Софония 2:3 - Библия - Пэ Балтитко Романи чиб (Романэс) 2019

³ родэ́н Рас-Дэвлэ́с сарэ́, савэ́ исын ковлэ́-илэ́скирэ пэ пхув, кон рикирдя Лэ́скиро чачуно́ Зако́но, родэ́н чачипэ́н, родэ́н тэ явэ́н рахмана (спокойна); сашты́ тэ явэ́л, со тумэ́ гарадёна дро дывэ́с, сыр явэ́ла Ра́скирэ-Дэвлэ́скири холы́.

Biblija - Pe Baltitko Romani čib (Romanes) 2019

³ rodén Ras-Devlés saré, savé isyn kovlé-iléskire pe phuv, kon rikirdia Léskiro čačunó Zakóno, rodén čačipén, rodén te javén rahmana (spokojna); saštý te javél, so tumé garadjona dro dyvés, syr javéla Ráskire-Devléskiri xolý.

Софония 2:3 Referans Kwoze

Psalmy 76:9

Ту сэндякирэса болыбна́стыр манушэ́нгэ тэ шунэ́н, пхув страхадыя и замыя́;

Psalmy 22:26

Мэ ява́ва тэ шара́в Тут пэ баро́ скэдыибэ́н; мэ кэра́ва дова́, пал со мэ совлахадём анги́л одолэ́ндэ, савэ́ дарэ́на Лэ́стыр.

Jona 3:9

Кон сашты́ тэ пхэнэ́л, ци рисёла кэ Дэвэ́л, и ци пожалинэла (тангинэла), и ци, мо (хай), рискирэ́ла дрэ риг Лэ́скири бари холы́ адя́кэ, соб (кай) амэ́нгэ тэ на хасёвас.”

Psalmy 105:4

Родэ́н Рас-Дэвлэ́с и Лэ́скири зор, родэ́н Лэс усады (сак):

Osija 10:12

Почхувэн дрэ пхув ваш пэ́скэ пир чачипэ́н; счхинэн тэлэ́ пир лачхэ́-илы́ткима, и ґаздэ́н тумари́ напочхуды фэ́лда; пал-дова́ со исын часо тэ родэ́н Рас-Дэвлэ́с анги́л дова́, сыр Ёв явэ́ла и почхувэла чачипна́са сыр брышындэса пэ тумэ́ндэ.

Ереме́ё 39:18

Пал-дова́ со Мэ чачэс зракха́ва тут, и ту на пэрэса куртала́тыр, нэ тыро́ джиибэ́н явэ́ла сыр дорэсыбэ́н (дыибэ́н) ту́кэ, пал-дова́ со ту рискирэса кэ Мэ пэ́скиро ило́ тэ зракхэспэ’”, – пхэндя́ Рай Дэвэ́л.

Pritčy 18:10

Ра́скирэ-Дэвлэ́скирэ лав исын сыр зоралы́ вучарды́ (башня), чачуно́ ману́ш нашэла дрэ ла́тэ, и тэ́ньчи ёв исын бидаракиро.

Psalmy 57:1

Хоро́скирэ Дирижоро́скэ. На хасякир. Давидоскири Наде́я, ке́ли Ёв насця Саулостыр дрэ Ѓебар (Пешчэра).

2 Petr 3:18

а тэ барьён дро бахтякирибэ́н и тэ уджинэ́н фэды́р амарэ́ Рас-Дэвлэ́с, и Зракхибнарис (Спасителёс) Исусо́с Христосо́с. Тэ явэ́л Лэ́скэ сла́ва какана́ и пэ сарэ́ ве́ки. Ами́нь.

Ереме́ё 45:5

Ту мангэса (родэса) барэ́ льготы ваш пэ́скэ? На манг лэн, пал-дова́ со, акэ, Мэ яна́ва биба́хт (би́да) пэ кажно (сва́ко) лоч (плоть), – ракирэ́ла Рай Дэвэ́л: Нэ Мэ да́ва тыро́ джиибэ́н (отмэка́ва тут джидэса) ту́кэ сыр дорэсыбэ́н пэ сарэ́ штэ́ты, карик ту на джа́са.’”

Psalmy 91:1

Кодова́, Саво́ дживэ́ла дро Най Вучэдырэскиро штэ́то, явэ́ла тэ дживэ́л тэл Сарэзорьякири зэр (тенё).

1 Petr 3:4

а мэк тэ явэ́л тумаро́ шукарипэ́н дро тумаро́ ило́, саво́ исын надыцьло (набицяло), пэ́скирэ штылонэ́ и ковлэ́-илэ́скирэ шукарибна́са, саво́ на кирнёла и исын древа́н шука́р анги́л Дэвлэ́стэ.

1 Petr 1:22

Сыр тумэ́ лынэ́ тэ кандэ́н чачипэ́н, тэды тумэ́ выжужакирдэ пэ́скирэ дия́ ваш чачуны́ пшалы́тко паты́в, палдава́ сыкавэ́н паты́в екх екхэ́скэ сарэ́ илэ́стыр.

