Гиленгири (Соломоно́скири) Гилы́ 4:8 - Библия - Пэ Балтитко Романи чиб (Романэс) 2019

⁸ Яв ма́нца Ливаностыр, мири́ тэрны́, яв ма́нца Ливаностыр; яв сыгэды́р тэлэ́ Аманоскирэ вучипна́стыр, Сенироскирэ и Ермоноскирэ вучэ́ штэтэ́ндыр, яв хашчэ́ндыр/вэнтэ́ндыр (логовэ́ндыр), кай шчэра́ (левы) дживэ́на, бэргэндыр, кай исын леопарды.

Biblija - Pe Baltitko Romani čib (Romanes) 2019

⁸ Jav mánca Livanostyr, mirí terný, jav mánca Livanostyr; jav sygedýr telé Amanoskire vučipnástyr, Sieniroskire i Jermonoskire vučé šteténdyr, jav xaščéndyr/venténdyr (logovéndyr), kaj ščerá (lievy) dživéna, bergendyr, kaj isyn lieopardy.

Гиленгири (Соломоно́скири) Гилы́ 4:8 Referans Kwoze

Яви́р Зако́но 3:9

Сидоняни Ермоно кхарэ́на Сирионо, а Амореи кхарэ́на лэс Сениро, –

Гиленгири (Соломоно́скири) Гилы́ 2:13

Инжыритконэ-каштэнгирэ зэлэна пхаба́ лолёна, и винаграды́тко кашторо лулудёла и дэ́ла лачхэ́-сунгакиро кхандыпэн. Ушты́, мири́ пирамни́е, мири́ шукарни, и яв кэ мэ.

Psalmy 45:10

Кральенгирэ чхая́ исын машки́р Тырэ́ патывалэ́ тэрнэ́ джувлендэ, кра́лица исын тэрды пашы́л Тыро́ чачо́ васт дро сувнака́й Иростыр.

1 Паралипоменоно 5:23

Чхавэ́ Манасия́скирэ пашэ́-родыцо́стыр, дживдэ́ пэ доя́ пхув, Васаностыр кэ Ваал-Ермоно и Сениро и кэ/жы́ко бэ́рга Ермоноскири; и лэн сыс бут.

Joannostir 12:26

Одова́, саво́ Ма́нгэ дынаринэла, мэк тэ джал пал Ма́ндэ, и кай Мэ сом одо́й и дына́ри Миро явэ́ла; и одолэ́скэ, кон Ма́нгэ явэ́ла тэ дынаринэ́л, одолэ́с Миро Дад славинэла.

Isajos 62:5

Сыр тэрно́ чхаво́ лэ́ла пэ́скэ патываля чха, адя́кэ кэрэ́на ту́са тырэ́ чхавэ́; сыр тэрно́ радынэ́лапэ тэрнятыр, адя́кэ радынэ́лапэ пал ту́тэ тыро́ Дэвэ́л.

Гиленгири (Соломоно́скири) Гилы́ 7:11

[12] – Яв, миро пирамно́, явэ́н, джа́са пэ́скэ пир фэ́лда; явэ́н, дживаса на́бут (куты́) дрэ гава́.

Гиленгири (Соломоно́скири) Гилы́ 5:1

“Мэ явдём дрэ пэ́скири у́нта (садо), мири́ пхэн, мири́ тэрны́; мэ скэдыём миро мирро мирэ́ приправэнца; мэ хаём пэ́скиро авгинытко сото мирэ́ авгинэса; мэ пиём пэ́скири мол (вино) тхудэса.” “Хан, ми́рэ мало́рэ, пьен, и пьен чалэ́с, мирэ́ пирамнэ [дро́га ми́рэ мануша́лэ-ю.о.]!”

Pritčy 9:6

Мэкэ́н дылныпэ́н, соб (кай) тэ дживэ́н, псирэ́н годьварэ́ дромэ́са.”

Psalmy 76:4

Одо́й Ёв пхагирдя́ сыгна марибны́тка бустя́ (стре́лы) пэ лу́ко вэргэ́ндэ, шчы́то, курта́ла и марибэ́н. Сэ́ла.

Psalmy 76:1

Хоро́скирэ Дирижоро́скэ. Пэ Балытка Струме́нты. Асафоскиро Пса́лмо. Гилы́.

3 Kralip 4:33

И ракирдя́ ёв пал вэша́ кедростыр, со сыс дро Лива́но, кэ исопо, саво́ барьёла вантатыр; ракирдя́ пал мурдалэ́ндэ (жывёлэндэ), и пал чириклендэ, и пал долэндэ, савэ́ ползынэна пир пхув, и пал мачхэндэ.

Isúso 12:1

Акэ, исын кра́лья долэ́ пхувья́кирэ, савэ́н домардэ́ Израилёскирэ чхавэ́ и савэнгири пхув лынэ́ пэ́скэ пир доя́ Иорданоскири риг кэ кхамэскиро ўзгиибэн, Арноноскирэ сыгнонэ рэкицатыр (лэнорьятыр) кэ Ермоноскири бэ́рга и сари́ лошчы́на кэ васто́ко:

Яви́р Зако́но 3:25

Дэ ма́нгэ тэ пириджав и тэ дыкха́в доя́ лачхи́ пхув, сави́ исын пал Иорда́но, и доя́ шука́р бэ́рга и Лива́но.”

4 Kralip 5:12

Нау́што Авана и Фарфаро, рэ́ки (лэня́) Дамаскоскирэ, нанэ фэды́р сарэ́ Израилёскирэ пане́стыр? Нау́што мэ на могиндём тэ обморавпэ дрэ лэ́ндэ и тэ выжужакиравпэ?” И рисия́, и гия́ пэ́скэ холя́са.

Psalmy 72:16

Гива́ явэ́на пхэрдэ́ и бут пир сари́ пхув, пэ вучипэ́н бэргэнгиро; лэ́нгиро баритка явэ́на тэ тринскирэнпэ сыр вэш пэ Лива́но; мануша́ дрэ фо́рья явэ́на тэ лулудён (тэ цвэтинэн) сыр чар пэ пхув.

Psalmy 89:12

Тыро́ исын болыбэ́н и Тыри́ исын пхув, свэ́то и саро́, со́са ёв исын пхэрдо́. Ту зачхудян лэн.

Езэкилё 27:5

Сенироскирэ – кипарисонэ каштэндыр кэрдэ́ ёнэ Тыро́ ґэристо (помосто) ёнэ лэнас кедро Ливаностыр, соб (кай) тэ кэрэ́н пэ ту́тэ мачты;