Софония 1:14 - Библия - Пэ Балтитко Романи чиб (Романэс) 2019

¹⁴ Баро́ Дывэ́с Ра́скирэ-Дэвлэ́скирэ древа́н сы́гэс явэ́ла, ёв сыг явэ́ла и ёв причхувэла зор сы́гэс тэ явэ́л. Шундло исын кирки зан дро дова́ Дывэ́с Ра́скирэ-Дэвлэ́скиро: одо́й зорало́ мурш явэ́ла тэ дэл го́дла.

Biblija - Pe Baltitko Romani čib (Romanes) 2019

¹⁴ Baró Dyvés Ráskire-Devléskire drieván sýges javéla, jov syg javéla i jov pričhuvela zor sýges te javél. Šundlo isyn kirki zan dro dová Dyvés Ráskire-Devléskiro: odój zoraló murš javéla te del gódla.

Софония 1:14 Referans Kwoze

Малахия 4:5

Акэ, Мэ бичхава́ва тумэ́нгэ пророко́с Илияс анги́л, сыр явэ́ла баро́ дывэ́с, и трашано (дарано) Ра́скирэ-Дэвлэ́скиро.

Езэкилё 30:3

Подджа́ла дывэ́с, подджа́ла дывэ́с Ра́скирэ-Дэвлэ́скиро, кало́ дывэ́с, явдя́ народонэнгиро часо (цы́ро).

Софония 1:7

Яв штыл анги́л Растэ Дэвлэ́стэ, пал-дова́ со Ра́скирэ-Дэвлэ́скирэ Дывэ́с исын пашы́л, пал-дова́ со Рай Дэвэ́л исын скэдыно́ тэ янэл свэ́нто дыибэ́н, Ёв посвэнцындя Лэ́скирэ манушэ́н, савэ́н Ёв замангдя.

Ioil 2:11

И пхэнэ́ла зоралэ́с Рай Дэвэ́л Пэ́скирэ заня́са (глосаса) сы́рбы грумо анги́л Лэ́скиро халадыбэ́н: пал-дова́ со исын зоралыпнаскирэ Лэ́скирэ марибнаскирэ мурша́. Дывэ́с Ра́скирэ-Дэвлэ́скиро исын баро́ и древа́н трашано, и кон дэ́ла ра́да тэ вырикирэл лэс?

1 Фесалоникийцэнгэ 4:16

пал-дова́ со Рай Дэвэ́л Кокоро́ явэ́ла Болыбна́скирэ Раёстыр и Лэ́скиро явибэн сыкавэ́ла сарэ́нгэ тэ шунэ́н Архангелоскири зан, зоралы́ сыр Дэвлэ́скиро ро́го (труба), и кон пэ́рво мыя́ патяибна́са дрэ Христосо́стэ, отджидёла мулэ́ндыр;

Езэкилё 7:12

Явдя́ часо, подги́я дывэ́с. Кон киндя – на ра́дынпэ, кон бикиндя – на ров, пал-дова́ со холямипэн Дэвлэ́скиро исын пэ лэ́ндэ сарэ́ндэ.

Isajos 33:7

Акэ, лэ́нгирэ зоралэ́ мурша́ годлэна пэ вули́цы (га́сы); бичхадэ́ ваш рама́нё (миро) ровэна киркэ ясвэ́нца.

Isajos 15:4

Годлэла Есево́но и Елеала, зан лэ́нгири исын шундлы кэ Иааца, пал лэ́ндэ лынэ́ тэ ровэ́н халадэ́ Моавостыр, ди лэ́скиро ґаздыя́пэ дрэ лэ́стэ.

Jakov 5:9

Пшала́лэ, на дэн ґондя́ (на уздыхинэн) холя́са екх пэ екхэ́стэ, соб (кай) тумэ́ тэ на явэ́н сэндиндлэ. Ѓа́да, исын тэрдо́ Сэнда́ри пашы́л вуда́р.

Apostolengiri Butý 2:20

Кхам кэрэ́лапэ дро калыпэ́н, и чхон дро рат, анги́л сыр явэ́ла Дэвлэ́скиро дывэ́с, бахтало́ и лачхо́.

Ioil 1:15

Дэ́вла! Саво́ Дывэ́с ж да явэ́ла! Пал-дова́ со Ра́скирэ-Дэвлэ́скиро дывэ́с исын пашы́л; ёв явэ́ла сы́рбы хасибэ́н Сарэзорьякирэстыр.

2 Petr 2:3

И кадалэ́ хоханэ́ сыклякирибнарья пал пэ́скири скэмпима явэ́на тэ барвалён тумэ́ндыр пэ́скирэ фрэнтонэ лавэ́нца, сэ́ндо ґара́ ужакирэ́ла лэн и лэ́нгиро хасибэ́н исын насуто.

Amoso 8:2

И Ёв пхэндя́: “Амосо! Со дыкхэ́са ту?” И пхэндём мэ: “Кхудо лынаитконэ (спялонэ) барьякирдэнца.” Тэ́ньци пхэндя́ Рай Дэвэ́л ма́нгэ: “Ко́нцо (яго́ро) явдя́ пэ Мирэ́ манушэ́ндэ Израилёстыр; и Мэ буты́р на отмэкав банг лэ́нгэ.

