Софония 3:11 - Библия - Пэ Балтитко Романи чиб (Романэс) 2019

¹¹ Дро дова́ Дывэ́с тумэ́, Мирэ́ мануша́лэ, на явэ́на тэ ладжан ни савэ́ тумарэ́ рэндэ́ндыр, дрэ савэ́ тумэ́ кэрдэ́ чорипэ́н проти Ма́ндэ; адя́кэ, сыр тэ́ньчи Мэ ла́ва криг тумарэ́ машкиралыпнастыр кодолэ́н, кон древа́н радынэ́лапэ пэ́скирэ пхутькирибнастыр, и буты́р тумэ́ на явэ́на тэ задэнпэ пэ Мири́ свэ́нто бэ́рга.

Biblija - Pe Baltitko Romani čib (Romanes) 2019

¹¹ Dro dová Dyvés tumé, Miré manušále, na javéna te ladžan ni savé tumaré rendéndyr, dre savé tumé kerdé čoripén proti Mánde; adiáke, syr tén'či Me láva krig tumaré maškiralypnastyr kodolén, kon drieván radynélape péskire phut'kiribnastyr, i butýr tumé na javéna te zadenpe pe Mirí svénto bérga.

Софония 3:11 Referans Kwoze

Isajos 54:4

На дар, ту на явэ́са ладжакирды; на ладжа, нико́н тут на ладжакирэла; Ту бистрэса ладжаипэ́н, саво́ прилыян дрэ тэрнэ́ бэрша́; и ту на явэ́са тэ рипирэс пал ладж, сави́ ту прилыян, сыр са́нас биромэскири.

Isajos 11:9

На явэ́на тэ кэрэ́н холы́ ци дош пэ Мири́ свэ́нто бэ́рга, пал-дова́ со пхув пхэрдёла Дэвлэ́скирэ джиныбнаса, сыр мо́рё (дэрья́в) пхэрдёл пане́са.

Isajos 61:7

Пал дова́, со тумэн ладжакирэнас, тумэ́ прилэ́на дрэ дуй мо́лы буты́р паты́в; пал-дова́, со кошэнас тумэн, тумэ́ явэ́на тэ радынэ́нпэ, со дасави́ исын лэ́нгири во́ля, пал-дова́ со дуй мо́лы тумэ́ дорэсэ́на (долэна) пэ пэ́скири пхув буты́р; ве́чно ра́дыма (лош) явэ́ла лэ́ндэ.

1 Petr 2:6

Палдава́ исын пхэндло́ дро Свэ́нто Чхиныбэ́н: “Ѓа́да, мэ чхува́ва вэнглытко бар пэ Сио́но, Саво́ Мэ выкэдыём и Ёв исын дро́го Ма́нгэ: одова́ ману́ш, саво́ явэ́ла тэ патял дрэ Лэ́стэ, на явэ́ла тэ ладжал:

Римлянэнгэ 9:33

сыр и исын чхиндло́ пал дава́: “Ѓа́да, Мэ чхува́ва пэ Сио́но бар, пал саво́ бут мануша́ обштавэнапэ и пэрэ́на: и кажно, кон патя́ла дрэ Лэ́стэ, одова́ ние́кхвар на явэ́ла тэ ладжал.”

Матфеё 3:9

И на думинэн тэ ракирэ́н пэ́скэ: ‘Авраа́мо сыс дад амаро́;’ пал-дова́ со мэ ракира́ва тумэ́нгэ, со Дэвэ́л могинэ́ла далэндыр барэндыр тэ ґаздэл биятэ́н Авраамо́скэ.

Дание́лё 9:16

Раё Дэ́вла! Пиро саро́ Тыро́ чачипэ́н, мэк тэ рисёл Тыри́ холы́ и Тыро́ баро́ холякирибэ́н Тырэ́ форо́стыр, Ерусалимо́стыр, свэнтонэ́ Тырэ́ бэрга́тыр, пал-дова́ со пал амарэ́ грэ́хи и бизаконытка рэ́нды (де́лы) амарэ́ дадэнги́рэ, о Ерусалимо и Тырэ́ манушэ́н обракирэна сарэ́, савэ́ исын пашы́л амэ́ндэ.

Ереме́ё 7:4

На допатян зоралэ́с хоханэ́ лавэнгэ, со пхэнэ́на: ‘Дава́ исын Ра́скирэ-Дэвлэ́скири Кхангири́, Ра́скирэ-Дэвлэ́скири Кхангири́, Ра́скирэ-Дэвлэ́скири Кхангири́.’

Isajos 45:17

А Израилё явэ́ла зракхно пир ве́чно зракхибэ́н дро Растэ-Дэвлэ́стэ; тумэ́ на явэ́на ладжакирдэ́ никели.