1 Фесалоникийцэнгэ 4:1

Пшала́лэ, какана́ амэ мангаса и примангаса тумэн ваш Исусо́скэ Христосо́скэ, со дова́, со какана́ тумэ́ высыклынэ амэ́ндыр, сыр трэй тэ дживэ́н и тэ кэрэ́н пир чачипэ́н Дэвлэ́скэ, соб (кай) адя́кэ и дурэды́р тэ дживэ́н.

Матфеё 5:5

Бахталэ́ исын ковлэ́-илы́тка, пал-дова́ со пхув явэ́ла лэ́нгири.

Psalmy 31:20

Кицы́ бут исын Ту́тэ лачхипэна, савэ́ Ту чхудя́н дрэ риг ваш одолэ́нгэ, конэ́стэ исын трашаибэ́н анги́л Ту́тэ; со Ту скэдыян лэн ваш одолэ́нгэ, савэ́ зоралэ́с патя́на дрэ Ту́тэ анги́л сарэ́ манушытконэ́ чхавэ́ндэ.

Isajos 11:4

Ёв явэ́ла тэ сэндякиринэл чорорэн чачипна́са; кодолэнгирэ, кон страдынэла пэ пхув, рэ́нды чачипна́са россэндякирэла; Ёв Пэ́скирэ вуштэнгирэ дэстэса марэла пхув, Пэ́скирэ вуштэнгирэ духо́са замарэла грэхитконэ́ манушэ́с.

Osija 7:10

Израилёскиро пхутькирибэ́н допхэнэ́ла дро муй лэ́скирэ манушэ́нгэ, нэ ёнэ на рисинэ́ палэ кэ Рай Дэвэ́л, лэ́нгиро Дэвэ́л, и ёнэ на родэ́на Лэс дро саро́ дава́.

Isajos 61:1

Ра́скирэ-Дэвлэ́скиро Ду́хо (Фа́но) исын пэ Ма́ндэ, пал-дова́ со Рай Дэвэ́л помакхця Ман тэ пхэна́в бахтало́ лав (бахталы́ зан) чорорэнгэ; бичхадя́ Ман, соб (кай) тэ састякирав манушэ́н розмардэ илэ́са, тэ пхэна́в пал во́ля одолэ́нгэ, кон исын дрэ наволя (бэшыбэн); тэ пхэна́в манушэ́нгэ дрэ бэшыбэн, со вудара́ бэшыбнытка исын псирадэ (откэрдэ).

Psalmy 149:4

Пал-дова́ со Рай Дэвэ́л зоралэ́с радынэ́лапэ Лэ́скирэ манушэ́ндыр, Ёв шукарьякирэла ковлэ́-илэ́скирэ манушэ́н зракхибнаса.

Vygiiben 12:27

то тумэ́ пхэнэ́н: “Дава́ исын патрадитко свэ́нто дыибэ́н (жэ́ртва) Ра́скэ-Дэвлэ́скэ, Саво́ прогия́ маму́й Израилёскирэ-чхавэ́нгирэ кхэра́ дро Еги́пто, ке́ли мулякирдя́ Египтянэн, и амарэ́ кхэра́ ракхця́. И тэрдинэ́ мануша́ пэ чанга́ и клониндлэпэ.”

1 Фесалоникийцэнгэ 4:10

Тумэ́ адя́кэ-паць и кэрэ́на сарэ́нгэ пэ́скирэ пшалэ́нгэ пир сари́ Македония; нэ амэ примангаса тумэн, пшала́лэ, тэ кэрэ́н адя́кэ бутэды́р;

Заха́рия 8:19

Адя́кэ ракирэ́ла янголэ́нгирэ-болыбна́скиро Рай Дэвэ́л: Посто дро шта́рто чхон и посто дро па́нджто чхон, и посто дро эфта́то чхон и дро дэ́што, мэк тэ явэ́л ваш кхэр Юда́скиро радымакиро и бахтало́ свэ́нко; фэ́ни тумэ́ сан бангэ́ тэ рикирэ́н чачипэ́н и рама́нё.’

2 Kralip 12:22

И пхэндя́ Дави́до: “Пака тыкномас сыс джидо́, мэ постиндёмпэ и рондём, пал-дова́ со думиндём: кон джинэ́ла, ци на потангинэла (пожалинэла) ман Рай Дэвэ́л, и тыкномас ячэ́лапэ джидо́?

Psalmy 45:4

Пхандэ трусця́л пэ́скири курта́ла кэ пэ́скири ґэро́й (бёдро), мурш баро́, пэ́скирэ слава́са и барэ́ вучэдырипнаса,

Isajos 1:17

Высыклён тэ кэрэ́н лачхипэ́н, родэ́н чачипэ́н, зракхэн чорорэс, уштэ́н (затэрдён) пал бидадэскирэстэ / пиротостэ (сиротастэ), подрикирэн пивля (удова).

Езэкилё 13:5

Дрэ пропхагирибэна (проломы) дрэ ва́нта тумэ́ на джа́на, и на чхудэ́ ва́нта анги́л Израилёскиро Кхэр, соб (кай) тэ явэ́н тэрдэ́ тумэ́ дро марибэ́н дро Ра́скирэ-Дэвлэ́скиро дывэ́с.