Софония 2:11 - Библия - Пэ Балтитко Романи чиб (Романэс) 2019

¹¹ О Рай Дэвэ́л явэ́ла трашано ваш лэ́нгэ; пал-дова́ со Ёв розмарэла сарэ́ дэвлорэн пэ пхув; мануша́ явэ́на тэ дэн паты́в Лэ́скэ, кажно ману́ш пэ пэ́скиро штэ́то, и пэ островы (джипа́) сарэ́ манушэ́нгирэ-родэнгирэ.

Biblija - Pe Baltitko Romani čib (Romanes) 2019

¹¹ O Raj Devél javéla trašano vaš lénge; pal-dová so Jov rozmarela saré devloren pe phuv; manušá javéna te den patýv Léske, kažno manúš pe péskiro štéto, i pe ostrovy (džipá) saré manušéngire-rodengire.

Софония 2:11 Referans Kwoze

Заха́рия 13:2

И явэ́ла дро дова́ дывэ́с’, – ракирэ́ла Рай Дэвэ́л, янголэ́нгирэ-болыбна́скиро, – ‘Мэ чхина́ва криг идолэнгирэ лава́ далэ́ пхувья́тыр, и пал лэ́ндэ нико́н буты́р на лэ́ла тэ рипирэл. Мэ адя́кэ кэра́ва, со кокорэ́ хоханэ́ пророкэ́н и нажужо ду́хо Мэ традава криг пхувья́тыр.

Малахия 1:11

Мирэ́ лавэ́скэ явэ́ла бари паты́в машки́р Наюды́тка на́цыи (народы), одотхы́р, кай кхам уштэ́ла и кэ дова́ штэ́то, кай кхам заджа́ла. Пэ кажно штэ́то дрогонэ́-смолакиро тхувипэн явэ́ла Ма́нгэ, жужо́ свэ́нто дыибэ́н; ваш дова́, со Мирэ́ Лавэ́скэ явэ́ла бари паты́в машки́р Наюды́тка на́цыи,” – ракирэ́ла янголэ́нгирэ-болыбна́скиро Рай Дэвэ́л.

Заха́рия 2:11

– И припрастана кэ Рай Дэвэ́л бутджинэ мануша́ дрэ дова́ дывэ́с и ёнэ явэ́на Лэ́скирэ мануша́; и Ёв лэ́ла тэ дживэ́л дрэ тумэ́ндэ андра́л, и тумэ́ доджинэпэ, янголэ́нгирэ-болыбна́скиро Рай Дэвэ́л бичхадя́ Ман кэ ту.

Osija 2:17

пал-дова́ со Мэ кэра́ва адя́кэ, со ла́кирэ ушта́ буты́р на явэ́на тэ пхэнэ́н лава́ Ваалэнгирэ, и кадалэ́ кхарибэна (лава́) буты́р на явэ́на тэ рипирэнпэ пэ годы́ манушэ́нгирэ Израилёстыр.

Psalmy 138:4

Сарэ́ кра́лья пэ пхув явэ́на тэ вышарэн Тут, о Раё Дэ́вла, пал-дова́ со ёнэ шундлэ́ лава́, со Ту пхэндя́н.

Džiibén 10:5

Лэ́ндыр ячнэ́пэ островы (джипа́) манушытконэ́ нацые́нца, пэ лэ́нгирэ пхувья́, кажно ракирдя́ пэ пэ́скири чиб, пир пэ́скиро кхэри́тко ро́до (племё), машкира́л пэ́скирэ манушэ́ндэ.

Sykadyipén 11:15

И эфта́то (битринэнтиро дэ́што) Янго́ло пхурдыя дрэ пэ́скиро ро́го (труба): и сыс зоралэ́ заня́ пэ болыбэ́н, со ракирдэ́: “Свэтытко Кралипэ́н амарэ́ Ра́скирэ-Дэвлэ́скиро и Лэ́скирэ Христосо́скиро явдя́ и Ёв явэ́ла тэ кралинэн пэ сарэ́ ве́ки.”

1 Ximaske 2:8

Мэ палдава́ кама́м, соб (кай) мурша́ тэ мангэ́нпэ Дэвлэ́скэ пэ кажно штэ́то, и соб (кай) тэ ґаздэ́н свэ́нта, отдынэ́ Дэвлэ́скэ васта́ би холынакиро и би куниныпнаскиро.

Заха́рия 8:23

Адя́кэ ракирэ́ла янголэ́нгирэ-болыбна́скиро Рай Дэвэ́л: “Явэ́ла дрэ долэ́ дывэса́, со дэшджинэ явирэ-чибьенгирэ Наюдытконэ́ нацые́ндыр, лэнапэ пал яго́ро (пал по́дя) пэ и́ди Юдаскири и пхэнэ́на: ‘Амэ джа́са ту́са, пал-дова́ со амэ шундя́м, со тумэ́нца исын Дэвэ́л.’”

Заха́рия 8:20

Адя́кэ ракирэ́ла янголэ́нгирэ-болыбна́скиро Рай Дэвэ́л: “Ишчо (инкэ́) явэ́на тэ явэ́н яви́р мануша́ и джиибна́скирэ бутэ́ форье́ндыр;

Софония 3:9

Тэ́ньци Мэ да́ва палэ манушэ́нгэ жужэ́ (чыста) ушта́ и годы́, соб (кай) ёнэ могинэ́нас тэ кхарэ́н лав Ра́скирэ-Дэвлэ́скиро, тэ дынаринэ́н Лэ́скэ дро екх псико́.

