Софония 2:15 - Библия - Пэ Балтитко Романи чиб (Романэс) 2019

¹⁵ Кадава́ явэ́ла радымакиро фо́ро, саво́ дживдя́ би дарипнаскирэс, конэ́скиро ману́ш пхэндя́ дро пэ́скиро ило́: “Мэ сом кадасаво́, и нанэ буты́р, барэды́р ма́ндыр!” Дыкхэ́н! Сыр чхучо́ яця́ дава́ фо́ро, – штэ́то мурдалэ́нгэ тэ пасён! Кажно ману́ш джа́ла пашы́л, дэ́ла шоля, и чхурдэ́ла вастэ́са.

Biblija - Pe Baltitko Romani čib (Romanes) 2019

¹⁵ Kadavá javéla radymakiro fóro, savó dživdiá bi daripnaskires, konéskiro manúš phendiá dro péskiro iló: “Me som kadasavó, i nane butýr, baredýr mándyr!” Dykhén! Syr čhučó jaciá davá fóro, – štéto murdalénge te pasjon! Kažno manúš džála pašýl, déla šolia, i čhurdéla vastésa.

Софония 2:15 Referans Kwoze

Езэкилё 28:2

“Манушэ́скиро чхава! Пхэн тхагарискэ пэ Ти́ро: адя́кэ ракирэ́ла Рай Дэвэ́л, Дэвэ́л: пал-дова́, со древа́н пхутькирдо яця́ тыро́ ило́, и ту ракирэ́са: “Мэ сом Дэвэ́л, бэшав пэ дэвлы́тко штэ́то дро морёскиро (дэрьявэ́скиро) машкиралыпэн”, пал-дова́ со ту сан ману́ш, а на Дэвэ́л, нэ ту думинэса, со ту сан дасаво годявэр, сыр Дэвэ́л:

Naumo 3:19

Тыро́ фра́нсо (рана) нашты́ тэ састякирэс, тырэ́-масэнгирэ фуя́ (язвы) исын хор. Сарэ́, кон шунэ́ла дая́ звесь пал ту́тэ, явэ́на тэ марэ́н дрэ васта́ радыма́тыр; пал-дова́ со нанэ ние́кх ману́ш, конэ́с тыро́ фуипэ́н тэ обджал ригаса.

Isajos 22:2

Фо́ро, саво́ шуминэла, саво́ годлэла, саво́ радынэ́лапэ. Тырэ́ мулэн на курта́ла домардя́, на пэ марибэ́н ёнэ мынэ́.

Езэкилё 28:9

Пхэнэса ци ту тэды тырэ́ мулякирибнаскирэскэ: ‘Мэ сом дэвэл’, – ко́ли дрэ лэ́скиро васт, кон мулякирэ́ла, тут ту явэ́са сыр ману́ш, а на сыр дэвэл?

Roiben 2:15

Сарэ́, кон джа́ла пашы́л, пэкавэна пир васта́ пэ ту́тэ; ёнэ сипинэна и кунинэна шэрэнца пэ Ерусалимо́скирэ чхатэ: “Ци дава́ исын фо́ро, со кхардяпэ Гожымакиро пхэрдыпэн, сарэ́ – пхувья́кири ра́дыма?”

Roiben 1:1

Пхаро́ исын дро Ерусалимо: ёв (фо́ро) исын би манушэ́нгиро, сы́рбы пивлы (удова), сави́ сыс раны машки́р манушыпнаскирэ на́цыи! Акэ, кон сыс тхага́ри пэ пхувья́кирэ рига́, одова́ ману́ш, яця́ дынариса.

Ереме́ё 19:8

И Мэ кэра́ва далэ́ форо́стыр штэ́то тэ санпэ, и тэ дивинэнпэ трашаса манушэ́нгэ, кажно (сва́ко) ману́ш, кон пашы́л проджа́ла, явэ́ла ухтылдо дивоса, и ёв явэ́ла тэ дэл шоля сабнаса, дыкхи́ долэ́ сарэ́ фра́нсы (язвы).

Матфеё 27:39

И кодолэ́, савэ́ проджанас пашы́л Лэ́стэ, калякирэнас Лэс, кунины шэрэнца;

Езэкилё 29:3

Ра́кир и пхэн: ‘Адя́кэ ракирэ́ла Рай Дэвэ́л, Дэвэ́л: “Акэ, Мэ выджава пэ ту́тэ фарао́но, Египто́скиро кра́ли, баро́ крокодило, саво́ пасёла машки́р рэ́ки (лэня́) и ракирэ́ла: “Мири́ исын дая́ рэка (лэнь), Мэ кэрдём ла ваш пэ́скэ.”

