Софония 1:13 - Библия - Пэ Балтитко Романи чиб (Романэс) 2019

¹³ Палдава́ росчорэна лэ́нгиро барвалыпэ́н, и лэ́нгирэ кхэрэндыр ячэ́лапэ голоты́ня; ёнэ явэ́на тэ чхувэ́н кхэра́, нэ ёнэ на явэ́на тэ дживэ́н дрэ лэ́ндэ: ёнэ явэ́на тэ почхувэн винаграды́тка хру́сты дрэ пхув, нэ ёнэ на явэ́на тэ пьен мол (вино).

Biblija - Pe Baltitko Romani čib (Romanes) 2019

¹³ Paldavá rosčorena léngiro barvalypén, i léngire kherendyr jačélape golotýnia; jone javéna te čhuvén kherá, ne jone na javéna te dživén dre lénde: jone javéna te počhuven vinagradýtka xrústy dre phuv, ne jone na javéna te p'jen mol (vino).

Софония 1:13 Referans Kwoze

Amoso 5:11

Палдава́, со тумэ́ штакирэна (притасавэ́на) чорорэс, и тумэ́ лэ́на лэ́стыр почасту́нки гивэса; на дыкхи́ пэ дова́, со тумэ́ чхудэ́ кхэра́ вычингирдэ барэстыр, тумэ́ усае́кх на явэ́на тэ дживэ́н дрэ лэ́ндэ; тумэ́ почхудэ дрэ пхув шука́р винаграды́тка унты (сады), нэ тумэ́ на явэ́на тэ пьен мол (вино) лэ́ндыр.

Mihiejo 6:15

Ту явэ́са тэ почхувэс дрэ пхув, нэ ту на явэ́са тэ счхинэс гива́; ту явэ́са тэ тасавэс (тэ штакирэс) маслинитка му́ри, нэ ту на явэ́са тэ макхэспэ маслинитконэ дзэтэса; и ту вытасавэса винаграды́тко со́ко (хум), нэ ту на явэ́са тэ пьес мол (вино).

Яви́р Зако́но 28:30

Ромня́са обрэнчынэсапэ (ангрустякирэсапэ) и яви́р явэ́ла тэ совэ́л ла́са; кхэр чхувэ́са и на явэ́са тэ дживэ́с дрэ лэ́стэ; винагра́днико почхувэса ту дрэ пхув, и на явэ́са тэ лэс му́ри лэ́стыр.

Езэкилё 7:21

Отда́ва Мэ руп и сувнака́й дрэ васта́ сыр дорэсыбэ́н чужонэ́ манушэ́нгэ, грэхитконэ́ манушэ́нгэ, со исын пэ пхув, ёнэ чорэна лэс, и явэ́ла руп, сувнака́й магирдэ́ лэ́ндыр.

Ереме́ё 15:13

Саро́ тыро́ миштыпэ́н и сарэ́ тырэ́ кучипэна Мэ отда́ва тэ чорэн биловэнгиро пал Тырэ́ грэ́хи, со кэрдя́н пир сарэ́ тырэ́ пхувья́ кэ кустыка (границы);

Ереме́ё 9:19

Пал-дова́ исын шундлы зан, сыр тугинэла зоралэ́с джувлы́ Сионо́стыр: “Сыр амэн обчордэ! Сыр амэ сам ладжакирдэ́, пал-дова́ со амэ мэкцям пхув пир-дова́, со амэн традынэ криг амарэ́ кхэрэндыр!

Яви́р Зако́но 28:39

Винаградники явэ́са тэ чхувэ́с дрэ пхув и тэ кэрэ́с буты́, а мол (вино) на явэ́са тэ пьес, и на скэдэса му́ри лэ́нгирэ, пал-дова́ со схала лэн кирмо.

Софония 1:9

Дро дова́ са́мо дывэ́с Мэ пхарэ́с сэндякирава одолэ́н, савэ́ пириухтэна пир кхэри́тко прого, савэ́ пхэрдякирэна лэ́нгирэ-раскирэ кхэра́ нахратымаса (насилиёса) и хохаибнаса.

Mihiejo 3:12

Пал тумэ́ндэ палдава́ Сио́но явэ́ла пхарадо сыр фэ́лда, и Ерусалимо́стыр ячэ́лапэ бэ́ргица руи́ны, а бэ́рга тэл Кхэрэ́скиро фунда́менто ячэ́лапэ сыр бэ́ргица дро вэш.