Софония 1:4

“Мэ пхарэ́с сэндякирава Мирэ́ вастэ́са Юдэ́я, и сарэ́ манушэ́н, савэ́ дживэ́на кэ Ерусалимо, и Мэ хасякира́ва саро́, со яця́пэ Ваалостыр пэ дава́ штэ́то. Мэ хасякира́ва лава́ раша́нгирэ кхэтанэ́ Наюдытконэ́-мангипнаскирэнца идолэ́нгэ;

Ioil 2:11

И пхэнэ́ла зоралэ́с Рай Дэвэ́л Пэ́скирэ заня́са (глосаса) сы́рбы грумо анги́л Лэ́скиро халадыбэ́н: пал-дова́ со исын зоралыпнаскирэ Лэ́скирэ марибнаскирэ мурша́. Дывэ́с Ра́скирэ-Дэвлэ́скиро исын баро́ и древа́н трашано, и кон дэ́ла ра́да тэ вырикирэл лэс?

Isajos 49:1

Шунэ́н Ман, островы (пхувья́ пэ мо́рё (дэрья́в)). Шунэ́н, дуратунэ́ народы: Рай Дэвэ́л прикхардя ман, (Израилё), да́кирэ лочовя́тыр; Мэ ишчо (инкэ́) на бияндыём, а Ёв кхарэлас Ман пир лав.

Isajos 42:10

Бага́н Дэвлэ́скэ нэви́ гилы́, шарэ́н Лэс сарэ́ пхувья́кирэ ягорэндыр; тумэ́, кон традэ́ла пир мо́рё (дэрья́в), сарэ́, кон дживэ́ла одо́й, островы и одолэ́, кон пэ лэ́ндэ дживэ́ла!

Isajos 42:4

На пэрэ́ла Ёв бизорьякоро, на кхинёла кэ дова́ часо, сыр Ёв кэрэ́ла сэ́ндо пхувьякэ; и пэ Зако́но Лэ́скиро ужакирэ́на лачхипна́са островы.”

Psalmy 86:9

Сарэ́ на́цыи, савэ́ Ту создыян, явэ́на и дэ́на паты́в Ту́кэ. О, Раё Дэ́вла, ёнэ дэ́на сла́ва Тырэ́ лавэ́скэ.

Psalmy 72:17

Крали́скиро лав явэ́ла ўса́ды (сак): лэ́скиро лав явэ́ла джиндло́ пака исын кхам: лэ́скирэ мануша́ явэ́на бахталэ́ Дэвлэ́стыр, сарэ́ Наюды́тка на́цыи явэ́на тэ шарэ́н лэс.

Яви́р Зако́но 32:38

савэ́ ханэ́ мас сыр свэ́нто дыибэ́н лэ́нгиро и пинэ́ мол, сави́ чхувэ́нас сыр яныбэ́н лэ́нгиро? Мэк ёнэ тэ ґаздэ́нпэ и тэ помогинэн (тэ подэн васт) тумэ́нгэ, мэк тэ явэ́н ёнэ ваш тумэ́нгэ учхакирибнаса!

Ереме́ё 10:11

Тумэ́, мануша́лэ, пхэнэ́н лэ́нгэ: “Дэвлорэ́, со тумэ́ндэ исын, на кэрдэ́ болыбэ́н и пхув, ёнэ хасёна пхувья́тыр и тэл болыбна́стыр.”

Ереме́ё 46:25

Болыбна́скиро-янголэ́нгиро Рай Дэвэ́л, Дэвэ́л Израилёскиро ракирэ́ла: “Акэ, Мэ яна́ва пхаро́ сэ́ндо пэ Амоно дро Но, и пэ Фараоностэ дро Еги́пто лэ́нгирэ дэвлорэнца и лэ́нгирэ кралье́нца – фараонос и кодолэ́н, савэ́ гарадёна пал лэ́стэ.

Дание́лё 11:18

Пало́ дова́ ёв обрискирэла пэ́скиро муй кэ пхувья́ пашыл море (дэрьяв)-кэ островы (джипа́-р.с.) и лэ́ла пэ́скэ бут лэн; нэ вари-саво́ тхага́ри чхувэ́ла ко́нцо пэ лэ́нгири ладж, и ишчо (инкэ́) пэ́скири ладж чхувэ́ла пэ лэ́стэ, крали́стэ, паш-ратитконэстэ.

Малахия 1:14

“Тэ хасёл хохано́ ману́ш, конэ́стэ исын лачхо́ бакро дрэ стада, и саво́ совлахала, нэ саво́ янэ́ла дошвалэ бакрэ́с Ра́скэ-Дэвлэ́скэ, – пал-дова́ со Мэ сом баро́ Кра́ли”, – ракирэ́ла янголэ́нгирэ-болыбна́скиро Рай Дэвэ́л, – и “Миро лав трашавэла Наюды́тка на́цыи.”

Isajos 2:18

А и́долы сарэ́са хасёна.

Isajos 2:20

Дро дова́ дывэ́с ману́ш вычхурдэла пэ́скирэ и́долы, рупувэ́ и сувнакунэ́, савэ́ кэрдя́, соб (кай) тэ мангэ́лпэ лэ́нгэ,