Софония 1:6 - Библия - Пэ Балтитко Романи чиб (Романэс) 2019

⁶ и кадасавэн, савэ́ рисинэ́ криг дромэ́стыр пал Растэ-Дэвлэ́стэ, и явирэ́н, савэ́ на родэ́на Рас-Дэвлэ́с, на пхучэна Ра́стыр-Дэвлэ́стыр тэ лыджа́л Лэс”.

Biblija - Pe Baltitko Romani čib (Romanes) 2019

⁶ i kadasaven, savé risiné krig droméstyr pal Raste-Devléste, i javirén, savé na rodéna Ras-Devlés, na phučena Rástyr-Devléstyr te lydžál Les”.

Софония 1:6 Referans Kwoze

Ереме́ё 2:13

Пал-дова́ со мирэ́ мануша́ кэрдэ́ чорипэ́н дуй мо́лы: ёнэ ячкирдэ́ Ман, Кон исын джидэ́-панескири ґанингори и ёнэ выганадэ пэ́скэ вэндариня (сажалки), пхагирдэ́ лэн, со на могинэ́на тэ рикирэ́н пани́.

Isajos 1:4

Ай, грэхи́тка мануша́лэ, народо, саво́ исын пхэрдо́ пэ́скирэ грэхэ́нца, на́лачхо ро́до, хасибны́тка чхавэ́! Тумэ́ ячкирдэ́ Рас-Дэвлэ́с, чхурдынэ́ свэнтонэ́ Израилёскирэ Дэвлэ́с, рисинэ́ палэ.

Ереме́ё 15:6

Тырэ́ мануша́ мэкнэ́ Ман!’, – ракирэ́ла Рай Дэвэ́л, – тумэ́ дынэпэ палэ. Палдава́ Мэ протырдава (ґазда́ва) Пэ́скиро васт пэ тумэ́ндэ, и Мэ хасякира́ва тумэн: Мэ кхиныём тэ отмэкав (тэ простинав) тумэ́нгэ.

Ереме́ё 2:17

Ци на яндян ту кокоро́, Израиле, саро́ дава́ пэ пэ́стэ, сыр ту ячкирдян Ман, Рас-Дэвлэ́с, Дэвлэ́с, ке́ли Мэ лыджиём тут дромэ́са.

Osija 11:7

Мирэ́ мануша́ бандинэ, соб (кай) тэ дурьён криг Ма́ндыр. На дыкхи́ пэ дова́, со ёнэ кхарна Ман тэ помогинав, Най Вучэдыронэс, ние́кх лэ́ндыр на барьякирэ́ла Лэс.

Ереме́ё 3:10

Нэ усае́кх (сароекх) Израилёскири здыибнаскири пхэн Юдэ́я на рисия́ кэ Мэ сарэ́ илэ́стыр, нэ ёй фэ́ни пэфроми (пэмисни), – пхэндя́ Рай Дэвэ́л.

Isajos 9:13

Нэ народо на обрисёла кэ Одова́, Кон марэла лэс, на родэ́ла Рас-Дэвлэ́с, болыбна́скирэ-янголэнгирэс.

Юдэ́нгэ 2:3

нэ сыр тэды амэ менинаса ка́ра, ко́ли амэ на приласа илэ́са дасаво баро́ зракхибэ́н, саво́ англэды́р пхэндя́ Дэвэ́л, и допхэндлэ амэ́нгэ одолэ́, кон кокоро́ шундя́ Лэ́стыр;

Езэкилё 3:20

И нэвэ́стыр, ко́ли дэвлы́тко ману́ш отджала пэ́скрэ чачипнастыр и скэрла чорипэ́н, то Мэ чхува́ва анги́л лэ́стэ вари-со, со́стыр ёв пэрэ́ла, и мэрэ́ла дэвлы́тко ману́ш, пал-дова́ со ту на сыклякирэсас лэс. Ёв мэрэ́ла пал пэ́скиро грэ́хо, и на пририпирлапэ лэ́скиро чачипэ́н, со ёв кэрэ́лас, а ту явэ́са банго́ анги́л Ма́ндэ дро лэ́скиро рат.

