Гиленгири (Соломоно́скири) Гилы́ 5:1 - Библия - Пэ Балтитко Романи чиб (Романэс) 2019

¹ “Мэ явдём дрэ пэ́скири у́нта (садо), мири́ пхэн, мири́ тэрны́; мэ скэдыём миро мирро мирэ́ приправэнца; мэ хаём пэ́скиро авгинытко сото мирэ́ авгинэса; мэ пиём пэ́скири мол (вино) тхудэса.” “Хан, ми́рэ мало́рэ, пьен, и пьен чалэ́с, мирэ́ пирамнэ [дро́га ми́рэ мануша́лэ-ю.о.]!”

Biblija - Pe Baltitko Romani čib (Romanes) 2019

¹ “Me javdjom dre péskiri únta (sado), mirí phen, mirí terný; me skedyjom miro mirro miré pripravenca; me xajom péskiro avginytko soto miré avginesa; me pijom péskiri mol (vino) thudesa.” “Han, míre malóre, p'jen, i p'jen čalés, miré piramne [dróga míre manušále-ju.o.]!”

Гиленгири (Соломоно́скири) Гилы́ 5:1 Referans Kwoze

Гиленгири (Соломоно́скири) Гилы́ 6:2

Миро пирамно́ гия́ тэлэ́ дрэ пэ́скири у́нта, кэ бэтки [цветники-р.с.] приправэнца, тэ чалякирэлпэ дрэ унты (сады) и тэ кэдэл лилии.

Гиленгири (Соломоно́скири) Гилы́ 4:16

“Джангадёв, паш-ратякири балва́л, и яв, паш-дывэсы́тко балва́л! Пху́рдэ пэ мири́ у́нта, соб (кай) тэ розджанпэ ла́кирэ ароматы́тка сунга́. Мэк тэ явэ́л миро пирамно́ дрэ лэ́скири у́нта (садо) и мэк ёв тэ хал гудлэ́ пхаба́ лэ́скирэ.”

Sykadyipén 22:17

Ду́хо (Фа́но) и тэрны́ пхэнэ́на: “Яв!” И мэк о одова́, кон шунэ́ла, тэ пхэнэ́л: “Яв!” И мэк одова́, конэ́стэ исын смэ́га, тэ пьел джиибна́скиро пани́ би ловэнгиро.

Pritčy 9:5

“Явэ́н, хан миро маро́ и пьен мол (вино), сави́ мэ змешындём.

Apostolengiri Butý 11:29

И сыкляибны́тка доракирдэпэ, соб (кай) кажно лэ́ндыр, кицы́ кон могинэ́ла, тэ помогинэл пшалэ́нгэ, савэ́ дживэ́на кэ Юдэ́я,

Joannostir 3:29

Тэрны́ исын ваш Тэрнэскэ, а Тэрнэскиро дру́го (мал), саво́ исын тэрдо́ пашы́л, шунэ́ла лэс и радынэ́лапэ, ке́ли шунэ́ла, со ёв ракирэ́ла. Кадая́ мири́ бахт явдя́ сарэ́са кэ мэ.

Luka 12:4

Нэ Мэ ракира́ва тумэ́нгэ, Мирэ́ дру́ги (мала́): “На андыршан кодолэндыр, савэ́ мулякирэна тумэн, нэ савэ́ на могинэ́на буты́р нисо́ тэ кэрэ́н.

Isajos 66:14

И тумэ́ дыкхэ́на дава́, и обрадынэлапэ тумаро́ ило́; кокалы́ тумарэ́ сы́рбы нэвэ ячэ́на, сыр зэлэны чар, и одкэрлапэ Ра́скиро-Дэвлэ́скиро васт кэ Лэ́скирэ писха́рья, а пэ пэ́скирэ вэргэ́ндэ Ёв холясо́ла.

Isajos 65:13

Палдава́ адя́кэ ракирэ́ла Рай Дэвэ́л: “Акэ, Мирэ́ писха́рья ха́на, а тумэ́ бокхалэ́ явэ́на; Мирэ́ писха́рья явэ́на тэ пьен – а тумэ́ явэ́на би панескиро.

Isajos 61:11

И сыр пхув барьякирэл пэ́скэ чарья́, сыр у́нта (садо) барьякирэ́ла дова́, со дрэ ла́кири пхув чхудэ́, адя́кэ и Рай Дэвэ́л сыкавэ́ла чачипэ́н и паты́в анги́л сарэ́ народы.

Isajos 58:11

И Рай Дэвэ́л явэ́ла тэ лыджа́л тут саро́ часо (цы́ро), ко́ли на явэ́на брышында и пхув шутёла, Рай Дэвэ́л чалякирэла тыро́ ило́ и маса́, ту явэ́са сыр шука́р у́нта (садо), сыр ґаны́нг, кай пани́, саво́ николи на шутёла.

Isajos 51:3

Чачо́, Рай Дэвэ́л подрикирла Сио́но, подрикирла лэ́скирэ роспхагирдэ́ кхэра́; а чхучи́ пхув лэ́скири Ёв кэрэ́ла сыр раё, и мал (степ) лэ́скири пирикэрэла сыр у́нта (садо) Раскири-Дэвлэ́скири; ра́дыма и весёлыма (лош) одо́й явэ́на, парикирибэн и багаибэн.

