Софония 3:10 - Библия - Пэ Балтитко Романи чиб (Романэс) 2019

¹⁰ Дурипнастыр пал рэ́ки (лэня́) дрэ Ефиопия, Мирэ́ мангипнаскирэ (поклонники), Мирэ́ чхая́ Мирэ́ росчхурдынэ манушэ́ндыр, янэ́на Ма́нгэ свэ́нта дыибэна́.

Biblija - Pe Baltitko Romani čib (Romanes) 2019

¹⁰ Duripnastyr pal réki (leniá) dre Jefiopija, Miré mangipnaskire (poklonniki), Miré čhaja Miré rosčhurdyne manušéndyr, janéna Mánge svénta dyibená.

Софония 3:10 Referans Kwoze

Isajos 11:11

Явэ́ла дро дова́ дывэ́с адя́кэ: ишчо (инкэ́) протырдэла Рай Дэвэ́л Пэ́скиро васт, соб (кай) тэ рискирэ́л ячаибэ́н Пэ́скирэ народо́стыр, саво́ ячэ́лапэ кэ Асуро, дро Еги́пто, кэ Патросо, кэ Хусо, кэ Еламо, кэ Сенааро, кэ Емафо, пэ островы, савэ́ исын пир мо́рё (дэрья́в).

Psalmy 68:31

Штылякир рискирибна́скирэ мурдалэ́н (зверен) дрэ тришчына, гурувэнгирэ ґурты, савэ́ исын манушытконэ́ целянтэнца, пака ёнэ бандёна шэрэнца анги́л рупэскирэ котэра́. Росчхурдэ манушыпнаскирэ на́цыи, со древа́н радынэ́напэ марибнастыр.

Isajos 18:1

Бида пхувьякэ, сави́ учхакирэ́ла пхакэнца пир доя́ риг Ефиопиякирэ рэкэндыр (лэнорьендыр).

1 Petr 1:1

Пэтристыр, Исусо́скирэ Христосо́скирэ Апостолостыр, манушэ́нгэ, конэ́с Дэвэ́л выкэдыя́, савэ́ лодэна и исын росчхурдынэ пир свэ́то, дро Понто, Галатия, Кападокия, Асия и Вифиния,

Римлянэнгэ 15:16

тэ явав Исусо́скирэ-Христосо́скиро дына́ри ваш Наюдэ́нгэ и сыр раша́скэ тэ сыклякирав Дэвлэ́скири бахталы́ зан, соб (кай) дава́ Наюдэнгиро свэ́нто дыибэ́н тэ янэл Дэвлэ́скэ ра́дыма и тэ явэ́л посвэнцындло Свэнтонэ́ Духо́са.

Apostolengiri Butý 24:17

Коригэды́р (позжэ), сыр гинэ́ бэрша́, мэ явдём дро Ерусалимо, ваш дова́, соб (кай) тэ отдав скэдыибнытко дыибэ́н мирэ́ манушэ́нгэ, и соб (кай) тэ янав свэ́нто дыибэ́н Дэвлэ́скэ;

Apostolengiri Butý 8:27

И Филипо уштыя́ и гия́ пир дром, стрэниндя (пирилыя) Эфиопиякирэ евнухос, саво́ сыс барыдыро́ пэ Кандакиякиро кхэр, Эфиопиякирэ кралицакиро, савэ́скэ сыс допатяндло саро́ ла́киро кучипэ́н; ёв явэлас дро Ерусалимо тэ мангэ́лпэ Дэвлэ́скэ,

Малахия 1:11

Мирэ́ лавэ́скэ явэ́ла бари паты́в машки́р Наюды́тка на́цыи (народы), одотхы́р, кай кхам уштэ́ла и кэ дова́ штэ́то, кай кхам заджа́ла. Пэ кажно штэ́то дрогонэ́-смолакиро тхувипэн явэ́ла Ма́нгэ, жужо́ свэ́нто дыибэ́н; ваш дова́, со Мирэ́ Лавэ́скэ явэ́ла бари паты́в машки́р Наюды́тка на́цыи,” – ракирэ́ла янголэ́нгирэ-болыбна́скиро Рай Дэвэ́л.

Isajos 18:7

Дро дова́ дывэ́с янэ́на Ра́скэ-Дэвлэ́скэ болыбна́скирэ-янголэскирэскэ, да́ро зоралэ́ и састэ мануша́ народо́стыр, вучэ́ и даранэ народо́стыр, саво́ пэ саро́ ґаздэлпэ тэ тасавэл, а лэ́скирэ рэ́ки (лэня́) росчхинэна пхув, янэ́на да́ро пэ штэ́то, кай исын Ра́скирэ-Дэвлэ́скиро, болыбна́скирэ-янголэ́нгиро лав, пэ бэ́рга Сио́но.

Joannostir 7:35

Тэды Юды лынэ́ тэ ракирэ́н машки́р пэ́стэ: “Карик да Ёв камэ́ла тэ джал адя́кэ, со амэ на латхаса Лэс? Ци на камэ́ла Ёв тэ джал пэ Элинэнгиро штэ́то и тэ сыклякирэ́л Елинэн (Грекэ́н / Баламэ́н)?

Isajos 11:12

И кхарэ́ла кэ Пэ Наюды́тка на́цыи и скэдэ́ла Ёв вытрадынэ́ манушэ́н Израилёстыр, и росчхурдынэ Юдэ́н скхарэла штарэ́ ягорэндыр пэ пхув.