Софония 3:1 - Библия - Пэ Балтитко Романи чиб (Романэс) 2019

¹ Бида пэ дава́ фо́ро, дро саво́ мануша́ бунтуинэна проти Дэвлэ́стэ и, савэ́нгэ нашты́ тэ допатяс, савэ́ притасавэ́на явирэ́н.

Biblija - Pe Baltitko Romani čib (Romanes) 2019

¹ Bida pe davá fóro, dro savó manušá buntuinena proti Devléste i, savénge naštý te dopatias, savé pritasavéna javirén.

Софония 3:1 Referans Kwoze

Ереме́ё 6:6

И пхэндя́ адя́кэ Рай Дэвэ́л, болыбна́скирэ – янголэ́нгиро: “Чингирэн тэлэ́ кашта́, и чхувэ́н пхув тэ явэ́л вало трусця́л Ерусалимо. Дава́ фо́ро тэ джал тэл пхаро́-сэндякирибэн: мануша́ тасавэна екх екхэ́с дро дава́ фо́ро.

Isajos 59:13

Амэ парудям Ра́скэ-Дэвлэ́скэ и хохадям; отгиям амарэ́ Дэвлэ́стыр; амэ ракирасас хохаибэ́н и пал паруибэн; амарэ́ илэ́стыр выджа́нас хоханэ́ лава́.

Isajos 30:12

Палдава́ адя́кэ ракирэ́ла Свэ́нто Израилёскиро Дэвэ́л: “Ко́ли тумэ́ на прилэ́на кэ годы́ дава́ лав, а исын тумари́ наде́я пэ хохаибэ́н и начачипэ́н, со дава́ тумэн подрикирэ́ла,

Малахия 3:5

И Мэ ява́ва пашылэды́р кэ тумэ́ тэ сэндякирав пхарэ́с тумэн; Мэ ява́ва сыр сы́гно дудвало (обличытелё) проти джиныбнаскирэн пир чэргэня́ (чарадеен), проти биладжакунэскирэн (блэндарьен), проти одолэ́ндэ, кон хоханэ́с совлахала; проти одолэ́ндэ, кон хохавэла лавэ́нца бутярнэн, и проти одолэ́ндэ, кон притасавэла пивлен (удовэн), и пиротэн (сиротэн), и проти одолэ́ндэ, кон рисёла думэса кэ явирэ – тхэмэ́скирэ-манушэ́скиро право, – адя́кэ сыр ёнэ на дарэ́на Ма́ндыр”, – ракирэ́ла янголэ́нгирэ-болыбна́скиро Рай Дэвэ́л.

Заха́рия 7:10

Пивле́н (удовэн), пиротэ́н (сиротэн), чужонэс и чорорэс тэ на притасавэн и тэ на рикирэ́н холы́ екх пэ явирэ́стэ дро ило́ тумаро́.”

Езэкилё 22:7

Ту́тэ намишто ракирэ́на пал датэ и дадэ́стэ: кэрэ́на намиштэс манушэ́са, саво́ явдя́ явирэ пхувья́тыр; машки́р ту́тэ накуч кэрэ́на пиротоса (бидадэскирэ чхавэ́са), пивляса (биромэскирэ манушняса).

Mihiejo 2:2

Ёнэ исын ґалка (скэмпа) кэ фэ́лды, и ёнэ лэ́на лэн зорья́са. Ёнэ исын ґалка кэ кхэра́, и ёнэ откэдэна лэн манушэ́ндыр. И ёнэ притасавэ́на (обкэдэна) манушэ́с и лэ́скиро кхэр, и манушэ́с кокорэс, и лэ́скиро мэкно́ миштыпэ́н.

Ереме́ё 22:17

Нэ тырэ́ якха́ и тыро́ ило́ исын рискирдо ваш тыри́ ґалкима кэ барвалыпэ́н и тэ прочхувэс бибангипнаскиро (набанго) рат, и ваш дова́, соб (кай) тэ притасавэс, и тэ лэс пэ зор.

Isajos 5:7

Ра́скирэ-Дэвлэ́скиро, болыбна́скиро-янголэ́нгиро винагра́днико исын кхэр Израилёскиро, а мурша́ Юдэя́тыр – дро́го Лэ́скиро барьякирдо́, саво́ Ёв барьякирдя. Ужакирэлас Ёв, со явэ́ла чачуно́ сэ́ндо, нэ акэ – рат чхувэ́лапэ, ужакирэлас чачипэ́н, нэ акэ – годлэна.

Левито 1:16

лэ́скиро валё ла́кирэ порэнца отлэла и чхурдэ́ла ла пашы́л алта́рё пэ вастокоскири риг, кай исын пепло (пра́ска);

Amoso 4:1

“Шунэ́н дава́ лав, тумэ́-джувля́лэ Васаностыр, савэ́ ячнэ́ тхулэ сы́рбы рэцы (телицы), савэ́ исын пэ бэ́рги дрэ Сама́рия, савэ́ притасавэ́на чорорэн, савэ́ на дэ́на тэ дживэ́н кодолэ́нгэ, кон исын дрэ трэ́бима и, савэ́ ракирэ́на пэ́скирэ хулангэ: ‘Янэ́н мол (вино), ява́са тэ пьяс ла!’”

Amoso 3:9

Подэн звесь (зан) дрэ барэ́ фэлатиня́ и пэ стрэхи кхэрэнгирэ дро Азото (пэ Филистимия), и дрэ барэ́ фэлатиня́ (колова́) пэ пхув Египто́скири и пхэнэ́н: “Кэдэнпэ кхэтанэ́ пэ бэ́рги Самариякирэ: дыкхэ́н пэ баро́ бу́нто годлэнца машки́р лэ́ндэ, и сыр притасавэ́на манушэ́н одо́й.”

Езэкилё 23:30

Ѓа́да, ёнэ кэрэ́на ту́са адя́кэ колэ пал тырэ́ биладжакунэ́ рэ́нды Наюдытконэ́ нацыенца, конэскирэ идолэнца ту магирдян пэс.

Езэкилё 22:29

А мануша́ народо́стыр кэрэ́на намиштэс екх явирэскэ; чорэна, залэна чорорэстыр и манушэ́стыр, саво́ мангэ́ла, кэрэ́на намиштэс манушэ́са, саво́ явдя́ явирэ пхувья́тыр.

Ереме́ё 5:23

Нэ кадалэ́ манушэ́ндэ исын бунтытко и пхаро́ ило́; ёнэ рисинэ́ дрэ риг и мэкнэ́ Ман.

Isajos 59:6

Лэ́нгири паутина на урьеса, и кокорэ́ ёнэ на урьена лэн, со ёнэ ссудэ; лэ́нгирэ рэ́нды исын начачунэ; лэ́нгирэ васта́ исын пхэрдэ́ холя́са.

Ереме́ё 6:7

Сыр ґанынгатыр чхувэ́лапэ криг ла́киро пани́, адя́кэ-паць далэ́ форо́стыр чхувэ́лапэ криг лэ́скиро фуипэ́н: мануша́ исын нахрата екх кэ екх, исын шундло исын, сыр ёнэ тасавэна екх екхэ́с. Саро́ часо джа́ла кэ Мэ ту́га и дукхаибэн”, – ракирэ́ла Рай Дэвэ́л.