Софония 2:2 - Библия - Пэ Балтитко Романи чиб (Романэс) 2019

² анги́л дова́, сыр явэ́ла Ра́скирэ-Дэвлэ́скиро упхэныбэ́н, анги́л дова́ дывэ́с, со проурняла сыр чхучо́ пхус, анги́л дова́, сыр тэ явэ́л пэ тумэ́ндэ бари холы́ Ра́скирэ-Дэвлэ́скири; анги́л дова́ дывэ́с, сыр тэ явэ́л пэ тумэ́ндэ Ра́скирэ-Дэвлэ́скири холы́;

Biblija - Pe Baltitko Romani čib (Romanes) 2019

² angíl dová, syr javéla Ráskire-Devléskiro uphenybén, angíl dová dyvés, so prourniala syr čhučó phus, angíl dová, syr te javél pe tuménde bari xolý Ráskire-Devléskiri; angíl dová dyvés, syr te javél pe tuménde Ráskire-Devléskiri xolý;

Софония 2:2 Referans Kwoze

Naumo 1:6

Кон дэ́ла ра́да тэ тэрдёл штылэ́с, ке́ли Рай Дэвэ́л зоралэ́с холясо́ла? Кон дэ́ла ра́да тэ вырикирэл мижэхипэн Лэ́скирэ холя́тыр? Лэ́скиро холякирибэ́н вычхувэлапэ сыр яг, и скалы (бэ́рги) пхарадёна пэ котэра́ анги́л Лэ́стэ.

Osija 13:3

Палдава́ ёнэ явэ́на сыр мигла (тумано) пэ зло́ко, сыр пэ́рво пахлын, сави́ сы́гэс хасёла, сыр шприя (мякина), со росчхурдэла рискирибнаскири балва́л криг гиваобкэрибнаскирэ шурнатыр (гумностыр), сыр тхув, со джа́ла труба́тыр (тхувалэстыр).

Roiben 4:11

Рай Дэвэ́л выпхэрдякирдя пэ́скири бари холы́, Ёв вычхудя́ Пэ́скирэ-холякири яг. Ёв хачкирдя́ яг пэ Сио́но, и ёй похая сарэ́са форо́скирэ фундаменты.

Isajos 17:13

Манушы́тка на́цыи брилинэна (ревинэна) сыр шумо бутэ́-паненгиро, нэ Дэвэ́л дарьякирдя, и ёнэ явэ́на тэ нашэ́н дур, и лэн явэ́на тэ традэ́н сыр пра́хо пэ бэ́рги балваляса, сыр прахинка (пыло), со крэнцынэлапэ рискирибна́скирэ балваляса.

Psalmy 1:4

А чорэ́ мануша́ на адасавэ́ исын сарэ́са. Ёнэ исын сы́рбы чхучо́ пхус, со балва́л рострадэла.

Софония 3:8

“Палдава́ ужакирэн Ман”, – ракирэ́ла Рай Дэвэ́л, – “кэ/ жы́ко дава́ дывэ́с, дро саво́ Мэ ява́ва тэ бангякирав. Миро припхэныбэ́н исын дасаво, соб (кай) тэ кэдав кхэтанэ́ кралипэна́ тэ вычхував пэ лэ́ндэ Мири́ холы́, сари́ Мири́ бари холын; пал-дова́ со Мирэ́-зэвлыныпнаскири яг похала сари́ пхув.

Софония 1:18

Ни лэ́нгиро руп, ни сувнака́й нашты́ (на змогинэна) тэ зракхэн лэн дро дова́ дывэ́с барэ́ Ра́скирэ-Дэвлэ́скирэ холынатыр. Лэ́скирэ-зэвлыныпнаскири яг ха́ла сарэ́са сари́ пхув, пал-дова́ со Ёв янэ́ла сы́гэс ко́нцо (яго́ро) пэ сарэ́ндэ, кон дживэ́ла пэ пхув.

Ióvo 21:18

Ци со, хай, балва́л роспхурдэла криг лэн сыр пхув, и со, хай, бари балва́л ухтылэ́ла криг лэн сы́рбы чхучо́ пхус?

Матфеё 24:35

Болыбэ́н и пхув проджа́на, а лава́ Мирэ́ на проджа́на.

Езэкилё 12:25

Пал-дова́ со Мэ сом Рай Дэвэ́л, Дэвэ́л, Мэ ракира́ва, и пхэрдякирэлапэ лав, саво́ Мэ ракира́ва, и Мэ на парувава лэс. Дрэ тумарэ́ дывэса́, тумэ́ сан кхэр, кай на кандэ́на никонэ́с, Мэ пхэндём лав и Мэ кэра́ва, со Мэ кама́м”, – ракирэ́ла Рай Дэвэ́л, Дэвэ́л.’”

Ереме́ё 23:20

Ра́скирэ-Дэвлэ́скири холы́ на рисёла криг анги́л дова́, сыр Ёв кэрэ́ла саро́ дова́, со Ёв камдя́ тэ кэрэ́л: тумэ́ ґалёна дава́ дро ко́нцо (яго́ро) дывэсэнгиро (палатунэ́ дывэса́).

Psalmy 50:22

Подуминэн пал дава́ тумэ́, кон бистрэла Дэвлэ́с, соб (кай) Мэ тэ на роскушав тумэн, со на явэ́ла никонэ́с тэ зракхэ́л тумэн.

Psalmy 2:12

Кутякирэн Чхавэ́с, соб (кай) тумэ́ тэ на хасён дромэ́са, а Лэ́скири холы́ сашты́ тэ росхачол сы́гэс. Бахталэ́ исын одолэ́, савэ́ патя́на дрэ Лэ́стэ.

Ереме́ё 4:4

Обчхинэн пэс ваш Ма́нгэ, Ра́скэ-Дэвлэ́скэ, и злэн цы́па тумарэ́ илэндыр, тумэ́, мануша́лэ Юдэя́тыр, и кон дживэ́ла кэ Ерусалимо, соб (кай) тэ на пэрэ́л Миро холякирибэ́н сыр яг, и соб (кай) тэ захачол адя́кэ, со нико́н на мудькирэла, пал-дова́ со тумэ́ кэрдэ́ биба́хт.