Гиленгири (Соломоно́скири) Гилы́ 6:9 - Библия - Пэ Балтитко Романи чиб (Романэс) 2019

⁹ нэ ту, ми́ри голу́мбица, сан мири́ екхори, мири́ най фэдэды́р, ту сан екхори пэ́скирэ датэ, тыри́ дай, кон бияндя́ тут, отдэ́ла ило́ буты́р ту́кэ. Сарэ́ патывалэ́ джувля́ дыкхнэ́ ла, и ёнэ кхардэ́ тут бахталяса.

Biblija - Pe Baltitko Romani čib (Romanes) 2019

⁹ ne tu, míri golúmbica, san mirí jekhori, mirí naj fededýr, tu san jekhori péskire date, tyrí daj, kon bijandiá tut, otdéla iló butýr túke. Saré patyvalé džuvliá dykhné la, i jone khardé tut bahtaliasa.

Гиленгири (Соломоно́скири) Гилы́ 6:9 Referans Kwoze

Гиленгири (Соломоно́скири) Гилы́ 2:14

Мири́ голумбица исын дрэ скалэнгирэ нишы, дрэ гарадэ́ штэ́ты пир са́мо крутыма, ма́нгэ тэ дыкха́в тыро́ муй, ма́нгэ тэ шунав тыри́ занори, пал-дова́ со тыри́ зан (глос) исын гудлы, тыро́ муёро исын шука́р.”

Гиленгири (Соломоно́скири) Гилы́ 5:2

“Мэ сом суты, нэ миро ило́ исын на суто́. Ѓа́да, исын зан, мирэ́ пирамнэ́скири! Ёв марэла дро вуда́р: “Отпхандэ ма́нгэ, мири́ пхэн, мири́ пирамнори́е, мири́ голумбица, мири́ най фэдэды́р. Пал-дова́ со миро шэро́ исын учхакирдо пахлыняса (росаса), мирэ́ крэнца бала́ исын ратитконэ́ сапаныпнаса.

Psalmy 45:9

Сарэ́ тырэ́ урибэна́ шука́р кхандэна миро́са, алоёса и касьяса, фэлатинендыр, со исын кэрдэ́ слонытконэ кокалостыр, башаибэн пэ балытка струме́нты радынэна тут.

Džiibén 30:13

И пхэндя́ Лия: “Бахт ма́нгэ; палдава́ явэ́на тэ кхарэ́н ман джувля́ “бахталяса.” И дыя́ лэ́скэ лав: Асиро.

Galatenge 4:26

а Ерусалимо, саво́ исын дро Болыбна́скиро Раё исын во́льно, – дава́ фо́ро исын амари́ дай.

Psalmy 126:2

Тэды амаро́ муй сыс пхэрдо́ сабнаса и амари́ чиб багалас радыма́са, и ракирдэ́ тэды машки́р Наюдэнгирэ на́цыи: “Рай Дэвэ́л кэрдя́ барэ́ рэ́нды лэ́нгэ.”

Яви́р Зако́но 33:29

Бахтало́ ту сан, Израилё! Кон исын адасаво́, сыр ту сан, савэ́с Рай Дэвэ́л ракхэ́ла, Ёв исын шчы́то тыро́ и курта́ла славакэ тырьякэ. Вэ́рги тырэ́ поддэнапэ ту́кэ, и ту штавэса лэ́нгирэ вучэ́ штэ́ты.”

Čysly 23:9

Бэргакирэ вучипна́стыр мэ дыкха́ва лэс, и бэргицэндыр пэ лэ́стэ дыкха́ва: акэ, мануша́ дживэ́на, кон пэ́скэ роздельнэс, и машки́р манушэ́ндэ на гинэлапэ.

2 Фесалоникийцэнгэ 1:10

дро дова́ дывэ́с, ке́ли Ёв явэ́ла, соб (кай) Ёв тэ явэ́л славиндло машки́р Пэ́скирэ свэнтонэндэ и машки́р сарэ́ндэ, кон упатяндыя, пал-дова́ со тумэ́ упатя́ндынэ амарэ́ допхэныбнаскэ.

3 Kralip 11:3

И сыс лэ́стэ эфташэла́ ромня́ и триншэла́ наложницы; и лыджинэ́ криг лэс и лэ́скирэ ромня́ чачунэ́ дромэ́стыр ило́ лэ́скиро.