Мэ счхувава Израилёскирэ кхэрэса и Юдэя́кирэ кхэрэса. Палэ долэ́ дывэса́’, – ракирэ́ла Рай Дэвэ́л’, – ‘Мэ чхува́ва Миро Зако́но андрэ́ лэ́ндэ и Мэ чхина́ва дава́ дро лэ́нгирэ илэ, и Мэ ява́ва лэ́нгиро Дэвэ́л, и ёнэ явэ́на Мирэ́ мануша́.

Ереме́ё 30:10

И ту, Миро писха́ри, Яково, на дар’, – ракирэ́ла Рай Дэвэ́л’, – на замэр дара́тыр, о Израилё: Акэ, Мэ зракха́ва тут дуратунэ́ тхэмэстыр, и тыро́ кхэри́тко ро́до штэтэ́ндыр, кай сыс ёнэ дро пле́но. О Яково рисёла палэ и явэ́ла рама́нё, Ёв явэ́ла тэ дживэ́л би дара́киро.

Ереме́ё 23:4

И Мэ чхува́ва чхупнарьен пэ лэ́ндэ, и ёнэ явэ́на тэ чалякирэн лэн; и ёнэ на явэ́на тэ дарэ́н буты́р, и ёнэ на явэ́на запхагирдэ дро ду́хо (фа́но), и нико́н на хасёла лэ́ндыр”, – ракирэ́ла Рай Дэвэ́л.

Isajos 54:14

Ту явэ́са зоралы́ чачипна́са, на трэй ту́кэ тэ дарэс, пал-дова́ со нико́н ту́кэ буты́р на дэ́ла пхарипэ́н, ту на явэ́са тэ дарэс, пал-дова́ со ёв кэ ту на подджа́ла.

Sykadyipén 21:27

Ни саво́ магирдо́, и кодова́, кон кэрэ́ла джунгалыпэ́н (брыткима) и хохавэла нашты́ тэ заджа́л дро дава́ фо́ро, а екх одова́, кон исын зачхиндло́ дрэ джиибна́скири лылвари́ Бакрорэстэ.

Sykadyipén 21:8

А даранду́ки, напатяибна́скирэ, магирдэ́ дро вари-со, замарибна́рья; одолэ́, кон кэрдя́ биладжаипэ́н, човаханэ́, кон клониндяпэ патыва́са (кэрдэ шэрэ́са) идолэ́нгэ, хохаибна́рья-лэ́нгири паш явэ́ла кхэтанэ́ дро зеро (озеро), со хачола яга́са и дзэвэля́са (сераса); дава́ исын-яви́р мэрибэ́н.”

1 Ian 5:18

Амэ джина́са, со кажно ману́ш, кон исын Дэвлэ́скиро чхаво́, на кэрэ́ла грэ́хи, нэ кон исын Дэвлэ́скиро чхаво́, кодова́ ракхэ́ла пэс, и на́лачхо на чилавэ́ла лэс.

1 Petr 3:14

Нэ ко́ли тумэ́ злыджана пхарипэ́н пал чачипэ́н, тэды тумэ́ сан бахталэ́, на дарэ́н, мэк нисо́ тэ на трашакирэл тумэн;

Колосянэнгэ 3:9

На хохавэн екх екхэ́скэ, пал-дова́ со тумэ́ отпхэндлэпэ пхуранэ́ пэ́скирэ джиибнастыр сарэ́ лэ́скирэ рэндэ́нца.

Матфеё 13:41

бичхавэ́ла Чхаво́ Манушэ́скиро Пэ́скирэ Янголэн, и скэдэ́на Лэ́скирэ Кралипнастыр саро́, со злыджала манушэ́н кэ грэ́хо, и сарэ́н, кон кэрэ́ла на пир Зако́но;

Mihiejo 7:14

(Дэ́вла!) Чарав дэстэса Тырэ́ манушэ́н, кон исын дро ґурто Тырэ́-миштыпнаскиро, савэ́ дживэ́на кокорэ́ пэ́скэ дро вэш, машки́р Кармило: мэк ёнэ тэ чаравэнпэ пэ Васа́но и пэ Галаа́до, сыр сыс дрэ ґаратунэ́ дывэса́.

Ioil 3:21

И Мэ, Рай-Дэвэ́л, морава криг лэ́ндыр рат (банг пал рат), саво́ Мэ ишчо (инкэ́) на мордём: пал-дова́ со Мэ, Рай Дэвэ́л, джива́ва пэ Сио́но.”