Езэкилё 22:31

Адя́кэ явэ́ла: Мэ вычхувава пэ лэ́ндэ Мирэ́ холякири яг, Мирэ́ холякирэ яга́са Мэ хасякира́ва лэн, и Мэ отда́ва палэ пал лэ́нгирэ рэ́нды пэ лэ́нгиро шэро́” – ракирэ́ла Рай Дэвэ́л, Дэвэ́л.

Езэкилё 7:19

Пэ́скиро руп вычхурдэна ёнэ пэ вули́ца (га́са), сувнака́й на явэ́ла лэ́нгэ трэй. Лэ́нгирэ руп и сувнака́й на зракхэна лэн дро дывэ́с, ко́ли явэ́ла Ра́скирэ-Дэвлэ́скиро холямипэн. Ёнэ на чаравэна лэ́нца лэ́скиро ди, и на пхэрдякирэна лэ́нца пэ́скиро пэр, пал-дова́ со руп и сувнака́й долыджинэ лэн кэ чорипэ́н.

Ереме́ё 9:11

Мэ кэра́ва Ерусалимо́стыр руи́ны, штэ́то, дро саво́ дживэ́на шакалы. Мэ кэра́ва Юдэя́кирэ форье́ндыр чхучо́ штэ́то, со нико́н на дживэ́ла.

Ереме́ё 5:17

И ёнэ похана тумарэ́ гива́ и тумаро́ маро́, и ёнэ похана тумарэ́ чхавэ́н и тумарэ́ чхае́н. Ёнэ похана тумарэ́ бакрэ́нгирэ ґурты и тумарэ́ табуны. Ёнэ похана тумарэ́ винаграды́тка барья, и тумарэ́ инжыритка кашта́; ёнэ роспхагирэна бара́ пэ тумарэ́ фо́рья зоралэ́ тыноса куртала́са, дрэ савэ́ тумэ́ рискирэна илэ тэ зракхэнпэ.

Ереме́ё 4:20

Хась (би́да) джа́ла пал хась (би́да), дыкхэ́н, сыр саро́ пэ пхув исын розмардо, мирэ́ ша́тры (буды) пэ якха́ роспхагирдэ́, и анги́л якха́ хасякирдэ́ шатракиро полого.

Ереме́ё 4:7

Шчэр (ле́во) выджа́ла пэ́скирэ хашчатыр и хасякирибнаскиро пэ Наюдытконэ́ манушэ́ндэ: ёв джа́ла пэ́скирэ, штэто́стыр тэ чхучакирэл Юдэякири пхув, соб (кай) фо́рья дрэ Юдэ́я тэ явэ́н чхучэ́, би манушэ́нгиро.

Isajos 6:11

Мэ пхэндём: “Ци ґара́ (длу́гэс) дава́ явэ́ла, Раё, Дэ́вла?” Ёв пхэндя́: “Пириячэ́ла, ко́ли далэ́ фо́рья явэ́на чхучэ́, нико́н на явэ́ла тэ дживэ́л дрэ лэ́ндэ, ко́ли джа́на мануша́ далэ́ кхэрэндыр, ко́ли дая́ пхув явэ́ла сарэ́са чхучи́.

Яви́р Зако́но 28:51

и явэ́ла ёв тэ хал тырэ́-мурдалэнгирэ барьякирдэ́ (пло́до), и тырэ́-пхувья́кирэ-барьякирдэ́, пака кэрэ́на чорорэс тут адя́кэ, со на ячкирэна ту́кэ ни маро́, ни мол, ни елеё, ни тырэ́-гурувэнгирэ барьякирдо́, ни тырэ́-бакрэнгиро-барьякирдо́, пака хасякирэна тут;

Ереме́ё 17:3

то Мири́ бэ́рга пэ фэ́лда, миштыпэ́н тыро́, саро́ барвалыпэ́н Мэ отда́ва тэ чорэн, и адя́кэ-паць вучэ́ штэ́ты пал грэ́хи пэ пхув кэ яго́ры.

Roiben 5:2

Амаро́ миштыпэ́н гия́ ригаса чужонэ́ манушэ́нгэ, а амарэ́ кхэра́ явирэ-тхэмэскирэнгэ.

Езэкилё 7:24

Мэ яна́ва явирэ народо́стыр дасавэ́ манушэ́н, савэ́ исын най фуеды́р Наюдытконэ́ нацые́ндыр. Ёнэ залэна лэ́нгирэ кхэра́. И закончынэлапэ зоралэнгиро пхутькирибэ́н, и явэ́ла магирдо́ лэ́нгиро свэ́нто штэ́то.