Софония 1:12 - Библия - Пэ Балтитко Романи чиб (Романэс) 2019

¹² И явэ́ла адя́кэ дро дова́ дывэ́с, со Мэ пириродава Ерусалимо момолытконэнца (светильникэнца), и Мэ пхарэ́с сэндякирава манушэ́н, савэ́ кашталынэ пэ лэ́нгиро ячаибэ́н моля́тыр (виностыр), савэ́ пхэнэ́на пэ́скэ: ‘О Рай Дэвэ́л на кэрэ́ла лачхипэ́н, и Ёв на кэрэ́ла биба́хт’.

Biblija - Pe Baltitko Romani čib (Romanes) 2019

¹² I javéla adiáke dro dová dyvés, so Me pirirodava Jerusalimo momolytkonenca (svietil'nikenca), i Me pharés sendiakirava manušén, savé kaštalyne pe léngiro jačaibén moliátyr (vinostyr), savé phenéna péske: ‘O Raj Devél na keréla lačhipén, i Jov na keréla bibáht’.

Софония 1:12 Referans Kwoze

Amoso 6:1

Бида тумэ́нгэ, кон прилэ́ла джиибэ́н локхэс, и савэ́ исын наракхибнытка (беспечна) дро патяибэ́н пэ бэ́рга дрэ Сама́рия, – тумэ́, славутна мануша́ барэ́ нацыятыр, кэ савэ́ явэ́ла кхэр Израилёскиро.

Ереме́ё 48:11

Моа́во сыс усады / сак (всегда) вольнонэ пэ́скирэ тэрныпнастыр и ёв сыс чхудо пэ пэ́скиро хумэр (дрожджы); лэс на пиричхувэнас екхэ пирьятыр дро яви́р; сы́рбы мол (вино); – ёв ние́кхвар на сыс дро пле́но: палдава́ лэ́скиро смако ячэ́лапэ дрэ лэ́стэ, и лэ́скиро лачхо́ кхандыпэн на парудяпэ.

Езэкилё 8:12

И пхэндя́ Ёв ма́нгэ “Дыкхэ́с ці, со кэрэ́на Израилёскирэ кхэрэ́скирэ барэдыра дро калыпэ́н (тёмныма) рат, со кэрэ́ла кажно лэ́ндыр дрэ пэ́скири шту́ба, кай исын и́долы? Ёнэ ракирэ́на: “На дыкхэ́ла амэн Рай Дэвэ́л, Дэвэ́л, ячадя Рай Дэвэ́л, Дэвэ́л дая́ пхув”

Езэкилё 9:9

Тэ́ньци пхэндя́ Ёв ма́нгэ: “Израилёскирэ-кхэрэ́скиро и Юдэя́киро чорипэ́н исын баро́, древа́н баро́, и ада́я пхув исын пхэрды́ ратэ́са, и фо́ро исын пхэрдо́ чорипнаса, со кэрэ́нас пэхроми, долэ́стыр, со ёнэ ракирэ́на: “Мэкця́ Рай Дэвэ́л, Дэвэ́л ада́я пхув, и на дыкхэ́ла Рай Дэвэ́л, Дэвэ́л.”

Psalmy 94:7

И ёнэ ракирэ́на: “Рай Дэвэ́л на дыкхэла дава́, ци Израилёскиро Дэвэ́л на рискирэ́ла годы́ пэ дава́.

Sykadyipén 2:23

и Мэ мулякирава ла́кирэ чхавэ́н, соб (кай) сарэ́ кхангирья тэ джинэ́н, со Мэ сом Одова́, Кон джинэ́ла, со ману́ш думинэ́ла, и со ёв мангэ́ла, Мэ да́ва палэ кажнонэ́скэ тумэ́ндыр пир дова́, сави́ буты́ тумэ́ кэрдэ́.

2 Petr 3:4

и ёнэ явэ́на тэ ракирэ́н: “И кай жа Лэ́скиро лав, со Ёв дыя́, ке́ли Ёв явэ́ла? Пал-дова́ со долэ́ поратыр, ке́ли мынэ́ амарэ́ дада́ нисо́ на парудыя, сыр сыс создыно́ свэ́то.”

Авдиёс 1:6

Сыр кэ Иса́во саро́ сыс пириродыно? Сыр сарэ́ лэ́скирэ чораханэ штэ́ты пиридыкхнэ!

Ереме́ё 10:5

Далэ́ и́долы исын сы́рбы вычхиндло сты́лбо пэ фэ́лда, ёнэ на ракирэ́на, лэн лыджа́на, пал-дова́ со ёнэ на псирэ́на. На дар лэ́ндыр, пал-дова́ со ёнэ на могинэ́на тэ кэрэ́н вари-сави́ биба́хт (чорипэ́н), адя́кэ-паць ёнэ на кэрэ́на ни саво́ лачхипэ́н.”

Isajos 5:19

Савэ ракирэ́на: “Мэк Ёв тэ джал сыгэды́р, мэк тэ кэрэ́л Пэ́скири буты́, соб (кай) амэ тэ дыкхас. Мэк тэ явэ́л, мэк тэ сыкавэ́л, со дава́ исын – Свэнтонэ́-Израилёскиро годыпэ́н, соб (кай) амэ тэ ґалёвас!”

Psalmy 14:1

Хоро́скирэ Дирижоро́скэ. Давидо́скиро Пса́лмо. Дылыно́ пхэндя́ пэ́скэ: “Нанэ Дэвлэ́с!” Мануша́ ячнэ́ розмэкнэ, ёнэ кэрдэ́ злыднитка рэ́нды: нанэ ние́кх, кон кэрэ́ла пир чачипэ́н.

Ióvo 21:15

Кон исын Сарэзорья́киро, соб (кай) амэ тэ дынарина́с Лэ́скэ? И саво́ лачхипэ́н амэ́нгэ, со амэ ява́са тэ мангаспэ Лэ́скэ?

Езэкилё 9:4

И пхэндя́ лэ́скэ Рай Дэвэ́л, Дэвэ́л: “Джа́ пэ́скэ машки́р фо́ро, машки́р Ерусалимо, и кэр шпэ́ра (знако) пэ чэкат одолэ́ манушэ́нгирэ, савэ́нгэ исын пхаро́ пал саро́ джунгалыпэ́н, и савэ́ пиридживэна, со кэрэ́лапэ машки́р лэ́ндэ.”

Малахия 2:17

Тумэ́ кхинякирдэ [холякирэна-р.с.] кэ холы́ Рас-Дэвлэ́с тумарэ́ лавэ́нца, ке́ли пхучэна тумэ́: “Со́са амэ кхинякирдям Лэс?” Акэ, ке́ли тумэ́ ракирэ́на: “Кажно (сва́ко), кон кэрэ́ла биба́хт (холы́), исын лачхо́ ваш Ра́скэ-Дэвлэ́скэ, и Ёв древа́н радынэ́лапэ лэ́ндыр,” ці, “Кай исын чачипна́скиро Дэвэ́л?”

Psalmy 10:4

[25] Фуй мануша́ пал пэ́скирэ пхутькирибэ́н на дыкхэ́на пэ Лэ́стэ, дрэ лэ́нгири годы́ нанэ штэ́то ваш Дэвлэ́скэ.