Ioil 2:31

Кхам парудёла пэ калыпэ́н, и чхон парудёла пэ рат, – анги́л, сыр явэ́ла баро́ и трашано Дывэ́с Ра́скирэ-Дэвлэ́скиро.

Софония 1:10

И явэ́ла дро дова́ дывэ́с адя́кэ, – ракира́ва Мэ, Рай Дэвэ́л, – со явэ́ла годлыма пашы́л мачхитко по́рта, и явэ́на гара (длу́гэс) тэ ровэ́н зоралэ́с пашы́л яви́р по́рты, и со явэ́ла баро́ грукато пхагирибнастыр пэ бэ́ргицы”.

Ioil 3:16

И Рай Дэвэ́л адя́кэ-паць загриминэла Сионо́стыр, и Ёв пхэнэ́ла Пэ́скирэ заня́са Ерусалимо́стыр; болыбэ́н и пхув явэ́на тэ тринскирэнпэ; кэ Рай Дэвэ́л явэ́ла гаравибнаскиро штэ́то ваш Лэ́скирэ манушэ́нгэ, и Ёв явэ́ла сыр тва́рдыма / диз (крепость) чхаворэнгэ Израилёскирэнгэ.

Ioil 2:1

Пхурдэ́н дро ро́го (дрэ труба) пэ Сио́но, и ґаздэ́н го́дла пэ свэ́нто Дэвлэ́скири бэ́рга; мэк сарэ́ мануша́, кон дживэ́ла пэ пхув – тэ издран, пал-дова́ со явэ́ла пашэдыр Ра́скирэ-Дэвлэ́скиро дывэ́с, акэ, ёв откэрлапэ:

Езэкилё 12:23

Палдава́ пхэн лэ́нгэ: ‘Адя́кэ ракирэ́ла Рай Дэвэ́л, Дэвэ́л: Мэ хасякира́ва далэ́ лава́, буты́р на явэ́на тэ ракирэ́н дасавэ́ лавэ́нца дрэ Израилё. Пхэн лэ́нгэ: ‘Явэ́на сыг дывэса́ и пхэрдякирэлапэ кажно ангилпхэныбнаскиро дыкхибэ́н.”

Ереме́ё 48:41

Фо́рья явэ́на лынэ́ и тва́рдыми (кре́пости) заухтылэна. Дро дова́ дывэ́с ило́ зоралэ́-муршэнгирэ Моавостыр явэ́ла сыр ило́ джувля́киро, савья́ мэнчынэна дукха́ тэ биянэ́л.

Ереме́ё 30:7

Пэ биба́хт (бари би́да), явэ́ла баро́ дава́ дывэ́с, со буты́р дасаво нанэ и на явэ́ла, И адя́кэ-паць явэ́ла пхаро́ Яково́скэ, нэ ёв явэ́ла зракхно;

Ереме́ё 25:36

Чхупнарьенгири зан, сыр ёнэ ровэна, и барэ́-шэрэнгири пир ґурто зан явэ́на шундлэ́, пал-дова́ со Рай Дэвэ́л хасякирдя́ лэ́нгирэ чарьитка фэ́лды,

Isajos 66:6

Акэ, шуминэн дро фо́ро, акэ, исын зан кхангирья́тыр: Ра́скирэ-Дэвлэ́скири зан; Дэвэ́л отплэскирэла Лэ́скирэ вэргэ́нгэ.

Юдэ́нгэ 12:26

Конэ́скири зан затринскирдя́ сари́ пхув, и Кон дыя́ лав какана́: “Мэ ишчо (инкэ́) мо́ло триинскирава на екх пхув, нэ и болыбэ́н.

Filipiicenge 4:5

Мэк сарэ́ мануша́ тэ джинэ́н тумарэ́-илэ́скиро ковлыпэн, Рай Дэвэ́л исын сарэ́са пашы́л.

Isajos 8:22

Явэ́на тэ дыкхэ́н упрэ́ и подыкхэна пэ пхув: акэ, би́да, калыпэ́н; явэ́на чхурдынэ́ дро калыпэ́н, нэ на явэ́ла калыпэ́н сарэ́ дывэса́ одо́й, кай ёв акана́ скэдыяпэ.

Езэкилё 7:16

А кон зракхэ́лапэ, одолэ́ нашэ́на, и явэ́на пэ бэ́рги сыр голумбы пэ до́ло. Сарэ́ ёнэ явэ́на тэ ровэ́н, кажно (сва́ко) пал пэ́скиро чорипэ́н.

Ioil 3:14

Бут, бут мануша́ исын пэ до́ло, пэ саво́ присэндинэна! Пал-дова́ со дывэ́с Ра́скирэ-Дэвлэ́скиро исын пашы́л пэ до́ло, пэ саво́ присэндинэна.

Ереме́ё 46:5

Со́скэ, Мэ дыкха́ва, ёнэ пынэ́ дро ду́хо (фа́но) и рисинэ́ палэ? Лэ́нгирэ зоралэ́ мурша́ домардэ́; ёнэ адя́кэ сы́гэс нашэ́на криг, со ёнэ на рисёна мо́са палэ? Пал-дова́ со исын дар пэ кажно риг,” – ракирэ́ла Рай Дэвэ́л.