Гиленгири (Соломоно́скири) Гилы́ 5:2 - Библия - Пэ Балтитко Романи чиб (Романэс) 2019

² “Мэ сом суты, нэ миро ило́ исын на суто́. Ѓа́да, исын зан, мирэ́ пирамнэ́скири! Ёв марэла дро вуда́р: “Отпхандэ ма́нгэ, мири́ пхэн, мири́ пирамнори́е, мири́ голумбица, мири́ най фэдэды́р. Пал-дова́ со миро шэро́ исын учхакирдо пахлыняса (росаса), мирэ́ крэнца бала́ исын ратитконэ́ сапаныпнаса.

Biblija - Pe Baltitko Romani čib (Romanes) 2019

² “Me som suty, ne miro iló isyn na sutó. Ĥáda, isyn zan, miré piramnéskiri! Jov marela dro vudár: “Otphande mánge, mirí phen, mirí piramnoríje, mirí golumbica, mirí naj fededýr. Pal-dová so miro šeró isyn učhakirdo pahlyniasa (rosasa), miré krenca balá isyn ratitkoné sapanypnasa.

Гиленгири (Соломоно́скири) Гилы́ 5:2 Referans Kwoze

Sykadyipén 3:20

Дыкх! Мэ сом тэрдо́ пашы́л вуда́р и марава дрэ лэ́стэ; ко́ли вари-кон шунэ́ла Мири́ зан и псиравэла (отпхандэла) вуда́р, тэды Мэ заджава андрэ́ кэ ёв и ява́ва тэ хав бэльвэлякиро хабэ́н лэ́са и ёв Ма́нца.

Гиленгири (Соломоно́скири) Гилы́ 2:14

Мири́ голумбица исын дрэ скалэнгирэ нишы, дрэ гарадэ́ штэ́ты пир са́мо крутыма, ма́нгэ тэ дыкха́в тыро́ муй, ма́нгэ тэ шунав тыри́ занори, пал-дова́ со тыри́ зан (глос) исын гудлы, тыро́ муёро исын шука́р.”

Заха́рия 4:1

И рисия́ дова́ Янго́ло, саво́ ракирдя́ ма́нца, и джангадя ман, сыр джангавэна манушэ́с соибнастыр лэскирэстыр.

Гиленгири (Соломоно́скири) Гилы́ 6:9

нэ ту, ми́ри голу́мбица, сан мири́ екхори, мири́ най фэдэды́р, ту сан екхори пэ́скирэ датэ, тыри́ дай, кон бияндя́ тут, отдэ́ла ило́ буты́р ту́кэ. Сарэ́ патывалэ́ джувля́ дыкхнэ́ ла, и ёнэ кхардэ́ тут бахталяса.

Psalmy 119:1

Бахталэ́ исын одолэ́, савэнгиро джиибэ́н исын би дошэнгиро, савэ́ дживэ́на пир Ра́скирэ-Дэвлэ́скиро Зако́но.

Матфеё 8:17

соб (кай) тэ кэрэ́лпэ дова́, со пхэндя́ проро́ко Исаё: “Ёв лыя́ пэ Пэ́стэ амаро́ бизорьякирибэн и лыджия́ сарэ́ амарэ́ насвалыпэна.”

Isajos 52:14

Кицы́ мануша́ дивинэнаспэ, ке́ли дыкхнэ́ пэ Ту́тэ! Ёв адя́кэ парудяпэ марибнастыр, со на сыс Лэ́стэ манушы́тко муй, адя́кэ Ёв выдыкхэлас, со и на сыс Лэ́стэ манушы́тко патри́н (о́бразо)?

Isajos 50:6

Мэ отдыём Миро думо, соб (кай) тэ марэ́н Ман; Мирэ́ чама (шчоки), соб (кай) тэ пэкавэн; муй Миро Мэ на закэрдём кошыбнастыр и чунгардыпнастыр.

Гиленгири (Соломоно́скири) Гилы́ 8:7

Барэ́ паня́ нашты́ тэ мурдякирэл пирамнипэ́н, и рэ́ки (лэня́) на зачхувэна лэс. Ко́ли тэ дэл о ману́ш саро́ пэ́скиро барвалыпэ́н пал пирамнипэ́н, то дава́ прилэнас бы ёв бангэ́ илэ́са.

Гиленгири (Соломоно́скири) Гилы́ 7:9

[10] и тырэ́ ушта́ исын сыр най фэдэды́р мол, сави́ тхадэ́ла ровнэс мирэ́ пирамнэскэ (камлэскэ), И доджа́ла поволинькэс (ле́нтэс) кэ сутэ́-манушэ́нгирэ ушта́.

Гиленгири (Соломоно́скири) Гилы́ 5:11

лэ́скиро шэро́ исын сы́рбы выкэдыно сувнака́й, лэ́скирэ крэнца бала́ кунинэнапэ, ёнэ исын калэ́ сыр коракостэ (вороностэ).

Гиленгири (Соломоно́скири) Гилы́ 4:9

Ту задивакирдян миро ило́, мири́ пхэн, мири́ тэрны́; ту задивакирдян миро ило́ дыкхибнаса тырэ́ якхэ́ндыр, екхэ зандирорьяса тырэ́ мириклендыр.

Гиленгири (Соломоно́скири) Гилы́ 4:7

Сави́ шукарни ту сан, мири́ пирамни́е, и нисави́ дош нанэ дрэ ту́тэ.

Гиленгири (Соломоно́скири) Гилы́ 3:1

Пэ миро чхуибэ́н мэ родыём раты́ кодолэ́с, кэ саво́ миро ди притырдэла: мэ родыём лэс, нэ мэ на латхём (ластём) лэс.