Езэкилё 27:36

Тимисярья (торговцы) явирэ народэндыр, дынэ́ шоля (свистиндлэ) пал ту́тэ, ту кэрдянпэ сыр траш, и ту на явэ́са тэ дживэ́с бутэды́р.”

Roiben 2:1

Сыр чхакирдя Рай Дэвэ́л Сионоскирья Чха цёмнонэ облокоса, дрэ Пэ́скири холы́! Ёв чхурдыя́ тэлэ́ болыбна́стыр Израилёскири гожыма и на рипирдя пал Пэ́скирэ-ґэрэнгиро прэдкицо дро дывэ́с, сыр Ёв холя́сыя.

Isajos 32:9

Джувлялэ (манушнялэ) балвалитка! Уштэ́н, шунэ́н куты́ (на́бут) мири́ зан! Чхаялэ, савэ́ ни палсо́ на думинэ́на! Шунэ́н мирэ́ лава́!

Ióvo 27:23

Мануша́ явэ́на тэ марэ́н дрэ васта́ пэ лэ́стэ холямэ́ радыма́тыр, и ёнэ дэ́на шоля пэ лэ́стэ криг лэ́скирэ кхэрэ́стыр.”

Ióvo 16:4

Мэ адя́кэ-паць могинавас тэ ракира́в, сыр ту: ко́ли тэ явэс пэ миро штэ́то. Мэ могинавас тэ скэдав лава́ пэ ту́тэ, и тэ тринскирав шэрэ́са пэ тумэ́ндэ;

Isajos 32:11

Дарэ́н, балвалитка (биракхибнаскирэ), дарэ́н одолэ́, кон ни палсо́ на думинэ́ла (наракхибнытка)! Злэн и́дя, розурьенпэ, обпхандэн пэ́скирэ маса́ пэ трушу́л.

Isajos 32:14

Райканэ кхэра́ (харомы) ячкирэна, фо́ро, саво́ шуминэла, ёв чхурдыно́ явэ́ла. Офело и вучарды́ (башня) явэ́на штэтоса, кай гаравэнапэ ослы (мега́рья) и ста́ды, савэ́ чаравэнапэ.

Ереме́ё 18:16

соб (кай) тэ кэрэ́н пэ́скирэ пхувья́тыр ди́во трашаса, тэ кэрэ́н штэ́то ўса́ды (сак) тэ санпэ манушэ́нгэ адя́кэ, со кажно (сва́ко) ману́ш, саво́ проджа́ла пашы́л, явэ́ла ухтылдо дивоса, и ёв кунякирэла (качынэла) шэрэ́са.

Isajos 47:10

Ту́тэ сыс наде́я пэ тырэ́ налачхэ́ рэ́нды, ту пхэндя́н: ‘Нико́н ман на дыкхэ́ла.’ Тыри́ годы́ и тыро́ джиныбэ́н змардэ тут дромэ́стыр; ту ракирэсас дро тыро́ ило́: ‘Мэ сом, и буты́р нанэ никонэ́с апри́ч Ма́ндэ.’

Ереме́ё 50:13

Пир Ра́скирэ-Дэвлэ́скиро холякирибэ́н, пэ ла́тэ нико́н на явэ́ла тэ дживэ́л, и ёй явэ́ла сарэ́са чхучи́. Кажно (сва́ко) ману́ш, кон джа́ла пир Вавило́но, явэ́ла тэ путравэл якха́ трашатыр (тэ дивинэлпэ) и явэ́ла тэ дэл шоля (тэ свистинэл), сыр дыкхэ́ла марибны́тка фра́нсы.

Дание́лё 4:27

[30] о кра́ли пхэндя́: “Хачи, нанэ ци дава́ рангиро Вавило́но, саво́ мэ чхудём сыр кхэр крали́скиро мирэ́ зорья́са кэ барипэ́н и ваш паты́в мирэ́ райканыпнаскири!”

Avakumo 1:7

Ёнэ исын даракунэ и трашанэ мануша́: пхаро́ сэ́ндо кэрэ́ла лэ́нгири зор, лэ́ндыр кокорэндыр выджа́ла сэ́ндо.