Римлянэнгэ 2:17

Ко́ли ту пэс гинэса Юдоса и розгинэса пэ Зако́но, и шарэсапэ Дэвлэ́са,

Mihiejo 3:11

лэ́нгирэ шэралэ́ сэндинэна пал почасту́нки (подарки), лэ́нгирэ рашая́ сыклякирэ́на пал плэскирибэн (покиныбэн), и лэ́нгирэ проро́ки сыклякирэ́на пал ловэ́, на дыкхи́ пэ дова́, со ёнэ рикирэнапэ Ра́скэ-Дэвлэ́скэ и пхэнэ́на ёнэ: “Ци нанэ Рай Дэвэ́л машки́р амэ́ндэ? На явэ́ла биба́хт (би́да) амэ́нгэ.”

Дание́лё 9:20

И ке́ли мэ ракиравас и мангаваспэ, и откэравас ило́ пал мирэ́ грэ́хи и пал грэ́хи мирэ́ народоскирэ Израилёстыр, и пашлякиравас мангипэ́н миро анги́л Растэ-Дэвлэ́стэ мирэстэ пал свэ́нта бэ́рга мирэ́ Дэвлэ́скири;

Езэкилё 24:21

‘Пхэн Израилёскирэ кхэрэ́скэ: адя́кэ ракирэ́ла Рай Дэвэ́л, Дэвэ́л: ‘Акэ, Мэ отда́ва пэ магирипэ́н Миро свэ́нто штэ́то, саво́ пхэрдэ́с дэ́лас тумэ́нгэ зор, саво́ радынэлас тумарэ́ якха́ и тумаро́ ило́, а тумарэ́ чхавэ́ и тумарэ́ чхая́, савэ́н тумэ́ ячадэ, хасёна куртала́тыр.

Psalmy 49:5

Мэ причхувава пэ́скиро кан кэ приме́ро (сыкоибэн) тэ пхэна́в, мэ розлава мирэ́-гиленгири гарады мысля пэ гусли.

Čysly 16:3

И скэдынэ́пэ проти Мойзастэ и Аароностэ, и пхэндлэ́ лэ́нгэ: “Ухты́лла (до́си) тумэ́нгэ, саро́ скэдыибэ́н, сарэ́ мануша́ исын свэ́нта, и машки́р лэ́ндэ исын Рай Дэвэ́л! Со́скэ тумэ́ ґаздэ́на пэс вучэды́р Ра́скирэ-Дэвлэ́скирэ манушэ́ндыр?”

Psalmy 59:12

На замар лэн, соб (кай) мирэ́ мануша́ тэ на бистрэн лэн, росчхурдэ лэн Тырэ́ зорья́са и рав тэлэ́ лэн, амаро́ Раё Дэ́вла, Ту сан шчы́то амаро́.

Psalmy 131:1

Гилы́ анги́л Кхангири́. Давидоскири. Раё Дэ́вла! Миро ило́ на пхутёла и мирэ́ якха́ на дыкхэ́на барипнаса. И мэ адя́кэ-паць на залавапэ рэндэ́нца, со исын на пир зор ма́нгэ ци долэса, со исын дивно ма́нгэ.

Isajos 2:12

Пал-дова́ со джа́ла дывэ́с Ра́скирэ-Дэвлэ́скиро, болыбна́скирэ-янголэ́нгиро пэ саро́ пхутькирдо и пэ саро́ ґаздыно́, саро́ ґаздыно́, саро́ дава́ явэ́ла ладжакирдо́.

Isajos 5:15

Пэрэ́ла ману́ш пэ чанга́, поддэлапэ мурш, пхутькирдэнгирэ якха́ змэкэнапэ тэлэ́ зачхакирэнапэ.

Isajos 56:7

Мэ яна́ва лэн пэ Мири́ свэ́нто бэ́рга, Мэ обрадынава (лошакирава) лэн дро Миро кхэр, кай мангэ́напэ; лэ́нгирэ цэ́ла схачкирибэна и свэ́нта дыибэна́ лачхэ́ явэ́на пэ Миро алта́рё (жэртвенико), пал-дова́ со Миро кхэр кхарэ́лапэ кхэрэса, кай мангэ́напэ сарэ́ народы.

Ереме́ё 13:9

“Адя́кэ пхэндя́ Рай Дэвэ́л: ‘Пир дова́ Мэ хасякира́ва Юдэя́киро пхутькирибэ́н, и адя́кэ-паць Ерусалимоскиро зорало́ (баро́) пхутькирибэ́н.

Езэкилё 20:40

Пал-дова́, со пэ Мири́ свэ́нто бэ́рга, пэ вучи́ Израилёскири бэ́рга, – ракирэ́ла Рай Дэвэ́л, Дэвэ́л, – одо́й явэ́ла тэ дынаринэ́л Ма́нгэ саро́ Израилёскири кхэр, сарэ́ мануша́ лэ́стыр, кицы́ исын лэн пэ пхув, одо́й Мэ прилава лэн радыма́са, одо́й пхэна́ва Мэ, соб (кай) тэ янэ́н тумэ́ тумарэ́ дыибэна́ пэрвонэ́ пхабэндыр, сарэ́ тумарэ́ свэнтонэ́ дыибнэнца.