Гиленгири (Соломоно́скири) Гилы́ 8:13

Ту, кон дживэ́ла дрэ у́нта! Тырэ́ мала́ кандэ́на тыри́ зан (глос), мэк и ман тэ шунав тыри́ зан.

Эфесянэнгэ 5:18

И на пьен кэ матыбэн мол, савья́тыр джа́ла на́лачхо джиибэ́н, нэ фэды́р пхэрдякирэн пэс Духо́са,

Матфеё 25:40

И отпхэнэ́ла лэ́нгэ Кра́ли: ‘Чачэс, ракира́ва тумэ́нгэ: ‘Дова́, со тумэ́ кэрдэ́ дава́ Мирэ́ пшалэ́нгэ, савэ́ндэ нанэ дасави́ зор, тумэ́, хай, кэрдэ́ Ма́нгэ.’

Isajos 53:11

Бахтало́ явэ́ла Ёв одолэ́стыр тэ дыкхэ́л, со кэрдя́ Лэ́скиро ди; Пэ́скирэ ґалыибнастыр Ёв, чачипна́скиро, писха́ри Миро, зракхэ́ла бут манушэ́н и грэ́хи лэ́нгирэ лыджа́ла пэ Пэ́стэ.

Isajos 23:18

Нэ лэ́скиро бикныбэн и лэ́скири бажын явэ́на отдынэ́ Ра́скэ-Дэвлэ́скэ; ёнэ на явэ́на гарадэ́, пал-дова́ со кэ одолэ́, кон дживэ́ла анги́л Дэвлэ́скиро муй, пириджала бажын, соб (кай) тэ хан и тэ чалён, соб (кай) тэ явэ́л лэ́ндэ зорало́ урибэ́н, саво́ ґара́ сашты́ тэ урьел.

Isajos 5:1

Багава Мэ Мирэ́-Дрогонэскэ гилы́ Мири́, сави́ исын дрогоноскири пал Лэ́скиро винагра́днико. Сыс винагра́днико Мирэ́-Дрогонэскиро пэ бэргитко вучипэ́н.

Гиленгири (Соломоно́скири) Гилы́ 8:1

О, соб (кай) ту тэ явэс мирэ́ пшалэса, конэ́скэ мири́ дай тэ дэл колы́н тэ пьел! Ко́ли мэ латхавас тут пэ вули́ца (пэ га́са), то мэ чамудавас тут, и нико́н на дыкхэ́лас пэ ма́ндэ вучипна́са.

Гиленгири (Соломоно́скири) Гилы́ 6:11

Мэ гиём тэлэ́ дрэ пэґэнгэ́нгири у́нта (садо), тэ дыкха́в чарья́ пир до́ло, тэ дыкха́в, ци розмэкцяпэ винаградо (дракх), ци гранатытка пхабэлыня лулудинэ.

Psalmy 16:3

Свэ́нта дэвлы́тка мануша́ пэ пхув, савэ́ исын патяибнытка, – лэ́нгэ исын мири́ бари паты́в,

Psalmy 147:11

Лэ́скэ исын дро́га одолэ́, савэ́ дарэ́на Лэ́стыр, кодолэ́, савэ́ ужакирэ́на лачхипэ́н Лэ́скирэ ковлэ́-илыткиматыр.

Сэндарьенгири Лылвари́ 14:11

И сыр одо́й дыкхнэ́ лэс, то дынэ́ лэ́скэ выкэдынэ́ триндэша бьявитконэ малэн, савэ́ бы явэ́на пашы́л лэ́стэ.

Сэндарьенгири Лылвари́ 14:20

А Самсоноскири ромны́ выгия́ палоро́м пал бьявитконэ лэ́скирэ малэстэ, саво́ сыс дру́го (мал) пашы́л лэ́стэ.

Pritčy 24:13

Мро чха́ва? Ха авги́н, пал-дова́ со ёв исын лачхо́, и авгинытко сото, саво́ исын гудло́ ваш тыро́ кирло [смако-ю.о.]:

Ekliesiastos 2:5

Мэ кэрдём пэ́скэ унты (сады) и парки, и мэ зачхудём сарэ́-сортэнгирэ фруктытка кашта́ (дрэвы).

Гиленгири (Соломоно́скири) Гилы́ 1:13

Сы́рбы дро́го бужоро миростыр ваш ма́нгэ, миро пирамно́ (камло), ке́ли ёв исын пашто́ раты́ пашы́л мирэ́ колына.

Гиленгири (Соломоно́скири) Гилы́ 4:8

Яв ма́нца Ливаностыр, мири́ тэрны́, яв ма́нца Ливаностыр; яв сыгэды́р тэлэ́ Аманоскирэ вучипна́стыр, Сенироскирэ и Ермоноскирэ вучэ́ штэтэ́ндыр, яв хашчэ́ндыр/вэнтэ́ндыр (логовэ́ндыр), кай шчэра́ (левы) дживэ́на, бэргэндыр, кай исын леопарды.

Džiibén 37:25

И ёнэ бэшнэ́ тэ хан маро́, и, дыкхнэ́, ґа́да, джа́лас Галаадостыр каравано Измаильтянэнгиро, лэ́нгирэ верблюды лыджа́нас стиракса (ароматы), бальзамо и ладано: джа́нас ёнэ тэ лыджа́н дава́ дро Еги́пто.