Psalmy 125:5

И кодолэ́, савэ́ рисёна дрэ риг пэ бангэ́ дрома́, лэн Рай Дэвэ́л лыджа́ла криг кхэтанэ́ одолэнца, савэ́ кэрэ́на чорипэ́н. Тэ явэ́л рама́нё пэ Израилё!

Psalmy 10:4

[25] Фуй мануша́ пал пэ́скирэ пхутькирибэ́н на дыкхэ́на пэ Лэ́стэ, дрэ лэ́нгири годы́ нанэ штэ́то ваш Дэвлэ́скэ.

1 Kralip 15:11

“Мэ тангинава, со Мэ чхудём Саулос крали́са, пал-дова́ со ёв отрисия Ма́ндыр и лав Миро на сполниндя.” И задуминдяпэ Самуи́ло, и прикхарэлас Рас-Дэвлэ́с сари́ рат.

Osija 7:7

Ёнэ исын хачкирдэ́ сыр бов, и ёнэ поханэ пэ́скирэ сэндарьен. И лэ́нгирэ кра́лья пынэ́, нанэ ние́кх ману́ш машки́р лэ́ндэ тэ кхарэл Ман.

Psalmy 36:3

Пал-дова́ со ёв шарэла пэс хоханэ́ лавэ́нца, ёв сы́рбы родэ́ла пэ́скиро чорипэ́н, хай, дава́ выкхарэла холы́ дрэ лэ́стэ.

Римлянэнгэ 3:11

нанэ нико́н, соб (кай) тэ ґалёл и тэ родэ́л Дэвлэ́с.

Isajos 43:22

А ту, Яково, на кхардян Ман, ту, Израилё, на кэрдя́н ничы́ ваш Ма́нгэ.

Ереме́ё 10:25

Вычхув Пэ́скиро холякирибэ́н пэ Наюдытконэ́ манушэ́ндэ, савэ́ на джинэ́на Тут, и пэ ро́ды, савэ́ на прикхарэна Тыро́ лав; пал-дова́ со ёнэ хасякирдэ́ Яково́с, ёнэ дукхадэ лэс, и ёнэ домардэ́ лэс. Ёнэ кэрдэ́ лэ́скирэ кхэрэ́стыр чхучо́ штэ́то.

Osija 7:10

Израилёскиро пхутькирибэ́н допхэнэ́ла дро муй лэ́скирэ манушэ́нгэ, нэ ёнэ на рисинэ́ палэ кэ Рай Дэвэ́л, лэ́нгиро Дэвэ́л, и ёнэ на родэ́на Лэс дро саро́ дава́.

Isúso 23:12

Ко́ли тумэ́ отрисёна и приячэна кэ мануша́, савэ́ ячнэ́пэ адалэ́ манушэ́ндыр, савэ́ ячнэ́пэ машкира́л тумэ́ндэ, и заджа́на дро сэмэнцыпэн лэ́нца, и явэ́на тэ псирэ́н кэ ёнэ и ёнэ кэ тумэ́,

2 Kralip 22:22

Пал-дова́ со мэ ракхцём дрома́ Ра́скирэ-Дэвлэ́скирэ, и мэ на со́мас злыднитко анги́л Растэ-Дэвлэ́стэ мирэстэ,

2 Паралипоменоно 15:13

а кажно (сва́ко), кон на лэ́ла тэ родэ́л Рас-Дэвлэ́с, Израилёскирэ Дэвлэ́с, банго́ явэ́ла тэ мэрэ́л, ци тыкно́ ёв, ци баро́, ци мурш, ци джувлы́.

Isajos 9:12

Сирияни вастоко́стыр, Филистимля́ни западостыр; и ёнэ явэ́на тэ хан Израилё пхэрдэ́ мо́са. И на проджа́ла ишчо (инкэ́) Лэ́скири холы́, и васт Лэ́скиро исын протырдыно.

Софония 3:2

Дро дава́ фо́ро на кандэ́на зан Ра́скирэ-Дэвлэ́скири, на камэ́на, соб (кай) Ёв тэ пирисыклякирэл лэн. Адалэ́ мануша́ на допатяна Ра́скэ-Дэвлэ́скэ, ёнэ на джа́на пашылэды́р кэ Дэвэ́л.