Гиленгири (Соломоно́скири) Гилы́ 2:10

Миро пирамно́ лыя́ тэ ракирэ́л и пхэндя́ ма́нгэ: “Ушты́, мири́ пирамни́е, мири́ шукарни, и яв яври́.

Гиленгири (Соломоно́скири) Гилы́ 2:8

Акэ, мирэ́ пирамнэ́скири зан. Ѓа́да, ёв джа́ла? Ёв пириухтэла пир бэ́рги? Ёв ухтэла пир бэ́ргицы.

Pritčy 23:26

Мро чха́ва! Отдэ́ ма́нгэ тыро́ ило́, и мэк тырэ́ якха́ тэ рикирэнпэ зоралэ́с (тэ придыкхэнпэ) кэ мирэ́ дрома́.

Psalmy 81:10

На явэ́на чу́жа дэвлорэ́ тумэ́ндэ, и тумэ́ на дэ́нас паты́в чужонэ́ дэвлорэскэ.

Džiibén 29:20

Яково дынариндя́ пал Рахилятэ эфта́ бэрш; нэ ёнэ сыкадынэ лэ́скэ пал вари-кицы́ дывэса́, пал-дова́ со лэ́скэ сыс пир ило́ ёй.

Sykadyipén 14:4

Дава́ исын мануша́, савэ́ на магирдэ́ пэс джувле́нца; ёнэ сыс на́романдунэ мурша́. Ёнэ джа́нас пала́л пал Свэнтонэ́ Бакрорэ́стэ, карик на джа́лас Ёв. Ёнэ сыс выкиндлэ машки́р манушэ́ндэ, и ёнэ исын пэ́рва мануша́ пхувья́тыр ваш Дэвлэ́скэ и Свэнтонэ́ Бакрорэскэ.

Sykadyipén 3:4

Нэ исын на́бут мануша́ ту́тэ дро Сардисо, савэ́ на мэлякирдэ пэ́скирэ урибэна́ грэхэ́нца, и ёнэ явэ́на тэ псирэ́н Ма́нца дрэ парнэ́ урибэна́, пал-дова́ со ёнэ исын лачхэ́.

Эфесянэнгэ 5:14

Палдава́ исын пхэндло́: “Ушты́, кон исын суто́, и отджидёв, и явэ́ла тэ свэнцынэл ту́кэ Христо́со.”

Galatenge 2:20

Мэ со́мас примардо пэ трушу́л Христосо́са, и мэ буты́р сы́рбы на джива́ва, нэ дава́ Христо́со дживэ́ла дрэ ма́ндэ; нэ дова́, со мэ джива́ва дрэ лоч (плоть), мэ джива́ва пир патяибэ́н дрэ Дэвлэ́скирэ Чхавэ́стэ, Савэ́скэ яцём дро́го мэ, и Саво́ отдыя́ Пэс пал ма́ндэ.

Joannostir 10:4

И ке́ли ёв вылыджала сарэ́н пэ́скирэ бакрэ́н, ёв джа́ла анги́л лэ́ндэ; бакрэ́ пал лэ́стэ джа́на, пал-дова́ со бакрэ́ джинэ́на лэ́скири зан.

Luka 22:44

Исусо́стэ сыс пхаро́ пэ ило́ и Ёв зоралэ́с мангдя́пэ Дэвлэ́скэ. Лэ́скири кхамлын (пото) сыс, сыр ратэскирэ капли (чолыня), со пэрэнас пэ пхув

Luka 9:32

Нэ Пэ́три и лэ́скирэ мала́ сыс пхарэ́с сутэ́; нэ ке́ли ёнэ джангадынэ, тэды дыкхнэ́ ёнэ Исусо́с дро зяиныбэн и дуе муршэ́н, савэ́ сыс Лэ́са.

Luka 6:12

И сыс адя́кэ: дрэ долэ́ дывэса́ Ису́со гия́ пэ бэ́рга тэ мангэ́лпэ Дэвлэ́скэ и мангдя́пэ сари́ рат.

Marko 1:35

Пэ яви́р зло́ко (ра́нко), уштыи анги́л дывэ́с, Ису́со гия́ одори́к, кай никонэ́с нанэ, и мангдя́пэ Дэвлэ́скэ одо́й.

Дание́лё 8:18

И ке́ли ёв ракирэ́лас ма́нца, мэ бизорья́киро пасиём тэлэ́ мо́са пэ пхув; нэ ёв чиладя́ ман и чхудя́ ман пэ миро штэ́то,

Матфеё 7:8

Пал-дова́ со кажно, кон мангэ́ла, дорэсэ́ла пэ́скиро; кажно, кон родэ́ла, латхэ́ла; кажнонэ́скэ, кон марэла дро вуда́р, явэ́ла псирадо (отпхандло).

Гиленгири (Соломоно́скири) Гилы́ 1:16

О, саво́ гожо-шука́р ту сан, миро пира́но, саво́ гудло́ и амаро́ чхуибэ́н исын адя́кэ-паць сыр вычхудо зэлэныбэн.

Гиленгири (Соломоно́скири) Гилы́ 5:6

Мэ отпхандём мирэ́ пирамнэскэ; нэ миро пирамно́ дыяпэ палэ, ёв гия́ криг: миро ди кошэласпэ яври́, ке́ли ёв ракирдя́, мэ родыём лэс, нэ мэ на латхём лэс; мэ кхардём лэс, нэ ёв на отпхэндя́ ма́нгэ.