Гиленгири (Соломоно́скири) Гилы́ 5:7 - Библия - Пэ Балтитко Романи чиб (Романэс) 2019

⁷ Ракхибнаскирэ (стражы), савэ́ обджана фо́ро, латхнэ́ ман; ёнэ пэкадэ ман, ёнэ дукхадэ ман; ракхибнаскирэ пэ форитко ва́нта лынэ́ криг ма́ндыр мири́ длэнги цэ́рга [сави́ ракхэлас ва́нта-р.с.].

Biblija - Pe Baltitko Romani čib (Romanes) 2019

⁷ Rakhibnaskire (stražy), savé obdžana fóro, lathné man; jone pekade man, jone dukhade man; rakhibnaskire pe foritko vánta lyné krig mándyr mirí dlengi cérga [saví rakhelas vánta-r.s.].

Гиленгири (Соломоно́скири) Гилы́ 5:7 Referans Kwoze

Гиленгири (Соломоно́скири) Гилы́ 3:3

Ракхибнаскирэ (стражы), савэ́ псирэ́на пир фо́ро, латхнэ́ ман – мэ пхуцёмпэ: “Ци дыкхнэ́ тумэ́ кодолэ́с, кэ саво́ миро ди тырдэлапэ.”

Юдэ́нгэ 12:2

и ява́са тэ дыкхас пэ Исусо́стэ, Савэ́стыр исын амаро́ патяибэ́н, и Саво́ кэрэ́ла амэн бидошакирэнца, Саво́ заме́ст ра́дыма, сави́ явэ́лас ваш Лэ́скэ, и Саво́ вырикирибнаса пиридживдя трушулыбэн кэ мэрибэ́н, на дыкхи́ пэ ладж, и бэсця́ пир чачо́ (право) васт Дэвлэ́стыр.

Filipiicenge 3:6

мэ со́мас баро́ вэ́рго и хачкирдэ́ илэ́са традыём Христососкири Кхангири́ и пир Законоскиро чачипэ́н мэ сом бидошакиро;

2 Коринфянэнгэ 11:13

Пал-дова́ со кадалэ́ мануша́ исын хоханэ́ Апо́столы, начачунэ бутярнэ́, савэ́ выдэна пэс пал Христосо́скирэ Апостолэндэ.

Joannostir 16:2

Тумэн традэ́на яври́ кхангирьендыр; и явэ́ла дасаво часо (цы́ро), ке́ли одова́ ману́ш, саво́ замарэла тумэн, явэ́ла тэ думинэл, со ёв далэ́са дынаринэла Дэвлэ́скэ.

Luka 6:22

Бахталэ́ исын тумэ́, ке́ли мануша́ явэ́на древа́н тэ бидыкхэн тумэн и, ке́ли ёнэ вытрадэна тумэн и явэ́на тэ обкхарэн тумэн налачхэ́ лавэ́нца и калякирэна тумаро́ лав пал Манушэ́скирэ Чхавэ́стэ.

Матфеё 23:2

“Пэ Мойза́скиро штэ́то сыклякирэ́на лылвари́тка и Фарисе́и;

Osija 6:5

Палдава́ Мэ вычингиравас лэн пир пророкэ́ндэ, Мэ мулякиравас лэн Мирэ́ лавэ́нца; и Миро сэ́ндо пэ лэ́ндэ явэ́ла сы́рбы дуд (свэ́то), со ґаздэ́лапэ.

Isajos 62:6

Ерусалимо! Мэ чхудём пэ тырэ́ ва́нты ракхибнарьен, савэ́ ни дывэсэ́ ни раты́ на пириячэна тэ пхэнэ́н лав. Тумэ́, кон пхэнэ́ла пал Дэвлэ́стэ, на пириячэн тэ ракирэ́н!

Гиленгири (Соломоно́скири) Гилы́ 8:11

Соломоностэ сыс винаграды́тко у́нта (садо) дро Ваал-Гамоно: ёй отдыя́ дая́ у́нта ракхибнарьенгэ; кажно исын банго́ тэ янэл пал далэ́ барьякирдэ́ (пло́ды) бар рупувэ́ ловэ́.

Psalmy 141:5

Мэк чачипнаскирэ мануша́ тэ пэкавэн ман, дава́ явэ́ла куч. И мэк ёв тэ сыкавэ́л мири́ банг, дава́ явэ́ла сы́рбы оливи́тко дзэт (елеё), савэ́стыр миро рама́нё (миро) на рисёла криг; нэ сароекх мэ ява́ва тэ мангавапэ, соб (кай) ёнэ тэ на кэрэ́н чорипэ́н.

Гиленгири (Соломоно́скири) Гилы́ 5:6

Мэ отпхандём мирэ́ пирамнэскэ; нэ миро пирамно́ дыяпэ палэ, ёв гия́ криг: миро ди кошэласпэ яври́, ке́ли ёв ракирдя́, мэ родыём лэс, нэ мэ на латхём лэс; мэ кхардём лэс, нэ ёв на отпхэндя́ ма́нгэ.

Гиленгири (Соломоно́скири) Гилы́ 5:8

Мэ засовлахава тумэн, Ерусалимо́скирэ чхая́лэ! Ко́ли тумэ́ латхэ́на мирэ́ пирамнэс, со тумэ́ пхэнэ́на лэ́скэ? Со Мэ мэра́ва пирамнипна́стыр!”

Isajos 3:23

Гудлы сунг парувэлапэ пэ накуч сунг; шэло явэ́ла сыр кусты́к, крэнца бала́ парудёна пэ нанго шэро́, буґлэ гада – пэ шматы, шукарипэ́н парувэлапэ пэ тавра.