Софония 1:16 - Библия - Пэ Балтитко Романи чиб (Романэс) 2019

¹⁶ дро дова́ дывэ́с явэ́на тэ пхурдэ́н дро ро́го (труба) и явэ́ла марибны́тко годлыма проти фо́рья зоралэ́ вантэнца и проти вучэ́ вучардя (башни).

Biblija - Pe Baltitko Romani čib (Romanes) 2019

¹⁶ dro dová dyvés javéna te phurdén dro rógo (truba) i javéla maribnýtko godlyma proti fórja zoralé vantenca i proti vučé vučardia (bašni).

Софония 1:16 Referans Kwoze

Amoso 3:6

Ко́ли тэ на башавэл зоралэ́с ро́го (труба) дро фо́ро, ци явэ́на мануша́ тэ дарэ́н? Ко́ли исын бари би́да дро фо́ро, ци дава́ исын на Дэвлэ́стыр, Кон домэкця дава́?

Osija 8:1

Причхувэ́н ро́го (труба) кэ ушта́ тумарэ́. Ёв, вэ́рго, явэ́ла сыр о́рло (ки́до) проти Кхэр Ра́скирэ-Дэвлэ́скиро , пал-дова́ со ёнэ пхагирдэ́ Миро Завето и кэрдэ́ бу́нто проти Миро Зако́но.

Isajos 32:14

Райканэ кхэра́ (харомы) ячкирэна, фо́ро, саво́ шуминэла, ёв чхурдыно́ явэ́ла. Офело и вучарды́ (башня) явэ́на штэтоса, кай гаравэнапэ ослы (мега́рья) и ста́ды, савэ́ чаравэнапэ.

Avakumo 3:6

Ёв тэрдия́, и пхув тринскирдяпэ, Ёв подыкхця́, и мануша́ издрандынэ и ґаратунэ́ бэ́рги пхарадынэ пэ котэра́, а векитка бэ́ргицы бандинэ. Лэ́скирэ дрома́ исын вечна.

Osija 5:8

Пхурдэ́н дро бакрано ро́го дрэ Гива́, пхурдэ́н дро ро́го (труба), дрэ Ра́ма; дэн го́дла зоралэ́с дро Беф-Авэно, дыкх жа пала́л пал пэ́стэ, о Вениамино!

Ереме́ё 8:16

Дано́скирэ форье́ндыр сыс шундло, сыр дэ́на пырски (храпинэна) вэргэ́нгирэ граё: сари́ пхув издрала лэ́нгирэ-грэнгирэ зорья́тыр, сыр ёнэ ґрымитынэна; и ёнэ явэ́на и похана (знишчынэна) сари́ пхув, и саро́, со исын пэ ла́тэ, и фо́ро, и сарэ́н, савэ́ исын джидэ́ дро дова́ фо́ро.

Ереме́ё 6:1

О, Вениамино́скирэ чхавэ́, кэдэнпэ тэ нашэ́н криг Ерусалимо́стыр! Пхурдэ́н дрэ ро́ги (трубы) дрэ Текуя и кэрэ́н яг, сыр сигнало дро Бэц-Хацэрэмо; бари биба́хт джа́ла паш-ратякирэ рига́тыр (северостыр) и бари би́да.

Isajos 59:10

Родаса дром, сыр корорэ́ родэ́на, ва́нта, псираса, сы́рбы нанэ амэ́ндэ якха́; пэраса дывэсэ́ сы́рбы ратя́киро; машки́р джидэндэ амэ сам сыр мулэ́.

Яви́р Зако́но 28:52

и явэ́на тэ тасавэн тут дрэ сарэ́ тырэ́ кхэра́, пака пэ сари́ пхув тыри́ дая́ нацыя роспхагирэла вучэ́ и зоралэ́ тырэ́ ва́нты, пэ савэ́ ту чхувэ́са зор; и явэ́ла тэ тасавэл тут дрэ сарэ́ тырэ́ кхэра́, пэ сари́ пхув тыри́, сави́ Рай Дэвэ́л, Дэвэ́л тыро́, дыя́ ту́кэ.

Isajos 27:13

И явэ́ла дрэ дова́ дывэ́с: баро́ роґо (труба) забашавэла и явэ́на одолэ́, кон нашадяпэ пэ пхув Асириякири, конэ́с вытрадынэ́ пэ пхув Египто́скири. Сарэ́ ёнэ пэрэ́на анги́л Растэ-Дэвлэ́стэ тэ дэн паты́в пэ свэ́нто бэ́рга дрэ Ерусалимо.

Ioil 2:1

Пхурдэ́н дро ро́го (дрэ труба) пэ Сио́но, и ґаздэ́н го́дла пэ свэ́нто Дэвлэ́скири бэ́рга; мэк сарэ́ мануша́, кон дживэ́ла пэ пхув – тэ издран, пал-дова́ со явэ́ла пашэдыр Ра́скирэ-Дэвлэ́скиро дывэ́с, акэ, ёв откэрлапэ:

Isúso 6:20

Мануша́ задынэ го́дла, и затрубиндлэ рогэ́нца. Сыр сыг шундлэ́ мануша́ зан рогоскири, задынэ мануша́ зоралэ́ заня́са; и роспыяпэ ва́нта форо́скири кэ пэ́скиро фунда́менто и мануша́ гинэ́ дро фо́ро, кажно (сва́ко) пэ́скирэ рига́тыр, и лынэ́ фо́ро.

Езэкилё 7:7

Явдя́ тыри́ кирки до́ля кэ ту, ману́ш, саво́ дживэ́ла пэ пхув! Явэ́ла часо (цы́ро), джа́ла пхаро́ дывэ́с, на явэ́ла тэ розмэкэлпэ ра́дыма пэ бэ́рги.