Isajos 65:10

Пэ Сароно явэ́на тэ чаравэнпэ бакря́; пэ Акхоро гурува явэ́на тэ откхинён, Мирэ́ народоскирэ, саво́ латхя́ Ман.

Isajos 63:8

Ёв пхэндя́: “Чачо́, ёнэ исын Мирэ́ чхаворэ́, савэ́ на хохавэна”, и Ёв сыс ваш лэ́нгэ Зракхибнариса.

Isajos 35:8

И явэ́ла одо́й баро́ дром, ёв явэ́ла тэ кхарэлпэ свэнтонэ́ дромэ́са. Нажужо одо́й на явэ́ла тэ псирэ́л, явэ́ла дава́ дром фэ́ни (то́ка) ваш одолэ́нгэ, кон патя́ла, и кон на джинэ́ла нисо́; нико́н лэ́ндыр далэ́ дромэ́стыр на змарлапэ.

Isajos 6:13

И ко́ли ячэ́лапэ дэ́што паш пэ ла́тэ и рисёла, усае́кх явэ́ла пхув чхучи́, нэ сыр теревинфостыр и дэмбостыр, ко́ли ёнэ исын чингирдэ тэлэ́, исын ячаибэ́н, адя́кэ свэ́нто ячаибэ́н ячэ́лапэ.”

Psalmy 119:3

Ёнэ адя́кэ-паць на кэрэ́на начачипэ́н: ёнэ псирэ́на Лэ́скирэ дромэ́нца.

Psalmy 23:2

Ёв чхувэ́ла ман тэ пасёвав пэ зэлэна чарья́ и лыджа́ла ман кэ лента (насыгна) паня́,

Левито 26:6

Мэ бичхава́ва рама́нё (миро) пэ тумари́ пхув, тумэ́ пасёна тэ совэн, и нико́н тумэн на страхакирэла, Мэ традава криг мижэхонэ рискирибна́скирэ мурдалэ́н (зверен) тумарэ́ пхувья́тыр, и курта́ла на проджа́ла пир тумари́ пхув.

Ióvo 11:19

И явэ́са ту тэ пасёс, и ние́кх на явэ́ла тэ даракирэл тут, и бут мануша́ явэ́на тэ пхэнэ́н помия (плётки), соб (кай) тэ покэрэнпэ ту́кэ.

Psalmy 120:2

О Раё Дэ́вла, зра́кх миро ди хоханэ́ уштэндыр, фрэнтонэ чибатыр.

Psalmy 120:3

Со дэ́ла ту́кэ? Саво́ лачхипэ́н янэ́ла ту́кэ начачуны чиб?

Софония 3:5

Нэ чачипна́скиро Рай Дэвэ́л исын машки́р дава́ фо́ро, Ёв на кэрэ́ла пир начачипэ́н. Кажно зло́ко Ёв янэ́ла Пэ́скиро чачипэ́н пэ дуд, лэс ухты́лла (до́си): нэ начачунэ мануша́ на джинэ́на ладжаипэ́н.

Заха́рия 8:3

Адя́кэ ракирэ́ла Рай Дэвэ́л: ‘Обрисёвава Мэ кэ Сио́но и Мэ ла́ва тэ джива́в дро Ерусалимо, и лэ́ла тэ кхарэлпэ Ерусалимо ‘чачипна́скиро фо́ро’, и бэ́рга янголэ́нгирэ-болыбна́скирэ Ра́скирэ-Дэвлэ́скири – Свэнтымакири Бэ́рга.’

Заха́рия 8:16

Акэ, бутя́, савэ́ тумэ́ сан бангэ́ тэ кэрэ́н: пхэнэ́н чачипэ́н екх екхэ́скэ, пиро́ чачипэ́н и рама́нё (миро) сэндякирэн кэ по́рта тумари́.

2 Паралипоменоно 20:30

И яця́ штыл дро кралипэ́н Иосафато́скиро; и дыя́ лэ́скэ Дэвэ́л лэ́скиро покоё (откхиныбэн) сарэ́ ригэ́ндыр.

Заха́рия 8:12

Пал-дова́ со сеиндло гив явэ́ла тэ дэл прибарипэн, винаграды́тко хру́сто дэ́ла пэ́скирэ мурицы, нэ пхув дэ́ла, со ёй барьякирдя, и болыбэ́н дэ́ла пахлын (роса) пэ́скири: и саро́ дава́ Мэ да́ва ада́кицы манушэ́нгэ, савэ́ ячэ́напэ.