Софония 1:10 - Библия - Пэ Балтитко Романи чиб (Романэс) 2019

¹⁰ И явэ́ла дро дова́ дывэ́с адя́кэ, – ракира́ва Мэ, Рай Дэвэ́л, – со явэ́ла годлыма пашы́л мачхитко по́рта, и явэ́на гара (длу́гэс) тэ ровэ́н зоралэ́с пашы́л яви́р по́рты, и со явэ́ла баро́ грукато пхагирибнастыр пэ бэ́ргицы”.

Biblija - Pe Baltitko Romani čib (Romanes) 2019

¹⁰ I javéla dro dová dyvés adiáke, – rakiráva Me, Raj Devél, – so javéla godlyma pašýl mačhitko pórta, i javéna gara (dlúges) te rovén zoralés pašýl javír pórty, i so javéla baró grukato phagiribnastyr pe bérgicy”.

Софония 1:10 Referans Kwoze

2 Паралипоменоно 33:14

И пало́ (после) дава́ ёв ґаздыя́ Давидо́скирэ фороскэ яврестыр ва́нта (сцяна), пэ за́падно Геоноскири риг, пир лошчы́на и кэ загиибэ́н дрэ мачэнгири по́рта; и облыджия ла трусця́л Офе́ло, и вучэ́с ла ґаздыя́. И чхудя́ халадэ́нгирэ барыдырэ́н пэ сарэ́ зоралэ́ тынэ́нца фо́рья дрэ Юдэ́я.

Amoso 8:3

‘И гиля́, со багандлэ дрэ фэлатиня́, ячэ́на сыр зорало́ ровибэн дро дова́ дывэ́с’, – ракирэ́ла Рай Дэвэ́л. Бут тру́пы явэ́на пир сарэ́ штэ́ты, мануша́ чхурдэна яври́ лэн би лавэнгиро.”

4 Kralip 22:14

И гия́ Хелкия, раша́й, и Ахикамо, и Ахбор, и Шафано, и Асаия кэ Алдама, пророчыца, Шалумоскири джувлы́, Тыквоскирэ-чхавэ́скирэ, Хархасоскирэ чхавэ́скирэ, саво́ ракхця́ и́ди, – дживдя́ ёй кэ Ерусалимо, пэ яви́р квартало, – и ракирдэ́ ла́са.

Ниеми́я 3:3

Мачхэнгирэ по́рты кэрэ́нас мануша́, савэ́ бияндлэ дрэ Сеная: ёнэ учхакирдэ лэн, и чхудэ́ вудара́ лэ́нгирэ, о клыдына лэ́нгирэ, и шыберы (засовы) лэ́нгирэ.

Софония 1:15

Дава́ Дывэ́с явэ́ла сыр барэ́-холынакиро дывэ́с; пхаро́ и трашано дывэ́с; дывэ́с, ке́ли пэ пхув ячэ́на руи́ны и голоты́ня: дывэ́с кало́ и цёмно, дава́ дывэ́с явэ́ла обчхудо облокэ́нца и ґэнстонэ цямлыпнаса;

Софония 1:7

Яв штыл анги́л Растэ Дэвлэ́стэ, пал-дова́ со Ра́скирэ-Дэвлэ́скирэ Дывэ́с исын пашы́л, пал-дова́ со Рай Дэвэ́л исын скэдыно́ тэ янэл свэ́нто дыибэ́н, Ёв посвэнцындя Лэ́скирэ манушэ́н, савэ́н Ёв замангдя.

Ереме́ё 39:2

И дро дэшупэрво бэрш Сэдэкияскиро дро шта́рто чхон, пэ еня́то (биекхэ́скиро дэ́што) дывэ́с чхонэ́скиро, фо́ро лынэ́,

Ереме́ё 4:31

Пал-дова́ со мэ, Ереме́ё, шундём го́дла сы́рбы джувлятыр, кон пхарэ́с биянэ́ла, дава́ исын джувлякирэ пхарэ́ ґондя́ сы́рбы кодолятэ, кон биянэ́ла пэ́рво мо́ло ла́кирэ биято́с, Ерусалимо́скири го́дла исын сы́рбы кодолятэ, сави́ мэнчынэлапэ зоралэ́с и протырдэла васта́, пхэни́ (ракири́): “Бида ма́нгэ! Миро ди нашавэла зор анги́л мулякирибнаскирэндэ!”

Isajos 59:11

Сарэ́ амэ брилинаса (ревинаса) сыр рича, ґаздаса пхаро́ ди, сыр голумбы; ужакираса сэ́ндо, нэ лэс нанэ; ужакираса зракхибэ́н, нэ ёв исын дур амэ́ндыр.

2 Паралипоменоно 32:22

Адя́кэ зракхця́ Рай Дэвэ́л Езэкияс и Ерусалимо́скирэ манушэ́н Сенахиримоскирэ вастэ́стыр, Асирия́кирэ крали́скирэ, и сарэнгирэ вастэ́стыр; и ракхця́ лэн сарэ́стыр.

2 Паралипоменоно 3:1

И лыя́ Соломо́но тэ кэрэ́л Ра́скирэ-Дэвлэ́скиро Кхэр дро Еруса-лимо, пэ бэ́рга Мориа, сави́ сыс упхэндлы Давидо́скэ, лэ́скирэ дадэ́скэ, пэ штэ́то, саво́ приготовиндя Дави́до, пэ Орнаскирэ-Иевусеяниноскири шу́рна.

2 Kralip 5:9

И лыя́ тэ дживэ́л Дави́до дрэ тва́рдыма/диз (крепость), и кхардя́ лэс Давидо́скирэ фороса, и обчхудэ кхэра́ пашы́л Милло и андрэ́.

2 Kralip 5:7

Нэ Дави́до лыя́ тва́рдыма (диз) Сио́но: дава́ – фо́ро Давидо́скиро.

2 Паралипоменоно 34:22

И гия́ Хелкия и одолэ́ мануша́, савэ́ сыс крали́стыр, кэ Олдана, пророчыца, Шалумоскири ромны́, Тавкегафоскирэ чхавэ́скирэ, Хасраскирэ чхавэ́скирэ, саво́ ракхця́ и́ди, а дживдя́ ёй дрэ яви́р паш Ерусалимо́скири, – и ракирдэ́ ла́са пал дава́.

Ниеми́я 12:39

И Ефремо́скирэ портатыр, пашы́л пхураны по́рта, пашы́л Мачхэнгири по́рта, и Хананелоскири портатыр, Меяскирэ портатыр, кэ Бакрэнгири по́рта, и тэрдинэ́ пашы́л Штарибнаскири по́рта.

Езэкилё 6:13

И ґалёна, со Мэ сом Рай Дэвэ́л, Дэвэ́л, ко́ли домардэ́ явэ́на тэ пасён машки́р лэ́нгирэ и́долы трусця́л лэ́нгирэ алта́ри, пэ кажно бэрґица, пэ сарэ́ сама вучэ́ бэрґи, тэл кажно зэлэно кашт, тэл кажно ґэнсто дэмбо, пэ дова́ штэ́то, кай ёнэ хачкирэнас кучонэ́-кхандыпнытка смо́лы сарэ́ идолэ́нгэ.